1 ಕೊರಿಂಥ 9:17 - ದೇವ್ನಿ ಖ್ಹಾಚಿ ವಚನ್

¹⁷ ಮೇ ಶೊಂತ್‍ ಮರ್ಜಿಥಿ ಆ ಕಾಮ್‍ಕರ‍್ಯೊಹೊತ್ತೊ ಮನ ಪ್ರತಿಫಲ್ ಮಳ್‍ಶೆ; ಕತೋಬಿ ಮೇ ಕರ್ನುಸ್‌ಕರಿ ಮೇ ಕರ‍್ಯೊ.

1 ಕೊರಿಂಥ 9:17 ပူးပေါင်းရင်းမြစ်များ

ಮತ್ತಾಯ 10:41

ಪ್ರವಾದಿನ, ಆ ಪ್ರವಾದಿ ಕರಿ ಸ್ವಾಗತ್‍ಕರೀನ್ ಬುಲೈಲೆವಾಳಾನ, ಪ್ರವಾದಿನ ಆವ್‌ಶೇತೆ ಇನಾಮ್ ಲೀಲಿಶೆ. ಅಜು಼ ಧರ್ಮಿನ, ಯೋ ಏಕ್‌ ಧರ್ಮಿಕರಿ ಬುಲೈಲೆವಾಳಾನ, ಧರ್ಮಿನ ಆವ್‌ಶೇತೆ ಇನಾಮ್ ಮಳ್‌ಶೆ.

ಮತ್ತಾಯ 24:25

ಖ್ಹಮ್‍ಜೊ! ಮೇ ತುಮೂನ ಆ ಖ್ಹಾರು ಚಾ಼ಲಾನ ಅಗಾಡಿಸ್ ಇನಿ ಬಾರೇಮ ಬೋಲಿರಾಖ್ಯೊಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:42

ಯೇಸುನೆ ಶಾತ್‍ಬೋಲ್ಯೊಕತೊ, ವೇಳ್‍ವೇಳ್ನ ಹೋಣುತೆ ಯೊ ಜಿನಖ್ಹ್‌ನ ಮಾಪಿನ್‌ ದ್ಯವಾನಖ್ಹಾಜೆ ಯಜಮಾನ್ನೆ ಇನ ಘರ್‌ಮ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲೀಬಿ ಹುಯಿರೋತೆ ಘರ‍್ನೊಸೇವಕ ಕೋಣ್?

ಯೋಹಾನ 4:36

ವ್ಹಾಡವಾಳನ ಹಮ್ಕೆಸ್‌ ಕೂಲಿ ಮಳ್‌ಶೆ ಅಜು಼ ಯೋ ಹಮೇಶಾನಿ ಜಿ಼ಂದ್‌ಗೀನಖ್ಹಾಜೆ ಅನಾಜ಼್‌ನ ಜ಼ಮ ಕರಾಸ್. ಅಮ್ ಪಿಕಾವವಾಳಾನ ಅಜು಼ ವ್ಹಾಡವಾಳಾನ ಭೇನ ಎಕ್ಕದಮ್‌ ಖ್ಹುಶಿ ಉಷೆ.

1 ಕೊರಿಂಥ 3:14

ಏಕ್‌ಜ಼ಣಾನೆ ಯೋ ತಳಹದಿಪರ್‌ ಭಾಂದಿಹುಯು ಬಚಿರ‍್ಹಯುತೊ ಯೋ ಭಾಂದವಾಳನ ಪ್ರತಿಫಲ್ ಮಳ್‌ಶೆ.

1 ಕೊರಿಂಥ 3:8

ಪಂಡಾನ ಗಾಡವಾಳು ಅಜು಼ ಪಾಣಿ ನಾಖಾವಾಳನಿ ಖ್ಹೂಜ಼್ ಎಕ್ಕಸ್ ಹುಯಿರ‍್ಹೀಸ್. ಕತೋಬಿ ಹರೇಕ್ನ ಇವ್ಣಿ ಮ್ಹಿನತ್‌ನಿ ಘೋಣಿ ಇವ್ಣುನ ಪ್ರತಿಫಲ್ ಮಳಸ್.

1 ಕೊರಿಂಥ 4:1

ಅಪ್ಣೊ ಕ್ರಿಸ್ತ ಯೇಸುನೊ ಸೇವಕ್ ಕರೀಬಿ ದೇವ್ನೆ ಇನು ಲಪಿರ‍್ಹವಾನು ಖ್ಹಾಚ಼ನ ಅಪ್ಣುನ ದೇಖಿಲ್ಯವಾಳಾಬಿ ಕರೀಬಿ ಗಣ್ತಿಮಲೆವ್ಣು.

