1 ಕೊರಿಂಥ 8:1 - ದೇವ್ನಿ ಖ್ಹಾಚಿ ವಚನ್

¹ ಮೂರತ್ನಬಲಿ ಕರಿಹುಯು ಖಾವಾನಿ ರಾಛಾ಼ನಿ ಬಾರೇಮ ಅಪ್ಣುನ ಖ್ಹಾರಾನ ಅಕ್ಕಲ್ ಛಾ಼ಕರಿ ಮಾಲುಮ್‌ ಪಡಾಸ್‌, ಅಕ್ಕಲ್ ಫುಗೈನಾಖಸ್, ಕತೋಬಿ ಪ್ಯಾರ್ ಜಾ಼ಖ್ಹತ್ ಕರಸ್.

1 ಕೊರಿಂಥ 8:1 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:10

ಅಮ್‍ರ‍್ಹವಾಪರ್, ಅಲ್ಹಾವ್‌ ವಿಶ್ವಾಸಿ ಶನ ಭೈಯೇವ್ನ ಖಾಂದಪರ್ ವಜ಼ನ್ನೊ ಭೋಜೊ ಶನ ಢೊವಾಡೊಸ್? ತುಮೆ ದೇವ್ನ ಇರಾದೊ ಛ಼ಡಾವಾನಿ ಕೋಶಿಶ್ ಕರುಕರಾಸ್ಕಿ ಶು? ಹಮೂನ ರ‍್ಹವೊ ಹಮಾರ ಗುರುಖ್ಹಾರಾನರ‍್ಹೇವೊ ಆ ಭೋಜೊ ಢೊವಾಡಯೆತ್ರೆ ಶಕತ್ ಕೋಥಿನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:29

ಯೋ ಅಖ್ಖು ಖಿವುಕತೊ; ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು. ಅಜು಼ ವ್ಯಬಿಚಾರ‍್ನು ಪಾಪ್ನಕಾಮ್‌ಥಿ ತುಮುನ ಬಚಾ಼ಡಿಲೆವೊ. ಆ ಅಖ್ಖು ನಾಕರ‍್ನುತೆ ತಿಮ್‌ ಹೊಷಾರ್‌ಥಿ ರ‍್ಹಯಾತೊ ತುಮೆ ಅಛ್ಛು಼ ಕರ್ಶು. ತುಮುನ ಅಛ್ಛು಼ ಹುವಾದೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:25

ಯೆಹೂದ್ಯರ್‌ಕಾಹೆತೆ ಅದ್ಮಿಮ ಯೇಸುನ ವಿಶ್ವಾಸ್ ಕರವಾಳನಿ ಬಾರೇಮಾತೊ, ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು ಅಜು಼ ವ್ಯಬಿಚಾರ್‌ಥಿ ದೂರ್ ರ‍್ಹೇವ್ಣುಕರಿ ಹಮೆ ನ್ಯಾವ್‌ ಕರ‍್ಯಾತೆ ಲೀಖ್ಯ” ಕರಿ ಬೋಲ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:16

ಏಕ್‌ಥಿಏಕ್ ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ. ತುಮೆ ದಿಲ್ಮ ಹಂಕಾರಿ ನಾ ರ‍್ಹೇವ್ಣುತೆ, ಅಖ್ಖಾನಿ ಜೋ಼ಡ್ಮ ಮಳಿನ್ ರ‍್ಹವೊ. ತುಮೇಸ್ ಅಕ್ಲಿಕರಿ ನಕೊಲ್ಹಾವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:10

ಅಮ್‍ರ‍್ಹವಾಪರ್, ನಾಖಾವಳೊ ತೂ ಶನ ತಾರ ಭೈನ ತೀರ್ಪ್‌ಕರಸ್? ಅಖ್ಖಾಸ್ನ ಖಾವಾಳೊ ತು ತಾರ ಜೋ಼ಡ್ಮ ರ‍್ಹವಾಳ ವಿಶ್ವಾಸಿನ ಶನ ಚಾ಼ವ್‌ಣ್ಯ ಕಾಡಸ್‌? ಅಪ್ಣೆ ಖ್ಹಾರುಸ್ ದೇವ್ನು ನ್ಯಾವ್‍ನಿ ಝ಼ಗೋನಖ್ಹಾಮ್ಣೆ ಭೀರಿಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:14

