1 ಕೊರಿಂಥ 7:19 - ದೇವ್ನಿ ಖ್ಹಾಚಿ ವಚನ್

¹⁹ ಖ್ಹತ್ನ ಕರಾವನುಕಿ ನತರ್ ಖ್ಹತ್ನ ಕರಾವ್ಣುಕರಿ ಯೋಸ್ ಮುಖ್ಯ ಕಾಹೆ. ದೇವ್ನು ಹುಕುಮ್‌ನ ಪಾಡಿನ್ ಚಾ಼ಲನೂಸ್ ಮುಖ್ಯ ಹುಯಿರ‍್ಹುಸ್.

1 ಕೊರಿಂಥ 7:19 ပူးပေါင်းရင်းမြစ်များ

ಮತ್ತಾಯ 5:19

ಇನಖ್ಹಾಜೇಸ್, ಆ ಹುಕುಮ್‌ನಿ ನ್ಹಾನಿಶಿ ಏಕ್‌ ವಾತ್ನಬಿ ಮ್ಹೇಲಿನ್ ಚಾ಼ಲವಾಳೊ ಅಜು಼ ಬಿಜಾ಼ನಾಬಿ ಇಮ್ಮಸ್ ಚಾ಼ಲಾನ ಶಿಕಾಡವಾಳೊ, ಸೊರ್ಗ ರಾಜ್ಯಮ ಖ್ಹಾರೇಥಿ ನ್ಹಾನೊ ಕರಿ ಬೋಲೈಲಿಶೆ. ಕತೋಬಿ ಯೋಸ್ ಯೋ ಹುಕುಮ್ನಿಮತ್ ಚಾ಼ಲಿನ್, ಬಿಜಾ಼ನಾಬಿ ಇಮ್ಮಸ್ ಚಾ಼ಲಾನ ಶಿಕಾಡವಾಳೊ, ಸೊರ್ಗ ರಾಜ್ಯಮ ಮಹಾನ್ ಕರಿ ಬೋಲೈಲಿಶೆ.

ಯೋಹಾನ 15:14

ಮೇ ತುಮೂನ ದಿದೋತೆ ಹುಕುಮ್‌ನಿಘೋಣಿ ತುಮೆ ಚಾ಼ಲ್ಯಾತೊ, ತುಮೆ ಮಾರ ದೋಸ್ತ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:30

ದೇವ್ನೆ ಖ್ಹತ್ನವಾಳಾನ ನೀತಿವಾಳುಕರಿ ತೀರ್ಪ್‌ಕರಾನ ಇವ್ಣಿ ವಿಶ್ವಾಸಸ್ ಆಧಾರ್. ಇಮ್ಮಸ್ ಖ್ಹತ್ನಕೊಂತೆ ಇವ್ಣುನ ತೀರ್ಪ್‌ಕರಾನಾಬಿ ವಿಶ್ವಾಸಸ್ ಕಾರಣ್ ಹುಯಿರುಸ್.

1 ಕೊರಿಂಥ 8:8

ಕತೋಬಿ ಅಪ್ಣೆ ಖಾವನು ಖಾಣು ದೇವ್ನ ಖನ್ನೆ ಮ್ಹೇಲಾಕೊಯ್ನಿ. ನಾ ಖಾವಾಥಿ ಲುಕ್ಷಾನ್‌ಬಿ ಕೊಯ್ನಿ. ಖಾದೋತೊ ಫಾಯಿದೊಬಿ ಕೊಯ್ನಿ.

ಗಲಾತ್ಯ 3:28

ತುಮೆ ಅಖ್ಖುಜ಼ಣು ಕ್ರಿಸ್ತ ಯೇಸುಮ ಎಕ್ಕಸ್ ಹುಯಿರ‍್ಹಾಸ್ತೆಖ್ಹಾಜೆ ಮೆ ಯೆಹೂದ್ಯರ್‌ವಾಳೊ ನತರ್ ಯೆಹೂದ್ಯಕಾಹೇತೆ ಕರಿ ರ‍್ಹವೊ, ಛುಟ್ಕಾರ್‌ವಾಳ ನತರ್ ದಾಸರ್‌ ಕರಿ ರ‍್ಹವೊ, ಪರ್ಖ್ಹೊ ಅಜು಼ ತಯೇಡ ಕರಿ ರ‍್ಹವೊ ಫರಕ್ ಕೊಯ್ನಿ.

ಗಲಾತ್ಯ 5:6

ಕ್ರಿಸ್ತ ಯೇಸುಮ ರ‍್ಹವಾಳನ ಖ್ಹತ್ನ ಹುಯುತೋಬಿ ನಾಹುಯುತೋಬಿ ಫಾಯಿದೊ ಕೊಯ್ನಿ. ಕತೋಬಿ ಪ್ಯಾರ್‌ಥಿ ರ‍್ಹೇಸ್ತೆ ವಿಶ್ವಾಸಸ್ ಫಾಯಿದಾನು ಹುಯಿರ‍್ಹುಸ್.

ಗಲಾತ್ಯ 6:15

ಶನಕತೊ ಖ್ಹತ್ನ ಹುಯುತೋಬಿ ನತರ್ ನಾಹುಯುತೋಬಿ ಯೋ ಮುಖ್ಯ ಕಾಹೆ. ಕತೋಬಿ ನವೇಥಿ ಪೈದಾಹುವಾನುಸ್ ಮುಖ್ಯ ಹುಯಿರ‍್ಹುಸ್.

ಕೊಲೊಸ್ಸೆ 3:11

ಆ ನವ ಜಿವ್ಣಮ ಯೆಹೂದ್ಯಕಾಹೇತೆ ಅಜು಼ ಯೆಹೂದ್ಯವಾಳೊ ಕರಿ ಫರಕ್ ಕೊಯ್ನಿ, ಖ್ಹತ್ನ ಕರೈರಾಖವಾಳು, ಕರೈರಾಖಕೊಂತೆ ಕರಿ ಫರಕ್‌ಕೊಯ್ನಿ, ಮಾಲುಮ್‌ರ‍್ಹವಾಳು ನಾಮಾಲುಮ್‌ ರ‍್ಹವಾಳುಕರಿ ಫರಕ್ ಕೊಯ್ನಿ. ಆಳ್‌, ಯಜಮಾನ್‍ಕರಿ ಫರಕ್ ಕೊಯ್ನಿ. ಕತೋಬಿ ಕ್ರಿಸ್ತಸ್ ತಮಾಮ್‍ಬಿ ಹರೇಕ್‌ಮ ರ‍್ಹವಾಳೊ ಹುಯಿರ‍್ಹೋಸ್.

ಪ್ರಕಾಶಿತ್ 22:14

ಇವ್ಣ ಝ಼ಗ್ಗಾವ್‍ನ ದೊಹಿಲಿನ್ ಶುದ್‍ ಹುಯಿರ‍್ಹವಾಳು ಧನ್ಯರ್. ಇವ್ಣೆ ಜಾನ್ನ ಝಾ಼ಡ್‌ನು ಪಂಡು ಖಾವನ ಹಕ್‍ದಾರ್ ಹುಯಿರ‍್ಹಿಶೆ. ಇವ್ಣೆ ಬಾಕಲ್ನ ವಾಟೆಕರಿ ಯೋ ಖ್ಹಯೇರ‍್ನ ಮಹಿ ಜಾ಼ವಳು ಹುಯಿರ‍್ಹಿಶೆ.