1 ಕೊರಿಂಥ 4:7 - ದೇವ್ನಿ ಖ್ಹಾಚಿ ವಚನ್

⁷ ತುನ ಬಿಜ಼ ಖ್ಹಾರಾಥೀಬಿ ಊಚೊ಼ಕರ‍್ಯೊಕೋಣ್? ದೇವ್‍ಥಿ ಲಿದೊಕೊಂತೆ ತಾರಾಮ ಏಕ್‍ತೋಬಿ ಛಾ಼ಕಿಶು? ಅಮ್ ಅಖ್ಖೂಸ್ ದೇವ್‍ಥಿ ಲ್ಯವಾಪರ್ ಲಿದೊಕೊಂತೆ ತಿಮ್ ಖ್ಹರಾವ್ಣಿ ಶನಕಾಡಿಲೇಸ್?

1 ಕೊರಿಂಥ 4:7 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:13

ಯೋ ಜಾ಼ವನ ಆಗಾಡಿ, ಇನ ಸೇವಕರ್‌ಮ ದಖ್ಹ್‌ ಜ಼ಣಾನ ಬುಲೈನ್, ಹರ್‌ ಏಕ್‌ನ ಖ್ಹೊನ್ನಾನು ಬಿಲ್ಲು ದೀನ್, “ಮೇ ಆವಾತೋಡಿ ಅನೇಥಿ ಧಂದೊ ಕರೊ” ಕರಿ ಇವ್ಣುನ ಬೋಲ್ಯೊ.

ಯೋಹಾನ 1:16

ಇನಿ ವಾರ್‌ಖ್ಹಾನಿ ಭರ್‌ಪೂರ್‌ಥಿಸ್, ಅಪ್ಣುನಖ್ಹಾರು ಆಶೀರ್ವಾದ್‍ಪರ್ ಆಶೀರ್ವಾದ್‌ ಮಳ್ಯು.

ಯೋಹಾನ 3:27

ಯೋಹಾನನೆ ಸೊರ್ಗಥು ತಬ್‍ಲಗು ದೇವ್ ಕೊ ದೇಯ್ನಿಕಿ ತಬ್‍ಲಗು ಖೆವಾಬಿ ಅದ್ಮಿನ ಶಾತ್ಬಿ ಕೊ ಮಳ್‌ಶೇನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:3

ದೇವ್ನೆ ಮನ ಕೃಪಾಥಿ ದೀರಾಖ್ಯೋತೆ ಸೇವೆನಖ್ಹಾಜೆ ತುಮಾರಮ ಹರೇಕ್ ಜ಼ಣಾನ ಮೇ ಬೋಲಾನು ಶಾತ್‍ಕತೊ, ತುಮಾರಿ ಲ್ಹಾಯೇಕ್‌ನ ಮೀರಿನ್ ತುಮೆ ಸೋಚ್ನುನಾತೆ ದೇವ್ ಏಕೇಕ್‌ ಜ಼ಣಾನ ಕಿಮ್‌ಕಿಮ್‌ನು ವಿಶ್ವಾಸ್‌ನಿ ತಾಖತ್ನ ದೀರಾಖ್ಯೊಸ್ಕಿ ಇವ್ಣಿ ಬಾರೇಮ ಬರೋಬರ್‌ಥಿ ಮಾಲುಮ್‌ಕರಿರಾಖದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:6

ದೇವ್ ಅಪ್ಣುನ ಕೃಪೆ ಕರ‍್ಯೊತೆ ಇಮ್‌ ಅಪ್ಣೆ ಅಲಕ್ ಅಲಕ್ ವರಾನ ಲೀರಾಖ್ಯಸ್. ಏಕ್‍ಜ಼ಣಾನ ಪ್ರವಾದನೇನು ಪರಕ್‌ ಹುಯಿರ‍್ಹುತೊ, ಇನ ಇನು ವಿಶ್ವಾಸ್‍ನಿಮತ್‌ ಬೋಲಾದೆ.

1 ಕೊರಿಂಥ 15:10

ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 3:5

ಇಮ್‍ಕತೊ ಅಪೊಲ್ಲೋಸ ಕೋಣ್? ಪೌಲ ಕೋಣ್? ಇವ್ಣಿ ಸೇವಾಥಿ ತುಮೆ ಕ್ರಿಸ್ತಾನ ವಿಶ್ವಾಸ್ ಕರಾನಿ ಘೋಣಿಹುಯು. ಪ್ರಭು ಹರೇಕ್‌ಥಿ ಜ಼ಣಾನ ದೆವೈರ‍್ಹೂತೆ ಇನ ಅಪ್ಣೆ ಸೇವೆ ಕರಾವಾಳ ಹುಯಿರ‍್ಹಾಸ್.

1 ಕೊರಿಂಥ 5:6

ತುಮಾರು ಹಂಕಾರ್ ಕರಾನು ಅಛ್ಛು಼ಕಾಹೆ; ದರಾಖ್ಹು ಶೋಡ ಘುಂದಾಸ್ತೆ ಆಟಾನ ಫುಲಾವಸ್‌ಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿ ಶು?

1 ಕೊರಿಂಥ 7:7

ಮೇ ರ‍್ಹವಾನಿತರ ಅಖ್ಖೂಸ್ ಅದ್ಮಿಖ್ಹಾರು ರ‍್ಹೇವ್ಣುಕರಿ ಮಾರಿ ಆಖ್ಹ್. ಕತೋಬಿ ದೇವ್ನೆ ಹರೇಕ್‍ನಾಬಿ ವಿಶೇಷ್ ವರ ಮಳಿರ‍್ಹೀಸ್. ಏಕ್‍ಜ಼ಣಾನ ಏಕ್‍ಪರಕ್‍ನಿ ವರ ರ‍್ಹಯೂತೊ ಬಿಜೇಕ್‍ನ ಏಕ್‍ಪರಕ್ನು ವರ ಹುಯಿರ‍್ಹೂಸ್.

ಯಾಕೋಬ 1:17

ಖ್ಹಾರೂಸ್ ಅಛ಼್ಛು ತೋಫಬಿ, ಪೂರಹುಯುತೆ ಖ್ಹಾರೂಸ್ ವರಾಬಿ ಉಪ್ಪರ್‌ಥು ಆಯು ಹುಯುಸ್, ಯೋಖ್ಹಾರು ಪರಲೋಕನೊ ಉಜಾ಼ಳನೊ ಬಾಥೀಸ್ ಉತ್ರಿಆವಸ್. ದೇವ್ ಛಾ಼ಳನಿತರ ಬದ್ಲಿಜಾವಾಳೊಬಿ ಕಾಹೆ, ಚ಼ಲ್‍ಪ್ಲಾಟಿನೊ ಖ್ಹಾಯಲ್‍ನೋಬಿ ಕಾಹೆ.

1 ಪೇತ್ರ 4:10

ತುಮೆ ಅಖ್ಖು ದೇವ್ನಿ ಅಲಕ್ ಅಲಕ್ ವರಾನಿ ಬಾರೇಮ ಅಛ್ಛೊ಼ ಸೇವಕ್‌ಹುಯಿನ್ ಹರೇಕ್‍ಜ಼ಣು ಇವ್ಣೆ ಲಿದಾತೆ ವಾರ್‌ಖ್ಹಾನಿ ವರಾನ ಅಖ್ಖಾಸ್ನಿ ಸೇವೆನಖ್ಹಾಜೆ ಉಪಯೋಗ್ ಕರಿಲ್ಯವಾದೆ.