1 ಕೊರಿಂಥ 6:11 - ದೇವ್ನಿ ಖ್ಹಾಚಿ ವಚನ್

¹¹ ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

1 ಕೊರಿಂಥ 6:11 ပူးပေါင်းရင်းမြစ်များ

ಮತ್ತಾಯ 20:4

ಇವ್ಣುನ, “ತುಮೇಬಿ ಮಾರ ದ್ರಾಕ್ಷಿನ ಬಾಗ್‌ಮ ಜೈ಼ನ್ ಕಾಮ್ ಕರೊ. ತುಮೂನ ಮೇ ನೀತಿನಿ ಕೂಲಿ ದೆವುಸ್’ ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:14

ಮೇ ತುಮೂನ ಬೋಲುಸ್ಕಿ, ಆ ಶುಂಕ ವಶೂಲ್ ಕರಾವಾಳುಸ್ ದೇವ್ನ ಡೋಳಾಮ ಬರೊಬರ್‌ ಕರಿ ಬೋಲೈಲಿನ್, ಘರೆ ಗಯೊ. ಕತೋಬಿ ಯೋ ಪರಿಸಾಯವಾಳೊ ಇಮ್‌ ಕೊಗಯೋನಿ. ಇನುಯೋಸ್ ಮೋಟೊಕರಿ ಬೋಲೈಲ್ಯವಾಳೊ ಹರೇಕ್‌ಜ಼ಣೊ ಹೇಟು ಹುಯಿಜಾ಼ಶೆ, ಇನುಯೋಸ್ ಹೇಟುಕರಿ ಬೋಲೈಲ್ಯವಾಳೊ ಯೋ ಮೋಟೊ ಹುಯಿಜಾ಼ಶೆ ಕರಿಬೋಲ್ಯೊ.

ಯೋಹಾನ 13:10

ಯೇಸುನೆ ಇನ, “ಪಾಣಿ ನ್ಹೊಯಿರಾಖವಾಳನು‌ ಆಂಗ್‌ತನ್‌ ಅಖ್ಖುಸ್ ಪಾಕ್‌ ರ‍್ಹೇಸ್, ಖಲಿ ಗೋಡ ಧೋಯೂತೊ ಬಶ್‌. ತುಮೆ ಖ್ಹಾರು ಪಾಕ್‌ ಹುಯಿರ‍್ಹಾಸ್‌, ಕತೋಬಿ ತುಮಾರಾಮ ಹರೇಕ್ ಜ಼ಣೊ ಪಾಕ್‌ ಕಾಹೆ” ಕರಿ ಬೋಲ್ಯೊ.

ಯೋಹಾನ 13:8

ತದೆ ಪೇತ್ರನೆ, “ತೂ ಮಾರ ಗೋಡಾನ ಕದೇಸ್‌ ನಾ ಧೋವ್‌ಣು!” ಕರಿ ಬೋಲ್ಯೊ. ಯೇಸುನೆ ಇನ, “ಮೇ ತಾರ ಗೋಡ ನಾ ಧೋಯೋತೊ, ತೂ ಮಾರೊ ಶಿಷ್ಯ ಹುಯಿರ‍್ಹವಾನ ಕೋ ಹುವಾನಿ” ಕರಿ ಬೋಲ್ಯೊ.

ಯೋಹಾನ 5:4

ಶನಕತೊ ಹರೇಕ್ ಬಾರ್ ಥೋಡು ವಖ್ಹತ್‌ನ ಬಾದ್‌ಮ ಪ್ರಭುನೊ ದೂತ ಉತ್ರಿ ಐನ್ ಕೋಳಮ್‍ನ ಪಾಣಿನ ಹಲಾವ್‍ತೊಥೊ ರೋಗ್‌ವಾಳು ಕೆಹೂಬಿ ಅದ್ಮಿ ಪಾಣಿ ಹಲಾದಿನ್ ಪಹಿಲೆ ಜಾ಼ತುಥೂಕಿ ಯೊ ಅಛ್ಛು಼ ಹುಯಿಜಾ಼ತುಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:39

