1 ಕೊರಿಂಥ 6:15 - ದೇವ್ನಿ ಖ್ಹಾಚಿ ವಚನ್

¹⁵ ತುಮಾರು ಶರೀರ್ ಕ್ರಿಸ್ತನು ಭಾಗ್‍ಖ್ಹಾರು ಹುಯಿರ‍್ಹುಸ್‌ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಅಮ್‍ರ‍್ಹವಾಪರ್ ಕ್ರಿಸ್ತಾನ ಭಾಗ್‍ಖ್ಹಾರನ ಲೀನ್ ವ್ಯಬಿಚಾರಿಣಿನ ಭಾಗ್‍ನಿಜೋ಼ಡ್ಮ ಮಳಾವನು ಬರಬರ್‌ಕಿ ಶು? ಕದೇಬಿ ನಾ ಕರ‍್ನು.

1 ಕೊರಿಂಥ 6:15 ပူးပေါင်းရင်းမြစ်များ

ಎಫೆಸ 5:30

ಇನಖ್ಹಾಜೆ ಸಬೆಕರಿ ಶರೀರ್‌ನ ಅಪ್ಣೆ ಖ್ಹಂದೊಅಖ್ಖು ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:5

ಯೋಸ್ ಪರಕ್ಮ ಕೈಯೇಕ್‍ಜ಼ಣ ಹುಯಿರಾತೆ ಅಪ್ಣೆ ಕ್ರಿಸ್ತಮ ಎಕ್ಕಸ್ ಶರೀರ್ ಹುಯಿರ‍್ಹಿಯೇಸ್. ಅಜು಼ ಅಪ್ಣೆ ಅಖ್ಖಾ ಎಕ್ಕಸ್ ಶರೀರ್‌ನ ಭಾಗ್‍ಹುಯಿರ‍್ಹೆಯೇಸ್.

ಕೊಲೊಸ್ಸೆ 2:19

ಶನಕತೊ ಅಥ್ರಾನವಾಳು ಕ್ರಿಸ್ತಕರಿ ಬೋಲಾನು ಮುಡ್‌ಕ್ಯಾನ ಜೋ಼ಡ್ಮ ಸಂಬಂದ್ ಕಾಡಿಲ್ಯಾವಾಳು ಹುಯಿರ‍್ಹೇಸ್. ಯೋ ಮುಡ್‍ಕೇಥಿಸ್ ಶರೀರ್ ಖ್ಹಾರೂಸ್ ಕೀಲ್, ನ್ಹಾರ್‌ನ ಹೋಣುತೆ ಶಕತ್ನದೀನ್ ಅಜು಼ ಎಕ್ಟುಹುಯಿನ್ ಶರೀರ್ ಬಣ್ಯು. ಯೋ ದೇವ್ ದೇಸ್ತೆ ಬರ್ಗಥ್ಥಿ ಭಡ್ತುಹುಯಿನ್ ಆವಸ್.

1 ಕೊರಿಂಥ 12:27

ಹಮ್ಕೆ ತುಮೆ ಕ್ರಿಸ್ತನು ಶರೀರ್ ಹುಯಿರಾಸ್. ತುಮಾರಮ ಹರೇಕ್ ಜ಼ಣುಬಿ ಯೋ ಶರೀರ್‌ನು ಭಾಗ್‍ಅಖ್ಖು ಹುಯಿರಾಸ್.

ಎಫೆಸ 4:12

ಯೋ ಕ್ರಿಸ್ತನ ಶರೀರ್‌ಮ ಎಕ್ಟುಹುವಾನಖ್ಹಾಜೆ ಅಖ್ಖಾ ದೇವ್ನ ಅದ್ಮಿವ್‌ನ ಕ್ರಿಸ್ತನ ಸೇವೆನ ಕಾಮ್ನಖ್ಹಾಜೆ ತಯಾರ್ ಕರಾನ ಟೇಕೆ ಯೋ ಅಮ್ ಕರ‍್ಯೊ.

1 ಕೊರಿಂಥ 11:3

ಹರೇಕ್ ಪರ್ಖ್ಹಾನ ಕ್ರಿಸ್ತ ಮುಡ್‌ಕ್ಯು, ತಯೇಡಾನ ಪರ್ಖ್ಹೊ ಮುಡ್‌ಕ್ಯು ಅಜು಼ ಕ್ರಿಸ್ತನ ದೇವ್ ಮುಡ್‌ಕ್ಯು ಹುಯಿರ‍್ಹೂಸ್ ಕರಿ ಬೋಲಾನು ಯೊ ಮಾಲುಮ್ ರ‍್ಹೇವ್ಣು.

1 ಕೊರಿಂಥ 6:19

ತುಮಾರು ಶರೀರ್ ಪವಿತ್ರಾತ್ಮನ ಮಂದಿರ್‌ ಹುಯಿರ‍್ಹುಸ್‌ಕರಿ ಬೋಲಾನು ತುಮೂನ ಮಾಲುಮ್ ಕಿಶು? ಯೋಸ್‌ ಆತ್ಮ ತುಮಾರಮ ಛಾ಼ಕರಿ ಮಾಲುಮ್ ಕೊಯ್ನಿಕಿಶು? ತುಮೆ ದೇವ್‍ಥಿ ಇನ ಲೀಲಿದ. ತುಮೆ ತುಮಾರು ಶೊಂತ್ ಕಾಹೆ.

