1 ಕೊರಿಂಥ 9:5 - ದೇವ್ನಿ ಖ್ಹಾಚಿ ವಚನ್

⁵ ಕ್ರಿಸ್ತಮ ವ್ಯಹಾ ಹುಯಿರ‍್ಹವಾಳ ವಿಶ್ವಾಸಿ ಭೈನಿ ಬಾವಣ್ಣ ಬುಲೈಲಿನ್ ಚಾ಼ಲ್ವನ ಬಿಜಾ಼ಖ್ಹಾರ ಅಪೊಸ್ತಲನಿತರ ಪ್ರಭುನ ಭೈಯೇನಿತರ ಅಜು಼ ಕೇಫಾನಿಘೊಣಿ ಹಮೂನ ಹಕ್‍ಕೊಯ್ನಿಕಿ ಶು?

1 ಕೊರಿಂಥ 9:5 ပူးပေါင်းရင်းမြစ်များ

ಮತ್ತಾಯ 13:55

ಆ ಯೋ ಖೋಡ್‌ಶಾನು ಖ್ಹಾಮನ್‌ ಕರಾವಾಳಾನೊ ಛಿಯ್ಯೊ ಕಾಹೆಕಿ ಶು? ಅನಿಆಯ ಮರಿಯ ಕಾಹೆಕಿ ಶು? ಯಾಕೋಬ, ಯೋಸೇಫ, ಸೀಮೋನ್‌ ಅಜು಼ ಯೂದ ಅನ ಭೈಯೇ ಕಾಹೆಕಿ ಶು?

ಮತ್ತಾಯ 8:14

ಅನಕೇಡೆಥು ಯೇಸು ಪೇತ್ರಾನ ಘರ್‌ಕನ ಆಯಿನ್, ಹಿಜ್ಜಾ಼ ಇನಿ ಖ್ಹಾಖ್ಹು ತಾವ್ ಐನ್, ಬಿಛಾ಼ವ್ಣಿಪರ್ ಖ್ಹುತಿಥೀತೆ ದೇಖ್ಯೊ.

ಮಾರ್ಕ 1:30

ಹಿಜ್ಜಾ಼ ಸೀಮೋನನಿ ಖ್ಹಾಖ್ಹು ತಾವ್ ಐನ್ ಖ್ಹುತೀಥಿ, ಒಗ್ಗಿಸ್‌ಮ ಇವ್ಣೆ ಇನಿ ಬಾರೇಮ ಯೇಸುನ ಬೋಲ್ಯು.

ಮಾರ್ಕ 6:3

ಆ ಅದ್ಮಿತೊ ಖೋಡ್‌ಶಾನು ಖ್ಹಾಮನ್‌ ಕರಾವಾಳೊನಿ, ಆ ಮರಿಯನೊ ಛಿಯ್ಯೋನಿ, ಯಾಕೋಬ್, ಯೋಸೆ, ಯೂದ ಅಜು಼ ಸೀಮೋನ್ನೊ ಮೋಟೊ ಭೈನಿ? ಅಜು಼ ಅನಿ ಭೇನೆಬಿ ಹಾ಼ಸ್‌ ರ‍್ಹೇಸ್‌ನಿ?” ಕರಿ ಬೋಲಿನ್ ಯೇಸುನ ಝಿಟ್ಕಾರ‍್ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 6:15

ಮತ್ತಾಯ, ತೋಮ, ಅಲ್ಫಾಯನೊ ಛಿಯ್ಯೊ ಯಾಕೋಬ, ಅಜು಼ ಸೀಮೋನ (ದೇಖ್ಹ್‌ನಪ್ಯಾರ್ ಕರಾವಾಳೊ ಕರಿ ಬೋಲೈಲಿದೋತೆ),

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:20

ಹಿಜ್ಜಾ಼ ಥೂತೆ ಇವ್ಣಾಮ ಏಕ್‌ ಜ಼ಣಾನೆ ಯೇಸುನ, “ತಾರಿ ಆಯಾಬಿ ತಾರ ಭೈಯೇ ಅಯಿನ್ ತುನ ದೇಕ್ಣು ಕರಿ, ಭಾರ್‌ ಭಿಯ್ಯುಸ್” ಕರಿ ಬೋಲ್ಯು.

