1 ಕೊರಿಂಥ 9:1 - ದೇವ್ನಿ ಖ್ಹಾಚಿ ವಚನ್

¹ ಮೇ ಛುಟ್ಕಾರ್ ಕಾಹೆಕಿ ಶು? ಮೇ ಅಪೊಸ್ತಲ ಕಾಹೆಕಿ ಶು? ಮಾರೊ ಪ್ರಭು ಯೇಸುನ ದೇಖ್ಯೊಹುಯೊ ಕೊಯ್ನಿಕಿಶು? ಮೇ ಪ್ರಭುಮ ಕರ‍್ಯೊತೆ ಪ್ರಚಾರ್‌ನಿ ಖ್ಹಣೇದ್ ತುಮೇಸ್ ಕಾಹೆಕಿಶು?

1 ಕೊರಿಂಥ 9:1 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:2

ಅವ್ಣೆಖ್ಹಾರು ಪ್ರಭುನಿ ಸೇವೆ ಕರುಕರ್ತುಥು ಅಜು಼ ಉಪವಾಸ್ (ಪಾರ‍್ನೆ) ಕರುಕರ್ತುಥು. ಪವಿತ್ರಾತ್ಮನೆ ಇವ್ಣುನ “ಮೇ ವಿಶೇಷ್ ಕಾಮ್ನಖ್ಹಾಜೆ ಬಾರ್ನಬ ಅಜು಼ ಸೌಲನ ಚೂ಼ಣಿಲಿದೊ ಯೋ ಕಾಮ್ನಖ್ಹಾಜೆ ಇವ್ಣುನ ಅಲಕ್‍ಕಾಡ್ಯೊ.” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:14

ಅನ ಖ್ಹಮ್‍ಜ್ಯಾತೆ ಅಪೊಸ್ತಲ ಹುಯಿರಾತೆ ಪೌಲ, ಬಾರ್ನಬನೆ ಇವ್ಣ ಲುಂಗ್ಡಾನ ಫಾಡಿಲೀನ್, ಅದ್ಮಿನಿ ಝೂ಼ಂಡ್‌ಮ ಪೇಶಿನ್, ಅಮ್ ಚಿಕ್ರಿನ್ ಬೋಲ್ಯ;

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:4

ಇನಖ್ಹಾಜೆ ದೇವ್ನ ಉಪ್ಪರ್ ಭರೋಖ್ಹೊ ರಾಖಿನ್ ಹಿಮ್ಮಥ್ಥಿ ವಾತೆಬೋಲ್ತುಥು. ತದೆ ಯೊ ಖ್ಹಯೇರ‍್ನ ಅದ್ಮಿಮ ಥೋಡು ಯೆಹೂದ್ಯರ್‌ನಿ ವಾತೆನಾಬಿ ಬಿಜು಼ ಥೋಡುಜ಼ಣು ಅಪೊಸ್ತಲ ಭಣಿವಾಳಾನಿ ವಾತೆನಾಬಿ ವಿಶ್ವಾಸ್ ಕರ್ತುಥೂತೆ ಇನಖ್ಹಾಜೆ ಇವ್ಣಮಾಸ್ ಬೇ ಭಾಗ್‍ಹುಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:11

ಯೋ ದನ್ನಿ ರಾತ್ಮ ಪ್ರಭು ಪೌಲಕನ ಭೀರಿನ್, “ಭಾಲಿಥಿ ರ‍್ಹೇ; ತೂ ಯೆರೂಸಲೇಮ್ಮ ಮಾರಿಬಾರೇಮ ಬೋಲ್ಯೊತೆ ಇಮ್ಮಸ್ ರೋಮ್‍ನ ಅದ್ಮಿನಾಬಿ ಸಾಕ್ಷಿ ಬೋಲ್ನುಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:15

ಪ್ರಭುನೆ ಅನನೀಯನ “ತೂ ಜಾ಼; ಯೋ ಅದ್ಮಿಖ್ಹಾರ ಯೆಹೂದ್ಯರ್‌ಕಾಹೆತೆ ಅದ್ಮಿವೊನ ರಾಜಾ಼ವ್‌ನ, ಅಜು಼ ಇಸ್ರಾಯೇಲ್ ಅದ್ಮಿವೊನ ಮಾರ ನಾಮ್ನ ಖ್ಹಮ್‍ಜಾ಼ಡನಖ್ಹಾಜೆ ಮೇ ಚೂ಼ಣಿರಾಖ್ಯೊತೆ ಏಕ್‌ ಜಿನಖ್ಹ್‌ ಹುಯಿರೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:17