ಎಫೆಸ 5:23

ಶನಕತೊ ಕ್ರಿಸ್ತ ಸಬೆನ ಮುಡ್‌ಕ್ಯು ಹುಯಿರ‍್ಹೋಸ್ತೆ ಇಮ್ಮಸ್ ಬಾವ್ರಿ ಬಾವಣ್ಣ ಮುಡ್‌ಕ್ಯು ಹುಯಿರ‍್ಹೊಸ್. ಕ್ರಿಸ್ತಸ್ ಯೊ ಸಬೆಕರಿ ಶರೀರ್‌ನ ರಕ್ಷಕ್ ಹುಯಿರ‍್ಹೋಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:16

“ಯೋ ಆಯಿನ್, ವಾರ್‌ನ ಲೀರಾಖ್ಯುಥೂತೆ, ಇವ್ಣುನ ಮಾರಿನಾಖಿನ್, ಇನ ದ್ರಾಕ್ಷಿನ ಬಾಗ್‌ನ ಬಿಜಾ಼ವ್ನ ದಿಶೆ” ಕರಿ ಬೋಲ್ಯೊ. ಅನ ಖ್ಹಮ್‌ಜಿನ್‌ ಅದ್ಮಿಖ್ಹಾರು, “ಅಮ್ ನಾಹೊಣು!” ಕರಿ ಬೋಲ್ಯು.

ಗಲಾತ್ಯ 6:14

ಮನತೋಬಿ ಮಾರೊ ಪ್ರಭು ಯೇಸು ಕ್ರಿಸ್ತನಿ ಶಿಲ್‌ಬೇನಿ ಬಾರೇಮಸ್ ಪಣ್ಕಿ ಬಿಜು಼ ಖೆವಾಥೀಬಿ ಊಚು಼ ಹೋಣುಕೊಯ್ನಿ. ಇನೇಥಿ ಮೇ ಜಗತ್ನಖ್ಹಾಜೆ ಮರಿಗೊ; ಜಗತ್‌ ಮಾರಖ್ಹಾಜೆಬಿ ಶಿಲ್‌ಬೇಪರ್ ಮರಿಗಯುಥು.

ಗಲಾತ್ಯ 3:21

ಇಮ್‍ಕತೊ ಮೋಶೇನು ಧರ್ಮಶಾಸ್ತ್ರ ದೇವ್ನ ವಾಗ್ದಾನ್ನ ವಿರೋದ್ ಕಿಶು? ಕಾಹೆಸ್ ಕಾಹೆ! ಬಚಾ಼ಡಾನಿ ಶಕತ್ನ ಧರ್ಮಶಾಸ್ತ್ರಥಿ ನೀತಿ ಮಳ್‌ಶೇಸ್ ಮಳ್‌ಶೆ.

ಗಲಾತ್ಯ 2:17

ಕತೋಬಿ ಅಪ್ಣೆ ಯೇಸು ಕ್ರಿಸ್ತಥಿ ನೀತಿವಾಳ ಕರಿ ತೀರ್ಮಾನ್ ಹುವಾನಿ ಕೋಶಿಶ್ಮ ಅಪ್ಣೆ ಪಾಪಿಕರಿ ದೆಖಾಯತೊ ಕ್ರಿಸ್ತ ಪಾಪ್ನ ಮದತ್‌ಕರಾವಾಳೊ ಕಿಶು? ಕೆದೇಬಿ ಕೊಯ್ನಿ.

1 ಕೊರಿಂಥ 6:13

ಖಾಣು ಅಖ್ಖು ಪೇಟ್ನಖ್ಹಾಜೇಸ್. ಪೇಟ್ ಖಾಣನ ಖ್ಹಾಜೆಸ್ ಛಾ಼.” ಕರಿ ಬೋಲೆಜಾ಼ಯ್ ಯೋ ಖ್ಹಾಚಾಸ್. ಆ ಭೇನ ಪೂರ ಕರಾವಾಳೊ ದೇವಸ್. ಶರೀರ್‌ಛಾ಼ತೆ ವ್ಯಬಿಚಾರ್‌ ಕರಾನಖ್ಹಾಜೆ ಕಾಹೆ ಪ್ರಭುನ ಸೇವೆ ಕರಾನಖ್ಹಾಜೆಸ್. ಪ್ರಭು ಶರೀರ್‌ನಖ್ಹಾಜೆ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:13