ಅನಖ್ಹಾಜೆಸ್ ಯೇಸುಮ ವಿಶ್ವಾಸ್ ಕರಾವಾಳ ಹರೇಕ್‍ಜ಼ಣಾನ ಇನೇಥಿಸ್ ಇವ್ಣ ಅಖ್ಖಾಪಾಪ್‍ನ ಕ್ಷಮಾಪಣ್ ಮಳ್‍ಶೆ. ಧರ್ಮಶಾಸ್ತ್ರಥಿ ತುಮಾರಿ ಪಾಪ್ನ ಛೋ಼ಡಾವನ ಹುವಾಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:16

ತೂ ಹಮ್ಕೆ ಶನ ಖ್ಹೊಪ್‍ರ‍್ಹೇಸ್ ಉಟ್? ಪ್ರಭುನ ನಾಮ್ನ ಬೋಲವಾಳೊಹುಯಿನ್, ಬ್ಯಾಪ್ತಿಸ್ಮ ಕರೈಲೀನ್ ತಾರ ಪಾಪ್ನ ದ್ಹೋಯಿಲೆ ಅಜು಼ ತು ಇನಖ್ಹಾಜೆ ಪ್ರಾರ್ಥನೆ ಕರ್‌ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:24

ಕತೋಬಿ ದೇವ್ನು ಫುಗಟ್ ವಾರ್‌ಖ್ಹೇಥಿ ಇವ್ಣುನ ಛುಟ್ಕಾರ್ ದ್ಯವಾವಾಳೊ ಯೇಸುಕ್ರಿಸ್ತಥಿ ನೀತಿವಾಳುಕರಿ ತೀರ್ಪ್‍ಹುವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:5

ಕತೋಬಿ ಏಕ್‌ ಜ಼ಣೊ ಇನು ಶೊಂತ್ ಕಾಮ್ನ ಉಪ್ಪರ್ ವಿಶ್ವಾಸ್ ಕರಾನು ಮ್ಹೇಲಿನ್, ಗಲ್ತಿವಾಳಾನ ನೀತಿವಾಳೊಕರಿ ಕರಾವಾಳ ದೇವ್ನ ಉಪ್ಪರ್ ಇನಿ ವಿಶ್ವಾಸ್ ಕರಾನುರ‍್ಹಿಯುತೊ ಆ ಇನೊ ಭರೋಖ್ಹೊ ಇನ ನೀತಿವಾಳೊಕರಿ ಗಣ್ತಿಕರಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:1

ಅಮ್‌ರ‍್ಹವಾಪರ್ ವಿಶ್ವಾಸ್‍ಥಿ ನೀತಿವಾಳುಕರಿ ತೀರ್ಪ್ ಲೀಲಿದಾತೆ ಅಪ್ಣುನ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ದೇವ್ನಿ ಜೋ಼ಡ್ಮ ಸಮಾಧಾನ್‍ ರ‍್ಹೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:9

ಕ್ರಿಸ್ತನ ಲ್ಹೋಯಿಥಿ ಅಪ್ಣೆ ಹಮ್ಕೆ ದೇವ್ನಿಜೋ಼ಡ್ಮ ನೀತಿವಾಳಕರಿ ಚೂ಼ಣೈರ‍್ಹಾಸ್. ದೇವ್ನ ಚ಼ಂಢಾಳ್‌ಥಿ ಇನಭಣಿಥು ಅಜೂ಼ಬಿ ಕೆತ್ರೆ ಘಣೇಥಿ ಬಚಿಜಾವಾಳ ಹುಯಿರ‍್ಹಿಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:30

ಕತೋಬಿ ಯೋ ಪಹಿಲೆ ಕಿನ ಚೂ಼ಣ್ಯೊಕಿ ಇವ್ಣುನ ಬುಲಾಯೊ; ಕಿನ ಬುಲಾಯೋಕಿ ಇವ್ಣುನ ನೀತಿವಾಳಕರಿ ಬಣಾಯೊ; ಕಿನ ನೀತಿವಾಳುಕರಿ ಬಣಾಯೋಕಿ ಇವ್ಣುನ ಮಹಿಮೆಮ ಭಾಗ್‌ ದಿದೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:33

ದೇವಸ್ ಚೂ಼ಣಿಲಿದ ಹುಯಾನ ಉಪ್ಪರ್ ಕೋಣ್ ಗಲತ್‌ ಬೋಲ್‌ಶೆ? ದೇವಸ್ ಗಲ್ತಿಕರಾವಾಳು ಕಾಹೆಕರಿ ಛುಟ್ಕಾರ್‌ ಕರಾವಾಳೊ ಹುಯಿರ‍್ಹೋಸ್.

