1 ಕೊರಿಂಥ 4:6 - ದೇವ್ನಿ ಖ್ಹಾಚಿ ವಚನ್

⁶ ಭೈಯೇ ಭೇನೆವೊ, ಮೇ ತುಮಾರಖ್ಹಾಜೇಥಿ ಮನಾಬಿ ಅಪೊಲ್ಲೋಸನಾಬಿ ಮತ್ಲಬ್ ಲೀನ್ ಬೋಲಿರಾಖ್ಯೊಸ್ ಅನಖ್ಹಾಜೆ ತುಮೆ “ಲೀಖೈರುತೆ ಖ್ಹಾರು ನಿಯಮ್ನ ಮೀರಿನ್ ಚಾ಼ಲ್‌ನುಕರಿ ಆ ವಚನ್ನಿ ಮತ್ಲಬ್‌ನ ಹಮಾರೇಥಿ ಶಿಕಿಲಿನ್, ತುಮಾರಮ ಕೋಣ್‌ಬಿ ಏಕ್‍ಜ಼ಣಾಭಣಿ ಮಳಿನ್ ಬಿಜೇಕ್‍ಜ಼ಣಾನ ಚಿಂಘಾವ್ಣಿ ನಾಕಾಡ್ನು.

1 ಕೊರಿಂಥ 4:6 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:24

ಎತ್ರಾಮ ಅಲೆಕ್ಸಾಂಡ್ರಿಯಮ ಪೈದಹುಯೊತೆ ಅಪೊಲ್ಲೋಸ ಕರಿ ಯೆಹೂದ್ಯ ಏಕ್‍ಜ಼ಣೊ ಎಫೆಸಮ ಆಯೊ. ಯೋ ವಾತ್ಮ ಪುರ್‌ಗುಲ್‍ಬಿ ಅಜು಼ ಧರ್ಮಶಾಸ್ತ್ರನ ಅಛ್ಛಿನಿತರ ಮಾಲುಮ್ ಕರಿರಾಖ್ಯೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:1

ಅಪೊಲ್ಲೋಸ ಕೊರಿಂಥಮ ಥೊ ತದೆ ಪೌಲನೆ ಪಹಾಡ್ ಪರ್ಬತ್ಮಕರಿ ಚಾ಼ಲ್ತೊಹುಯಿನ್‌ ಎಫೆಸಮ ಪೋಚ್ಯೊ. ಹಿಜ಼್ಜಥೋಡ ಶಿಷ್ಯರ‍್ನ ದೇಖಿನ್,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:3

ದೇವ್ನೆ ಮನ ಕೃಪಾಥಿ ದೀರಾಖ್ಯೋತೆ ಸೇವೆನಖ್ಹಾಜೆ ತುಮಾರಮ ಹರೇಕ್ ಜ಼ಣಾನ ಮೇ ಬೋಲಾನು ಶಾತ್‍ಕತೊ, ತುಮಾರಿ ಲ್ಹಾಯೇಕ್‌ನ ಮೀರಿನ್ ತುಮೆ ಸೋಚ್ನುನಾತೆ ದೇವ್ ಏಕೇಕ್‌ ಜ಼ಣಾನ ಕಿಮ್‌ಕಿಮ್‌ನು ವಿಶ್ವಾಸ್‌ನಿ ತಾಖತ್ನ ದೀರಾಖ್ಯೊಸ್ಕಿ ಇವ್ಣಿ ಬಾರೇಮ ಬರೋಬರ್‌ಥಿ ಮಾಲುಮ್‌ಕರಿರಾಖದೆ.

1 ಕೊರಿಂಥ 1:12

ಕತೊ ತುಮಾರಮ ಏಕ್‍ಜ಼ಣೊ, “ಮೇ ಪೌಲನ ಪೀಠೆ ಜ಼ವುಸ್‌” ಕರಿ ಬೋಲಸ್, ಬಿಜೇಕ್‍ಜ಼ಣೊ “ಮೇ ಅಪೊಲ್ಲೋಸನ ಪೀಠೆ ಜ಼ವುಸ್‌” ಕರಿ ಬೋಲಸ್. ಅಜು಼ ಬಿಜೇಕ್ ಜ಼ಣು, “ಮೇ ಕೇಫನ ಪೇತ್ರನ ಪೀಠೆ ಜವುಸ್‌ ಕರಿ ಬೋಲಸ್. ಅಜೇಕ್‌ಜ಼ಣೊ, “ಮೇ ಕ್ರಿಸ್ತನ ಪೀಠೆ ಜ಼ವುಸ್‌” ಕರಿ ಬೋಲಸ್.

