1 ಕೊರಿಂಥ 7:10 - ದೇವ್ನಿ ಖ್ಹಾಚಿ ವಚನ್

¹⁰ ವ್ಹೆತ್ಯಾವ್ನ ಮೇ ಆ ಹುಕುಮ್ ದೆವುಸ್. ಆ ಹುಕುಮ್ ಮಾರುಕಾಹೆತೆ ಪ್ರಭುನು ಹುಯಿರ‍್ಹೂಸ್. ಬಾವಣ್‍ ಇನ ಬಾವ್ರಿನ ಮ್ಹೇಲ್ನುಸ್ ನಾ.

1 ಕೊರಿಂಥ 7:10 ပူးပေါင်းရင်းမြစ်များ

ಮತ್ತಾಯ 5:32

ಕತೋಬಿ ಮೇ ತುಮೂನ ಬೋಲುಸ್ಕಿ, ವ್ಯಬಿಚಾರ‍್ನಿ ಕಾರಣ್‌ ಕೊಂತೆಸ್ ಇನಿ ಬಾವಣ್ಣ ಮ್ಹೇಲಿದ್ಯವಾಳೊ ಯೋಸ್ ಇನಿ ಬಾವಣ್ಣ ವ್ಯಬಿಚಾರ್‌ಮ ಪಡಾನ ಜಿಮ್ಮೇದಾರಿ ಉಶೆ. ನಾಹುಯಿನ್ ಬಾವ್ರಿ ಮ್ಹೇಲಿಹುಯಿನ ವ್ಯಹಾ ಕರಿಲ್ಯವಳೋಬಿ ವ್ಯಬಿಚಾರಿ ಹುಯಿಜಾ಼ಸ್.

ಮಾರ್ಕ 10:2

ತದೆ ಫರಿಸಾಯರ್‌ವಾಳು ಯೇಸುಕನ ಆಯಿನ್‌ ಇನ ಫಖ್ಹಾವ್ಣು ಕರಿ ಕರ‍್ಯು. ತದೆ ಇವ್ಣೆ ಇನ, “ಅಪ್ಣಿ ಖಾನುಲ್‌ಮ, ಕೋಣ್‌ತೋಬಿ ಏಕ್‌ ಜ಼ಣೊ ಇನಿ ಬಾವಣ್ಣ ಮ್ಹೇಲಿದ್ಯವಾನು ಬರೊಬರ್‌ಕಿ ಶು? ಕರಿ ಪುಛಾ಼ಯು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:18

ಇನಿ ಬಾವಣ್ಣ ಮ್ಹೇಲಿನ್, ಬಿಜೇಕ್‍ನ ವ್ಯಹಾ ಕರಿಲ್ಯವಾಳು ಹರೇಕ್‍ಬಿ ವ್ಯಬಿಚಾರ್ ಕರಾವಾಳು ಹುಯಿರ‍್ಹೂಸ್. ಬಾವ್ರಿ ಮ್ಹೆಂದಿದೋತೆ ತಯೇಡಾನ ವ್ಯಹಾ ಕರಿಲ್ಯವಾಳು ವ್ಯಬಿಚಾರ್ ಕರಾವಾಳು ಹುಯಿರ‍್ಹೂಸ್.

1 ಕೊರಿಂಥ 7:11

ಬಾವಣ್‍ ಇನ ಬಾವ್ರಿನ ಮ್ಹೇಲಿದಿದಿತೊ ಯೊ ಹುಯಿರೀತೆ ಅಜೇಕ್ ವ್ಯಹಾ ನಾಕರ‍್ನು. ನಾರ‍್ಹಯುತೊ ಬಾವ್ರಿನ ಜೋ಼ಡ್ಮ ಪಾಛು಼ ಮಳಿಜಾ಼ವ್ಣು. ಅಜು಼ ಬಾವ್ರಿ ಇನಿ ಬಾವಣ್ಣ ನಾ ಮ್ಹೇಲ್ನು.

