1 ಕೊರಿಂಥ 7:33 - ದೇವ್ನಿ ಖ್ಹಾಚಿ ವಚನ್

³³ ಕತೋಬಿ ವ್ಯಹಾ ಹುಯಿರ‍್ಹವಾಳೊ ಏಕ್‍ಜ಼ಣೊ ಆ ಜಗತ್ನ ಕಾಮ್ಮ ಡುಬಿರ‍್ಹೋಸ್. ಯೋ ಇನಿ ಬಾವಣ್ಣಾ ಪಸಂದ್ ಕರಾವಮಸ್ ಕೋಶಿಶ್ ಕರಾವಾಳೊ ಹುಯಿರ‍್ಹೋಸ್.

1 ಕೊರಿಂಥ 7:33 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:22

ಅಜು಼ ಯೇಸುನೆ ಇನ ಶಿಷ್ಯರ್‌ನ, “ಅನಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ, ಜಿವಿರ‍್ಹವಾನಟೇಕೆ ಶಾತ್ ಖಾಣು ಖಾಶುಕರಿ ರ‍್ಹವೊ, ನತರ್‌ಕಿ ಶರೀರ್‌ನ ಪೆರ‍್ಹಾನ ಲುಂಗ್ಡಾವ್‍ನಟೇಕೆ ರ‍್ಹವೊ ವೇಚ಼್‌ಣೆ ನಕೊ ಕರೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:20

ಅಜೇಕ್ ಜ಼ಣಾನೆ, ‘ಹಮ್ಕೇಸ್ ಮಾರೊ ವ್ಯಹಾ ಹುಯಿರ‍್ಹೋಸ್, ಇನಖ್ಹಾಜೆ ಮನ ಆವಾನ ಕೋ ಉಶೇನಿ’ ಕರಿ ಬೋಲ್ಯೊ.

ಯೋಹಾನ 10:13

ಯೋ ಕೂಲಿಆಳ್‌ ಮಿಲೈನ್‌, ಚ಼ಲ್ಯುಜಾ಼ಸ್‌ ಶನಕತೊ ಯೋ ಖಲಿಏಕ್‌ ಕೂಲಿ ಆಳ್‌ ಹುಯಿರ‍್ಹೊಸ್, ಇನಖ್ಹಾಜೇಸ್ ಮೇಂಢ ಖ್ಹಾರಾನಿ ಬಾರೇಮ ಇನ ಫಿಕರ್ ಕೋ ರ‍್ಹೇಯ್ನಿ.

1 ಕೊರಿಂಥ 7:3

ಬಾವ್ರಿ ಯೋ ಕರ್ನುತೆ ಕಾಮ್ನ ಕರಾದೆ, ಅಜು಼ ಇಮ್ಮಸ್ ಬಾವಣ್‍ ಯೋ ಕರ್ನುತೆ ಕಾಮ್ನ ಕರಾದೆ. ಭೇಜ಼ಣಾಬಿ ವ್ಹೆತ್ಯು ಜಿವ್ಣಮ ಏಕ್‌ಥಿಏಕ್ ಜ಼ರೂರತ್‌ನ ಪೂರಕರಿನ್ ಥಕ್‌ತೋಡ್ನು.

1 ಕೊರಿಂಥ 7:32

ಕತೋಬಿ ತುಮೆ ವೇಚ಼್‌ಣೆ ನಾಕರ‍್ನುಕರಿ ಬೋಲಾನುಸ್ ಮಾರಿ ಹರಖ್ಹ್ ಹುಯಿರ‍್ಹುಸ್. ಬಿಣ್‍ ವ್ಯಹಾವಾಳು ಇನುಯೋ ಪ್ರಭುನ ಕಿಮ್ ಪಸಂದ್‍ಕರಾವ್ಣು ಕರಿ ಪ್ರಭುನು ಖ್ಹಾರಕಾಮ್ನಿ ಬಾರೇಮ ಸೋಚಸ್.

