1 ಕೊರಿಂಥ 8:4 - ದೇವ್ನಿ ಖ್ಹಾಚಿ ವಚನ್

⁴ ಅಮ್‌ರ‍್ಹವಾಪರ್ ಮೂರತ್ನ ಅರ್ಪಣ್‍ ಕರಿಹುಯು ಖಾಣನ ರಾಛ಼ನ ಖಾವಾನು ಬಾರೇಮ ಜಗತ್‌ಮ ಮೂರತ್ ಶಾತ್ಬಿ ಕಾಹೆಕರಿ ಅಪ್ಣುನ ಮಾಲುಮ್‍ಛಾ಼. ಅಜು಼ ದೇವ್ ಎಕ್ಕಸ್‍ಜ಼ಣೊ ಪಣ್ಕಿ ಬಿಜ಼ ಖಿವೂಬಿ ದೇವ್ ಕೊಯ್ನಿಕರಿ ಮಾಲುಮ್ ಛಾ಼.

1 ಕೊರಿಂಥ 8:4 ပူးပေါင်းရင်းမြစ်များ

ಮಾರ್ಕ 12:29

ತದೆ ಯೇಸುನೆ, “ಇಸ್ರಾಯೇಲ್‌ನು ಅದ್ಮಿ ಖ್ಹಮಜ಼್! ಖ್ಹಾರೇಥಿ ಮೋಟಿ ಹುಕುಮ್ ಖೆವಿಕತೊ, ‘ಅಪ್ಣೊ ದೇವ್ ಹುಯಿರ‍್ಹೋತೆ ಪ್ರಭು ಎಕ್ಕಸ್ ಜ಼ಣೊ ದೇವ್ ಹುಯಿರ‍್ಹೋಸ್.’

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:15

ಲೋಗ್ ತುಮೆ ಅಮ್ ಶನ ಕರುಕರಸ್ತೆ? ಹಮೇಬಿ ತುಮಾರಿನಿ ತರಾಸ್ ಅದ್ಮಿ. ತುಮುನ ಸುವಾರ್ತೆ ಬೋಲಾನ ಆಯಾತೆ, ತುಮೆ ಅಥ್ರಾನು ಫಾಯಿದೊಕೊಂತೆ ಕಾಮ್ನ ಮ್ಹೇಲಿನ್ ಆಬ್‌ ಧರ್ತಿನ, ದರ‍್ಯಾವ್‌ನಾಬಿ, ಇನಾಮ ಛಾ಼ತೆ ಖ್ಹಾರೂಸ್ ಉಬ್‌ಜಾ಼ಯೋತೆ ಜಿವ್ತೊಜಾನ್ ರ‍್ಹವಾಳೊ ದೇವ್ನಿ ಸುವಾರ್ತೆನ ಬೋಲಾನ ಹಮೆ ಆಯಾತೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:20

ಇನ ಬದಲ್‍ಥಿ ಅಪ್ಣೆ ಇವ್ಣುನ ಏಕ್‌ ಚಿಟ್ಟಿ ಲೀಖ್ಯೆ; ಯೊ ಶಾತ್‍ಕತೊ ಮೂರತ್ನ ಝಾ಼ಳ್ ಉತಾರಹುಯನಾಬಿ, ವ್ಯಬಿಚಾರ್‌ಥಿಬಿ, ಬಿಜು಼ ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು ಕರಿ ಅಕ್ಕಲ್ ದೇವ್ಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:26

ಕತೋಬಿ ಹಾತೇಖ್ಹು ಕರಾನು ಮೂರತ್ ದೇವ್ ಕಾಹೆಕರಿ, ಪೌಲನೆ ಎಫೆಸಮ ಕಾಹೆತೆ ಕಮ್‍ಶಿಕಮ್ ಏಷ್ಯಾ ತಬರ್‌ಖಾನು ಘಣ ಅದ್ಮಿನ ಮನ್ನ ಖೇಚಿನ್ ಫರೈನಾಖ್ಯೊ. ಕರಿ ಬೋಲಾನು ತುಮೆ ದೇಖುಕರಸ್ ಖ್ಹಮ್‍ಜೂ಼ಬಿ ಕರಸ್.

