1 ಕೊರಿಂಥ 5:7 - ದೇವ್ನಿ ಖ್ಹಾಚಿ ವಚನ್

⁷ ತುಮೆ ಭರ್‌ಪೂರ್‌ಥಿ ಪಾಕ್‌ ಹುವಾನಖ್ಹಾಜೆ ಪಾಪ್ನು ಜೂ಼ನು ಶೋಡಾನ ಕಾಡಿನಾಕ್ಣು. ತದೆ ತುಮೆ ಖಿವೂಬಿ ಶೋಡ ನಾಖ್ಯಹುಯ ಕೊಂತೆ ನವೊ ಆಟೊ ಹುಯಿರ‍್ಹಿಶು. ಶನಕತೊ ತದೇಸ್‌ ಅಪ್ಣೊ ಪಸ್ಕ ಬಾಳಾನಿಬಲಿ ಹುಯಿರ‍್ಹೊಸ್ ಯೋ ಮೆಂಢಾನು ಚೆಲ್ಕು ಕ್ರಿಸ್ತಸ್ ಶಿಲ್‌ಬೆನಪರ್ ಬಲಿಹುಯೊ.

1 ಕೊರಿಂಥ 5:7 ပူးပေါင်းရင်းမြစ်များ

ಮತ್ತಾಯ 13:33

ಯೇಸುನೆ ಅಜೂ಼ಬಿ ಏಕ್‌ ಮತ್ಲಬ್‌ನಿ ಖೇಣಿನ ಬೋಲ್ಯೊ: ಯೋ ಶಾತ್‌ಕತೊ, “ಸೊರ್ಗನು ರಾಜ್ಯ ಅಮ್ ಹುಯಿರ‍್ಹುಸ್‍. ಕಿಮ್‌ಕತೊ, ಏಕ್‌ ತಯೇಡಾನೆ ಶೋಡಾನ ಲೀಜೈ಼ನ್, ತೀನ್ ಶೇರ್ ಆಟಾಮ ಕಲೈನ್ ಮ್ಹೇಲಾಖ್ಹತರ್‌, ಯೋ ಆಟೊ ಖ್ಹಾರುಸ್‌ ಫುಗಿಆಯು.

ಮಾರ್ಕ 14:12

ಖಾಟುಕೊಂತೆ ರೋಟಾನು ಪೂಜಾ಼ನ ಪಹಿಲ ದನ್ನೆ, ಕತೊ ಪಸ್ಕಾನಿ ಪೂಜಾ಼ನಮೆಂಢಾನ ಚೆಲ್ಕ ರ‍್ಹೇಖ್ಹಾನ ದನ್ನೆ, ಯೇಸುನ ಶಿಷ್ಯರ್‌ ಇನ, “ಹಮೆ ಕಿಜ಼್ಜಾ ಜೈ಼ನ್‌ ತಾರಾಖ್ಹಾಜೆ ಪಸ್ಕಾನು ಖಾಣನ ಖ್ಹವಾರ್‌ನು?” ಕರಿ ಪುಛಾ಼ಯ.

ಯೋಹಾನ 1:29

ಇನವ್ಹಾಣೆ ಯೋಹಾನನೆ ಇನಾಖನ್ನೆ ವಳ್ಯಾವ್‍ತೊಥೋತೆ ಯೇಸುನ ದೇಖಿನ್, “ದೇವ್ನ ಮೇಂಢಾನ ಚೆಲ್ಕಾನ ದೇಖೊ, ಯೊ ಜಗತ್‌ನು ಪಾಪ್ನ ದೂರ್ ಕರ್ಶೆ.”

ಯೋಹಾನ 1:36

ತದೆ ಹಿಜ್ಜಾ಼ ಯೇಸು ಒಳೇಜಾ಼ತೊಥೋತೆ ದೇಖಿನ್, “ಹಂದೇಖೊ, ಬಲಿನಖ್ಹಾಜೆ ದೇವ್ನೆ ನೇಮಕ್ ಕರ‍್ಯೊತೆ ಮೇಂಢಾನು ಚೆಲ್ಕು!” ಕರಿ ಬೋಲ್ಯೊ.