1 ಕೊರಿಂಥ 7:12

ಬಿಜು಼ಖ್ಹಾರು ಅದ್ಮಿಖ್ಹಾರಾನ ಬಾರೇಮ ಮೇ ಬೋಲಾನು ಶಾತ್‍ಕತೊ ಆ ಖ್ಹಾರಿ ವಾತೇನ ಬೋಲುಕರುತೆ ಮೇಸ್ ಪಣ್ಕಿ ಪ್ರಭುಕಾಹೆ. ಕ್ರಿಸ್ತಮ ಭೈನ ಏಕ್‍ಜ಼ಣಿ ಕ್ರಿಸ್ತ ವಿಶ್ವಾಸ್‍ಕೊಂತೆ ಬಾವಣ್‍ ರ‍್ಹಯುತೊ ಅಜು಼ ಯೋ ಇನಿ ಜೋ಼ಡ್ಮ ಸಂಸಾರ್ ಕರೀನ್ ಜಿವ್ಣುಕರಾನ ಮಾನಿಲಿದಿತೊ ಯೋ ಪರ್ಖ್ಹೊ ಇನ ನಾ ಮ್ಹೇಲ್ನು.

1 ಕೊರಿಂಥ 7:15

ಕತೋಬಿ ಕ್ರಿಸ್ತ ವಿಶ್ವಾಸ್‌ಕೊಂತೆ ಏಕ್‍ಜ಼ಣು ಮ್ಹೇಲಿನ್ ಜಾ಼ವ್ಣುಕರಿ ನಿರ್ಧಾರ್ ಕರ‍್ಯೊತೊ ಯೊ ಪರ್ಖ್ಹೊ ಮ್ಹೇಲಿನ್ ಜ಼ವಾದೆ. ಅಮ್ನಿ ಪರಕ್ ಚಾ಼ಲ್ಯುತೊ ಕ್ರಿಸ್ತಮ ಭೈನ ರ‍್ಹವೊ, ನತರ್ ಭೇನ್ ರ‍್ಹವೊ ಜಿಮ್ಮೆದಾರಿ ಕಾಹೆ. ಸಮಾಧಾನ್‍ಮ ರ‍್ಹೇವ್ಣುಕರಿ ದೇವ್ನೆ ಅಪ್ಣುನ ಬುಲೈರಾಖ್ಯೊಸ್.

1 ಕೊರಿಂಥ 7:25

ವ್ಯಹಾಕೊಂತೆ ಕವಾರವ್ನಿ ಬಾರೇಮ ಪ್ರಭುಥಿ ಖಿವಿ ಹುಕುಮ್ ಮನ ಕೋ ಮಳ್ಯುನಿ. ಕತೋಬಿ ವಿಶ್ವಾಸ್‌ನ ಯೋಗ್ಯ ಹುಯಿರ‍್ಹವಾನಖ್ಹಾಜೆ ಪ್ರಭುಥಿ ಮನದೆವೈರ‍್ಹೀತೆ ದಯಾನ ಲೀನ್ ಮಾರಿ ಸೋಚ್ಮ ಬೋಲುಸ್.

1 ಕೊರಿಂಥ 7:40

ರ‍್ಹೀನ್‌ಬಿ ವ್ಯಹಾ ನಾ ಕರೀನ್ ಇಮ್ಮಸ್ ರ‍್ಹವಾನು ಇನ ಕೆತ್ರೇಕ್ಕಿ ಶಂತೋಖ್ಹ್‌ ಹುಯಿರ‍್ಹುಸ್‌ಕರಿ ಮಾರಿ ಖ್ಹಯಾಲ್‍ಕರಿರಾಖ್ಯೊಸ್. ಅಜು಼ ಮನಾಬಿ ದೇವ್ನು ಆತ್ಮ ಛಾ಼ಕರಿ ಖ್ಹಯಾಲ್ ಕರುಸ್.

1 ಕೊರಿಂಥ 7:6

ಮೇ ಅಮ್ ಕರೇಜಾ಼ಯ್‍ಕರಿ ಬೋಲುಕರುತೆ ಹುಕುಮ್ ಕಾಹೆ. ಮಾರಿ ಖಲಿ ಖ್ಹೂಜ಼್ ಹುಯಿರ‍್ಹೀಸ್.