1 ಕೊರಿಂಥ 5:1 - ದೇವ್ನಿ ಖ್ಹಾಚಿ ವಚನ್

¹ ತುಮಾರಮ ವ್ಯಬಿಚಾರ್ ಛಾ಼ಕರಿ ಖಬರ್‌ನ ಮೇ ಖ್ಹಮ್‍ಜ್ಯೊ. ಏಕ್‍ಜ಼ಣೊ ಇನ ಬಾನಿ ಬಾವಣ್ಣಾಸ್ ರಾಖಿಲಿದೋಕಸ್. ಅಥ್ರಾನು ವ್ಯಬಿಚಾರಿ ಅಲಕ್‌ ಅದ್ಮಿಮಾಬಿ ಅಥ್ರಾನು ವ್ಯಬಿಚಾರ್ ಕಾಮ್ ಕೊದೆಖಾವನಿ.

1 ಕೊರಿಂಥ 5:1 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:20

ಇನ ಬದಲ್‍ಥಿ ಅಪ್ಣೆ ಇವ್ಣುನ ಏಕ್‌ ಚಿಟ್ಟಿ ಲೀಖ್ಯೆ; ಯೊ ಶಾತ್‍ಕತೊ ಮೂರತ್ನ ಝಾ಼ಳ್ ಉತಾರಹುಯನಾಬಿ, ವ್ಯಬಿಚಾರ್‌ಥಿಬಿ, ಬಿಜು಼ ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು ಕರಿ ಅಕ್ಕಲ್ ದೇವ್ಣು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:29

ಯೋ ಅಖ್ಖು ಖಿವುಕತೊ; ಮೂರತ್ನ ಝಾ಼ಳ್ ಉತಾರಹುಯನಾಬಿ, ಲ್ಹೋಯಿನಾಬಿ, ನ್ಹೇಟಿ ಭೀಚಿನ್ ಮಾರ‍್ಯಹುಯ ಜಿನಾವರ್‌ನಬಿ ನಾಖಾವ್ಣು. ಅಜು಼ ವ್ಯಬಿಚಾರ‍್ನು ಪಾಪ್ನಕಾಮ್‌ಥಿ ತುಮುನ ಬಚಾ಼ಡಿಲೆವೊ. ಆ ಅಖ್ಖು ನಾಕರ‍್ನುತೆ ತಿಮ್‌ ಹೊಷಾರ್‌ಥಿ ರ‍್ಹಯಾತೊ ತುಮೆ ಅಛ್ಛು಼ ಕರ್ಶು. ತುಮುನ ಅಛ್ಛು಼ ಹುವಾದೆ.

1 ಕೊರಿಂಥ 1:11

ಶನಕತೊ ಭೇನೆ ಭೈಯೇವೊ ಖ್ಲೋಯೆನ ಘರ್‌ಥು ಆಯುಹುಯು ಥೋಡ ಜ಼ಣಾನೆ ತುಮಾರ ಇಚ಼್‌ಮ ಲಡೈ ಚಾ಼ಲುಕರಸ್‍ಕರಿ ಮನ ಬೋಲ್ಯು.

1 ಕೊರಿಂಥ 5:11

ಕತೋಬಿ ಕ್ರಿಸ್ತಮ ವಿಶ್ವಾಸ್ಮ ಭೈ ಭೇನೆಕರಿ ಬೋಲಿಲ್ಯವಳೊ ವ್ಯಬಿಚಾರ್ ಕರಾವಾಳೊ, ಲಾಲಚ್‌, ಮೂರತ್ನ ಪೂಜ಼ಕರವಾಳೊ, ಲಡೈಕರವಾಳೊ, ಗಾಳೆ ದ್ಯವಾಳೊ, ಪೀಯ್ಯವಾಳೊ, ಛಿನೈಲ್ಯವಾಳೊ ಹುಯಿರ‍್ಹವಾನಿ ಪರಕ್ಮ ಇನ ಖ್ಹಂಗ್ ನಾಕರ‍್ನು. ಎಥ್ರಾನ ಜೋ಼ಡ್ಮ ಖಾಣುಬಿ ನಾ ಖಾವ್ಣು.

