1 ಕೊರಿಂಥ 6:1 - ದೇವ್ನಿ ಖ್ಹಾಚಿ ವಚನ್

¹ ತುಮಾರಮ ಏಕ್‍ಜ಼ಣಾನ ಬಿಜೇಕ್ ಜ಼ಣಾಪರ್ ಶನುತೋಬಿ ವಿರೋದ್‌ರ‍್ಹಯುತೊ ನ್ಯಾವ್‌ನ ವಿಚಾರ‍್ನ ದೇವ್ನ ಅದ್ಮಿವೋಕನ ಲೀನ್‌ಗಯುಕೊಂತೆ, ದೇವ್ನ ವಿಶ್ವಾಸ್‌ಕೊಂತೆ ಅದ್ಮಿನಖ್ಹಾಮ್ಣೆ ಲೀನ್ ಜಾ಼ವೋಸ್ಕಿ ಶು?

1 ಕೊರಿಂಥ 6:1 ပူးပေါင်းရင်းမြစ်များ

ಮತ್ತಾಯ 5:45

ಅಮ್ ಕರ‍್ಯಾತೊ, ಪರ್‌ಲೋಕ್‌ಮ ಛಾ಼ತೆ ತುಮಾರ ಬಾನ ತುಮೆ ಲಡ್ಕಾಉಶು. ಯೋ ಖರಾಬ್ನ ಉಪ್ಪರ್‌ಬಿ ಅಛ್ಛಾ಼ನ ಉಪ್ಪರ್‌ಬಿ ಇನೊ ಚಾ಼ಂದ್ನು ಉಜಾ಼ಳು ಪಡಾನಿಘೋಣಿ ಕರಾಸ್, ನೀತಿವಾಳಾನ ಉಪ್ಪರ್‌ಬಿ ಅನೀತಿವಾಳಾನ ಉಪ್ಪರ್‌ಬಿ ಪಾಣಿ ವರ್ಖ್ಹಾವಸ್‌.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:38

ಇನಖ್ಹಾಜೇಥಿ ದೇಮೇತ್ರಿಯನಾಬಿ ಇನಾಭಣಿ ರ‍್ಹಾವವಾಳಾನ ಕಿನಾಪರ್ತೋಬಿ ಗಲತ್‌ ಲಗಾಡನು ಉಷೇತೊ ನಯ್ಯೊಬಿ ಛಾ಼ ಅಜು಼ ಮೋಟು ನ್ಯಾವ್‍ನಿ ಝ಼ಗೊಬಿ ಛಾ಼ ಹಿಜ್ಜಾ಼ ಫೆಡೈಲ್ಯಾವದೆ.

1 ಕೊರಿಂಥ 1:2

ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್.

1 ಕೊರಿಂಥ 14:33

ದೇವ್ ಖ್ಹಾರಿ ಸಬೆನ ಸಮಾಧಾನ್ನೊ ದೇವ್ ಹುಯಿರ‍್ಹೋಸ್ ಪಣ್ಕಿ ಕಲಾವ್ಣಿನ ಕಾರಣ್ ಕಾಹೆ.

1 ಕೊರಿಂಥ 16:1

ದೇವ್ನ ಅದ್ಮಿನಖ್ಹಾಜೆ ಪೈಶ ಜ಼ಮ ಕರಾನಿ ಬಾರೇಮ ಮೇ ಗಲಾತ್ಯನಿ ಅಖ್ಖಿ ಸಬೆನ ಬೋಲ್ಯೊತೆ ಇಮ್ಮಸ್ ತುಮೇಬಿ ಕರೊ.

1 ಕೊರಿಂಥ 16:15

ಸ್ತೆಫನನ ಘರ್‌ವಾಳು ಅಖಾಯಮ ವಿಶ್ವಾಸ್ಮ ಪಹಿಲು, ದೇವ್ನ ಅದ್ಮಿಯೇವ್‍ನ ಚಾ಼ಕ್ರಿ ಕರಾನಖ್ಹಾಜೆ ಇವ್ಣುನಸ್ ದೀಲಿದುಹುಯು ಕರಿ ಬೋಲಾನು ತುಮೂನ ಮಾಲುಮ್ ಛಾ಼. ಭೈಯೆ ಭೇನೆವೊ ಮೇ ತುಮುನ ಬಿಂತಿಕರೂಸ್,

1 ಕೊರಿಂಥ 5:12

ಸಭೆನ ಭಾರ್‌ ರ‍್ಹವವಾಳಾನ ತೀರ್ಪ್‌ ಕರಾನ ಮನ ಶನಿ ಅಧಿಕಾರ್ ಛಾ಼. ಮಹಿವಾಳನ ತೀರ್ಪ್‌ ಕರವಾಳೋಬಿ ತುಮೇಸ್‍ನಿ?

1 ಕೊರಿಂಥ 6:5

ತುಮೂನ ಖ್ಹರಮ್‍ಕಾಡಾನ ಟೇಕೆ ಮೆ ಅಮ್ ಬೋಲುಸ್ಕಿ, ವಿಶ್ವಾಸಿ ಭೈಯೇನ ಇಚ಼್‌ಮ ನ್ಯಾವ್‌ನ ಪರ್ಖಿಲ್ಯವಾಳು ಅಕ್ಲಿ ತುಮಾರಮ ಏಕ್‍ಜ಼ಣೂಬಿ ಛಾ಼ಕಿಶು?