ಯೋಹಾನ 1:42

ಅಜು಼ ಸೀಮೋನ್ನ ಯೇಸುಕನ ಬುಲೈಲಾಯೊ. ಯೇಸುನೆ ಸೀಮೋನ್ನ ದೇಖಿನ್‌, “ತೂ ಯೋಹಾನನೊ ಛಿಯ್ಯೊ ಹುಯಿರ‍್ಹೋತೆ ಸೀಮೋನ್, ಕತೋಬಿ ಹಮ್ಕೆಥು ‘ಕೇಫ’ ಕರಿ ಬೋಲೈಲಿಶ್” ಕರಿ ಬೋಲ್ಯೊ. ‘ಕೇಫ’ ಕತೊ ಪೇತ್ರ ಕರಿ. ಅನಿ ಮತ್‌ಲಬ್ ‘ಚಿಪಾಟ್’.

ಯೋಹಾನ 2:12

ಅನ ಬಾದ್‌ಮ ಯೇಸು, ಇನಿ ಆಯಾ, ಭೈಯೇ ಅಜು಼ ಇನ ಶಿಷ್ಯರ್‌ನಿ ಜೋ಼ಡ್ಮ, ಕಪೆರ್ನೌಮ್ ಕರಿ ಗಾಮ್‌ನ ಜೈ಼ನ್‌, ಥೋಡ ದನ್ ಹಿಜ್ಜಾ಼ ಥಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:14

ಇವ್ಣೆ ಅಖ್ಖುಜ಼ಣು ಏಕ್‍ಮನ್‍ಥಿ ಎಕ್ಟುಹುಯಿನ್ ದೇವ್ನಿ ಪ್ರಾರ್ಥನೆಮ ಥು. ಹಿಜ್ಜಾ಼ ಥೋಡಿಜ಼ಣಿ ತಯೇಡಾಬಿ, ಯೇಸುನಿ ಆಯಾ ಮರಿಯಾಬಿ ಇನ ಭೈಯೇಬಿ ಅಪೊಸ್ತಲರ‍್ನಿ ಜೋ಼ಡ್ಮ ಥೂ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:1

ಅಪ್ಣಿ ಭೇನ್ ಹುಯಿರ‍್ಹೀತೆ ಕೆಂಖ್ರೆಯ ಖ್ಹಯೇರ‍್ನಿ ಸಬೇನಿ ಸೇವಕೀಬಿ ಹುಯಿರ‍್ಹೀತೆ ಪೊಯಿಬೆನಿ ಬಾರೇಮ ತುಮುನ ಖ್ಹಮ್‍ಜಾ಼ಡುಕರೂಸ್.

1 ಕೊರಿಂಥ 1:12

ಕತೊ ತುಮಾರಮ ಏಕ್‍ಜ಼ಣೊ, “ಮೇ ಪೌಲನ ಪೀಠೆ ಜ಼ವುಸ್‌” ಕರಿ ಬೋಲಸ್, ಬಿಜೇಕ್‍ಜ಼ಣೊ “ಮೇ ಅಪೊಲ್ಲೋಸನ ಪೀಠೆ ಜ಼ವುಸ್‌” ಕರಿ ಬೋಲಸ್. ಅಜು಼ ಬಿಜೇಕ್ ಜ಼ಣು, “ಮೇ ಕೇಫನ ಪೇತ್ರನ ಪೀಠೆ ಜವುಸ್‌ ಕರಿ ಬೋಲಸ್. ಅಜೇಕ್‌ಜ಼ಣೊ, “ಮೇ ಕ್ರಿಸ್ತನ ಪೀಠೆ ಜ಼ವುಸ್‌” ಕರಿ ಬೋಲಸ್.

1 ಕೊರಿಂಥ 7:15

ಕತೋಬಿ ಕ್ರಿಸ್ತ ವಿಶ್ವಾಸ್‌ಕೊಂತೆ ಏಕ್‍ಜ಼ಣು ಮ್ಹೇಲಿನ್ ಜಾ಼ವ್ಣುಕರಿ ನಿರ್ಧಾರ್ ಕರ‍್ಯೊತೊ ಯೊ ಪರ್ಖ್ಹೊ ಮ್ಹೇಲಿನ್ ಜ಼ವಾದೆ. ಅಮ್ನಿ ಪರಕ್ ಚಾ಼ಲ್ಯುತೊ ಕ್ರಿಸ್ತಮ ಭೈನ ರ‍್ಹವೊ, ನತರ್ ಭೇನ್ ರ‍್ಹವೊ ಜಿಮ್ಮೆದಾರಿ ಕಾಹೆ. ಸಮಾಧಾನ್‍ಮ ರ‍್ಹೇವ್ಣುಕರಿ ದೇವ್ನೆ ಅಪ್ಣುನ ಬುಲೈರಾಖ್ಯೊಸ್.

1 ಕೊರಿಂಥ 7:39

ಏಕ್‍ಜ಼ಣಿ ತಯೇಡ ಇನೊ ಬಾವ್ರಿ ಬಚಿರ‍್ಹಾವಲಗು ಇನ ಛುಟ್ಕಾರ್‌ವಾಳಿ ಕೊ ಹುಯಿರ‍್ಹಿನಿ. ಬಾವ್ರಿ ಮರಿಗೋತೊ ಯೊ ತಯೇಡ ಹೋಣುತೆ ಇನ ವ್ಯಹಾ ಕರಾನ ಛುಟ್ಕಾರ್ ಹುಯಿರ‍್ಹೇಸ್. ಕತೋಬಿ ಯೋ ಪ್ರಭುನ ವಿಶ್ವಾಸಿ ಹುಯಿರ‍್ಹೇಣು.

1 ಕೊರಿಂಥ 7:7

ಮೇ ರ‍್ಹವಾನಿತರ ಅಖ್ಖೂಸ್ ಅದ್ಮಿಖ್ಹಾರು ರ‍್ಹೇವ್ಣುಕರಿ ಮಾರಿ ಆಖ್ಹ್. ಕತೋಬಿ ದೇವ್ನೆ ಹರೇಕ್‍ನಾಬಿ ವಿಶೇಷ್ ವರ ಮಳಿರ‍್ಹೀಸ್. ಏಕ್‍ಜ಼ಣಾನ ಏಕ್‍ಪರಕ್‍ನಿ ವರ ರ‍್ಹಯೂತೊ ಬಿಜೇಕ್‍ನ ಏಕ್‍ಪರಕ್ನು ವರ ಹುಯಿರ‍್ಹೂಸ್.

1 ಕೊರಿಂಥ 7:8

ಬಿಣ್‍ ವ್ಯಹಾವಾಳು ಅಜು಼ ಮುಂಡಚ್ಚಿಯೇನಿ ಬಾರೇಮ ಮೇ ಬೋಲಾನು ಶಾತ್‍ಕತೊ, ಮೇ ರ‍್ಹವಾನಿಘೋಣಿ ಎಕ್ಲೊ ರ‍್ಹವಾನುಸ್ ಇವ್ಣುನ ಅಛ್ಛು಼.

ಗಲಾತ್ಯ 1:19

ಕತೋಬಿ ಪ್ರಭುನೊ ಭೈಹುಯಿರ‍್ಹಾವಳೊ ಯಾಕೋಬ್ ಕಾಹೆತೆ ಅಪೊಸ್ತಲರ್‌ಮ ಬಿಜು಼ ಕಿನಾಬಿ ಕೊ ದೇಖ್ಯೋನಿ.