1 ಕೊರಿಂಥ 1:19

ಪವಿತ್ರ ದಪ್ತರ್‌ಮ ಅಮ್ ಲಿಖೈರ‍್ಹುಸ್, ‘ಗ್ಯಾನ್ನಿ ಗ್ಯಾನ್ ನಾಶ್ ಕರೀಸ್. ಬುದ್ದಿವಾಳನಿ ಬುದ್ದಿನ ಫಾಯಿದೊ ನಾ ರ‍್ಹೇವ್ಣುತೆ ತಿಮ್ ಕರೀಶ್’.

1 ಕೊರಿಂಥ 1:31

ಇನಖ್ಹಾಜೆ ಪವಿತ್ರ ದಪ್ತರ್ ಬೋಲಸ್ತೆ ಇಮ್‌ ಭಡವಾಳೊ ಪ್ರಭುಮಾಸ್ ಭಡಾದೆ.

1 ಕೊರಿಂಥ 13:4

ಪ್ಯಾರ್ ಘಣು ಖ್ಹಮಾಳಿಲ್ಯವಾಳು, ಪ್ಯಾರ್ ಗೋರ್‌ಕರಾವಾಳುಬಿ, ಪ್ಯಾರ್ ಪೇಟ್ನೊ ಬಳಾಪೊ ಕೊಕರಾನಿ, ಪ್ಯಾರ್ ಖ್ಹರೈಲೇಯಿಕೊಯ್ನಿ.ಅಜು಼ ಯೊ ಹಂಕಾರ್ ಕರಾಕೊಯ್ನಿ.

1 ಕೊರಿಂಥ 3:19

ಶನಕತೊ “ಪವಿತ್ರ ದಪ್ತರ್‌ಮ ಲೀಖೈರ‍್ಹಾವನಿತರ ಆ ಲೋಕ್‌ನಿ ಅಕ್ಕಲ್ ದೇವ್ನ ಖ್ಹಾಮ್ಣೆ ಖ್ಹೈಲು ಹುಯಿರ‍್ಹುಸ್. ದೇವ್‌ ಅಕ್ಲಿನ ಇವ್ಣಿ ಹಿಕ್‌ಮತಿಥೀಸ್ ಖ್ಹಪ್‌ಡೈನಾಖಸ್‌”.

1 ಕೊರಿಂಥ 3:21

ಅನಖ್ಹಾಜೇಥಿ ಖಲಿ ಅದ್ಮಿಯೇವ್‌ನಿ ಬಾರೇಮ ಕೋಣ್‌ಬಿ ಖ್ಹರೈಲೇವ್ಣುನಾ. ಶನಕತೊ ಖ್ಹಾರೂಸ್ ತುಮಾರಖ್ಹಾಜೇಸ್ ಛಾ಼.

1 ಕೊರಿಂಥ 5:2

ಕತೋಬಿ ತುಮೆ ಊಚ಼ಹುವಾನ ದೇಖುಕರಸ್. ಕಿಮ್ ರ‍್ಹಯುತೋಬಿ ತುಮೆ ದುಖ್ ಕೋ ಕರ‍್ಯಾನಿತೆ, ಆ ಕಾಮ್ ಕರವಾಳನ ತುಮಾರಮಾಥು ಭಾರ್‌ ಕಾಡಾನ ಕೊ ಹೊಯ್ನಿಕಿಶು?

1 ಕೊರಿಂಥ 5:6

ತುಮಾರು ಹಂಕಾರ್ ಕರಾನು ಅಛ್ಛು಼ಕಾಹೆ; ದರಾಖ್ಹು ಶೋಡ ಘುಂದಾಸ್ತೆ ಆಟಾನ ಫುಲಾವಸ್‌ಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿ ಶು?

1 ಕೊರಿಂಥ 8:1

ಮೂರತ್ನಬಲಿ ಕರಿಹುಯು ಖಾವಾನಿ ರಾಛಾ಼ನಿ ಬಾರೇಮ ಅಪ್ಣುನ ಖ್ಹಾರಾನ ಅಕ್ಕಲ್ ಛಾ಼ಕರಿ ಮಾಲುಮ್‌ ಪಡಾಸ್‌, ಅಕ್ಕಲ್ ಫುಗೈನಾಖಸ್, ಕತೋಬಿ ಪ್ಯಾರ್ ಜಾ಼ಖ್ಹತ್ ಕರಸ್.