1 ಕೊರಿಂಥ 6:13

ಖಾಣು ಅಖ್ಖು ಪೇಟ್ನಖ್ಹಾಜೇಸ್. ಪೇಟ್ ಖಾಣನ ಖ್ಹಾಜೆಸ್ ಛಾ಼.” ಕರಿ ಬೋಲೆಜಾ಼ಯ್ ಯೋ ಖ್ಹಾಚಾಸ್. ಆ ಭೇನ ಪೂರ ಕರಾವಾಳೊ ದೇವಸ್. ಶರೀರ್‌ಛಾ಼ತೆ ವ್ಯಬಿಚಾರ್‌ ಕರಾನಖ್ಹಾಜೆ ಕಾಹೆ ಪ್ರಭುನ ಸೇವೆ ಕರಾನಖ್ಹಾಜೆಸ್. ಪ್ರಭು ಶರೀರ್‌ನಖ್ಹಾಜೆ ಛಾ಼.

1 ಕೊರಿಂಥ 6:18

ವ್ಯಬಿಚಾರ್‌ನ ಮ್ಹೇಲಿನ್ ದೂರ್ ಮಿಲೈಜಾ಼ವೊ. ಅದ್ಮಿಖ್ಹಾರು ಕರಾನು ಅಖ್ಖೂಸ್ ಪಾಪ್ನು ಕಾಮ್‌ಖ್ಹಾರು ಶರೀರ್‌ನ ಭಾರ್‌ ಹುಯಿರುಸ್. ಕತೋಬಿ ವ್ಯಬಿಚಾರ‍್ನು ಪಾಪ್‌ಕರವಾಳೊ ಏಕ್‍ಜ಼ಣೊ ಇನು ಶೊಂತ್ ಶರೀರ್‌ನು ವಿರೋದ್ ಪಾಪ್ ಕರಾವಾಳೊ ಹುಯಿರ‍್ಹೇಸ್.

1 ಕೊರಿಂಥ 6:9

ಅನೀತಿಥಿ ಚಾ಼ಲವಾಳು ದೇವ್ನಿ ರಾಜ್ಯನ ಖ್ಹಾಯಿಕೊಯ್ನಿ ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಮಂಕ್ ನಕೊಹುವೊ: ವ್ಯಬಿಚಾರಿಖ್ಹಾರು, ಮೂರತ್ನ ಆರಾದನೆ ಕರವಾಳು, ಪಾಪೇಲು, ಪರ್ಖ್ಹಾನಿಜೋ಼ಡ್ಮ ಭೋಗ್ ಕರಾವಾಳು,

2 ಕೊರಿಂಥ 12:21

ಮೇ ತುಮಾರಕನ ಪಾಛೊ಼ ಫರಿ ಆವಾದಿನ್ ಮಾರು ದೇವ್ ಮನ ತುಮಾರ ಖ್ಹಾಮ್ಣೆ ಮನ ಝು಼ಕೈನಾಕ್‌ಶೆ ಕರಿ ಸೋಚುಸ್. ಅಗಾಡಿ ತುಮಾರಾಮ ಮೈಲು ಕಾಮ್, ಪಾಪೇಲುಕಾಮ್, ಪೋಕ್ರಿ ಕಾಮ್‍ಅಖ್ಖು ಚ಼ಲೈನ್ ಪಶ್ಚಾತ್ತಾಪ್‌ ಕರ‍್ಯುಕೊಂತೆ ಕೈಏಕ್ ಜ಼ಣಾನಿ ಬಾರೇಮ ಮೇ ದುಖ್ ಕರಾನು ಪಡ್‌ಶೆ ಕರಿ ಮನ ಡರ್‌ ಛಾ಼.

2 ಕೊರಿಂಥ 2:5

ತುಮಾರಿ ಸಬೇನೊ ಏಕ್‍ಜ಼ಣೊ ದುಖ್ ದಿದೋತೆ, ಮನ ಏಕ್‍ ಜ಼ಣನ ಕಾಹೆ ಏಕ್‌ ಕೊಂತೆ ಏಕ್‌ ಪರಕ್ಮ ಇನೆ ಘಣ ಅದ್ಮಿನ ದುಖ್ ದೀರಾಖ್ಯೊಸ್. ಯೋ ದುಖ್ ಖ್ಹಾರಾಸ್‌ಮ ಹುಯುಕರಿ ಮೇ ಬೋಲುಕೊಯ್ನಿ.