ತದೆ ಅನನೀಯ ಚಾ಼ಲ್ತೊ ಯೊ ಘರ್‌ಮ ಜೈ಼ನ್ ಇನಾಪರ್ ಇನೊ ಹಾತ್‍ ಮ್ಹೇಲಿನ್, “ಮಾರೊ ಭೈ ಸೌಲ, ತೂ ಆವಾನಿ ವಾಟ್ಮ ತುನ ದೆಖಾಯೊತೆ ಪ್ರಭು ಯೇಸು ತುನ ಪಾಛು಼ ಡೋಳೊ ದೆಖಾವಾನಿಘೊಣಿಬಿ, ತು ಪವಿತ್ರಾತ್ಮಾಥಿ ಭರಾವ್ಣು ಕರೀಬಿ ಮನ ಮೋಕ್ಲಿರಾಖ್ಯೊಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:3

ಯೊ ದಮಸ್ಕನ ಖನ್ನೆ ಚಾ಼ಲ್ತೊಹುಯಿನ್‌. ಖ್ಹಯೇರ‍್ನ ಆವಾನಿ ವಖ್ಹ್‌ತೆ, ಆಕಾಶ್‌ಮಾಥು ಏಕ್‌ ಉಜಾ಼ಳು ಅಪ್‌ಗುಪ್‌ಥೀಸ್ ಐನ್ ಇನ ಅಶ್‌ಪಿಶ್‌ ಉಜಾ಼ಖ್ಹ್‌ಥಿ ಝ಼ಮ್‍ಕ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:5

ಸೌಲನೆ, “ಪ್ರಭು ತೂ ಕೋಣ್?” ಕರಿ ಬೋಲ್ಯೊ. ಪ್ರಭುನೆ, “ತೂ ಖ್ಹತವ್‍ಕರಸ್ತೆ ಯೇಸುಸ್ ಮೇ”

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ದಾಸಬಿ ಅಪೊಸ್ತಲ ಹುವಾನಖ್ಹಾಜೆ ಬುಲಾಯೊಹುಯೋಬಿ ದೇವ್ನು ಸುವಾರ್ತೆನ ಬೋಲಾನಖ್ಹಾಜೆ ಚೂ಼ಣಾಯೊಹುಯೊ ಪೌಲ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:13

ಯೆಹೂದ್ಯರ್‌ಕಾಹೆತೆ ತುಮಾರಿಜೋ಼ಡ್ಮ ವಾತೆಬೋಲುಕರುಸ್; ಮೇ ಯೆಹೂದ್ಯ ಕಾಹೆತೆ ಅದ್ಮೆವ್‍ನ ಅಪೊಸ್ತಲ ಹುಯಿರ‍್ಹವಾನಿ ಪರಕ್ಮ ಮಾರಿ ಸೇವೆನಿ ಬಾರೇಮ ಖ್ಹರವ್‌ಕರುಸ್.

1 ಕೊರಿಂಥ 1:1

ಪೌಲ ಲೀಖುಕರಾತೆ ಚಿಟ್ಟಿ. ಕ್ರಿಸ್ತಯೇಸುನೊ ಅಪೊಸ್ತಲ ಹುವಾನ ಮೇ ದೇವ್ನಿ ಖ್ಹಯಾಲ್‌ಥಿ ಚೂ಼ಣೈಗಯೊ. ಮೇ ಆ ಚಿಟ್ಟಿನ ಕ್ರಿಸ್ತಮ ಮಾರೊ ಭೈಹುಯಿರೋತೆ ಸೋಸ್ಥೆನನಿ ಜೋ಼ಡ್ಮ ಲೀಖುಕರುಸ್.

1 ಕೊರಿಂಥ 10:29

ಕತೋಬಿ ಆ ತುಮಾರು ದಿಲ್ನಿಸಾಕ್ಷಿ ಕರಿ ಮೇ ಬೋಲುಕರುಕೊಯ್ನಿ. ರ‍್ಹಯುತೋಬಿ ಬಿಜೇಕ್‍ಜ಼ಣು ಇನ ಖಾವಾನು ಬರೋಬರ್ ಕರಿ ಮಾಲುಮ್ ಕರಿರಾಖ್ಯುತೆ ಇನಖ್ಹಾಜೆ ಇನಿ ದಿಲ್ನಿ ಸಾಕ್ಷಿನಖ್ಹಾಜೆ ಇವ್ಣಿ ಛುಟ್ಕಾರ್‌ನ ಶನ ತೀರ್ಪ್‌ ಹೋಣು?

1 ಕೊರಿಂಥ 10:30

ಮೇ ದೇವ್ನ ಧನ್ಯವಾದ್ ಕರೀನ್ ಖಾದೋತೆ ಖಾಣನಖ್ಹಾಜೆ ಮಾರಪರ್ ದೂಷಣೆ ಶನ?

1 ಕೊರಿಂಥ 11:16

ಕತೋಬಿ ಅನಿಬಾರೇಮ ಕೋಣ್‍ತೋಬಿ ಅಬ್ಬಾಜ಼ಬ್ಬಿ ಕರಾನು ರ‍್ಹಿಯುತೊ ಇನ ಮೇ ಅತ್ರೇಸ್ ಬೋಲುಸ್; ಅಥ್ರಾನಿ ಪದತ್ತಿ ಹಮಾರಮ ರ‍್ಹವೊ ಅಜು಼ ದೇವ್ನಿ ಸಬೆವ್‌ಮ ರ‍್ಹವೊ ಕೊಯ್ನಿ.

