1 ಕೊರಿಂಥ 4:15 - ದೇವ್ನಿ ಖ್ಹಾಚಿ ವಚನ್

¹⁵ ತುಮೂನ ಕ್ರಿಸ್ತಮ ಬೋಧನೆ ಕರಾವಾಳು ದಖ್ಹ್‌ ಹಜಾ಼ರ್‌ ಜ಼ಣು ರ‍್ಹಯುತೋಬಿ ಬಾಕರಿ ಬೋಲೈಲ್ಯಾವಾಳೊ ಎಕ್ಕಸ್ ಜ಼ಣೊ. ಕ್ರಿಸ್ತ ಯೇಸುಮ ಸುವಾರ್ತೆಥಿ ತುಮುನ ಲೀಲಿದೋತೆ ಬಾ ಮೇಸ್ ಹುಯಿರ‍್ಹೋಸ್.

1 ಕೊರಿಂಥ 4:15 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:20

ಮಾರಿ ಆಖ್ಹ್ ಶಾತ್‌ಕತೊ, ಕಿಜ್ಜಾ಼ ಕ್ರಿಸ್ತನು ನಾಮ್ನ ಖ್ಹಮ್‍ಜಾ಼ಡಿ ಕೊರಾಖ್ಯುನಿತೆ ಯೊ ಝ಼ಗೋಪರ್ ಸುವಾರ್ತೆನ ಬೋಲಾನು ಮಾರಿ ದಿಲ್ನಿ ಆಖ್ಹ್. ಇನಖ್ಹಾಜೆ ಬಿಜೇಕ್‍ಜ಼ಣು ನಾಖಿರಾಖ್ಯುತೆ ಹದಿಪಾಯನ ಉಪ್ಪರ್ ಮೇ ನಾಭಾಂದ್‍ಣು.

1 ಕೊರಿಂಥ 1:30

ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

1 ಕೊರಿಂಥ 15:1

ಭೈಯೇ ಭೇನೆವೊ, ಮೇ ತುಮೂನ ಬೋಲ್ಯೊತೆ ಸುವಾರ್ತೆನ ಹಮ್ಕೆ ತುಮಾರಿ ಯಾದ್ಮ ಲ್ಯವೂಸ್, ಖ್ಹಮ್‌ಜಾ಼ಡುಸ್. ತುಮೆ ಇನ ಮಾನಿಲಿದ. ಇನಾಮ ಭಿಯಾಸ್‌.

1 ಕೊರಿಂಥ 3:10

ದೇವ್ನೆ ಮನದಿದೋತೆ ವಾರ್‌ಖ್ಹಾನಿ ಪರಕ್ಮ ಘರ್ ಭಾಂದಾವಾಳ ಚಾ಼ತುರ‍್ನಿ ಘೋಣಿ ಯೋ ಘರ್‌ನ ಮೆ ಹದಿಪಾಯ ನಾಖ್ಯೊ. ಬಿಜು಼ಜ಼ಣು ಇನಾಪರ್ ಭಾಂದಸ್. ಕತೋಬಿ ಹರೇಕ್‍ಜ಼ಣು ಯೋ ಕಿಮ್ ಭಾಂದು ಕರೂಸ್‌ಕರಿ ಹೊಶಾರ್ಥಿರ‍್ಹೀನ್ ಭಾಂದ್‌ಣು.

1 ಕೊರಿಂಥ 3:6

ಮೇ ಪಂಡುಗಾಡ್ಯೋ. ಅಪೊಲ್ಲೋಸನೆ ಪಾಣಿನಾಖ್ಯೋ. ಕತೋಬಿ ಇನ ಫೋಡಾಯೊತೆ ದೇವ್ನೇಸ್.

1 ಕೊರಿಂಥ 3:8

ಪಂಡಾನ ಗಾಡವಾಳು ಅಜು಼ ಪಾಣಿ ನಾಖಾವಾಳನಿ ಖ್ಹೂಜ಼್ ಎಕ್ಕಸ್ ಹುಯಿರ‍್ಹೀಸ್. ಕತೋಬಿ ಹರೇಕ್ನ ಇವ್ಣಿ ಮ್ಹಿನತ್‌ನಿ ಘೋಣಿ ಇವ್ಣುನ ಪ್ರತಿಫಲ್ ಮಳಸ್.

1 ಕೊರಿಂಥ 9:12

ಅಲ್ಹಾವ್ನ ತುಮಾರಪರ್ ಅತ್ರೆ ಅಧಿಕಾರ್ ರ‍್ಹಿಯುತೊ ಹಮೂನ ಬಿಜು಼ ಕೆತ್ರೆ ಜಾ಼ಖ್ಹತ್ ರ‍್ಹೇಣುನಿ? ಕತೋಬಿ ಹಮೆ ಯೋ ಅದಿಕಾರ್‌ನ ಚ಼ಲಾಯಕೊಯ್ನಿ. ಕ್ರಿಸ್ತನಿ ಸುವಾರ್ತೆ ನಾ ಆಡುಹೋಣುಕರಿ ಆ ಅಖ್ಖಾನ ಖ್ಹಮಾಳಿಲೀದ.