1 ಕೊರಿಂಥ 1:2

ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

1 ಕೊರಿಂಥ 12:2

ತುಮೆ ಅಲ್ಹಾವ್‌ ಅದ್ಮಿ ರ‍್ಹವಾನಿ ವಖ್ಹ್‌ತೆ ವಾಟ್‌ ಭೈಕಿನ್ ಕಿಮ್ ಮುಕ್ಕ ಮೂರತ್‍ಭಣಿ ಫರಿರಾಥ ಕರಿ ತುಮೆ ಮಾಲುಮ್ ಕರಿರಾಖ್ಯಸ್.

ಗಲಾತ್ಯ 2:16

ಖಿವೊತೋಬಿ ಖಲಿ ಧರ್ಮಶಾಸ್ತ್ರನ ಪಾಡಿಚಾ಼ಲಾಥಿ ನೀತಿವಾಳೊಕರಿ ಬಣಾನ ಕೊಹುವ್ವಾನಿ ಕರಿ ಮನ ಮಾಲುಮ್. ಯೇಸು ಕ್ರಿಸ್ತಮ ವಿಶ್ವಾಸ್ ರಾಖಾಥೀಸ್ ನೀತಿವಾಳೊ ಬಣಾನ ಹುವಾಸ್. ಇನಖ್ಹಾಜೆ ಹಮೆ ನೀತಿವಾಳ ಹುವಾನಖ್ಹಾಜೆ ಯೇಸು ಕ್ರಿಸ್ತಾಮಸ್ ವಿಶ್ವಾಸ್ ರಾಖ್ಯ. ಅಮ್‌ರ‍್ಹಾವಪರ್ ಹಮೆ ನೀತಿವಾಳ ಹುಯಾತೆ ಕ್ರಿಸ್ತಮ ವಿಶ್ವಾಸ್ ರಾಖಿನಸ್ ಪಣ್ಕಿ ಧರ್ಮಶಾಸ್ತ್ರನಿಘೊಣಿ ಚಾ಼ಲಾಥಿ ಕಾಹೆ.

ಗಲಾತ್ಯ 3:11

ಅತ್ರೇಸ್‍ಕಾಹೆತೆ ಧರ್ಮಶಾಸ್ತ್ರಥಿ ಕೋಣ್‌ಬಿ ದೇವ್ನಿ ಝ಼ಗೋಮ ನೀತಿವಾಳೊ ಕೊ ಉಷೇನಿಕರಿ ದೆಖಾವಸ್, ಶನಕತೊ ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ ಕರಿ ಬೋಲೈರ‍್ಹುಸ್.

ಗಲಾತ್ಯ 3:24

ಅಜು಼ ಅಪ್ಣೆ ವಿಶ್ವಾಸ್‍ಥಿ ಕ್ರಿಸ್ತಮ ನೀತಿವಾಳ ಕರಿ ತೀರ್ಪ್‌ಮಳಾನ ಹಗಾಮ್ ಆವಲಗು, ಧರ್ಮಶಾಸ್ತ್ರ ಅಪ್ಣುನ ಚ಼ಲಾವಮ ಪಾಲನ್‍ ಕರವಾಳು ಹುಯಿರ‍್ಹುಥು.

ಗಲಾತ್ಯ 3:8

ದೇವ್ನೆ ಯೆಹೂದ್ಯರ್‌ಕಾಹೆತೆ ಅದ್ಮಿನ ವಿಶ್ವಾಸ್‌ನ ಖ್ಹಾಜೇಥಿಸ್ ನೀತಿವಾಳಕರಿ ಸಾಬಿತ್‌ಕರಾನು ದೇವ್ನಿ ವಚನ್ನ ಪಹಿಲೇಸ್ ದೇಖಿನ್ ಅಬ್ರಹಾಮ್‌ನ, “ತಾರೇಥಿ ಜ಼ಗ್‌ಜಾ಼ತ್‌ನಾಬಿ ಆಶೀರ್ವಾದ್‌ ಉಷೆ” ಕರಿ ಸುವಾರ್ತೆನ ಅಗ್ಗಳ್‌ಥೂಸ್ ಬೋಲಾಯು.

