1 ಕೊರಿಂಥ 7:22 - ದೇವ್ನಿ ಖ್ಹಾಚಿ ವಚನ್

²² ಶನಕತೊ ಪ್ರಭುಥಿ ಬುಲಾವನಿ ವಖ್ಹ್‌ತೆ ಗುಲಾಮ್ ರ‍್ಹವಾಳೊ ಪ್ರಭುಮ ಛುಟ್ಕಾರ್ ಹುಯಿರ‍್ಹೊಸ್. ಪ್ರಭು ಬುಲಾವನಿ ವಖ್ಹ್‌ತೆ ಛು಼ಟೊರ‍್ಹವಾಳೊ ಹಮ್ಕೆ ಕ್ರಿಸ್ತನ ಗುಲಾಮ್ ಹುಯಿರ‍್ಹೋಸ್.

1 ಕೊರಿಂಥ 7:22 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ದಾಸಬಿ ಅಪೊಸ್ತಲ ಹುವಾನಖ್ಹಾಜೆ ಬುಲಾಯೊಹುಯೋಬಿ ದೇವ್ನು ಸುವಾರ್ತೆನ ಬೋಲಾನಖ್ಹಾಜೆ ಚೂ಼ಣಾಯೊಹುಯೊ ಪೌಲ,

1 ಕೊರಿಂಥ 7:21

ದೇವ್ ಬುಲಾವನಿ ವಖ್ಹ್‌ತೆ ತೂ ಬಿಜೇಕ್ನ ಗುಲಾಮ್ ಹುಯಿರೊ ಉಷೇತೊ ಸೋಚ್‍ನಕೊ. ಕತೋಬಿ ಛುಟ್ಕಾರ್ ಹುವಾನ ಅವಕಾಶ್ ಮಳಿತೊ ತೂ ಛುಟ್ಕಾರ್ ಹುಯಿಜಾ಼.

1 ಕೊರಿಂಥ 9:19

ಮೇ ಅಖ್ಖಿ ವಿಚಾರ್‌ಮ ಛುಟ್ಕಾರ್ ಹುಯಿರ‍್ಹತೋಬಿ ಘಣುಜ಼ಣಾನ ಮಾರಿ ಕಬ್‌ಜಾ಼ಮ ರಾಕ್ಣುಕರಿ ಮೇ ಅಖ್ಖಾನ ದಾಸಹುಯೊ.

1 ಕೊರಿಂಥ 9:21

ಮೇ ದೇವ್ನಿ ಧರ್ಮಶಾಸ್ತ್ರಮ ನಾ ರ‍್ಹಿಯೊನಾತೋಬಿ ಕ್ರಿಸ್ತನಿ ನಿಯಮ್ಮ ಪಡಿಗಯೊ; ಭಾರ್‌ ರ‍್ಹವಾಳಾನ ಕಮೈ ಕರಾನಖ್ಹಾಜೆ ಧರ್ಮಶಾಸ್ತ್ರನಭಾರ್‌ ರ‍್ಹವಾಳಾನಿಘೊಣಿ ಹುಯೊ. ಅನಿ ಮತ್ಲಬ್‌ ದೇವ್ನಿ ನಿಯಮ್ನ ಅದೀನ್ ಹುಯೊ ಕರಿಕಾಹೆ, ಕ್ರಿಸ್ತನಿ ನಿಯಮ್ನನಾಬಿ ಅಧೀನ್ ಹುಯಿರ‍್ಹೊಸ್.

ಗಲಾತ್ಯ 1:10

ಮೆ ಹಮ್ಕೆ ಖ್ಹಮ್‌ಜಾ಼ಡಿನ್ ಕಿನೊ ದಿಲ್‌ ಜೂತಾನ ಕೋಶಿಶ್ ಕರುಸ್? ಅದ್ಮಿನೋಕಿ? ದೇವ್ನೊಕಿ? ಮೆ ಅದ್ಮಿವ್‌ನ ಪಸಂದ್ ಕರಾವನ ಕೋಶಿಶ್ ಕರುಕರುಸ್ಕಿ? ಮೆ ಬಿಜೂ಼ಬಿ ಅದ್ಮಿವ್‌ನ ಪಸಂದ್ ಕರಾವನ ಕೋಶಿಶ್ ಕರ‍್ಯೊತೊ ಮೇ ಕ್ರಿಸ್ತನೊ ಸೇವಕ್ ಕಾಹೆ.

