1 ಕೊರಿಂಥ 5:8 - ದೇವ್ನಿ ಖ್ಹಾಚಿ ವಚನ್

⁸ ಇನಖ್ಹಾಜೆ ಅಪ್ಣೆ ಖರಾಬ್ ಫನೈ, ಖರಾಬ್‌ಚಾ಼ಲ್‌ಕರಿ ಬೋಲಾನು ಖಾಟಾಆಟಾನ ಝಿಟ್‌ಕಾರಿದಿಯೆ, ಪರಿಶುದ್ ಅಜು಼ ಖ್ಹಾಚು಼ಕರಿ ಬೋಲಾನು ಖಾಟುಕೊಂತೆ ನವರೋಟಾನ ಖೈನ್ ಪೂಜ಼ ಕರ್‌ಯೇ.

1 ಕೊರಿಂಥ 5:8 ပူးပေါင်းရင်းမြစ်များ

ಮತ್ತಾಯ 16:12

ತದೆ ಇನ ಶಿಷ್ಯರ್‌ನೆ ರೋಟಾಮ ನಾಖಾತೆ ಶೋಡಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಕಾಹೆ ಯೇಸುನೆ ಅಪ್ಣುನ ಬೋಲ್ಯೊತೆ, ಫರಿಸಾಯರ್ ಅಜು಼ ಸದ್ದುಕಾಯವಾಳು ಬೋಲಿ ಶಿಕಾಡಸ್ತೆ ಇನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಇನೆ ಬೋಲ್ಯೊತೆ ಕರಿ ಇವ್ಣೆ ಮಾಲುಮ್ ಕರಿಲಿದು.

ಮತ್ತಾಯ 16:6

ಯೇಸುನೆ ಇವ್ಣುನ, “ಜ಼ತನ್ ರ‍್ಹವೊ! ಫರಿಸಾಯರ್ ಅಜು಼ ಸದ್ದುಕಾಯವಾಳನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಜ಼ತನ್‌ಥಿ ರ‍್ಹವೊ ಕರಿ ಬೋಲ್ಯೊ.

ಮಾರ್ಕ 8:15

ಯೇಸುನೆ ಇವ್ಣುನ, “ಜ಼ತನ್, ಫರಿಸಾಯರ್‌ನುಬಿ ಹೆರೋದನು ಶೋಡ ನಾಖ್ಯುಹುಯು ಆಟಾನಿ ಬಾರೇಮ ಬರೋಬರ್‌ಥಿ ದೇಖಿಲೆವೊ” ಕರಿ ಘಣು ಝೇತೈನ್‌ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:1

ಎತ್ರಾಸ್‌ಮ ಹಜಾ಼ರೊ ಅದ್ಮಿನಿ ಭೀಡ್ ಉಪ್ರಾಥಾಳಿ ಪಡ್ತುಹುಯಿನ್‍, ಎಕ್ಟು ಹುಯು. ತದೆ ಯೇಸುನೆ ಪಹಿಲೆ ಇನ ಶಿಷ್ಯರ್‌ನ, “ಫರಿಸಾಯನು ಶೋಡನು ಆಟಾನಿ ಬಾರೇಮ ಕತೊ, ಇವ್ಣೆ ಠಗಾವನಿ ಬಾರೇಮ ಜ಼ತನ್‌ಥಿ ರ‍್ಹವೊ,

ಯೋಹಾನ 1:47

ಯೇಸುನೆ ಇನಾಭಣಿ ವಳ್ಯಾವ್‌ಥೋತೆ ನತಾನಿಯೇಲ್‌ನ ದೇಖಿನ್‌, ಇನಿ ಬಾರೇಮ, “ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್‌ವಾಳೊ; ಅನಾಮ ಶನೀಶ್ ಗಲತ್‌ ಕೊಯ್ನಿ!” ಕರಿ ಬೋಲ್ಯೊ.

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

1 ಕೊರಿಂಥ 5:1

ತುಮಾರಮ ವ್ಯಬಿಚಾರ್ ಛಾ಼ಕರಿ ಖಬರ್‌ನ ಮೇ ಖ್ಹಮ್‍ಜ್ಯೊ. ಏಕ್‍ಜ಼ಣೊ ಇನ ಬಾನಿ ಬಾವಣ್ಣಾಸ್ ರಾಖಿಲಿದೋಕಸ್. ಅಥ್ರಾನು ವ್ಯಬಿಚಾರಿ ಅಲಕ್‌ ಅದ್ಮಿಮಾಬಿ ಅಥ್ರಾನು ವ್ಯಬಿಚಾರ್ ಕಾಮ್ ಕೊದೆಖಾವನಿ.

1 ಕೊರಿಂಥ 5:6

ತುಮಾರು ಹಂಕಾರ್ ಕರಾನು ಅಛ್ಛು಼ಕಾಹೆ; ದರಾಖ್ಹು ಶೋಡ ಘುಂದಾಸ್ತೆ ಆಟಾನ ಫುಲಾವಸ್‌ಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿ ಶು?

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.

2 ಕೊರಿಂಥ 8:8

ತುಮೆ ದೇವ್ಣುಕರಿ ಮೇ ಹುಕುಮ್‌ ಕರೂಕರು ಕೊಯ್ನಿ. ಕತೋಬಿ ತುಮಾರಿ ಪ್ಯಾರ್ ಕೆತ್ರಿ ಖ್ಹಾಚ಼ಪ್ಯಾರ್‌ಕರಿ ದಿಲ್‌ಛೋ಼ಡಿನ್ ತರೀಪ್‌ಶ ಕರಿಲೇವ್ಣುಕರಿ ಬೋಲುಸ್.

ಎಫೆಸ 6:24

ಅಪ್ಣೊ ಪ್ರಭು ಯೇಸು ಕ್ರಿಸ್ತನ ಹಮೇಶಾಬಿ ಪ್ಯಾರ್ ಕರಾವಾಳ ಅಖ್ಖಾಸ್‌ಪರ್ ದೇವ್ನಿ ವಾರ್‌ಖ್ಹೊ ರ‍್ಹವಾದೆ.

1 ಪೇತ್ರ 4:2

ಇನಖ್ಹಾಜೆ ಛಾ಼ತೆ ಇನ ಜಿವ್ಣನ ಹಗಾಮ್ಮ ಬಿಜೂ಼ಬಿ ಅದ್ಮಿಯೇವ್‌ನಿ ತರಖ್ಹ್‌ನಿ ಪರಕ್ಮ ಜಿವ್ಣುನಾತೆ ದೇವ್ನಿ ಮರ್ಜಿನಿ ಪರಕ್ಮ ಜಿವ್ಣುಕರ‍್ನು.