1 ಕೊರಿಂಥ 9:19 - ದೇವ್ನಿ ಖ್ಹಾಚಿ ವಚನ್

¹⁹ ಮೇ ಅಖ್ಖಿ ವಿಚಾರ್‌ಮ ಛುಟ್ಕಾರ್ ಹುಯಿರ‍್ಹತೋಬಿ ಘಣುಜ಼ಣಾನ ಮಾರಿ ಕಬ್‌ಜಾ಼ಮ ರಾಕ್ಣುಕರಿ ಮೇ ಅಖ್ಖಾನ ದಾಸಹುಯೊ.

1 ಕೊರಿಂಥ 9:19 ပူးပေါင်းရင်းမြစ်များ

ಮತ್ತಾಯ 18:15

ತಾರೊ ಭೈ ತಾರಿ ವಿರೋದ್ ಗಲತ್‌ ಕರ‍್ಯೋತೊ, ತೂ ಜೈ಼ನ್, ಯೋ ಎಕ್ಲೋಸ್ ರ‍್ಹವಾನಿ ವಖ್ಹತ್‌ಮ, ಇನಿ ಗಲ್ತಿನ ಇನ ಬೋಲಿವತಾಳ್. ಯೋ ತಾರಿ ವಾತೇನ ಖ್ಹಮ್‌ಜಿಗಯೋತೊ ತಾರ ಭೈನ ತೂ ಪಾಛೊ಼ ಕಮೈಲಿದೊ ಕರಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:14

ಮೇ ಗ್ರೀಕ್‍ವಾಳನಾಬಿ ಅಜು಼ ಅಲಕ್‌ಅದ್ಮಿವೊನಾಬಿ ಅಕ್ಲಿನಾಬಿ, ಬಿಣ್‌ಖ್ಹೈಲಿನಾಬಿ ಫೇಡ್ನುತೆ ಏಕ್‌ ಕರ್ನಿ ಮಾರಪರ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:14

ಕಿಮ್‌ಕತೊ ಮೆ ಮಾರಶೊಂತ್ ಅದ್ಮಿಯೆವ್‌ಮ ಬಳಾಪನ ಜಾ಼ಖ್ಹತ್ ಕರೀನ್ ಇವ್ಣಮ ಥೋಡಜ಼ಣಾನ ತೋಬಿ ರಕ್ಷಣೆಮ ಲ್ಯಾವ್ಣು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:2

ಅಪ್ಣಾಮ ಹರೇಕ್‍ಜ಼ಣು ಇನ ಭೀಡೆವಾಳನು ಭಕ್ತಿನ ಭಡಾವಾನಖ್ಹಾಜೆ, ಆಖ್ಹ್‌ಕರಿನ್ ಅಪ್ಣ ಭೈಯೇ ಭೇನೇನ ಅಛ್ಛಾ಼ನಖ್ಹಾಜೆ ಕಮ್‍ಠೋಕವಾಳ ಹುಯಿರ‍್ಹೇಣು.

1 ಕೊರಿಂಥ 10:29

ಕತೋಬಿ ಆ ತುಮಾರು ದಿಲ್ನಿಸಾಕ್ಷಿ ಕರಿ ಮೇ ಬೋಲುಕರುಕೊಯ್ನಿ. ರ‍್ಹಯುತೋಬಿ ಬಿಜೇಕ್‍ಜ಼ಣು ಇನ ಖಾವಾನು ಬರೋಬರ್ ಕರಿ ಮಾಲುಮ್ ಕರಿರಾಖ್ಯುತೆ ಇನಖ್ಹಾಜೆ ಇನಿ ದಿಲ್ನಿ ಸಾಕ್ಷಿನಖ್ಹಾಜೆ ಇವ್ಣಿ ಛುಟ್ಕಾರ್‌ನ ಶನ ತೀರ್ಪ್‌ ಹೋಣು?

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

1 ಕೊರಿಂಥ 7:16

ಅಲಿ ವಿಶ್ವಾಸಿ ಬಾವಣ್‍ ತೂ ತಾರ ಬಾವ್ರಿನ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌? ಅಲ ವಿಶ್ವಾಸಿ ಬಾವ್ರಿ, ತೂ ತಾರಿ ಬಾವಣ್ಣ ಬಚಾ಼ಡಿಲಿಶ್‍ಕರಿ ತುನ ಕಿಮ್ ಮಾಲುಮ್‌?

1 ಕೊರಿಂಥ 9:1

ಮೇ ಛುಟ್ಕಾರ್ ಕಾಹೆಕಿ ಶು? ಮೇ ಅಪೊಸ್ತಲ ಕಾಹೆಕಿ ಶು? ಮಾರೊ ಪ್ರಭು ಯೇಸುನ ದೇಖ್ಯೊಹುಯೊ ಕೊಯ್ನಿಕಿಶು? ಮೇ ಪ್ರಭುಮ ಕರ‍್ಯೊತೆ ಪ್ರಚಾರ್‌ನಿ ಖ್ಹಣೇದ್ ತುಮೇಸ್ ಕಾಹೆಕಿಶು?

