1 ಕೊರಿಂಥ 7:17 - ದೇವ್ನಿ ಖ್ಹಾಚಿ ವಚನ್

¹⁷ ಕತೋಬಿ ಹರೇಕ್‍ಜ಼ಣಾನ ಪ್ರಭುನೆ ದಿರಾಖ್ಯೊಸ್ತೆ ಜಿಮ್ಮೇದಾರಿನಾಬಿ. ಅಜು಼ ಇನೆ ಇವ್ಣುನ ಶನಖ್ಹಾಜೆ ಬುಲಾಯೋಕಿ ಇನಾಬಿ ಬರೋಬರ್ ಜಿವ್ಣುಕರಾದೆ. ಅಮ್ ನಿಯಮಸ್ ಅಖ್ಖೀಸ್ ಸಬೆಮ ಚಾ಼ಲಿಲೇವ್ಣುಕರಿ ಮೇ ಶಿಕಾಡುಸ್.

1 ಕೊರಿಂಥ 7:17 ပူးပေါင်းရင်းမြစ်များ

ಮತ್ತಾಯ 19:12

ಪರ್ಖ್ಹಾ ಅದ್ಮಿ ವ್ಯಹಾ ಕರಾಕೊಯ್ನಿತೆ ಇನ ಬಿಜಿ-ಬಿಜಿ ಕಾರಣ್ ಛಾ಼. ಕೆಹುಕತೊ, ಥೋಡು ಜ಼ಣು ಆಯಾನ ಗರಬ್‌ಮಾಥೂಸ್ ವ್ಯಹಾ ಕರಾನ ಲ್ಹಾಯಕ್‌ಕೊಂತೆ ಇಮ್‌ ಪೈದಾಹುವ್ವಾಸ್; ಅಜು಼ ಥೋಡು ಜ಼ಣು ಅದ್ಮಿನ ಹಾತೆ ಇಮ್‌ ಕರೈಲೇಸ್; ಕತೋಬಿ ಬಿಜು಼ ಥೋಡು ಜ಼ಣು ಸೊರ್ಗಾನು ರಾಜ್ಯನಖ್ಹಾಜೆ ವ್ಯಹಾ ಕರಾಕೊಯ್ನಿ. ಕಿನ ಆ ವಾತೇನ ಮಾನಾನ ಹುವಾಸ್ಕಿ ಇವ್ಣೆ ಮಾನಿಲೇಸ್.

1 ಕೊರಿಂಥ 10:32

ಬಿಜ಼ ಅದ್ಮಿಯೇವ್‍ ಕತೊ, ಯೆಹೂದ್ಯರ್‌ರ‍್ಹೆವೊ, ಯೆಹೂದ್ಯಕಾಹೇತೆ ರ‍್ಹವೊ, ನತರ್ ದೇವ್ನಿ ಸಬೆವಾಳನರ‍್ಹೇವೊ; ಇವ್ಣೆ ಗಲತ್‍ಮ ಪಡಾನಿಘೋಣಿ ಕದೇಬಿ ನಕೊಕರ್ಷು.

1 ಕೊರಿಂಥ 11:16

ಕತೋಬಿ ಅನಿಬಾರೇಮ ಕೋಣ್‍ತೋಬಿ ಅಬ್ಬಾಜ಼ಬ್ಬಿ ಕರಾನು ರ‍್ಹಿಯುತೊ ಇನ ಮೇ ಅತ್ರೇಸ್ ಬೋಲುಸ್; ಅಥ್ರಾನಿ ಪದತ್ತಿ ಹಮಾರಮ ರ‍್ಹವೊ ಅಜು಼ ದೇವ್ನಿ ಸಬೆವ್‌ಮ ರ‍್ಹವೊ ಕೊಯ್ನಿ.

1 ಕೊರಿಂಥ 11:34

ಕೋಣ್‍ತೋಬಿ ಭುಕ್ಯೊರ‍್ಹಿಯೋತೊ ಯೊ ಘರ್‌ಮಾಸ್ ಖಾವಾದೆ. ಅನೇಥಿ ತುಮೆ ದೇವ್ನಿ ತೀರ್ಪ್‌ಮ ಮಳಿನ್ ಆವ್ಣು ನಾ. ಬಿಜು಼ ಉಬ್ರಿಹುಯಿ ವಾತೆಖ್ಹಾರಿ ಮೇ ಐನ್‌ ಖ್ಹಮ್‍ಜಾ಼ಡಿಶ್.

1 ಕೊರಿಂಥ 14:33

ದೇವ್ ಖ್ಹಾರಿ ಸಬೆನ ಸಮಾಧಾನ್ನೊ ದೇವ್ ಹುಯಿರ‍್ಹೋಸ್ ಪಣ್ಕಿ ಕಲಾವ್ಣಿನ ಕಾರಣ್ ಕಾಹೆ.

1 ಕೊರಿಂಥ 16:1

ದೇವ್ನ ಅದ್ಮಿನಖ್ಹಾಜೆ ಪೈಶ ಜ಼ಮ ಕರಾನಿ ಬಾರೇಮ ಮೇ ಗಲಾತ್ಯನಿ ಅಖ್ಖಿ ಸಬೆನ ಬೋಲ್ಯೊತೆ ಇಮ್ಮಸ್ ತುಮೇಬಿ ಕರೊ.

