1 ಕೊರಿಂಥ 9:22 - ದೇವ್ನಿ ಖ್ಹಾಚಿ ವಚನ್

²² ಕಮ್‌ಜೋ಼ರಿವಾಳಾಮ ಇವ್ಣುನ ಕಮೈಕರಾನಖ್ಹಾಜೆ ಕಮ್‌ಜೋ಼ರಿವಾಳಾನಿ ಬೀಚ್ಮ ಮೇಬಿ ಕಮ್‌ಜೋ಼ರಿವಾಳೊ ಹುಯೊ. ಖಿವಿ ತರೀ‌ಖಾಮತೋಬಿ ಥೋಡಾನ ಬಚಾ಼ಡ್‌ಣುಕರಿ ಖ್ಹಾರನಖ್ಹಾಜೆ ಖ್ಹಾರನಿಘೋಣಿ ಹುಯೊ.

1 ಕೊರಿಂಥ 9:22 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:14

ಕಿಮ್‌ಕತೊ ಮೆ ಮಾರಶೊಂತ್ ಅದ್ಮಿಯೆವ್‌ಮ ಬಳಾಪನ ಜಾ಼ಖ್ಹತ್ ಕರೀನ್ ಇವ್ಣಮ ಥೋಡಜ಼ಣಾನ ತೋಬಿ ರಕ್ಷಣೆಮ ಲ್ಯಾವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:1

ವಿಶ್ವಾಸ್‌ಮ ಕಮ್‍ಜೋ಼ರಿ ರ‍್ಹವಳಾನ ತುಮಾರಿ ಝೂ಼ಂಡ್‌ಮ ಮಳೈಲೇವೊ. ಕತೋಬಿ ಇವ್ಣಿ ಶೊಂತ್‍ ಖ್ಹೂಜ಼್‌ನಿ ಬಾರೇಮ ಅಬ್ಬಾಜ಼ಬ್ಬಿ ನಕೊ ಕರೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:2

ಅಜು಼ ಏಕ್‍ಜ಼ಣಾನಿ ವಿಶ್ವಾಸ್ ಖ್ಹಾರುಸ್ ಥರಾನು ಖಾಣುಖಾವಾನಿತರ ಕರಸ್. ಕತೋಬಿ ವಿಶ್ವಾಸ್‌ಮ ಕಮ್‍ಜೋ಼ರಿ ರ‍್ಹವಾಳು ಭಾಜಿಪಾಲೊ ಖಾವಾಳೋಸ್ ಹುಯಿರ‍್ಹೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:1

ವಿಶ್ವಾಸ್ಮ ಘಟ್‌ಹುಯಿರ‍್ಹಾತೆ ಅಪ್ಣೆ ಕಮ್‍ಜೋ಼ರಿವಾಳನು ಭೋಜ಼್‌ನ ಖ್ಹಮಾಳಿರ‍್ಹವಾಳ ಹುಯಿರ‍್ಹಿನ್ ಇನಾಮ ಅಪ್ಣು ಅಪ್ಣೆಸ್ ಕಮ್‍ಠೋಕಿಲ್ಯವಾಳ ನಾಹುಯಿರ‍್ಹೇವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:2

ಅಪ್ಣಾಮ ಹರೇಕ್‍ಜ಼ಣು ಇನ ಭೀಡೆವಾಳನು ಭಕ್ತಿನ ಭಡಾವಾನಖ್ಹಾಜೆ, ಆಖ್ಹ್‌ಕರಿನ್ ಅಪ್ಣ ಭೈಯೇ ಭೇನೇನ ಅಛ್ಛಾ಼ನಖ್ಹಾಜೆ ಕಮ್‍ಠೋಕವಾಳ ಹುಯಿರ‍್ಹೇಣು.

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

1 ಕೊರಿಂಥ 7:16

ಅಲಿ ವಿಶ್ವಾಸಿ ಬಾವಣ್‍ ತೂ ತಾರ ಬಾವ್ರಿನ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌? ಅಲ ವಿಶ್ವಾಸಿ ಬಾವ್ರಿ, ತೂ ತಾರಿ ಬಾವಣ್ಣ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌?

1 ಕೊರಿಂಥ 8:13

ಇನಖ್ಹಾಜೆ ಖಾವಾನು ರಾಛು಼ ಮಾರ ಭೇನೆ ಭೈಯೇನ ಪಾಪ್ ಹುವಾನುರ‍್ಹಿಯೂತೊ ಅಜು಼ ಮೇ ಕದೇಬಿ ಬೋಟಿನ ಕೋ ಖೈಶ್‍ನಿ,ಅಮ್ ಮೇ ಇವ್ಣುನ ಪಾಪ್ ಕರಾನ ಕಾರಣ್ ನಾಹೊಣು.

1 ಕೊರಿಂಥ 9:19

ಮೇ ಅಖ್ಖಿ ವಿಚಾರ್‌ಮ ಛುಟ್ಕಾರ್ ಹುಯಿರ‍್ಹತೋಬಿ ಘಣುಜ಼ಣಾನ ಮಾರಿ ಕಬ್‌ಜಾ಼ಮ ರಾಕ್ಣುಕರಿ ಮೇ ಅಖ್ಖಾನ ದಾಸಹುಯೊ.

1 ಕೊರಿಂಥ 9:23

ಆ ಅಖ್ಖಾನ ಸುವಾರ್ತೆನಖ್ಹಾಜೇಸ್ ಕರೀನ್. ಮೇ ಬೀಜಾ಼ನಿ ಜೋ಼ಡ್ಮ ಸುವಾರ್ತೆನ ವಾರ್ಖ್ಹಾಮ ಭಾಗ್‍ಲ್ಯವಾನಖ್ಹಾಜೆ ಆ ಅಖ್ಖು ಕರುಕರೂಸ್.

2 ಕೊರಿಂಥ 11:29

ಏಕ್‌ ಜ಼ಣೊ ಕಮ್‍ಜೋ಼ರಿ ಹುಯಿರೊತೊ, ಇನ ಜೋ಼ಡ್ಮ ಮೇಬಿ ಕಮ್‍ಜೋ಼ರಿನೋಸ್. ಏಕ್‌ ಜ಼ಣೊ ಪಾಪ್ನ ಬಲಿಹುಯೊತೊ ಮೇ ಪಶ್‍ತೈಶ್ ಕೊಯಿನ್ತೆ ರ‍್ಹಿಶ್‍ಕೊಯ್ನಿ.

ಗಲಾತ್ಯ 6:1

ಭೈಯೇ ಭೇನೆವೊ ತುಮಾರಮ ಕೋಣ್‌ತೋಬಿ ಖಿವುತೋಬಿ ಪಾಪ್‌ಮ ಖ್ಹಪ್ಡಿ ರ‍್ಹಯೂತೊ ಎಥ್ರಾನವಾಳನ ಆತ್ಮಥಿ ಭರೈರ‍್ಹಾವಳ ತುಮೆ ಧೀಮೆಥಿ ಬೋಲಿನ್ ಬರೋಬರ್ ಕರೊ. ತುಮೆತೋಬಿ ಶೋದನೆಮ ನಾಪಡ್ನುತೆ ಇಮ್‌ ತುಮಾರಿ ಬಾರೇಮ ಜ಼ತನ್ ರ‍್ಹವೊ.