1 ಯೋಹಾನ 2:19 - ದೇವ್ನಿ ಖ್ಹಾಚಿ ವಚನ್

¹⁹ ಇವ್ಣೆಅಖ್ಖು ಅಪ್ಣ ಖನ್ನೆಥಿ ನಿಕ್ಳಿ ಚ಼ಲೀಗು. ಶನಕತೊ ಇವ್ಣೆ ಖ್ಹಾಚಮಾಬಿ ಅಪ್ಣವಾಳು ಕಾಹೆ. ಇವ್ಣೆ ಅಪ್ಣವಾಳು ರ‍್ಹಿಯುಹೊತ್ತೊ, ಅಪ್ಣಿಜೋಡ್ಮಾಸ್ ರ‍್ಹಿಯುಹೊತ್. ಕತೋಬಿ ಇವ್ಣೆ ಅಪ್ಣೇಥಿ ನಿಕ್ಳಿಗಯುತೆ ಇನಖ್ಹಾಜೆ ಇವ್ಣೆಅಖ್ಖು ಅಪ್ಣವಾಳು ಕಾಹೆಕರಿ ಖ್ಹಾಚೇಥಿ ಮಾಲುಮ್‍ಪಡಸ್.

1 ಯೋಹಾನ 2:19 ပူးပေါင်းရင်းမြစ်များ

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮಾರ್ಕ 13:22

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:13

ಥೋಡು ಅದ್ಮಿ ವಚನ್ನ ಖ್ಹಮಜ಼್‌ತಾಸ್‌ನ, ಖ್ಹುಶಿಥಿ ಇನ ಮಾನಿಲೇಸ್. ಅವ್ಣುನ ಜ಼ಡ್‌ಕೊಂತೆ ಇನಖ್ಹಾಜೆ ಜ಼ರಘಡಿಸ್ ಖಲಿ ನಂಬಸ್‍ ಶೋದನೆನ ಹಗಾಮ್ಮ ಪಡಿಜಾ಼ಸ್‌. ಅವ್ಣೇಸ್ ಬಂಡಾಪರ್ ಪಡ್ಯಾತೆ ಪಂಡಾ ಹುಯಿರ‍್ಹಾಸ್‌.

ಯೋಹಾನ 15:2

ಮಾರಾಮ ರ‍್ಹೀನ್, ಪಂಡು ದೇಯಿಕೊಂತೆ ಹರೇಕ್ ಡಾಳಿನ ಯೋ ಕತ್ರಿನಾಖಸ್‌; ಅಜು಼ ಪಂಡು ದೇಸ್ತೆ ಹರೇಕ್ ಡಾಳಿನ ಬಿಜೂ಼ಬಿ ಜಾ಼ಖ್ಹತ್ ಪಂಡು ದ್ಯವಾನಿಘೋಣಿ ಇನ ಛಾ಼ಟಿನ್ ಪಾಕ್‍ಕರಾಸ್.

ಯೋಹಾನ 4:14

ಕತೋಬಿ ಮೇ ದೆವ್‍ಸ್ತೆ ಪಾಣಿನ ಕೋಣ್ ಪಿಯ್ಯಾಸ್‍ಕಿ ಇವ್ಣುನ ಕದೇಬಿ ಠೋಖ್ಹ್‌ ಲಾಗ್‌ಶೆ ಕೊಯ್ನಿ. ಮೇ ಇನ ದೀಶ್‌ತೆ ಪಾಣಿ ಇವ್ಣಾಮ ಭರೈನ್ ಝ಼ರುಕರ್‌ಶೆ. ಯೋ ಇನ ಹಮೇಶಾನಿ ಜಿ಼ಂದ್‌ಗೀನ ದಿಶೆ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:24

ಹಮಾರಕಂಥು ಆಯುತೆ ಥೋಡಜ಼ಣಾನೆ ಹಮಾರೇಥಿ ಖಿವಿ ಹುಕುಮ್‌ನ ಮಾನ್ಯುಕೊಂತೆ ಇವ್ಣಿ ವಾತೆಥಿ ತುಮರಾಮ ಸಮಾಧಾನ್‌ಕೊಂತೆ ಕರಿನಾಖಿನ್‌, ತುಮಾರ ದಿಲ್ನ ಕಲಾವ್ಣಿ ಕರ‍್ಯುಕರಿ ಹಮೂನ ಮಾಲುಮ್‌ ಪಡ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:30

ಆ ನಾಹುಯಿನ್ ತುಮಾರಿ ಸಬೆಮಾಸ್ ಥೋಡುಜ಼ಣು ದುರ್ಬೊಧನೆ ಕರವಾಳು ಹುಯಿನ್ ಯೇಸುನ ವಿಶ್ವಾಸಿವ್‌ ಥೋಡಜ಼ಣಾನ ಖ್ಹಾಜೇಥಿ ದೂರ್ ಚ಼ಲಾವ್‌ಷೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:6

ಹೈರೂತೆ ದೇವ್ನಿ ವಾತೆ ಗಲತ್‌ ಹುಯ್ಗುಕರಿ ಅಪ್ಣೆ ನಾ ಲಾಜ಼್‌ಣು. ಶನಕತೊ ಇಸ್ರಾಯೇಲ್‌ನು ಖ್ಹಾರುಸ್ ಅದ್ಮಿಬಿ ಇಸ್ರಾಯೇಲ್ವಾಳು ಕಾಹೆ.