1 ಕೊರಿಂಥ 4:17

ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ.

1 ಕೊರಿಂಥ 7:18

ದೇವ್ ಬುಲಾಯೋತೆ ದನ್ಮ ಕೋಣ್‌ತೋಬಿ ಖ್ಹತ್ನ ಹುಯಿರ‍್ಹವಾನು ರ‍್ಹಯುತೊ ಇನ ಖ್ಹತ್ನ ಕರಾಯೋತೆ ಇನಖ್ಹಾಜೆ ಸೋಚಾನು ಹೋಣುಕೊಯ್ನಿ. ದೇವ್ ಬುಲಾವನಿ ವಖ್ಹತ್‌ಮ ಕೋಣ್‌ತೋಬಿ ನಾ ಖ್ಹತ್ನ ಕರೈರಾಖ್ಯೊತೊ ಯೋ ಖ್ಹತ್ನಕರಾವನಿ ಜ಼ರೂರತ್ ಕೊಯ್ನಿ.

1 ಕೊರಿಂಥ 7:24

ಭೇನೆ ಭೈಯೇವೊ ಹರೇಕ್‍ಜ಼ಣುಬಿ ದೇವ್‍ಥಿ ಬುಲಾವನಿ ವಖ್ಹ್‌ತೆ ಖಿವಿ ಲಖಣ್‍ಮ ಥಾಕಿ ಯೋಸ್ ಪರಕ್ಮ ದೇವ್ನ ಜೋ಼ಡ್ಮ ರ‍್ಹವೊ.

1 ಕೊರಿಂಥ 7:7

ಮೇ ರ‍್ಹವಾನಿತರ ಅಖ್ಖೂಸ್ ಅದ್ಮಿಖ್ಹಾರು ರ‍್ಹೇವ್ಣುಕರಿ ಮಾರಿ ಆಖ್ಹ್. ಕತೋಬಿ ದೇವ್ನೆ ಹರೇಕ್‍ನಾಬಿ ವಿಶೇಷ್ ವರ ಮಳಿರ‍್ಹೀಸ್. ಏಕ್‍ಜ಼ಣಾನ ಏಕ್‍ಪರಕ್‍ನಿ ವರ ರ‍್ಹಯೂತೊ ಬಿಜೇಕ್‍ನ ಏಕ್‍ಪರಕ್ನು ವರ ಹುಯಿರ‍್ಹೂಸ್.

2 ಕೊರಿಂಥ 11:28

ಎತ್ರೇಸ್ ಕಾಹೆ, ಖ್ಹಾರೀಸ್‍ ಸಬೆಪರ್‌ನು ವೇಚ಼್‌ಣೆ ಮನ ದನ್‌ಪರ್‌ರೋಜ಼್ ಖ್ಹತವ್‍ಕರಸ್.

2 ಕೊರಿಂಥ 8:18

ಅಖ್ಖೀಸ್ ಸಬೆವಾಳು ಖ್ಹರಾವಸ್‍ತೆ ಏಕ್‌ ಭೈನ ತೀತನಿ ಜೋ಼ಡ್ಮ ಹಮೆ ಮೋಕ್ಲು ಕರಿಯೇಸ್; ಆ ಭೈ ಸುವಾರ್ತೆನಿ ಬಾರೇಮ ಕೀರ್ತಿ ಲೀರಾಖ್ಯೋಸ್.

ಗಲಾತ್ಯ 1:22

ಕತೋಬಿ ಕ್ರಿಸ್ತಮಾನು ಯೂದಾಯನು ಸಬೆವಾಳು ಮನ ಬಿಜು಼ ಅಗ್ಗಳ್ ಕೆದೇಬಿ ಮಳಿರ‍್ಹುಥು ಕೊಯ್ನಿ.

1 ಥೆಸ 2:14

ಹಮಾರ ಭೈಯೇ ಭೇನೆವೊ, ತುಮೆ ಯೂದಾಯಮ ಕ್ರಿಸ್ತ ಯೇಸುಮ ಛಾ಼ತೆ ದೇವ್ನಿ ಖ್ಹಾಚಿ ಸಬೇನಿಮತ್‌ ಚಾ಼ಲಿರಾಖ್ಯಾಸ್‌. ಇವ್ಣೆ ಯೆಹೂದ್ಯರ್‌ಥಿ ಖ್ಹಮಾಳ್ಯುತೆ ಖ್ಹತಾಪ್ಣಿನ, ತುಮೆ ತುಮಾರ ಶೊಂತ್‌ ಅದ್ಮಿಥಿ ಖ್ಹಮಾಳಿರಾಖ್ಯಾಸ್‌.

2 ಥೆಸ 1:4

ಶನಕತೊ ತುಮೆ ಖ್ಹಮಾಳಮಾಬಿ ಖ್ಹತಾಪ್ಣಿಮಾಬಿ ತುಮಾರಮ ದೆಖಾಯುತೆ ವಿಶ್ವಾಸ್ನಖ್ಹಾಜೆಥಿ ದೇವ್ನಿ ಅದ್ಮಿನಿ ಸಬೇಮ ಕಮ್‌ಠೋಕಿ ವಾತೆ ಬೋಲಿಯೇಸ್.