1 ಕೊರಿಂಥ 9:6 - ದೇವ್ನಿ ಖ್ಹಾಚಿ ವಚನ್

⁶ ನತರ್, ಮ್ಹಿನತ್‌ಕೊಂತೆ ಜಿವ್ಣು ಕರಾನ ಮನಾಬಿ ಬಾರ್ನಬನಾಬಿ ಹಕ್‌ ಕೊಯ್ನಿಕಿ ಶು?

1 ಕೊರಿಂಥ 9:6 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:22

ಆ ವಾತೆ ಯೆರೂಸಲೇಮ್ಮಥೂತೆ ಸಬೆನ ಪೋಚ್ಯು. ಇನಖ್ಹಾಜೆ ಬಾರ್ನಬನ ಅಂತಿಯೋಕ್ಯನ ಬೋಲಿ ಮೋಕ್‍ಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:50

ಕತೋಬಿ ಯೆಹೂದ್ಯರ್ ಖ್ಹಾರು ಥೋಡಿ ಇವ್ಣಿ ಜಾ಼ತ್ನಿ ಭಕ್ತೆ ಶೌಕಾರ್ ತಯೇಡಾವ್‍ನ ಅಜು಼ ಖ್ಹಯೇರ‍್ನ ಗಲ್‌ಢಖ್ಹಾರು ದೇವ್ನ ಆರಾದನೆ ಕರುಕರ್ತುಥು. ಇವ್ಣೆ ಖ್ಹಾರು ಮಳಿನ್ ಪೌಲ ಬಾರ್ನಬನ ಉಪ್ಪರ್ ಇರಾದೊ ಕರ್ನುತೆ ತಿಮ್ ಇವ್ಣುನ ವಹೇರ‍್ಯ ಬಣ್ಣುತೆ ತಿಮ್ ಕರೀನ್, ಪೌಲ ಬಾರ್ನಬನ ಯೊ ತಬರ್‌ಖಾಥು ಭಾರ್‌ ನಖ್ಹಾಡಿದಿದು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:12

ಅದ್ಮಿಖ್ಹಾರಾನೆ, ಬಾರ್ನಬನ ‘ದ್ಯೌಸ್’ ದೇವ್‍ಕರಿಬಿ, ಮುಖ್ಯ ಬೋಧನೆ ಕರಾವಾಳೊ ಥೋತೆ ಪೌಲನ ‘ಹೆರ್ಮೆ’ ದೇವ್‍ಕರಿಬಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:3

ತದೆ ಇವ್ಣೆ ಪೌಲನಿ ಘೋಣಿಸ್ ಡೇರಾನುಘರ್ ಬಣಾವಾಳು ಹುಯಿರ‍್ಹುಥೂತೆ ಇನಖ್ಹಾಜೆ ಇವ್ಣಕೇಡೆ ರ‍್ಹೀನ್, ಇವ್ಣ ಜೋ಼ಡೆ ಕಾಮ್‍ಕರ್ತೊ ಆಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:36

ಅಮ್ನಿಸ್ ಪರಕ್ಮ ಸೈಪ್ರಸ್ ಗಾಮ್ಮ ಪೈದಹುಯೊತೆ ಲೇವಿ ಹುಯಿರೊಥೋತೆ ಯೋಸೇಫಕರಿ ಏಕ್‍ಜ಼ಣೊ ಥೊ. ಇನ ಅಪೊಸ್ತಲ್‌ಖ್ಹಾರು ಬಾರ್ನಬ ಕರಿ ಬೋಲ್ತುಥು. ಇಮ್‍ಕತೊ “ಏಕ್‌ನ ಭಾಲಿ ದ್ಯವವಾಳೊ” ಕರಿ ಅರ್ಥ.

1 ಕೊರಿಂಥ 11:16

ಕತೋಬಿ ಅನಿಬಾರೇಮ ಕೋಣ್‍ತೋಬಿ ಅಬ್ಬಾಜ಼ಬ್ಬಿ ಕರಾನು ರ‍್ಹಿಯುತೊ ಇನ ಮೇ ಅತ್ರೇಸ್ ಬೋಲುಸ್; ಅಥ್ರಾನಿ ಪದತ್ತಿ ಹಮಾರಮ ರ‍್ಹವೊ ಅಜು಼ ದೇವ್ನಿ ಸಬೆವ್‌ಮ ರ‍್ಹವೊ ಕೊಯ್ನಿ.

2 ಕೊರಿಂಥ 11:8

ತುಮಾರಿ ಸೇವೆಕರಾನ ಖ್ಹಾಜೆ ಮೇ ಅಲಕ್ ಸಬೆಥೊ ಮದತ್‍ಲೀನ್ ಇವ್ಣುನ ಗುರ್‌ಕಾವ್‌ತೊ ಹುಯಿನ್ ಇವ್ಣ ಪೈಶಾನ ವಶೂಲ್ ಕರ್ತೊಥೊ.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.