2 ಕೊರಿಂಥ 12:14

ಹಮ್ಕೆ ತುಮುನ ತೀನ್ನೆ ಹಲ್ಲಾ ಮಳಾನ ತಯಾರ್ ಹುಯಿರ‍್ಹೋಸ್ ಕತೋಬಿ ಮೇ ತುಮುನ ಭೋಜ಼್‌ ಕೊಹುಯಿರಿಷ್ನಿ. ತುಮಾರಿ ಶೊತ್‍ಮ ಖಿವೂಬಿ ಮನ ಹೋಣುಕೊಯ್ನಿ. ಮನ ಹೋಣುತೆ ತುಮೇಸ್. ಲಡ್ಕಾ ಆಯ ಬಾನ ಖ್ಹಾಜೆ ಪೈಶ ಜ಼ಮಾಕರೀನ್ ದೆವ್ಣು ಕೊಯ್ನಿ. ಆಯ ಬಾ ಲಡ್ಕನಖ್ಹಾಜೆ ಪೈಶ ಜ಼ಮಕರಿ ಮ್ಹೇಲಸ್.

2 ಕೊರಿಂಥ 4:15

ಆ ಖ್ಹಾರು ತುಮಾರು ನಫ್ಪಾನ ಖ್ಹಾಜೆಸ್. ಅಮ್ ದೇವ್ನಿ ವಾರ್‌ಖ್ಹೊ ಜಾ಼ಖ್ಹತ್, ಜಾ಼ಖ್ಹತ್ ಅದ್ಮಿನ ದೆವಾವ್‌ಶೆ ಇನಾಖ್ಹಾಜೆಥಿ, ಘಣು ಘಣು ಅದ್ಮಿ ದೇವ್ನಿ ಮಹಿಮೆನಖ್ಹಾಜೆ ಧನ್ಯವಾದ್‍ನಿ ಸ್ತುತಿ ಕರ್ಶೆ.

2 ಕೊರಿಂಥ 4:5

ಅಪ್ಣುನ ಅಪ್ಣೆಸ್ ಪ್ರಚಾರ್ ನಾಕರ‍್ನುತೆ ಅಪ್ಣುನ ಯೇಸುನ ಖ್ಹಾಜೆ ತುಮಾರ ದಾಸಕರಿ ಬೋಲಿನ್ ಕ್ರಿಸ್ತ ಯೇಸುನಾಸ್ ಪ್ರಭುಕರಿ ಬೋಲೆಸ್.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

ಗಲಾತ್ಯ 5:13

ಭೈಯೇ ಭೇನೆವೊ, ತುಮೆ ಛುಟ್ಕಾರ್‌ಥಿ ರ‍್ಹೇವ್ಣುಸ್‌ಕರಿ ದೇವ್ನೆ ತುಮುನ ಬುಲಾಯೊ. ಕತೋಬಿ ತುಮುನ ಛಾ಼ತೆ ಛುಟ್ಕಾರ್‌ನ ಶರೀರ್‌ನ ಇಛ್ಛಾನಿ ಪರಕ್ಮ ಉಪಯೋಗ್‌ ನಾಕರ‍್ನುತೆ, ಪ್ಯಾರ್‌ಥಿ ಏಕ್‌ಥಿ ಏಕ್‌ ಸೇವೆಕರೊ.

1 ತಿಮೊ 4:16

ತಾರಿ ಜಿವ್ಣು ಅಜು಼ ಬೋಧನೆಪರ್ ವಿಶೇಷ್‌ಥಿ ಖ್ಹಯಾಲ್ ರಾಕ್. ಆ ಅಖ್ಖಾನ ಕರ್ತೊಸ್ ರ‍್ಹೇ, ಶನಕತೊ ತೂ ಕರ್ತೊ ರ‍್ಹಿಯೋತೊ ಅನೇಥಿ ತೂ ತುನಾಸ್ ಅಜು಼ ಕೋಣ್ ಆ ವಾತ್ನ ಖ್ಹಮ್‌ಜಾ಼ಸ್ಕಿ ಇವ್ಣುನಾಬಿ ಬಚಾ಼ಡಿಶ್.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

1 ಪೇತ್ರ 3:1

ಇಮ್ನಿಸ್ ಪರಕ್ಮ ಬಾವ್ಣೆವೊ, ತುಮಾರ ಬಾವ್ರಿನಿ ದಾಬುಕ್ಮ ರ‍್ಹವೊ. ಇವ್ಣಾಮ ಥೋಡುಜ಼ಣು ದೇವ್ನಿ ವಚನ್ನ ಅವಿಧೇಯ ಹುಯಿರೂತೋಬಿ, ತುಮಾರ ಅಛ಼್ಛ ಕಾಮ್ನ ದೇಖಾಥೀಸ್ ಇವ್ಣೆ ವಿಶ್ವಾಸ್‌ಮ ಆವಾನಿತರ ಉಶೆ. ಇನಾಖ್ಹಾಜೆ ತುಮೆ ಏಕ್‌ ವಾತ್‍ಬಿ ಬೋಲ್ನುನಾತೆ ರ‍್ಹವಾನು ಜ಼ರೂರತ್ ಛಾ಼.