ಅಜು಼ ಖಿವೂಬಿ ರಾಛು಼ ಇನುಯೋಸ್ ಅಶುದ್ಧ ಕಾಹೆಕರಿ ಪ್ರಭು ಯೇಸುಮ ರ‍್ಹೀನ್ ಖ್ಹಚ್ಚೆಂಬಿ ಬೋಲುಸ್. ಕತೋಬಿ ಕೋಣ್‌ತೋಬಿ ಅಶುದ್ದಕರಿ ದಿಲ್ಮ ಕರ‍್ಯೊತೊ ಯೋ ಇನ ಅಶುದ್ಧ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:19

ಇನಖ್ಹಾಜೆ ಖೆವು ಅಪ್ಣುನ ಸಮಾಧಾನ್ನಾಬಿ ಏಕ್‌ಥಿಏಕ್ ಭಾಲ್ ದೆವಾಮ ಭಡಾವಮಾಬಿ ಅಗಾಡಿ ಚ಼ಲಾವಸ್ಕಿ ಇನಾಸ್ ಕರಿಯೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:22

ಅನಿಬಾರೇಮ ತುನಛಾ಼ತೆ ವಿಶ್ವಾಸ್‌ ದೇವ್ನಖಲಿ ದೆಖೈನ್, ಯೊ ತಾರಲಗುಸ್ ಮಾಲುಮ್‌ರ‍್ಹವಾದೆ. ಇನು ಯೊ ಮಾನಿಲೇಯ್ತೆ ಇನಿ ಬಾರೇಮ ಗುಮಾನಿ ಕರಾಕೊಂತೆ ಯೋ ಧನ್ಯ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 14:3

ಇನಖ್ಹಾಜೆ ಬೋಟಿ ಖಾವವಾಳೊ ಖಾಯಿಕೊಂತೆ ಇನ ನಕ್ಲೆ ನಕೊ ಕರಾದೆ. ಭಾಜಿಪಾಲೊ ಖಾವಾಳೊ ಬೋಟಿ ಖಾವವಾಳನ ತೀರ್ಪ್‌ನಕೊಕರಾದೆ. ಶನಕತೊ ದೇವ್ ಇವ್ಣ ಭೇಜ಼ಣಾನ ಮಳೈರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:14

ಮಾರ ಭೇನ್ ಭೈಯೇವೊ, ತುಮೆ ಅಛ್ಛಿ ಗುಣಥೀಬಿ ಹರೇಕ್ ಅಕ್ಕಲ್‍ಥೀಬಿ ಭರೈರ‍್ಹವಾಳ ಹುಯಿರ‍್ಹಿನ್, ಏಕ್‌ಥಿಏಕ್ ಬುದ್ಧಿ ಬೋಲಾನ ಶಕತ್‌ವಾಳ ಹುಯಿರ‍್ಹಾಸ್ ಕರೀಬಿ ತುಮಾರಿ ಬಾರೇಮ ಮನ ಭರೋಖ್ಹೊ ಛಾ಼.

1 ಕೊರಿಂಥ 1:5

ಶನಕತೊ ಯೇಸುಮ ಖ್ಹಾರೀಸ್‍ಥರಾನಿ ಅಖ್ಖಿ ಆಶೀರ್ವಾದ್‌ನ ಲೀರಾಖ್ಯಾತೆ ತುಮೆ ವಾತ್‍ಮಾಬಿ ಅಕ್ಕಲ್‌ಮಾಬಿ ಘಣ ಚಾ಼ತುರ್‌ವಾಳ ಹುಯಿರಾಸ್.