ಎಫೆಸ 5:26

ದೇವ್ನೆ ಇನ ಶುದ್ದ ಕರಾನಖ್ಹಾಜೆ ಇನುಯೋಸ್ ಸಮರ್ಪಣ್‌ ಕರೈಲಿದೊ.

ಎಫೆಸ 5:8

ಶನಕತೊ ತುಮೆ ಯೋಹಗಾಮ್ಮ ಅಂಧಾರಮ ಥಾ, ಕತೋಬಿ ಹಮ್ಕೆ ತುಮೆ ಪ್ರಭುನ ಅದ್ಮಿ ಹುಯಿರ‍್ಹಿನ್ ಉಜಾ಼ಳವಾಳ ಹುಯಿರ‍್ಹಾಸ್. ಉಜಾ಼ಳವಾಳನಿತರ ಚಾ಼ಲಿಲೆವೊ.

2 ಥೆಸ 2:13

ಪ್ರಭು ಪ್ಯಾರ್ ಕರಾಸ್ತೆ ಭೈಯೆ ಭೇನೆವೊ, ಹಮೆ ತುಮಾರಿ ಬಾರೇಮ ಹಮೇಶ ದೇವ್ನ ಧನ್ಯವಾದ್ ಕರಾವಳ ಹುಯಿರ‍್ಹಾಸ್. ಶನಕತೊ ತುಮೆ ಪವಿತ್ರಾತ್ಮಾಥಿ ಪಾಕ್‌ ಹುಯಿನ್, ಖ್ಹಾಚಿಪರ್ ವಿಶ್ವಾಸ್‌ರಾಖಿನ್ ರಕ್ಷಣೆನ ಲೀಲ್ಯಾವದೆಕರಿ ದೇವ್ನೆ ತುಮೂನ ಶುರುವಾತ್‌ಮಾಸ್ ಚೂ಼ಣಿರಾಖ್ಯೊಸ್.

ಇಬ್ರಿ 10:22

ಇನಖ್ಹಾಜೆ ಖರಾಬ್ ದಿಲ್ನಿಸಾಕ್ಷಿನ ಮ್ಹೆಲ್ಯಹುಯ ದಿಲ್‌ಥೀಬಿ ನೀರ್ಛೊ಼ಳ್‍ ಪಾಣಿಥಿ ಪಾಕ್‌ಹುಯ ಶರೀರ್‌ಥೀಬಿ ಖ್ಹಾಚಆತ್ಮಥಿ ಪೂರ ವಿಶ್ವಾಸ್‍ಥಿ ದೇವ್‌ಕನ ಅಯ್ಯೆ.

ಇಬ್ರಿ 10:29

ಅಮ್‍ರ‍್ಹವಾಪರ್ ದೇವ್ನ ಛಿಯ್ಯಾನ ಖುಂದ್ಲೀನ್, ಇನ ಪಾಕ್‌ಕರಿಲಿದೂತೆ ಒಪ್ಪಂದಾನು ಲ್ಹೋಯಿನ ಅಶುದ್ದಕರಿ ಜಾ಼ಣಿಲೀನ್ ದೇವ್ನಿ ವಾರ್‌ಖ್ಹಾನಿ ವರಾನ ಆತ್ಮಾನ ಝಿಟ್ಕಾರವಾಳೊ ಉಶೆ, ಬಿಜು಼ ಕೆಥ್ರಾನು ಕಠೋರ್ ನಿಶತ್ನ ಯೋ ಖ್ಹಣೇದ್ ಹುಯೆಜಾ಼ಯ್‍ಕರಿ ತುಮೇಸ್ ಸೋಚಿದೇಖೊ.

ಇಬ್ರಿ 2:11

ಶನಕತೊ ಪರಿಶುದ್ಧ ಕರಾವಳನಾಬಿ ಪರಿಶುಧ್ ರ‍್ಹವಾಳನಾಬಿ ಯೋಸ್ ಬಾ. ಅನಖ್ಹಾಜೆಸ್ ಇವ್ಣುನ ಪರಿಶುಧ್ ಕರಾವಾಳೊ ಇವ್ಣುನ ಭೈಯೇ ಭೇನೆಕರಿ ಬೋಲಾನ ಖ್ಹರ್‌ಮಾಯೊ ಕೊಯ್ನಿ.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.