1 ಕೊರಿಂಥ 3:6

ಮೇ ಪಂಡುಗಾಡ್ಯೋ. ಅಪೊಲ್ಲೋಸನೆ ಪಾಣಿನಾಖ್ಯೋ. ಕತೋಬಿ ಇನ ಫೋಡಾಯೊತೆ ದೇವ್ನೇಸ್.

1 ಕೊರಿಂಥ 9:19

ಮೇ ಅಖ್ಖಿ ವಿಚಾರ್‌ಮ ಛುಟ್ಕಾರ್ ಹುಯಿರ‍್ಹತೋಬಿ ಘಣುಜ಼ಣಾನ ಮಾರಿ ಕಬ್‌ಜಾ಼ಮ ರಾಕ್ಣುಕರಿ ಮೇ ಅಖ್ಖಾನ ದಾಸಹುಯೊ.

2 ಕೊರಿಂಥ 10:7

ತುಮೆ ಖಲಿ ಭಾರ್‌ ದೆಖಾವನು ದೇಖೊಸ್‍, ಕೋಣ್ ತೋಬಿ ಇನ ಕ್ರಿಸ್ತವಾಳೋಕಿ ಇಮ್ಮಸ್ ಹಮೇಬಿ ಕ್ರಿಸ್ತವಾಳಕರಿ ಮಾಲುಮ್‌ ಕರಿಲ್ಯಾವಾದೆ.

2 ಕೊರಿಂಥ 11:5

ಮೋಟ ಅಪೊಸ್ತಲರ್‌ಕರಿ ಬೋಲೈಲ್ಯಾವಾಳ ಏಕ್‍ಥೀಬಿ, ಮೇ ಕಮ್ ಕಾಹೆ ಕರಿ ಲಾಝು಼ಸ್.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

ಗಲಾತ್ಯ 1:1

ಅದ್ಮಿಖ್ಹಾರಥಿ ರ‍್ಹವೊ ಅದ್ಮಿವ್‌ನ ಅದಿಕಾರ್‌ಥಿ ರ‍್ಹವೊ ಮೋಕ್ಲಾಯೊಕೊಂತೆ ಯೇಸು ಕ್ರಿಸ್ತಥಿಬಿ ಅಜು಼ ಇನ ಮರ‍್ಯಮಾಥು ಉಠಾಡ್ಯೊತೆ ಬಾ ದೇವ್‌ಥಿಬಿ ಅಪೊಸ್ತಲರ್‌ನಕರಿ ಬೋಲೈರ‍್ಹೋತೆ ಪೌಲಕರಿ ಮೇಬಿ,

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

1 ಥೆಸ 2:6

ಎತ್ರೆಸ್ ಕಾಹೆತೆ ಹಮೆ ಕ್ರಿಸ್ತನು ಅಪೊಸ್ತಲರ್ ಹುಯಿರ‍್ಹಾತೆ ಇನಖ್ಹಾಜೆ, ಹಮೂನ ಮಾನ್-ಮರ್ಯಾದಿನ ವತಾಳ್ಣು ಕರಿ ಬೋಲೆಜಾ಼ಯಿಥು. ತೋಬಿ ಹಮೆ ಅದ್ಮಿಥಿ ಮಳಾಸ್ತೆ ಮಾನ್-ಮರ‍್ಯಾದಿನ ತುಮಾರೇಥಿ ರ‍್ಹವೊ, ಬಿಜಾ಼ಥಿ ರ‍್ಹವೊ ಮಳಾದೆಕರಿ ಆಖ್ಹ್ ಕರ‍್ಯಾಕೊಯ್ನಿ.

1 ತಿಮೊ 2:7

ಅಜು಼ ಅನಖ್ಹಾಜೆಸ್ ಮನ ಶಿಕಾಡವಾಳೊ ಅಜು಼ ಅಪೊಸ್ತಲ ಕರೀನ್, ವಿಶ್ವಾಸ್‌ಥಿಬಿ ಖ್ಹಾಚಿಥಿಬಿ ಯೆಹೂದ್ಯರ್‌ಕಾಹೆತೆ ಅದ್ಮಿನ ಭೋದನೆಕರಾನ ಮನ ನೇಮಕ್ ಕರ‍್ಯು. ಮೇ ಝೂ಼ಟಿ ಕೊಬೋಲುಕರುನಿ ಖ್ಹಾಚಸ್ ಬೋಲುಕರುಸ್.

2 ತಿಮೊ 1:11

ದೇವ್ನೆ ಮನ ಅಪೊಸ್ತಲ ಅಜು಼ ಶಿಕಾಡವಾಳೊ ಹುಯಿನ್, ಆ ಅಛ್ಛಿ ಖಬರ್‌ನ ಬೋಲಿದ್ಯವಾನಖ್ಹಾಜೆ ಮ್ಹೇಲಿರಾಖ್ಯೋಸ್‌.