1 ಕೊರಿಂಥ 9:14

ಆಸ್ ಪರಕ್ಮ ಪ್ರಭುನೇಬಿ ಸುವಾರ್ತೆನ ಬೋಲಿದ್ಯಾವಳು ಯೋ ಸುವಾರ್ತೆಥೀಸ್ ಜಿವ್ಣುಕರಿ ಹುಕುಮ್ ಕರ‍ಖ್ಯೊಸ್.

1 ಕೊರಿಂಥ 9:16

ಮೇ ಸುವಾರ್ತೆನ ಬೋಲ್ಯೊತೋಬಿ ಖ್ಹರಾವನು ಶಾತ್‌ಕೊಯ್ನಿ; ಯೊ ಬೋಲಾನು ಮಾರಿ ಜಿಮ್ಮೆದಾರಿ. ಮೇ ಸುವಾರ್ತೆನ ನಾ ಬೋಲ್ಯೊತೊ ಮಾರಿ ಹಾಲ್ನ ಶಾತ್‌ಕರಿ ಬೋಲು!

1 ಕೊರಿಂಥ 9:18

ಇಮ್‍ಕತೊ ಮನ ಮಳಾತೆ ಇನಾಮ್ ಶಾತ್? ಮೇ ಸುವಾರ್ತೆನ ಬೋಲಾನಿ ವಖ್ಹ್‌ತೆ ಇನೇಥಿ ಮಳಾತೆ ಪ್ರತಿಫಲ್‌ನಿ ಹಕ್‌ನ ಲೇಯಿಕೊಂತೆ ಇನ ಫುಗಟ್ಮ ಬೋಲನುಸ್ ಮನ ಮಳ್ಯುತೆ ಪ್ರತಿಫಲ್ ಹುಯಿರ‍್ಹುಸ್.

1 ಕೊರಿಂಥ 9:23

ಆ ಅಖ್ಖಾನ ಸುವಾರ್ತೆನಖ್ಹಾಜೇಸ್ ಕರೀನ್. ಮೇ ಬೀಜಾ಼ನಿ ಜೋ಼ಡ್ಮ ಸುವಾರ್ತೆನ ವಾರ್ಖ್ಹಾಮ ಭಾಗ್‍ಲ್ಯವಾನಖ್ಹಾಜೆ ಆ ಅಖ್ಖು ಕರುಕರೂಸ್.

2 ಕೊರಿಂಥ 4:5

ಅಪ್ಣುನ ಅಪ್ಣೆಸ್ ಪ್ರಚಾರ್ ನಾಕರ‍್ನುತೆ ಅಪ್ಣುನ ಯೇಸುನ ಖ್ಹಾಜೆ ತುಮಾರ ದಾಸಕರಿ ಬೋಲಿನ್ ಕ್ರಿಸ್ತ ಯೇಸುನಾಸ್ ಪ್ರಭುಕರಿ ಬೋಲೆಸ್.

ಗಲಾತ್ಯ 3:24

ಅಜು಼ ಅಪ್ಣೆ ವಿಶ್ವಾಸ್‍ಥಿ ಕ್ರಿಸ್ತಮ ನೀತಿವಾಳ ಕರಿ ತೀರ್ಪ್‌ಮಳಾನ ಹಗಾಮ್ ಆವಲಗು, ಧರ್ಮಶಾಸ್ತ್ರ ಅಪ್ಣುನ ಚ಼ಲಾವಮ ಪಾಲನ್‍ ಕರವಾಳು ಹುಯಿರ‍್ಹುಥು.

ಗಲಾತ್ಯ 3:25

ಕತೋಬಿ ಹಮ್ಕೆ ವಿಶ್ವಾಸ್ ಐರ‍್ಹೂತೆ ಇನಖ್ಹಾಜೆ ಅಪ್ಣೆ ಚ಼ಲವ್‌ಕರೇಸ್ತೆ ಧರ್ಮಶಾಸ್ತ್ರನ ಕಬ್‌ಜಾ಼ಮ ಕೊಯ್ನಿ.

ಗಲಾತ್ಯ 4:19

ಮಾರ ಪ್ಯಾರ್‌ನ ಲಡ್ಕಾವ್‍ನಿಘೋಣಿ ಛಾ಼ತೆ ಗಲಾತ್ಯವಾಳವೊ, ಆಯ ಇನ ಲಡ್ಕಾನಖ್ಹಾಜೆ ಜ಼ಣತ್‌ನಿ ಅಜ಼ ಪಡಾನಿಘೋಣಿ, ