1 ಕೊರಿಂಥ 9:23 - ದೇವ್ನಿ ಖ್ಹಾಚಿ ವಚನ್

²³ ಆ ಅಖ್ಖಾನ ಸುವಾರ್ತೆನಖ್ಹಾಜೇಸ್ ಕರೀನ್. ಮೇ ಬೀಜಾ಼ನಿ ಜೋ಼ಡ್ಮ ಸುವಾರ್ತೆನ ವಾರ್ಖ್ಹಾಮ ಭಾಗ್‍ಲ್ಯವಾನಖ್ಹಾಜೆ ಆ ಅಖ್ಖು ಕರುಕರೂಸ್.

1 ಕೊರಿಂಥ 9:23 ပူးပေါင်းရင်းမြစ်များ

ಮಾರ್ಕ 8:35

ಕೋಣ್‌ತೋಬಿ ಏಕ್‌ ಜ಼ಣು ಇನು ಜಾನ್‌ ಬಚಾ಼ಡಿಲೇವ್ಣು ಕರಿ ಕರ‍್ಯುತೊ, ಯೋ ಇನು ಜಾನ್‌ ಗುಮೈಲಿಶೆ; ಕತೋಬಿ ಮಾರಖ್ಹಾಜೆಬಿ ಅಜು಼ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ, ಕೋಣ್‌ತೋಬಿ ಜಾನ್‌ ದಿದುತೊ, ಯೊ ಇನ ಬಚಾ಼ಡಿಲಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:17

ಖ್ಹಾಚಮಾಬಿ ಫುಟಿರ‍್ಹುತೆ ಆಲಿವ್ ಝಾ಼ಡ್‌ನಿ ಡಾಳಿಯೆ ಟುಟಿಗಯು, ಅಜು಼ ಝಾ಼ಡಿನು ಆಲಿವ್ ಝಾ಼ಡ್‌ನಿ ಡಾಳೀನಿಘೊಣಿ ಹುಯಿರೋತೆ ತುನ ಇನಿ ಝ಼ಗೋಮ ಖಶಿ ಭಾಂದಿರಾಖಾತೆ ಯೋ ಖ್ಹಾಚ ಆಲಿವ್ ರಖ್ಹ್‌ನಿ ಜ಼ಡ್‌ಮ ಯೋ ಭಾಗ್‌ಲೀರಾಖ್ಯುತೊಬಿ ಯೋ ಡಾಳಿಯೇವ್‌ನ ಮ್ಹೇಲಿನ್ ತುನ ಚಿಕಾವನ ಉಪ್ಪರ್ ತೂ ಡಾಳಿನಿಬಾರೇಮ ಭಡೈಲೆನಕೊ.

1 ಕೊರಿಂಥ 9:12

ಅಲ್ಹಾವ್ನ ತುಮಾರಪರ್ ಅತ್ರೆ ಅಧಿಕಾರ್ ರ‍್ಹಿಯುತೊ ಹಮೂನ ಬಿಜು಼ ಕೆತ್ರೆ ಜಾ಼ಖ್ಹತ್ ರ‍್ಹೇಣುನಿ? ಕತೋಬಿ ಹಮೆ ಯೋ ಅದಿಕಾರ್‌ನ ಚ಼ಲಾಯಕೊಯ್ನಿ. ಕ್ರಿಸ್ತನಿ ಸುವಾರ್ತೆ ನಾ ಆಡುಹೋಣುಕರಿ ಆ ಅಖ್ಖಾನ ಖ್ಹಮಾಳಿಲೀದ.

1 ಕೊರಿಂಥ 9:22

ಕಮ್‌ಜೋ಼ರಿವಾಳಾಮ ಇವ್ಣುನ ಕಮೈಕರಾನಖ್ಹಾಜೆ ಕಮ್‌ಜೋ಼ರಿವಾಳಾನಿ ಬೀಚ್ಮ ಮೇಬಿ ಕಮ್‌ಜೋ಼ರಿವಾಳೊ ಹುಯೊ. ಖಿವಿ ತರೀ‌ಖಾಮತೋಬಿ ಥೋಡಾನ ಬಚಾ಼ಡ್‌ಣುಕರಿ ಖ್ಹಾರನಖ್ಹಾಜೆ ಖ್ಹಾರನಿಘೋಣಿ ಹುಯೊ.

1 ಕೊರಿಂಥ 9:24

ಖೇಲ್ನ ಮೈದಾನ್‌ಮ ಕೈಯೇಕ್‌ಜ಼ಣು ನಖ್ಹಾನ ಖೇಲ್ಮ ಭಾಗಿಹುವಾಸ್, ಕತೋಬಿ ಖಲಿ ಏಕ್‍ಜ಼ಣೊ ಜೂತಸ್ ಕರಿ ತುಮೂನ ಮಾಲುಮ್ ಕೊಯ್ನಿಕಿಶು? ಇವ್ಣಿನಿಘೋಣಿ ತುಮೇಬಿ ಇನಾಮ್ ಜುತಾನ ಖ್ಹಾಜೆಕರಿ ಮಿಲಾವೊ.

2 ಕೊರಿಂಥ 2:4

ಮೇ ಅಗಾಡಿ ಏಕ್‍ವಖ್ಹತ್‍ ತುಮುನ ಲೀಖಾನಿ ವಖ್ಹ್‌ತೆ, ಮಾರೊ ದಿಲ್‌ ಘಣು ಕಲಾವ್ಣಿ ಹುಯಿರ‍್ಹುಥು, ಬಿಜು಼ ದುಖ್‍ಥಿಥು. ಮೇ ಆಂಝು಼ನಾಕ್‍ತೊ ಹುಯಿನ್ ತುಮುನ ಲೀಖ್ಯೋತೆ, ತುಮುನ ದುಖ್ ಕರಾವ್ಣು ಕರಿ ಕಾಹೆ, ತುಮುನ ಕೆತ್ರೆ ಪ್ಯಾರ್‌ಕರೂಸ್ ಕರಿ ತುಮೆ ಮಾಲುಮ್ ಕರೀಲೆವ್ಣು ಕರಿ ಎತ್ರೇಸ್.

ಗಲಾತ್ಯ 2:5

ಸುವಾರ್ತೆನು ಖ್ಹಾಚು಼ ತುಮಾರಮ ಘಟ್ ರ‍್ಹೇವ್ಣುಕರಿ ಹಮೆ ಇವ್ಣಿ ಅಧೀನ್‌ಮ ಏಕ್‌ ಘಡೀಬಿ ಕೊದಿದಾನಿ.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

2 ತಿಮೊ 2:6

ಪಿಕಾವಸ್ತೆ ಅನಾಜ಼್‌ಮ ಪಹಿಲು ಭಾಗ್‌ ಮ್ಹಿನತ್ ಕೋಣ್ ಕರಾಸ್ಕಿ ಇವ್ಣುನಸ್ ಜಾ಼ವ್ಣು.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.

ಇಬ್ರಿ 3:14

ಶನಕತೊ ಪಹಿಲೆಥೂ ಖ್ಹರ್ತಿಲಗೂಬಿ ಭರೋಖ್ಹಾನ ಘಟ್‌ರಾಖ್ಯಾತೊ ಅಪ್ಣೆ ಕ್ರಿಸ್ತನ ಗಳ್‌ಜೋ಼ಡ್ಮ ಭಾಗ್‌ಲ್ಯವಾಳ ಹುಯಿರ‍್ಹಿಷು.

1 ಪೇತ್ರ 5:1

ಸಭೆನ ಶಾಣವೊ, ಜೋಡ್ಮಶಾಣೊ ಹುಯಿರ‍್ಹೋತೆ ಮೇ ಕ್ರಿಸ್ತನು ಖ್ಹತಾಪ್ಣಿ ಡೋಳೇಥಿ ದೇಖೆಹುಯೊ. ಅಜು಼ ಆವ್‌ಶೇತೆ ಮಹಿಮೆಮ ಭಾಗ್‌ವಾಳೊ ಹುಯಿನ್ ತುಮುನ ಹುಮ್ಮಖ್ಹ್‌ದೀನ್ ಶಾತ್‌ ಬೋಲಿಲೆವುಸ್‌ಕತೊ,

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.