1 ಕೊರಿಂಥ 7:34

ಅಜು಼ ಅನಖ್ಹಾಜೆ ವ್ಯಹಾಕೊಂತೆ ಅಜು಼ ವ್ಯಹಾ ಹುಯಿರ‍್ಹೇಯ್ತೆ ಇಮ್‌ ಭೇಬಾಜು಼ ಖೇಚಾ಼ವನಿಘೋಣಿ ಹುಯಿರ‍್ಹೇಸ್. ನತರ್ ಏಕ್‌ ವ್ಯಹಾ ಕೋಹುಯಿರೆನ್ತೆ ಕವಾರಿಯೆ ಇನುಯೋ ಶರೀರ್ ಆತ್ಮಮ ಕಿಮ್ ಪರಿಶುದ್ ರ‍್ಹೇವ್ಣುಕರಿ ಪ್ರಭುನಿ ಕಾಮ್ನ ಬಾರೇಮ ಸೋಚಸ್. ಕತೋಬಿ ವ್ಹೆತ್ತಿ ಜಗತ್ನ ಕಾಮ್ಮ ಡುಬಿರ‍್ಹೇಸ್, ಯೋ ಇನೊ ಬಾವ್ರಿನ ಪಸಂದ್ ಕರಾವ್ಣುಕರಿ ದೇಖಾಸ್.

ಕೊಲೊಸ್ಸೆ 3:19

ಬಾವ್ರಿಯೆ, ತುಮಾರಿ ಬಾವ್ಣೆನ ಪ್ಯಾರ್‌ಕರೊ, ಇವ್ಣಿ ಜೋ಼ಡ್ಮ ಕಠಣ್‍ಥಿ ನಕೊ ಚಾ಼ಲಿಲೆವೊ.

1 ತಿಮೊ 5:8

ಕೋಣ್‌ತೋಬಿ ಇವ್ಣ ಮಾಯ-ಮಾತ್ರಾನ, ಇವ್ಣ ಘರ್‌ವಾಳಾವ್ನ ಖ್ಹದರ್ ನಾ ಕರ‍್ಯೂತೊ, ಯೋ ಕ್ರಿಸ್ತಮಾನಿ ಇನು ವಿಶ್ವಾಸ್‌ನ ದಿದೊಹುಯೊ ಅಜು಼ ಯೊ ವಿಶ್ವಾಸ್‌ಕೊಂತೆ ಇವ್ಣೆಥಿಬಿ ಕಡ್‌ತೆಲ್ ಹುಯಿರ‍್ಹೋಸ್.

1 ಪೇತ್ರ 3:7

ಅಮ್ನಿಸ್ ಪರಕ್ಮ ಬಾವ್ರಿವೊ, ತಯೇಡ ತುಮಾರೇಥೀಬಿ ಕಮ್‌ಜೋ಼ರಿಕರಿ ಮಾಲುಮ್‌ಕರಿನ್, ತುಮೆ ತುಮಾರಿ ಬಾವ್ಣೆನ ಜೋ಼ಡ್ಮ ಅಛ್ಛು಼ ಅಕ್ಕಲ್‍ಥಿ ಚಾ಼ಲಿಲೇವೊ, ಇವ್ಣೆ ಹಮೇಶಾನಿ ಜಿ಼ಂದ್‌ಗೀನಿ ವರಾನ ತುಮಾರಿ ಜೋ಼ಡ್ಮಾಸ್ ಲಿಶೆಕರಿ ಮಾಲುಮ್‌ ಕರಿಲೀನ್ ಇವ್ಣುನ ಮರ್ಯಾದಿಕರೊ. ಅಮ್ ಕರ‍್ಯತೊ ತುಮಾರಿ ಪ್ರಾರ್ಥನೆನ ಅಡ್ಡಿ ಉಶೆಕೊಯ್ನಿ.