1 ಕೊರಿಂಥ 7:25 - ದೇವ್ನಿ ಖ್ಹಾಚಿ ವಚನ್

²⁵ ವ್ಯಹಾಕೊಂತೆ ಕವಾರವ್ನಿ ಬಾರೇಮ ಪ್ರಭುಥಿ ಖಿವಿ ಹುಕುಮ್ ಮನ ಕೋ ಮಳ್ಯುನಿ. ಕತೋಬಿ ವಿಶ್ವಾಸ್‌ನ ಯೋಗ್ಯ ಹುಯಿರ‍್ಹವಾನಖ್ಹಾಜೆ ಪ್ರಭುಥಿ ಮನದೆವೈರ‍್ಹೀತೆ ದಯಾನ ಲೀನ್ ಮಾರಿ ಸೋಚ್ಮ ಬೋಲುಸ್.

1 ಕೊರಿಂಥ 7:25 ပူးပေါင်းရင်းမြစ်များ

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 4:2

ಅಮ್ನ ಸೇವಕ್‌ನ ಇನ ಮಾಲಿಕ್‌ನ ವಿಶ್ವಾಸ್‌ವಾಳ ಹುಯಿನ್ ರ‍್ಹವಾನು ಜ಼ರೂರತ್ ಛಾ಼.

1 ಕೊರಿಂಥ 7:10

ವ್ಹೆತ್ಯಾವ್ನ ಮೇ ಆ ಹುಕುಮ್ ದೆವುಸ್. ಆ ಹುಕುಮ್ ಮಾರುಕಾಹೆತೆ ಪ್ರಭುನು ಹುಯಿರ‍್ಹೂಸ್. ಬಾವಣ್‍ ಇನ ಬಾವ್ರಿನ ಮ್ಹೇಲ್ನುಸ್ ನಾ.

1 ಕೊರಿಂಥ 7:12

ಬಿಜು಼ಖ್ಹಾರು ಅದ್ಮಿಖ್ಹಾರಾನ ಬಾರೇಮ ಮೇ ಬೋಲಾನು ಶಾತ್‍ಕತೊ ಆ ಖ್ಹಾರಿ ವಾತೇನ ಬೋಲುಕರುತೆ ಮೇಸ್ ಪಣ್ಕಿ ಪ್ರಭುಕಾಹೆ. ಕ್ರಿಸ್ತಮ ಭೈನ ಏಕ್‍ಜ಼ಣಿ ಕ್ರಿಸ್ತ ವಿಶ್ವಾಸ್‍ಕೊಂತೆ ಬಾವಣ್‍ ರ‍್ಹಯುತೊ ಅಜು಼ ಯೋ ಇನಿ ಜೋ಼ಡ್ಮ ಸಂಸಾರ್ ಕರೀನ್ ಜಿವ್ಣುಕರಾನ ಮಾನಿಲಿದಿತೊ ಯೋ ಪರ್ಖ್ಹೊ ಇನ ನಾ ಮ್ಹೇಲ್ನು.

1 ಕೊರಿಂಥ 7:28

ಏಕ್‌ ವಖ್ಹತ್‌ಮ ತೂ ವ್ಯಹಾ ಕರ‍್ಯೊತೋಬಿ ಯೋ ಪಾಪ್‍ಕಾಹೆ. ಕವಾರಿ ವ್ಯಹಾ ಕರಿತೋಬಿ ಪಾಪ್‍ಕಾಹೆ. ಕತೋಬಿ ವ್ಯಹಾಕರಿಲ್ಯವಾಳನ ಕೈಯೆಕ್ಕಿ ದುಖ್ ಆವ್‌ಶೆ ಯೋ ತುಮೂನ ನಾ ಹೋಣುಕರಿ ಬೋಲಾನುಸ್ ಮಾರಿ ಖ್ಹಯಾಲ್ ಹುಯಿರ‍್ಹೀಸ್.

1 ಕೊರಿಂಥ 7:34

ಅಜು಼ ಅನಖ್ಹಾಜೆ ವ್ಯಹಾಕೊಂತೆ ಅಜು಼ ವ್ಯಹಾ ಹುಯಿರ‍್ಹೇಯ್ತೆ ಇಮ್‌ ಭೇಬಾಜು಼ ಖೇಚಾ಼ವನಿಘೋಣಿ ಹುಯಿರ‍್ಹೇಸ್. ನತರ್ ಏಕ್‌ ವ್ಯಹಾ ಕೋಹುಯಿರೆನ್ತೆ ಕವಾರಿಯೆ ಇನುಯೋ ಶರೀರ್ ಆತ್ಮಮ ಕಿಮ್ ಪರಿಶುದ್ ರ‍್ಹೇವ್ಣುಕರಿ ಪ್ರಭುನಿ ಕಾಮ್ನ ಬಾರೇಮ ಸೋಚಸ್. ಕತೋಬಿ ವ್ಹೆತ್ತಿ ಜಗತ್ನ ಕಾಮ್ಮ ಡುಬಿರ‍್ಹೇಸ್, ಯೋ ಇನೊ ಬಾವ್ರಿನ ಪಸಂದ್ ಕರಾವ್ಣುಕರಿ ದೇಖಾಸ್.

1 ಕೊರಿಂಥ 7:40

ರ‍್ಹೀನ್‌ಬಿ ವ್ಯಹಾ ನಾ ಕರೀನ್ ಇಮ್ಮಸ್ ರ‍್ಹವಾನು ಇನ ಕೆತ್ರೇಕ್ಕಿ ಶಂತೋಖ್ಹ್‌ ಹುಯಿರ‍್ಹುಸ್‌ಕರಿ ಮಾರಿ ಖ್ಹಯಾಲ್‍ಕರಿರಾಖ್ಯೊಸ್. ಅಜು಼ ಮನಾಬಿ ದೇವ್ನು ಆತ್ಮ ಛಾ಼ಕರಿ ಖ್ಹಯಾಲ್ ಕರುಸ್.

1 ಕೊರಿಂಥ 7:6

ಮೇ ಅಮ್ ಕರೇಜಾ಼ಯ್‍ಕರಿ ಬೋಲುಕರುತೆ ಹುಕುಮ್ ಕಾಹೆ. ಮಾರಿ ಖಲಿ ಖ್ಹೂಜ಼್ ಹುಯಿರ‍್ಹೀಸ್.

2 ಕೊರಿಂಥ 11:17

ಮೇ ಆಖ್ಹಾರಿವಾತೆನ ಪ್ರಭುನಿ ವಾತೆನಿತರ ಬೋಲುಕೊಂತೆ ಶೊಂತ್ ಭರೋಖ್ಹಾಥಿ ಬಡೈ ಮಾರಿಲ್ಯಾವಾಳ ಪಗ್‍ಲ್ಯಾನಿತರ ಬೋಲುಸ್.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.