ಯೋಹಾನ 19:14

ತದೆ ಧೊಪಾರ್‌ ಹುಯಿಗಯುಥು ಅಜು಼ ಯೋ ದನ್ ಪಸ್ಕ ಪೂಜಾ಼ನ ಖ್ಹವಾರಾನೊ ದನ್ ಹುಯಿರ‍್ಹೋಥೊ. ಪಿಲಾತನೆ ಯೆಹೂದ್ಯರ್‌ನ, “ಹಂದೇಖೊ, ತುಮಾರೊ ರಾಜಾ಼ನ!” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:25

ಇನೆ ರಂಚ್ಯೊತೆ ಇನ ಲ್ಹೋಯಿಥಿ ಇನ ಉಪ್ಪರ್ ಭರೋಖ್ಹೊ ರಾಖವಾಳ ಹರೇಕ್ನ ಪಾಪ್‌ ಪರಿಹಾರ್ ಹೋಣುಕರಿ ಇನಾಸ್ ಸಮರ್ಪಣ್‌ ಕರಿಲಿದೊ. ಪಾಛ಼್‌ಲ್ಯ ಹಗಾಮ್ಮ ಅದ್ಮಿವೋನೆ ಕರ‍್ಯುತೆ ಪಾಪ್ನ ಬರೋಬರ್‌ನಿ ನಿಶತ್‍ ದಿದೊಕೊಂತೆ ದೇವ್ನೆ ಖ್ಹಮಾಳಿಲಿನ್ ಚಾ಼ಲ್ಯೊ.

1 ಕೊರಿಂಥ 10:17

ರೋಟೊ ಎಕ್ಕಸ್ ಇನಖ್ಹಾಜೆ ಅಪ್ಣಾಮ ಕೈಯೇಕ್‌ಜ಼ಣು ರ‍್ಹಯುತೋಬಿ ಅಪ್ಣೆ ಎಕ್ಕಸ್ ಶರೀರ್‌ನ ಹುಯಿರಾಸ್. ಶನಕತೊ ಅಪ್ಣೆಖ್ಹಾರು ಯೋ ಎಕ್ಕಸ್ ರೋಟಾಮ ಭಾಗ್‌ಲಿಯೆಸ್.

1 ಕೊರಿಂಥ 5:13

ಭಾರ್‌ ರ‍್ಹವಾಳನ ತೀರ್ಪ್‌ ಕರಾವಾಳೊ ದೇವಸ್. ತುಮಾರ ಬೀಚ್ಮ ರ‍್ಹವಾಳ ಯೋ ಖರಾಬ್ ಅದ್ಮಿನ ಭಾರ್‌ ಕಾಡಿನಾಖೊ.

ಎಫೆಸ 4:22

ಇನಖ್ಹಾಜೆ ತುಮುನ ಶಿಕಾಡ್ಯುತೆ ಭೋದನ್ ಶಾತ್‌ಕತೊ ತುಮೆ ತುಮಾರಿ ಅಗ್ಲಿ ಚಾ಼ಲ್‌ನಿತರಾನು ಜೂ಼ನಿ ಆದತ್‌ನ ಕಾಡಿನಾಖೊ; ಯೊ ಧೋಕ ಖೈರಾಖ್ಯಾಸ್ತೆ ಖರಾಬ್ ಆಖ್ಹ್‌ಥಿ ಭರೈರ‍್ಹುಸ್‌. ಯೊ ನಾಶ್‌ ಹುಯಿಜಾ಼ವನು ಹುಯಿರುಸ್.

ಪ್ರಕಾಶಿತ್ 5:12

ಆ ದೇವ್ನದೂತರ್‌ನೆ ಜೋ಼ರಾನಿ ಅವಾಜ಼್‌ಥಿ, “ಖೂನಿ ಹುಯಿಗೋತೆ ಮೇಂಢಾನು ಚೆಲ್ಕು ಅದಿಕಾರ್‌ನಾಬಿ, ಧನ್‌ದೌಲತ್ನಾಬಿ, ಅಕ್ಕಲ್‌ನಾಬಿ, ಶಕತ್‍ನಾಬಿ, ಮರ್ಯಾದಿನಾಬಿ, ಮಹಿಮೆನಾಬಿ, ಧನ್ಯವಾದ್‌ನ ಲ್ಯಾವಾನ ಯೋಗ್ಯ ಹುಯಿರೊಸ್” ಕರಿ ಗೀದ್‌ ಬೋಲ್ಯು.