1 ಕೊರಿಂಥ 9:20 - ದೇವ್ನಿ ಖ್ಹಾಚಿ ವಚನ್

²⁰ ಯೆಹೂದ್ಯವಾಳನ ಕಮೈಕರಾನಖ್ಹಾಜೆ ಯೆಹೂದ್ಯರ್‌ನ ಮೇ ಯೆಹೂದ್ಯವಾಳೊ ಹುಯೊ. ಮೆ ಧರ್ಮಶಾಸ್ತ್ರನ ಅಧೀನ್‍ ನಾ ಹುಯೊತೋಬಿ, ಧರ್ಮಶಾಸ್ತ್ರನ ಕಬ್‌ಜಾ಼ಮ ರ‍್ಹವಳಾನ ಕಮೈಕರಿಲ್ಯವಾನಖ್ಹಾಜೆ ಇವ್ಣಖ್ಹಾಜೆ ಧರ್ಮಶಾಸ್ತ್ರನ ಅಧೀನ್ ಹುವಾಳನಿತರ ಹುಯೊ.

1 ಕೊರಿಂಥ 9:20 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:3

ಪೌಲ ತಿಮೊಥೆನ ಇನಕೇಡೆ ಬುಲೈಲಿನ್ ಜಾ಼ವ್ಣುಕರಿ ಇಷ್ಟಕರ‍್ಯೊ. ಯೊ ಝ಼ಗೋಮ ಥೋತೆ ಯೆಹೂದ್ಯರ್‌ನ ತಿಮೊಥೆನೊ ಬಾ ಗ್ರೀಕ್‍ನೊಕರಿ ಮಾಲುಮ್‌ಥೂತೆ ಇನಖ್ಹಾಜೆ ಇನ ಖ್ಹತ್ನ ಕರಾಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:18

ಪೌಲ ಕೈಏಕ್ ದನ್‌ಲಗು ವಿಶ್ವಾಸಿ ಭಯೇನಿ ಜೋ಼ಡ್ಮಾಸ್ ಥೊ. ಅನಕೇಡೆಥು ಪ್ರಿಸ್ಕಿಲ್ಲ ಅಜು಼ ಅಕ್ವಿಲನ ಜೋ಼ಡೆ ಜ಼ಹಾಜ಼್ ಚ಼ಢೀನ್ ಸಿರಿಯಾನ ನಿಕ್‌ಳ್ಯೊ. ಇನ ದೀಕ್ಷೆಥೂತೆ ಇನಖ್ಹಾಜೆ ಕೆಂಖ್ರೆಯ ಖ್ಹಯೇರ್‌ಮ ಮುಡ್‌ಕ್ಯಾನ ಕೇಖ್ಹ್‌ ಕಡಾಯೊ.ಶನಕತೊ ಯೋ ಶಪತ್ ಕರಿರಾಖ್ಯೊಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:14

ಕಿಮ್‌ಕತೊ ಮೆ ಮಾರಶೊಂತ್ ಅದ್ಮಿಯೆವ್‌ಮ ಬಳಾಪನ ಜಾ಼ಖ್ಹತ್ ಕರೀನ್ ಇವ್ಣಮ ಥೋಡಜ಼ಣಾನ ತೋಬಿ ರಕ್ಷಣೆಮ ಲ್ಯಾವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:19

ಧರ್ಮಶಾಸ್ತ್ರ ಶಾತಸ್ ಬೋಲ್ಯುತೋಬಿ ಧರ್ಮಶಾಸ್ತ್ರನ ಮಹಿರ‍್ಹಾವಾಳನಸ್ ಸಂಬಂದ್‍ಪಡಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಮ್ ಖ್ಹಾರಾಸ್‍ನು ಮ್ಹೋಡು ಖ್ಹೊಪೊ ಹುಯಿಜಾ಼ಶೆ. ಅಜು಼ ಜಗತ್‍ಖ್ಹಾರು ದೇವ್ನ ನ್ಯಾವ್‍ನತೀರ್ಪ್‌ನ ದನ್ಮ ಗಣ್ತಿದೆವ್ಣು ಪಡ್‌ಶೆ.

ಗಲಾತ್ಯ 2:19

ಮೇತೋಬಿ ದೇವ್ನಖ್ಹಾಜೆ ಬಚಿರ‍್ಹಾವನಖ್ಹಾಜೆ ಧರ್ಮಶಾಸ್ತ್ರಮಾಥೊ ಧರ್ಮಶಾಸ್ತ್ರನ ಭಾಗ್ನ ಮರ‍್ಯೊಹುಯೊ ಹುಯಿರೊಸ್. ಇನಖ್ಹಾಜೆ ಮೇ ಜಿನು ಕ್ರಿಸ್ತಾನಿಜೋ಼ಡ್ಮ ಶಿಲ್‌ಬೆಪರ್ ಘಲೈಗಯೊ ಹುಯೊ ಹುಯಿರೊಸ್.

ಗಲಾತ್ಯ 4:21

ಧರ್ಮಶಾಸ್ತ್ರನ ಹೇಟಹುಯಿನ್ ಚಾ಼ಲಾನ ಹರ್ಖ್ಹವಾಳ, ಧರ್ಮಶಾಸ್ತ್ರ ಶಾತ್‌ ಬೋಲುಕರಸ್ ಕರಿ ತುಮೆ ಖ್ಹಮ್‌ಜ್ಯ ಕೊಯ್ನಿಕಿಶು? ಮನ ಜ಼ವಾಬ್ ದೇವೊ.

ಗಲಾತ್ಯ 4:5

ಅನೇಥಿ ಯೊ ಧರ್ಮಶಾಸ್ತ್ರನಿ ಚ಼ಪ್ಪಣ್‌ಮ ರ‍್ಹವಾಳನ ಛೋ಼ಡಾವ್ಣುಕರಿ ಆಯೊ. ಅನಖ್ಹಾಜೇಥಿ ಅಪ್ಣೆ ದೇವ್ನ ಲಡ್ಕಾ ಹುಯ.

ಗಲಾತ್ಯ 5:18

ಕತೋಬಿ ತುಮೆ ಆತ್ಮಾಥಿ ಚ಼ಲೈಲಾವಳ ರ‍್ಹಯಾತೊ ಧರ್ಮಶಾಸ್ತ್ರನಿ ಚ಼ಪ್ಪಣ್‌ಮ ಕೊಯ್ನಿ.