1 ತಿಮೊ 3:2

ಸಬೆನ ಚ಼ಲಾವವಾಳೊ ಗಲ್ತಿ ನಾಕರಾವಾಳೊ ಹುಯಿರ‍್ಹೇಣು. ಇನು ಯೋ ದಾಬುಕ್ಮ ರ‍್ಹವಾಳೊ ಹುಯಿರ‍್ಹೇಣು, ಆತ್ಮಾನ ಖ್ಹಮಾಳಿಲ್ಯವಾಳೊ, ಅಛ್ಛಿ ಚಾ಼ಲ್ ಚ಼ಲಣ್‍ಥಿ ರ‍್ಹವಾಳೊ, ಆವವಾಳಾನ ಸ್ವಾಗತ್‌ಕರವಾಳೊ, ಅಜು಼ ವಚನ್ ಶಿಕಾಡಾಮ ಚಾ಼ತುರ್ ಹುಯಿರ‍್ಹೇಣು.

1 ತಿಮೊ 4:3

ಇವ್ಣೆ ವ್ಯಹಾ ಕರಾನು ಗಲತ್‌ ಕರೀಬಿ, ಖ್ಹಣೇದ್ ಕರ‍್ಯುಹುಯು ರಾಛ಼ನ ನಾ ಖಾವ್ಣುಕರಿ ಇವ್ಣೆ ಶಿಕಾಡಸ್. ಕತೋಬಿ ವಿಶ್ವಾಸ್‌ಮ ರ‍್ಹೀನ್, ಖ್ಹಾಚಿನ ಪರ್ಖಿರಾಖ್ಯೂತೆ ಇವ್ಣೆ ಧನ್ಯವಾದ್ ಕರೀನ್, ಯೋ ಖಾಣನ ಖಾವದೆ, ಶನಕತೊ ದೇವ್ನೆ ಖಾವಾನಟೇಕೆಸ್‌ ಯೋ ಖ್ಹಾರು ಬಣೈರಾಖ್ಯೋಸ್ತೆ.

1 ತಿಮೊ 5:2

ಬುಢಿಯಾ ಬಾಯ್ಕಾವ್‌ನ ಆಯಾನಿಮತ್ ಅಜು಼ ಜಾ಼ನ್ಜ಼ಮಾನ್ ತಯೇಡಾವ್‌ನ ಪಾಕ್‌ಮನ್‌ಥಿ ನ್ಹಾನಿ ಭೇನ್ ಮೋಟಿಭೇನೆವ್ನಿ ಮತ್ ದೇಕ್ಣು, ಇವ್ಣ ಜೋ಼ಡೆ ಪಾಕ್‌ಮನ್‌ಥಿ ಚಾ಼ಲಿಲೇವ್ಣು.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:6

ಸಬೇನೊ ಮೋಟೊ ರ‍್ಹವಾಳೊ ನಿರ್ದೋಷಿ ಹುಯಿರ‍್ಹೇಣು, ಇನ ಎಕ್ಕಸ್ ಬಾವಣ್‍ ರ‍್ಹೇವ್ಣು, ಇನ ಲಡ್ಕಾ ವಿಶ್ವಾಸಿ ಹುಯಿರ‍್ಹೇಣು,ಅಜು಼ ಇವ್ಣೆ ಖರಾಬ್ ರ‍್ಹವೊ, ಲಗಾತಿರ‍್ಹೇವೊ ನಾ ಹುಯಿರ‍್ಹೇಣು.

ಇಬ್ರಿ 13:4

ಅಖ್ಖುಜ಼ಣು ವ್ಯಹಾನ ಮರ್ಯಾದಿನುಕರಿ ಗಣ್ತಿಕರ‍್ನು ಅಜು಼ ಬಾವಣ್‍ ಬಾವ್ರಿ ಏಕ್‌ಥಿಏಕ್ ವಿಶ್ವಾಸ್ಮ ರ‍್ಹೇವ್ಣು. ಶನಕತೊ ಪಾಪೇಲವ್ನಬಿ ಅಜು಼ ವ್ಯಬಿಚಾರಿಯೇವ್ನಾಬಿ ದೇವ್ ನ್ಯಾವ್‌ಫೇಡಾವ್‌ಷೆ.