1 ಕೊರಿಂಥ 10:15

ತುಮೆ ಅಕ್ಲಿಕರಿ ಮೇ ತುಮಾರಿಜೋ಼ಡ್ಮ ಅನ ಬೋಲುಸ್. ಮೇ ತೀರ್ಪ್‌ಕರಾನು ಖ್ಹುದ್ ತುಮೇಸ್ ಸೋಚಿದೇಖೊ.

1 ಕೊರಿಂಥ 10:28

ಕತೋಬಿ ಏಕ್‍ಜ಼ಣೊ ತುಮೂನ ಹೈರುತೆ ಮೂರತ್ನ ಬಲಿದಿದುಹುಯು ಕರಿ ಕೋಣ್‌ತೋಬಿ ತುಮೂನ ಬೋಲ್ಯುತೊ, ಆ ವಿಚಾರ‍್ನ ಬೋಲ್ಯೊತೆ ಇನಖ್ಹಾಜೇಬಿ ದಿಲ್ನಿಸಾಕ್ಷಿನಖ್ಹಾಜೇಬಿ ಇನ ಖಾವೊನಕೊ.

1 ಕೊರಿಂಥ 14:20

ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್‌ನಿ ಬಾರೇಮ ಅಡ್ಡಾಣಿನಿತರ ರ‍್ಹಿಯತೋಬಿ, ತುಮಾರಿ ಖ್ಹೂಜ಼್‌ಮ ಸಮಜ್‌ಧಾರ್‌ ಹುಯಿರ‍್ಹೇವೊ.

1 ಕೊರಿಂಥ 15:34

ನೀತಿನಖ್ಹಾಜೆ ಹೊಷಾರಿ ಹುವೊ, ಪಾಪ್ನ ನಕೊಕರೊ. ಥೋಡಜ಼ಣಾನ ದೇವ್ನಿ ಬಾರೇಮ ಮಾಲುಮ್ಮಸ್‍ಕೊಯ್ನಿ. ತುಮೂನ ಖ್ಹರಮ್‌ ಲಾಗಾದೆಕರಿ ಮೇ ಆ ವಾತ್ ಬೋಲುಕರುಸ್.

1 ಕೊರಿಂಥ 4:10

ಹಮೆ ಕ್ರಿಸ್ತನಖ್ಹಾಜೆ ಖ್ಹೈಲು ಹುಯಿರಾಸ್. ಕತೋಬಿ ಕ್ರಿಸ್ತಮ ತುಮೆ ಜಾ಼ಖ್ಹತ್ ಅಕ್ಲಿಕರಿ ಲಹಿರಾಖ್ಯಸ್. ಹಮೆ ಶಕತ್‌ಕೊಂತೆ ಹುಯಿರಾಸ್. ಕತೋಬಿ ತುಮಾರು ತುಮೇಸ್ ತಾಖತ್ತಿಕರಿ ಲಹಿರಾಖ್ಯಸ್! ಹಮೆ ಚಿಂಘೈಲಿದಹುಯ, ತುಮುನ ಮರ್ಯಾದಿವಾಳ ಹುಯಿರ‍್ಹಾಸ್.

1 ಕೊರಿಂಥ 4:18

ಅಜು಼ ಮೇ ತುಮಾರಕನ ಕೊ ಆಯಿಶ್ನಿಕರಿ ಲಹಿನ್ ಥೋಡುಜ಼ಣು ಹಂಕಾರಿಹುಯಿನ್ ಚಾ಼ಲುಕರಾಸ್‍.

1 ಕೊರಿಂಥ 4:6

ಭೈಯೇ ಭೇನೆವೊ, ಮೇ ತುಮಾರಖ್ಹಾಜೇಥಿ ಮನಾಬಿ ಅಪೊಲ್ಲೋಸನಾಬಿ ಮತ್ಲಬ್ ಲೀನ್ ಬೋಲಿರಾಖ್ಯೊಸ್ ಅನಖ್ಹಾಜೆ ತುಮೆ “ಲೀಖೈರುತೆ ಖ್ಹಾರು ನಿಯಮ್ನ ಮೀರಿನ್ ಚಾ಼ಲ್‌ನುಕರಿ ಆ ವಚನ್ನಿ ಮತ್ಲಬ್‌ನ ಹಮಾರೇಥಿ ಶಿಕಿಲಿನ್, ತುಮಾರಮ ಕೋಣ್‌ಬಿ ಏಕ್‍ಜ಼ಣಾಭಣಿ ಮಳಿನ್ ಬಿಜೇಕ್‍ಜ಼ಣಾನ ಚಿಂಘಾವ್ಣಿ ನಾಕಾಡ್ನು.