ಇಮ್‍ಕತೊ ಅಛ಼್ಛುಸ್ ಮನ ಮರಣ್‌ಲಾಯುಕಿಶು? ಇಮ್ ನಾರ‍್ಹಯುತೊ! ಪಾಪಸ್ ಯೊ ಕರ‍್ಯು ಅಛ಼್ಛಥೀಸ್ ಮನ ಉಪಯೋಗ್ ಕರೀನ್ ಪಾಪ್ನೆ ಮರಣ್ ಆವಾನಿತರ ಕರ‍್ಯು. ಅನೇಥಿ ಪಾಪ್ ಇನು ಖ್ಹಾಚು಼ ಸ್ವಭಾವ್‌ನ ವತಾಳ್ಯು ಇನಖ್ಹಾಜೆ ಹುಕುಮ್‌ಥಿ ಪಾಪ್ ಯೋ ಕೆತ್ರೆ ಕಠೋರ್‌ಕರಿ ಮಾಲುಮ್‌ ಪಡಾಸ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:7

ಇಮ್‍ಕತೊ ಅಪ್ಣೆಶಾತ್ ಬೋಲಿಯೆ ಪಾಪ್ ಧರ್ಮಶಾಸ್ತ್ರಸ್ ಹುಯಿರ‍್ಹೂಸ್ಕಿಶು? ಕದೇಬಿ ಕೊಯ್ನಿ. ಕತೋಬಿ ಧರ್ಮಶಾಸ್ತ್ರನ ಮ್ಹೇಲಿನ್ ಬಿಜ಼ ಖೆವೆಥೀಬಿ ಪಾಪ್‍ಕತೊ ಶಾತ್‌ಕರಿ ಮನ ಖ್ಹಮ್‍ಜಿಲ್ಯವಾನ ಹುಯುಹೋತ್ ಕೊಯ್ನಿ. “ಬಿಜೇಕ್ ಜ಼ಣಾನ ರಾಛ಼ನ ತುಮೆ ಆಖ್ಹ್‌ನಾಕರ‍್ನು.” ಕರಿ ಧರ್ಮಶಾಸ್ತ್ರ ಬೋಲ್ಯುತೆ ಇನಖ್ಹಾಜೇಸ್ ಯೋ ಮನ ಮಾಲುಮ್‌ಪಡ್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:15

ಇಮ್‍ಕತೊ ಶಾತ್? ಅಪ್ಣೆ ಧರ್ಮಶಾಸ್ತ್ರನಿ ಅಧೀನ್‍ ನಾ ರ‍್ಹೇವ್ಣುತೆ ವಾರ್‌ಖ್ಹಾನಿ ಅಧೀನ್ ಹುಯಿರ‍್ಹಿಯೇಸ್‍ಕರಿ ಪಾಪ್ ಕರೇಜಾ಼ಯ್ಕಿ ಶು? ಕೊಯ್ನಿಕತೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:2

ಇಮ್‌ ಕದೇಬಿ ನಾ ಹೋಣು. ಅಪ್ಣೆ ಪಾಪ್ನ ಭಾಗ್ನ ಮರಿಗಯ, ಅಪ್ಣೆ ಬಿಜೂ಼ಬಿ ಪಾಪ್‌ಮ ಬಚಾ಼ನು ಕಿಮ್?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:31

ಇಮ್‍ಕತೊ, ಅಪ್ಣೆ ವಿಶ್ವಾಸ್‍ಥಿ ಧರ್ಮಶಾಸ್ತ್ರನ ಬಿಣ್‍ ಮತ್ಲಬ್‌ನು ಬಣೈನಾಖೆಸ್‍ಕಿಶು? ಕದೇಬಿ ಕೊಯ್ನಿ. ಅಪ್ಣೆ ಧರ್ಮಶಾಸ್ತ್ರನ ಖಲಿ ಪಾಡಿಧರಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:6

ದೇವ್ ನ್ಯಾವ್‍ಕರಾವಾಳೊ ನಾ ರ‍್ಹಯೊಹೋತ್ತೊ ಯೋ ಜಗತ್ನ ತೀರ್ಪ್‌ಕರಾನು ತೋಬಿ ಕಿಮ್‍ ಉಶೆ?

1 ಕೊರಿಂಥ 6:3

ಅಗ್‍ಲ್ಯ ದನ್ಮ ಅಪ್ಣೆ ದೇವ್ನ ದೂತರ್‌ನಾಬಿ ನ್ಯಾವ್‌ ಫೇಡಾವ್‍ಶುಕರಿ ಬೋಲಾನು ತುಮೂನ ಮಾಲುಮ್‌ ಕೊಯ್ನಿಕಿಶು? ಅಮ್‌ರ‍್ಹವಾಪರ್ ಆ ಜಗತ್ನಿ ಜೀವಿತ್‌ನ ಬಾರೇಮಾಬಿ ಕೆತ್ರೇಕ್ಕಿ ಮಹಾನ್ ಕಾಹೆಕಿಶು?

1 ಕೊರಿಂಥ 6:17

ಕತೋಬಿ ಪ್ರಭುನೆ ಖ್ಹಂಗ್ ರಾಖವಾಳೊ ಆತ್ಮಮ ಪ್ರಭುನ ಜೋ಼ಡೆ ಏಕ್‍ ಹುಯಿರ‍್ಹೇಸ್.