1 ಕೊರಿಂಥ 8:12 - ದೇವ್ನಿ ಖ್ಹಾಚಿ ವಚನ್

¹² ಅಮ್‍ರ‍್ಹೀನ್ ತುಮೆ ವಿಶ್ವಾಸಿ ಭೇನೆ ಭೈಯೇನಿ ವಿರೋದ್ ಪಾಪ್‍ಕರೀನ್ ಇವ್ಣ ಕಮ್‍ಶಿಲ್ ಮನ್ನಿಸಾಕ್ಷಿನ ದುಖ್ ಕರಾಯತೊ ತುಮೆ ಕ್ರಿಸ್ತನಿ ವಿರೋದ್ ಪಾಪ್‍ಕರವಾಳ ಹುಯಿರಿಶು.

1 ಕೊರಿಂಥ 8:12 ပူးပေါင်းရင်းမြစ်များ

ಮತ್ತಾಯ 18:10

ಆ ನ್ಹಾನಾವ್‍ಮ ಏಕ್‌ನಾಬಿ ಕಡ್‌ತೆಲ್ ಕರಿ ನಕೊ ಸೋಚ಼್‌ಶು. ಸೊರ್ಗಾಮ ಅವ್ಣು ದೂತರ್ ಸೊರ್ಗಾಮ ಛಾ಼ತೆ ಮಾರ ಬಾನು ಮ್ಹೋಡಾನ ಹಮೇಶ ದೇಕ್ತುರ‍್ಹೇಸ್ ಕರಿ ಮೇ ತುಮೂನ ಬೋಲುಸ್.

ಮತ್ತಾಯ 18:21

ತದೆ ಪೇತ್ರನೆ ಯೇಸುಕನ ಆಯಿನ್, “ಪ್ರಭು, ಮಾರೊ ಭೈ ಮಾರಿ ವಿರೋದ್ ಗಲತ್‌ ಕರ‍್ಯೋತೊ, ಮೇ ಇನ ಕೆತ್ರಿಹಲ್ಲ ಮಾಪ್‌ ಕರ‍್ನು? ಖ್ಹಾತ್ ಹಲ್ಲಾಕಿ ಶು?” ಕರಿ ಇನ ಪುಛಾ಼ಯೊ.

ಮತ್ತಾಯ 18:6

ಮಾರಪರ್ ವಿಶ್ವಾಸ್ ಕರಾವಾಳ ಆ ನ್ಹಾನಾವ್‍ಮ ಏಕ್‌ನ ಕೋಣ್‌ತೋಬಿ ಭೀರಾಖ್ಯೂತೊ, ಇಮ್‌ನಾನ ಘಲೆಂಡ ಕೇಡೆ ಘಟ್ಟಿನ ಬಂಡಾನ ಭಾಂದಿನ್, ಗಧಾರ್ ದರ‍್ಯಾವ್‌ಮ ಡುಬೈನಾಖಾನುಸ್ ಇನ ಅಛ್ಛು಼.

ಮತ್ತಾಯ 25:40

ತದೆ ಯೋ ರಾಜಾ಼ ಫರೈನ್, ‘ಆ ಮಾರ ಭೇನೆ-ಭೈಯೇಮ ಕಡ್‌ತೇಲ್‌ನಿಮತ್ ಥೂತೆ ಏಕ್‌ನ ತುಮೆ ಶಶ್ಶಾತ್ ಕರ‍್ಯಾಕಿ, ಯೋ ಮನಾಬಿ ಕರಾದಾಖ್ಹಲ್ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್‌ಶೆ!

ಮತ್ತಾಯ 25:45

ತದೆ ಯೋ ರಾಜ಼ ಫರೈನ್ ಇವ್ಣುನ, ‘ತುಮೆ ಆ ನ್ಹಾನಾವ್‍ಮ ಕಡ್‌ತೇಲ್‌ನಿಮತ್ ಛಾ಼ತೆ ಏಕ್‌ನ ಶಶ್ಶಾತ್ ಕೋ ಕರ‍್ಯಾನಿಕಿ, ಯೋ ಮನಾಬಿ ಕರ‍್ಯಾಕೊಯ್ನಿ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್’ ಕರಿ ಬೋಲ್‌ಶೆ.

ಮಾರ್ಕ 9:42

ಅಜು಼ ಕೋಣ್‌ತೋಬಿ ಮನ ನಂಬವಾಳ ಆ ನ್ಹಾನಾವ್‍ಮ ಏಕ್‌ನಿ ವಿಶ್ವಾಸ್ ಮಾರಪರ್‌ಥು ತುಟಿ ಜಾ಼ವಾನಿಘೋಣಿ ಕರ‍್ಯೂತೊ, ಯೋ ಅದ್ಮಿನ ಘಲೆಂಡ ಕೇಡೆ ಮೋಟೊ ಘಟ್ಟಿನೊ ಬಂಡೊ ಭಾಂದೀನ್‌ ದರ‍್ಯಾವ್‌ಮ ನಾಖಿ ದಿದುತೋಬಿ ಇನ ಅಛ್ಛು಼ಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 17:2

ಆ ನ್ಹಾನಾವ್‍ಮ ಏಕ್‌ ಜ಼ಣಾನ ಪಾಪ್‌ಮ ಚ಼ಲಾವಥೀಬಿ, ಇನ ಘಲೆಂಡ ಕೇಡೆ ಘಟ್ಟಿನ ಬಂಡಾನ ಭಂದೈಲೀನ್, ದರ‍್ಯಾವ್‌ಮ ನಖೈಲ್ಯವಾನೂಸ್ ಇನ ಅಛ್ಛು಼!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:20

ಇನಖ್ಹಾಜೆ ಖಾಣಾನಖ್ಹಾಜೆ ದೇವ್ನ ಕಾಮ್ನ ನಾಶ್ ನಕೊಕರೊ. ಖ್ಹಾರು ಜಿನಖ್ಹ್‌ಬಿ ಶುದ್ಧಾಸ್ ಹುಯಿರ‍್ಹೂಸ್. ಕತೋಬಿ ಏಕ್‍ಜ಼ಣೊ ಖೈನ್ ಬಿಜೇಕ್‍ಜ಼ಣಾನ ಪಾಪ್‌ಮ ರಡ್ಕಾವನು ಗಲ್ತಿ.

1 ಕೊರಿಂಥ 12:12

ಕ್ರಿಸ್ತ ಕೈಯೇಕ್ ಭಾಗ್‌ ಬಣ್ಯೊಹುಯೊ ಎಕ್ಕಸ್ ಶರೀರ್ ಹುಯಿರ‍್ಹೋಸ್. ಇಮ್ಮಸ್ ಶರೀರ್‌ನು ಬಾಗ್‍ಅಖ್ಖು ಕೈಏಕ್ ರ‍್ಹೀನ್ ಎಕ್ಕಸ್ ಶರೀರ್ ಹುಯಿರ‍್ಹುಸ್ತೆ ಇಮ್ಮಸ್ ಕ್ರಿಸ್ತಬಿ ಹುಯಿರೋಸ್.