1 ಕೊರಿಂಥ 5:2

ಕತೋಬಿ ತುಮೆ ಊಚ಼ಹುವಾನ ದೇಖುಕರಸ್. ಕಿಮ್ ರ‍್ಹಯುತೋಬಿ ತುಮೆ ದುಖ್ ಕೋ ಕರ‍್ಯಾನಿತೆ, ಆ ಕಾಮ್ ಕರವಾಳನ ತುಮಾರಮಾಥು ಭಾರ್‌ ಕಾಡಾನ ಕೊ ಹೊಯ್ನಿಕಿಶು?

1 ಕೊರಿಂಥ 5:6

ತುಮಾರು ಹಂಕಾರ್ ಕರಾನು ಅಛ್ಛು಼ಕಾಹೆ; ದರಾಖ್ಹು ಶೋಡ ಘುಂದಾಸ್ತೆ ಆಟಾನ ಫುಲಾವಸ್‌ಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿ ಶು?

1 ಕೊರಿಂಥ 8:2

ಏಕ್‍ಜ಼ಣೊ ಇನುಯೋ ಶಾತ್ತೋಬಿ ಮಾಲುಮ್ ಕರಿರಾಖ್ಯೊಸ್‍ಕರಿ ಲಹಿರಾಖ್ಯೊತೊ ಯೋ ಕಿಮ್ಕಿ ಪರಕ್ಮ ಮಾಲುಮ್ ಕರ್ನುಕಿ ಯೊ ಪರಕ್ಮ ಬಿಜೂ಼ಬಿ ಮಾಲುಮ್ ಕೋ ಕರಿರಾಖ್ಯೋನಿ.

1 ಕೊರಿಂಥ 8:4

ಅಮ್‌ರ‍್ಹವಾಪರ್ ಮೂರತ್ನ ಅರ್ಪಣ್‍ ಕರಿಹುಯು ಖಾಣನ ರಾಛ಼ನ ಖಾವಾನು ಬಾರೇಮ ಜಗತ್‌ಮ ಮೂರತ್ ಶಾತ್ಬಿ ಕಾಹೆಕರಿ ಅಪ್ಣುನ ಮಾಲುಮ್‍ಛಾ಼. ಅಜು಼ ದೇವ್ ಎಕ್ಕಸ್‍ಜ಼ಣೊ ಪಣ್ಕಿ ಬಿಜ಼ ಖಿವೂಬಿ ದೇವ್ ಕೊಯ್ನಿಕರಿ ಮಾಲುಮ್ ಛಾ಼.

1 ಕೊರಿಂಥ 8:7

ರ‍್ಹಯುತೋಬಿ ಆಕ್ಕಲ್‍ ಖ್ಹಾರಮಾಬಿ ಕೊಯ್ನಿ. ರ‍್ಹೀನ್‌ಬಿ ಥೋಡುಜ಼ಣು ಹಮ್ಕೆಲಗು ಮೂರತ್‍ಕನ ಜಾ಼ವನು ಆದತ್ ಛಾ಼. ಅಮ್‍ರ‍್ಹೀನ್ ಖಿವು ಅದ್ಮಿಖ್ಹಾರು ಖಾಣು ಖಾವನಿ ವಖ್ಹ್‌ತೆ ಯೋ ಮೂರತ್ನ ಅರ್ಪಣ್‍ ಕರಿಹುಯು ಕರಿ ಸೋಚಾ಼ಸ್‌. ಕತೋಬಿ ಇವ್ಣೆ ದಿಲ್ನಿಸಾಕ್ಷಿ ಕಮ್‍ಜೋ಼ರ್ ಹುಯಿರ‍್ಹೂತೆ ಇನಖ್ಹಾಜೆ ಯೊ ಖಾಣು ಖಾವಾನು ಮೈಲು ಹುಯಿರ‍್ಹೂಸ್ ಕರಿಲ್ಹಾವಸ್.