1 ಪೇತ್ರ 1:22

ತುಮೆ ಖ್ಹಾಚ ಉಪದೇಶ್‍ನ ವಿಧೇಯ ಹುಯಿರ‍್ಹಿನ್ ತುಮಾರ ಆತ್ಮಾನ ಪಾಕ್‍ ಕರಿಲಿದಾತೆ ಇನಾಖ್ಹಾಜೆ ಪಾಕ್‌ಮನ್‌ಥಿ ಭೈಯೆಭೇನೆನಿ ಪ್ಯಾರ್‌ವಾಳ ಹುಯಿರ‍್ಹೇವ್ಣು. ಅಮ್‍ರ‍್ಹವಾಪರ್, ಏಕ್‌ಥಿಏಕ್ ಪಾಕ್‍ದಿಲ್‍ಥೀಬಿ, ಛು಼ಟ ದಿಲ್‌ಥಿ ಪ್ಯಾರ್‌ಕರೊ.

1 ಪೇತ್ರ 3:21

ಯೋ ಹಮ್ಕೆ ತುಮುನ ಬಚಾ಼ಡನು ಬ್ಯಾಪ್ತಿಸ್ಮನು ಏಕ್‌ ರೂಪ್ ಹುಯಿರ‍್ಹುಸ್. ಆ ಖಲಿ ಶರೀರ್‌ನು ಮೇಲೊ ಧೊವಾಕೊಯ್ನಿ. ಕತೋಬಿ ಆ ಅಛ಼್ಛು ದಿಲ್ನಿಸಾಕ್ಷಿಥಿ ದೇವ್ನಿ ಜೋ಼ಡ್ಮಕರಾನಿ ವಾಗ್ದಾನ್‌ ಹುಯಿರ‍್ಹೀಸ್. ಅಜು಼ ಯೇಸುಕ್ರಿಸ್ತ ಪಾಛು಼ಜಿವ್ತು ಉಠಾಥಿಸ್ ಹಮ್ಕೆ ಆ ಅಪ್ಣುನ ರಕ್ಷಣೆದಿಶೆ.

1 ಯೋಹಾನ 2:12

ಪ್ಯಾರ್‌ನ ಲಡ್ಕಾವೊ ಕ್ರಿಸ್ತನ ನಾಮ್‍ಪರ್ ತುಮಾರಿ ಪಾಪ್‍ಅಖ್ಖು ಕ್ಷಮಾಪಣ್ ಹುಯಿರ‍್ಹುಸ್ತೆ ಇನಖ್ಹಾಜೆ ಮೇ ತುಮೂನ ಲೀಖುಕರುಸ್.

ಪ್ರಕಾಶಿತ್ 1:5

ಯೇಸು ವಿಶ್ವಾಸ್‌ನಿ ಸಾಕ್ಷಿ ಹುಯಿರ್‍ಹೊಸ್, ಮರ‍್ಯಹುಯಾಮಥು ಪಹಿಲೆ ಉಠ್ಯೊತೆ ಧರ್ತಿನ ರಾಜಾ಼ವ್ನೊ ಮಾಲಿಕ್ ಹುಯಿರ‍್ಹವವಾಳೊ ಯೇಸು ಕ್ರಿಸ್ತಥಿ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಮಳಾದೆ. ಅಪ್ಣುನ ಪ್ಯಾರ್‌ಕರವಾಳೊ ಇನು ಪವಿತ್ರ ಲ್ಹೋಯಿಥಿ ಅಪ್ಣುನ ಪಾಪ್‌ಥಿ ಛೋ಼ಡಾಯೊ.

ಪ್ರಕಾಶಿತ್ 7:14

ತದೆ ಏಕ್‌ ಪ್ರಭುನೆ, “ಆ ಅದ್ಮಿಖ್ಹಾರು ಘಣು ಮೋಟಿ ಖ್ಹತಾಪ್ಣಿ ಲೀನ್ ಆಯುಹುಯು.ಇವ್ಣೆ ಮೇಂಢಾನ ಚೆಲ್ಕಾನ ಲ್ಹೋಯಿಥಿ, ಇವ್ಣ ಝ಼ಗ್ಗಾನ ಧೊಯಿನ್ ಕೋರು ಹುಯಿರುಸ್.