ಗಲಾತ್ಯ 5:1

ಕ್ರಿಸ್ತನೆ ಅಪ್ಣುನ ಕಬ್‌ಜಾ಼ಮ ನಾರ‍್ಹೇವ್ಣುಕರಿ ಅಪ್ಣುನ ಛುಟ್ಕಾರ್ ಕರೀನ್ ಮ್ಹೇಲ್ಯೊ. ಇನಾಮ ಘಟ್‍ಥಿ ಭೀರೆವೊ. ಅಜು಼ ಪಾಛು಼ ದಿಲ್‌ ಫರೈನ್ ಗುಲಾಮ್‌ಗಿರಿನ ನೊಗಾಮ ಪಾಛಾ಼ ನಕೊ ಖ್ಹಪ್‌ಡಿಜಾಶು.

ಗಲಾತ್ಯ 5:13

ಭೈಯೇ ಭೇನೆವೊ, ತುಮೆ ಛುಟ್ಕಾರ್‌ಥಿ ರ‍್ಹೇವ್ಣುಸ್‌ಕರಿ ದೇವ್ನೆ ತುಮುನ ಬುಲಾಯೊ. ಕತೋಬಿ ತುಮುನ ಛಾ಼ತೆ ಛುಟ್ಕಾರ್‌ನ ಶರೀರ್‌ನ ಇಛ್ಛಾನಿ ಪರಕ್ಮ ಉಪಯೋಗ್‌ ನಾಕರ‍್ನುತೆ, ಪ್ಯಾರ್‌ಥಿ ಏಕ್‌ಥಿ ಏಕ್‌ ಸೇವೆಕರೊ.

ಕೊಲೊಸ್ಸೆ 4:12

ತುಮಾರಮ ಕ್ರಿಸ್ತ ಯೇಸುನೊ ದಾಸ ಹುಯಿರ‍್ಹೋತೆ ಎಪಫ್ರಬಿ ತುಮುನ ಖ್ಹಲಾಮ್ ಬೋಲಸ್, ತುಮೆ ಪುರ್ಗುಲ್ ಹುಯಿರ‍್ಹೇಣು ಕರೀಬಿ ಖ್ಹಾರಾಸ್ ಕಾಮ್ಮ ದೇವ್ನಿ ಅಖ್ಖಿ ಖ್ಹೂಜ಼್‌ನಿ ಬಾರೇಮ ಪೂರ ಮಾಲುಮ್‌ ಕರಿರಾಖವಾಳ ಹುಯಿರ‍್ಹೇವ್ಣುಕರಿ ಹೈರೋತೆ ತುಮಾರಖ್ಹಾಜೆ ಮನ್‍ಲಗಾಡಿನ್ ಕದೇಬಿ ಪ್ರಾರ್ಥನೆಮ ಹುಮ್ಮಖ್ಹ್‌ ಲೀರಾಖವಾಳೊ ಹುಯಿರ‍್ಹೋಸ್.

ಫಿಲೆಮೋನ 1:16

ಅನಪಾರ್ ಯೋ ಗುಲಾಮ್ ನಾಹುಯಿರ‍್ಹೇವ್ಣುತೆ, ಕತೋಬಿ ಯೊ ಗುಲಾಮ್‌ಥೀಬಿ ಘಣೊ ಊಚೊ಼ ಛಾ಼. ಯೋ ವಿಶೇಷ್‍ಪರಕ್ಮ ಮನ ಘಣೊ ಪ್ಯಾರ್‌ನೊ ಭೈ ಹುಯಿರೋಸ್ ಅಮ್‍ ರ‍್ಹವಾಪರ್ ಏಕ್‌ ಜಗತ್‌ನೊ ಭೈಹುಯಿನ್ ಪ್ರಭುನ ಸಂಬಂದಾಮ ಬಿಜೂ಼ಬಿ ಕೆತ್ರೇಕ್ಕಿ ಮನಾಬಿ ತುನ ಪ್ಯಾರ‍್ನೊ ಹುಯಿರ‍್ಹಿಶೆ ಕೊಯ್ನಿಕಿ ಶು?

1 ಪೇತ್ರ 2:16

ಛುಟ್ಕಾರ್ ಲೀಲೆವೊ, ಕತೋಬಿ ಖರಾಬ್ ಫನೈನ ಲಪಾಡನಖ್ಹಾಜೆ ತುಮಾರಿ ಛುಟ್ಕಾರ್‌ನ ನಕೊ ಉಪಯೋಗ್‍ಕರೊ. ಕತೋಬಿ ತುಮೆ ದೇವ್ನ ಸೇವಕ್‌ನಿತರ ಚಾ಼ಲಿಲೆವೊ.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,