2 ಕೊರಿಂಥ 7:12

ಮೇ ಯೋ ಚಿಟ್ಟಿ ಲೀಖ್ಯೋತೆ ಗಲತ್‌ ಕರಿರಾಖವಾಳನಖ್ಹಾಜೆ ಕಾಹೆ, ಆ ಗಲತ್‌ಥಿ ದುಖ್‍ಮ ಪಡವಾಳನ ಖ್ಹಾಜೇಬಿ ಕಾಹೆ. ಕತೋಬಿ ಹಮಾರಿ ಬಾರೇಮ ತುಮುನ ಛಾ಼ತೆ ಮೋಟಿ ವೇಚ಼್‌ಣೆನ ತುಮೆ ದೇವ್ನ ಖ್ಹಾಮ್‌ಣೆದೇಖಾನಿತರ ಹೋಣುಕರಿ ಯೋ ಚಿಟ್ಟಿನ ಲೀಖ್ಯೋತೆ.

ಗಲಾತ್ಯ 5:19

ಶರೀರ್‌ನು ಗುಣ್‌ಖ್ಹಾರು ದೆಖವ್‌ಕರಸ್ ಯೊ ಖಿವುಕತೊ; ವ್ಯಬಿಚಾರ್,ಕಚಿಂಡ್ ರ‍್ಹವಾನು, ಪಾಪೇಲು ರ‍್ಹವಾನು,

ಎಫೆಸ 5:3

ತುಮೆ ದೇವ್ನ ಲಡ್ಕ ಹುಯಿರ‍್ಹಾಸ್ತೆ ಇನಖ್ಹಾಜೆ ಪಾಪೇಲು ಕಾಮ್ ಅಜು಼ ಖಿವಿ ಥರಾನು ಮೈಲು ನತರ್ ಪೈಶಾನಿ ಆಖ್ಹ್‌ರ‍್ಹವೊ ಅಮ್ನಿ ಖಬರ್ ತುಮಾರಮ ನಾರ‍್ಹೇವ್ಣು, ಅಮ್ನ ಖ್ಹಾರೇಥಿ ದೂರ್ ರ‍್ಹವಾನುಸ್ ತುಮುನ ಅಛ್ಛು಼.

ಕೊಲೊಸ್ಸೆ 3:5

ಇನಖ್ಹಾಜೆ ತುಮಾರಮ ಛಾ಼ತೆ ಜಗತ್ನಿ ಆಖ್ಹ್‌ಅಖ್ಖು ಕತೊ; ವ್ಯಬಿಚಾರ್‌, ಮೈಲುಹುವಾನು, ಭೋಗ್ನಿ ಆಖ್ಹ್, ಅಜು಼ ಖರಾಬ್ ಆಖ್ಹ್, ಮೂರತ್ನ ಆರಾಧನೆನಿ ಘೋಣಿ ಹುಯಿರ‍್ಹುತೆ ನಿಕ್‌ಳ್ಯೊ ಜಾನ್‌, ಅಥ್ರಾನು ಅಖ್ಖು ಮಾರಿ ನಾಖೊ.

1 ಥೆಸ 4:7

ದೇವ್ನೆ ಅಪ್ಣುನ ಮೈಲುಹುವಾನಖ್ಹಾಜೆ ಬುಲಾಯೊಕೊಯ್ನಿ, ಪರಿಶುದ್ ಜಿವ್ಣುಕರಾನಖ್ಹಾಜೆ ಬುಲಾಯೋತೆ.

ಪ್ರಕಾಶಿತ್ 2:21

ಯೊ ಹೈರಿತೆನ ವ್ಯಬಿಚಾರ್‌ನ ಮ್ಹೇಲಿನ್ ಮನ್‌ಫರೈನ್ ದೇವ್‌ಭಣಿ ಫರಾನ ಮೇ ಯೋ ತಯೇಡಾನ ಗಡುದಿದೊ ತೋಬಿ ದೇವ್‌ಭಣಿ ಫರಾನ ಇನ ಮನ್ ಕೊಆಯುನಿ.

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.