ಎಫೆಸ 4:16

ಶರೀರ್‌ಅಖ್ಖು ಕ್ರಿಸ್ತಥಿ ಹರ್ ಕೀಲ್‌ಥಿ ಘಟ್ ಮಳಿರ‍್ಹೀನ್, ಹರೇಕ್ ಖ್ಹಂದೊಬಿ ಇನು, ಇನು ಕಾಮ್ ಕರಾಸ್ತೆಖ್ಹಾಜೆ ಶರೀರ್ ಪ್ಯಾರ್‌ಮ ಅಛ್ಛಿನಿತರ ಭಡಾಸ್.

ಕೊಲೊಸ್ಸೆ 2:18

ಥೋಡುಜ಼ಣು ದೇವ್ನದೂತರ‍್ನ ಆರಾಧನೆಮಾಬಿ ದಿಲ್‍ಲಗಾಡಿರ‍್ಹವಾಳ ಹುಯಿನ್, ಹಮುನ ದರ್ಶನಹುಯುಕರಿ ಬಡೈಮಾರಿಲೀನ್, ಜಗತ್‌ನು ಅಕ್ಕಲ್‌ಥಿ ಕಾಯಿಸ್‌ಕೊಂತೆ ಫುಲಿರ‍್ಹವಾಳನ ತುಮಾರು ಮಳಿರ‍್ಹೂತೆ ಇನಾಮ್ನ ಛಿನೈಲಾವನಿತರ ನಕೊ ಕರ್ಶು.

ಪ್ರಕಾಶಿತ್ 2:14

ಥೋಡಿ ವಾತೆನಿ ಬಾರೇಮ ತಾರ ಭಣೀಥು ಮಾರಕನ ಅಪ್‌ರಾದ್‌ ಛಾ಼. ಮೂರತ್ನ ಬಲಿಕರಾತೆ ರಾಛಾ಼ನ ಖಾವಮಾಬಿ ವ್ಯಬಿಚಾರ್‌ಮಾಬಿ ಇಸ್ರಾಯೇಲ್‌ವಾಳು ಧೊಕ್‌ಡೈನ್ ಪಟ್ಕಾವ್‍ಣು ಕರಿ ಬಿಳಾಮನೆ ಬಾಲಾಕನ ಶಿಕಾಡ್ಯೊತೆ ಖರಾಬ್ ಬೋಧನೆನ ಧರಿಲ್ಯಾವಳು ತಾರಾಮ ಛಾ಼.

ಪ್ರಕಾಶಿತ್ 2:20

ತಾರ ಭಣೀಥು ಮಾರಕನ ಅಪ್‌ರಾದ್‌ ಏಕ್‌ ಛಾ಼. ಯೆಜೆಬೇಲ್ ಕರಿ ಆ ತಯೇಡ ಇನುಯೋಸ್ ಪ್ರವಾದಿನಿಕರಿ ಬೋಲಿಲಿನ್, ವ್ಯಬಿಚಾರ್‌ ಕರೇಜಾ಼ಯ್‍ಕರೀಬಿ ಮೂರತ್ನ ಅರ್ಪಣ್ ಕರಾನ ರಾಛ಼ನ ಖಾಯೆಜಾ಼ಯ್ ಕರೀಬಿ ಮಾರ ದಾಸರ‍್ನ ಬೋಧನೆ ಕರೀನ್ ಯೋ ಇವ್ಣುನ ಝೂ಼ಟ ಮಾರಗ್‍ಮ ಚ಼ಲವ್‍ಕರಿತೋಬಿ ತೂ ಇನ ಭಿರಾಖ್ಯೊಕೊಂತೆ ಹುಕುಮ್ ದ್ಯವಾಳೊ ಹುಯಿರ‍್ಹೊಸ್.