1 ಕೊರಿಂಥ 9:23

ಆ ಅಖ್ಖಾನ ಸುವಾರ್ತೆನಖ್ಹಾಜೇಸ್ ಕರೀನ್. ಮೇ ಬೀಜಾ಼ನಿ ಜೋ಼ಡ್ಮ ಸುವಾರ್ತೆನ ವಾರ್ಖ್ಹಾಮ ಭಾಗ್‍ಲ್ಯವಾನಖ್ಹಾಜೆ ಆ ಅಖ್ಖು ಕರುಕರೂಸ್.

2 ಕೊರಿಂಥ 10:12

ಇವ್ಣು ಇವ್ಣೇಸ್ ಖ್ಹರೈಲ್ಯಾವಾಳನಿ ಜೋ಼ಡ್ಮ ಹಮೆ ಸಮಾನ್ ಕರಿಲ್ಯಾವಾನ ಕೋಶಿಶ್ ಕರುಕೊಯ್ನಿ. ಇವ್ಣಾಸ್‍ಮ ಇವ್ಣೆ ಆಳ್ತಿ ಕರೀನ್, ಇವ್ಣುನ ಇವ್ಣೇಸ್ ಸಮಾನ್ ಕರಿಲೇಸ್, ಇವ್ಣುನ ಶಾತ್ಬಿ ಮಾಲುಮ್ ಕೊಯ್ನಿಕರಿ, ಆಸ್ ಅಖ್ಖು ಓತಾಳಸ್‍.

2 ಕೊರಿಂಥ 10:15

ಹಮೆ ಮಿತ್‌ಮೀರಿನ್ ಬಿಜೇಕ್‍ಜ಼ಣಾನ ಮಿನ್ಹತ್‍ನ ಫಲ್ನ ಲೀಲಿನ್‌ ಆ ಹಮಾರು ಕರಿ ಬೋಲಿಲ್ಯಾವಾಳ ಕಾಹೆ. ಕತೋಬಿ ಹಮಾರಿ ವಿಶ್ವಾಸ್ ಜಾ಼ಖ್ಹತ್ ಹುವಾತೆ ತಿಮ್ ತುಮಾರೇಥಿ ಹಮಾರು ಕಾಮ್ ಬಿಜೂ಼ಬಿ ಭಡ್ತುಜಾ಼ಶೆ.

2 ಕೊರಿಂಥ 10:7

ತುಮೆ ಖಲಿ ಭಾರ್‌ ದೆಖಾವನು ದೇಖೊಸ್‍, ಕೋಣ್ ತೋಬಿ ಇನ ಕ್ರಿಸ್ತವಾಳೋಕಿ ಇಮ್ಮಸ್ ಹಮೇಬಿ ಕ್ರಿಸ್ತವಾಳಕರಿ ಮಾಲುಮ್‌ ಕರಿಲ್ಯಾವಾದೆ.

2 ಕೊರಿಂಥ 11:4

ಶನಕತೊ ಹಮೆ ಬೋಲು ಕರ್ತಥಾತೆ ಬಿಜೇಕ್‍ಜ಼ಣೊ ಯೇಸು ತುಮಾರಕನ ಆಯಿನ್ ತುಮುನ ಬೋಧನೆ ಕರಾನಿ ವಖ್ಹ್‌ತೆಬಿ. ತುಮೆ ಲೀರಾಖ್ಯಕೊಂತೆ ಬಿಜೇಕ್ ಆತ್ಮಾನ ಲಿಲ್ಯಾವನಿ ವಖ್ಹ್‌ತೆಬಿ ಸ್ವೀಕಾರ್ ಕರಕೊಂತೆ ಬಿಜೇಕ್ ಸುವಾರ್ತೆನ ಸ್ವಿಕಾರ್‌ಕರಿಲ್ಯಾವನಿ ವಖ್ಹ್‌ತೆ ತುಮೆ ಅಛ್ಛಿನಿತರ ಖ್ಹಮಾಳಿಲೆವೊಸ್.