1 ಕೊರಿಂಥ 9:16

ಮೇ ಸುವಾರ್ತೆನ ಬೋಲ್ಯೊತೋಬಿ ಖ್ಹರಾವನು ಶಾತ್‌ಕೊಯ್ನಿ; ಯೊ ಬೋಲಾನು ಮಾರಿ ಜಿಮ್ಮೆದಾರಿ. ಮೇ ಸುವಾರ್ತೆನ ನಾ ಬೋಲ್ಯೊತೊ ಮಾರಿ ಹಾಲ್ನ ಶಾತ್‌ಕರಿ ಬೋಲು!

1 ಕೊರಿಂಥ 9:18

ಇಮ್‍ಕತೊ ಮನ ಮಳಾತೆ ಇನಾಮ್ ಶಾತ್? ಮೇ ಸುವಾರ್ತೆನ ಬೋಲಾನಿ ವಖ್ಹ್‌ತೆ ಇನೇಥಿ ಮಳಾತೆ ಪ್ರತಿಫಲ್‌ನಿ ಹಕ್‌ನ ಲೇಯಿಕೊಂತೆ ಇನ ಫುಗಟ್ಮ ಬೋಲನುಸ್ ಮನ ಮಳ್ಯುತೆ ಪ್ರತಿಫಲ್ ಹುಯಿರ‍್ಹುಸ್.

2 ಕೊರಿಂಥ 8:12

ಏಕ್‍ಜ಼ಣೊ ದ್ಯವಾನೊ ದಿಲ್‍ರ‍್ಹಿನ್ ಯೋ ಇನ ದಿಲ್ನಿ ಅನುಸಾರ್ ದಿದೊತೊ ತುಮಾರು ದಾನ್ ಸ್ವೀಕಾರ್ ಹುಯಿರ‍್ಹಿಶೆ; ಇನ ದೇವ್‍ಥಿ ಲ್ಹಾಯೇಕ್ ಮಳ್‍ಶೆ.

ಗಲಾತ್ಯ 2:7

ಕತೋಬಿ ಖ್ಹತ್ನಕರೈಲ್ಯವಾಳಾನ ಸುವಾರ್ತೆನ ಬೋಲಿ ವತಾಳನು ಕಾಮ್ ಪೇತ್ರಾನ ಕಿಮ್ ದೆವಾಯುಕಿ, ಇಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ಯೊ ಬೋಲಿ ವತಾಳನು ಕಾಮ್ ಮನ ದೆವಾಯು.

ಕೊಲೊಸ್ಸೆ 1:25

ದೇವ್ನಿ ಖ್ಹೂಜ಼್‌ನಿತರ ತುಮಾರ ಫಾಯಿದಾನಖ್ಹಾಜೆ ಮನ ದೆವಾಯುತೆ ದೇವ್ನ ಕಾಮ್ನು ಜಿಮ್ಮೆದಾರಿ ಕಿಮ್ಕಿತಿಮ್ ದೇವ್ನು ವಚನ್ನ ತುಮುನ ಬೋಲಾನ ಮೇ ಸಬೇನ ಸೇವಕ್ ಹುಯೊ.

1 ಥೆಸ 2:4

ಅನಬದಲ್ ದೇವ್ ಕದೇಬಿ ಶನ ಲ್ಹಾಯಕ್ ಕರಸ್ಕಿ ಇನಾಸ್ ಅಪ್ಣೆ ಬೋಲಿಯೇಸ್. ಶನಕತೊ ಯೋ ಅಪ್ಣುನ ತರೀಪ್‌ಶ ಕರೀನ್ ಹಮೆ ಯೋಗ್ಯಹುಯಿರಾತೆ ಅದ್ಮಿಕರಿ ಇನಿ ಅಛ್ಛಿ ಸಂದೇಶ್ನ ಇನೆ ಅಪ್ಣುನ ದೀರಾಖ್ಯೊಸ್. ಹಮೆ,ದಿಲ್ನ ತರೀಪ್ಷ ಕರಾವಾಳ ದೇವ್ನ ಖ್ಹಾಜ಼ನುಸ್ ಕರಿಯೇಸ್.

ಫಿಲೆಮೋನ 1:14

ಕತೋಬಿ ತಾರಿ ವಾತ್‍ಕೊಂತೆ ಶಾತ್ ಕರಾನಬಿ ಮನ ಆಖ್ಹ್‌ಕೊಯ್ನಿ. ‍ಶನಕತೊ ತಾರು ಅಛ಼್ಛುಕಾಮ್ ಶೊಂತ್ ಖ್ಹೂಜ಼್‍ಥಿ ಕರ್ನುಪಣ್ಕಿ ಜು಼ಲಮ್‌ಥಿ ಕರಾನು ನಾ ಹುಯಿರ‍್ಹೇಣು.