1 ಕೊರಿಂಥ 8:1

ಮೂರತ್ನಬಲಿ ಕರಿಹುಯು ಖಾವಾನಿ ರಾಛಾ಼ನಿ ಬಾರೇಮ ಅಪ್ಣುನ ಖ್ಹಾರಾನ ಅಕ್ಕಲ್ ಛಾ಼ಕರಿ ಮಾಲುಮ್‌ ಪಡಾಸ್‌, ಅಕ್ಕಲ್ ಫುಗೈನಾಖಸ್, ಕತೋಬಿ ಪ್ಯಾರ್ ಜಾ಼ಖ್ಹತ್ ಕರಸ್.

1 ಕೊರಿಂಥ 8:10

ಅಕ್ಲಿ ಹುಯಿರ‍್ಹವಾಳೊ ತೂಸ್ ಮೂರತ್ನ ಮಂದಿರ್‌ಮ ಖಾಣನ ಬೇಠುರ‍್ಹವಾನು ಕಮ್‍ಜೋ಼ರ್ ದಿಲ್‌ವಾಳು ಭೈ ದೇಖ್ಯತೊ, ಯೋಬಿ ಮೂರತ್ನ ಪೂಜ಼ಕರ‍್ಯಹುಯ ಖಾಣನ ರಾಛಾ಼ನ ಖಾವನ ಭಾಲ್ ಉಷೆ ಕೊಯ್ನಿಕಿಶು?

1 ಕೊರಿಂಥ 8:11

ಅಮ್ ಆ ತಾರಿ ಅಕ್ಕಲ್‍ಥಿ ಯೋ ಕಮ್‍ಜೋ಼ರ್ ಭೇನೆ ಭೈಯೆ ನಾಶ್‍ಹುಯಿಜಾ಼ಸ್. ಇನಖ್ಹಾಜೇಬಿ ಕ್ರಿಸ್ತ ಇನ ಜಾನ್ನ ದಿದೋತೆ ಫಾಯಿದೊಕೊಂತೆ ಹುಯಿಜಾ಼ಶೆ.

ಗಲಾತ್ಯ 4:8

ಅಗ್ಗಳ್ ತುಮೆ ದೇವ್ನ ಮಾಲುಮ್‌ ಕರ‍್ಯಾಕೊಂತೆ, ದೇವಸ್ ಕಾಹೆತೆ ಇವ್ಣುನ ಗುಲಾಮ್ ಹುಯಿರ‍್ಹಾಥ.

ಎಫೆಸ 4:6

ಬಾ ಹುಯಿರ‍್ಹೊಸ್ತೆ ಎಕ್ಕಸ್ ದೇವ್‌ಬಿ, ಅಖ್ಖಾನ ಪ್ರಭು ಹುಯಿರ‍್ಹವಾಳೊ, ಖ್ಹಾರೇಥಿಸ್ ಕಾಮ್ ಕರಾವವಾಳೊಬಿ, ಖ್ಹಾರಮಸ್ ಜಿವ್ಣುಕರವಾಳೊ ಹುಯಿರ‍್ಹೋಸ್.

1 ತಿಮೊ 1:17

ಅಖ್ಖ ಜ಼ಮಾನಾನೊ ರಾಜ಼ಬಿ, ಕದೇಬಿ ರ‍್ಹವಾಳೊಬಿ ದೆಖಾವಕೊಂತೆ ಹುಯಿರೋತೆ ಎಕ್ಕಸ್ ದೇವ್ನ ಇಜ಼್ಜತ್‌ಬಿ ಮಹಿಮೆಬಿ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ. ಆಮೆನ್.

1 ತಿಮೊ 2:5

ಶನಕತೊ ಎಕ್ಕಸ್ ದೇವ್ ಅಜು಼ ದೇವ್‌ನಬಿ ಅದ್ಮಿನ ಮಳಾವವಾಳೊ ಎಕ್ಕಸ್ ಜ಼ಣೊ, ಯೋ ಕೋಣ್‌ಕತೊ ಅದ್ಮಿ ಹುಯಿರ‍್ಹೋತೆ ಕ್ರಿಸ್ತ ಯೇಸುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:25

ಅಪ್ಣುನ ರಕ್ಷಣೆ ಕರಾವಾಳೊಬಿ ಎಕ್ಕಸ್ ದೇವ್ನ, ಅಖ್ಖಾ ವಖ್ಹತ್‌ಮಥೂತೆ ತಿಮ್ಮಸ್ ಹಮ್ಕೇಬಿ ಕದೇಬಿ ಅಪ್ಣೊ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತಥಿ ಇನ ಮಹಿಮೆ, ತಾಖತ್ ಅಜು಼ ಅದಿಕಾರ್‌ಖ್ಹಾರು ರ‍್ಹವಾದೆ. ಆಮೆನ್.