2 ಕೊರಿಂಥ 12:19

ಹಮೆ ಅವ್ಡಿ ವಖ್ಹತ್ ತುಮಾರ ಖ್ಹಾಮ್ಣೆ ಆಡ್‌ಫೇಡ್ ಬೋಲುಕರಿಯೇಸ್‍ಕರಿ ಲಾಝ್ಯಾಕಿ ಶು? ದೇವ್ನ ಖ್ಹಾಮ್ಣೇಸ್ ಹಮೆ ಕ್ರಿಸ್ತಮರ‍್ಹೀನ್, ವಾತ್ ಬೋಲಾವಾಳ ಹುಯಿರ‍್ಹಾಸ್. ಪ್ಯಾರ್‌ನ ದೋಸ್ತಿವೊ, ಹಮೆ ಕರಾನು ಅಖ್ಖೂಬಿ ತುಮಾರಿ ಭಕ್ತಿನ ಜಾ಼ಖ್ಹತ್ ಕರಾನಸ್‍ ಹುಯಿರ‍್ಹೂಸ್.

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

2 ಕೊರಿಂಥ 12:6

ಏಕ್‌ ವಖ್ಹತ್ ಮೇ ಖ್ಹರೈಲ್ಯಾವಾನು ದಿಲ್‍ರ್ಹಯುತೋಬಿ ಇಮ್‌ ಖ್ಹರೈಲ್ಯಾವಾಮ ಮೇ ಬಿಣ್‍ ಅಕ್ಲಿ ಹುಯಿಶ್ ಕೊಯ್ನಿ, ಶನಕತೊ ಮೇ ಖ್ಹಾಚು಼ಸ್ ಬೋಲಿಶ್. ಕತೋಬಿ ಕೋಣ್‌ತೋಬಿ ಮಾರಾಮ ದೆಖಾವಾಥೀಬಿ ನತರ್ ಮಾರೇಥಿ ಖ್ಹಮ್‍ಜಾ಼ಥೀಬಿ ಜಾ಼ಖ್ಹತ್ ಮನ ಪರಖ್ಣುನಾ.

2 ಕೊರಿಂಥ 4:15

ಆ ಖ್ಹಾರು ತುಮಾರು ನಫ್ಪಾನ ಖ್ಹಾಜೆಸ್. ಅಮ್ ದೇವ್ನಿ ವಾರ್‌ಖ್ಹೊ ಜಾ಼ಖ್ಹತ್, ಜಾ಼ಖ್ಹತ್ ಅದ್ಮಿನ ದೆವಾವ್‌ಶೆ ಇನಾಖ್ಹಾಜೆಥಿ, ಘಣು ಘಣು ಅದ್ಮಿ ದೇವ್ನಿ ಮಹಿಮೆನಖ್ಹಾಜೆ ಧನ್ಯವಾದ್‍ನಿ ಸ್ತುತಿ ಕರ್ಶೆ.

ಕೊಲೊಸ್ಸೆ 2:18

ಥೋಡುಜ಼ಣು ದೇವ್ನದೂತರ‍್ನ ಆರಾಧನೆಮಾಬಿ ದಿಲ್‍ಲಗಾಡಿರ‍್ಹವಾಳ ಹುಯಿನ್, ಹಮುನ ದರ್ಶನಹುಯುಕರಿ ಬಡೈಮಾರಿಲೀನ್, ಜಗತ್‌ನು ಅಕ್ಕಲ್‌ಥಿ ಕಾಯಿಸ್‌ಕೊಂತೆ ಫುಲಿರ‍್ಹವಾಳನ ತುಮಾರು ಮಳಿರ‍್ಹೂತೆ ಇನಾಮ್ನ ಛಿನೈಲಾವನಿತರ ನಕೊ ಕರ್ಶು.

1 ಥೆಸ 1:5

ಶನಕತೊ, ಹಮೆ ಸುವಾರ್ತೆನ ಖಲಿ ವಾತೇಥಿಸ್ ಕಾಹೆ ಪಣ್ಕಿ, ಶಕತ್‌ಥೀಬಿ, ಪವಿತ್ರಾತ್ಮಥಿಬಿ ಅಜು಼ ಯೋ ಖ್ಹಾಚಸ್ ಕರಿ ಹಮೆ ಪರ್ಖಿನ್ ತುಮಾರಕನ ಲೈರಾಖ್ಯಸ್. ಹಮೆ ತುಮಾರ ಜೋ಼ಡೆ ಥಾತೆ ತದೆ, ತುಮಾರ ನಫ್ಫಾನಖ್ಹಾಜೆ ಕಿಮ್ ಜಿವ್ಣುಕರುಕರ್ತಥ.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.