1 ಕೊರಿಂಥ 11:19

ಥೋಡುಜ಼ಣು ದೇವ್‍ಥಿ ಯೋಗ್ಯಕರಿ ಬೋಲೈಲ್ಯವಾಳು ಛಾ಼ಕರಿ ದೆಖಾವನಖ್ಹಾಜೆ ತುಮಾರಮ ಬೇಭಾಗ್‌ ಹುವಾನು ಜ಼ರೂರತ್ ಅನೇಥಿ ಕೋಣ್ ಬರಬ್ಬರ್‌ ಛಾ಼ಕರಿ ಮಾಲುಮ್ ಪಡಾಸ್‌.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

2 ತಿಮೊ 2:19

ಶಾತ್ಬಿ ರ‍್ಹವೊ ದೇವ್ನೆ ನಾಖ್ಯೋತೆ ಹದಿಪಾಯ ಯೊ ಘಟ್ ಭೀಯೂಸ್. ಇನಾಪರ್ ಲಿಖೈರ‍್ಹುಸ್ “ಯೋ ಹದಿಪಾಯಪರ್, “ಪ್ರಭು ಇನ ಅದ್ಮಿನ ಮಾಲುಮ್ ಕರಿರಾಖ್ಯೋಸ್”. ಅಜು಼ ಯೋ ಹರೇಕ್ ಜ಼ಣಾನ ಬೋಲಾಸ್ ಹೈರೋತೆ ಪ್ರಭುವಾಳೊ ಹುಯಿರ‍್ಹೋಸ್‍ಕರಿ ಯೊ ಖರಾಬ್ ಕಾಮ್‍ಥಿ ಬಚಾ಼ಡಸ್ ಅಜು಼ ಪ್ರಭುವಾಳೊಕರಿ ಬೋಲಿಲೇಸ್ ಯೊ ಖರಾಬಿಥಿ ಬಚಾ಼ಡಿಲೇವ್ಣು.

2 ತಿಮೊ 3:9

ಕತೋಬಿ ಬಿಜು಼ಖ್ಹಾಮೆ ಇವ್ಣೆ ಭಡಾನ ಕೋ ಉಶೇನಿ. ಶನಕತೊ ಕಿಮ್ ಯನ್ನ ಅಜು಼ ಯಂಬ್ರಾನ ದಿಮಾಕ್‌ಕೊಯ್ನಿ ಕರಿ ಅದ್ಮಿಖ್ಹಾರಾನ ಮಾಲುಮ್‌ ಪಡ್ಯೂಕಿ ಇಮ್ಮಸ್, ಅವ್ಣುನಾಬಿ ದಿಮಾಕ್‌ಕೊಯ್ನಿ ಕರಿ ಖ್ಹಾರಸ್ನ ಮಾಲುಮ್ ಪಡ್‌ಶೆ.

ಇಬ್ರಿ 10:39

ಅಪ್ಣೆತೋಬಿ ಪೀಠೆ ಹಟವಾಳಹುಯಿನ್ ನಾಶ್‍ಹುವಾಳ ಅದ್ಮಿಕಾಹೆ. ಅನಬದಲ್ ವಿಶ್ವಾಸ್‌ ಕರಾವಳಹುಯಿನ್ ರಕ್ಷಣೆ ಲೀಲಾವಳ ಹುಯಿರ‍್ಹಾಸ್.

2 ಯೋಹಾ 1:7

ಶನಕತೊ, ಯೇಸುಕ್ರಿಸ್ತ ಅದ್ಮಿಹುಯಿನ್ ಆಯೊ ಕರಿ ಮಾನಿಲೆಯಿಕೊಂತೆ ಕೆತ್ರುಕ್ಕಿ ಠಗಾರುಖ್ಹಾರು ಜಗತ್‌ಮ ಅಯಿಗು ಅಥ್ರಾನವಾಳುಸ್ ಯೇಸುನ ಮಾನಿಲೆಯಿಕೊಂತೆ ಠಗಾರುಖ್ಹಾರು, ಕ್ರಿಸ್ತವಿರೋದಿ ಖ್ಹಾರು ಹುಯಿರುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:19

ಆ ಅದ್ಮಿವ್‍ಖ್ಹಾರು ಇವ್ಣು ಇವ್ಣೇಸ್ ತನಿಯ ಬಣಿಜಾವವಾಳೂಬಿ, ಮ್ಹಾಮುಲಿ ಆಖ್ಹ್‌ಮಾಬಿ, ದೇವ್ನುಆತ್ಮ ಲೀರಾಖ್ಯುಕೊಂತೆಬಿ ಹುಯಿರ‍್ಹುಸ್.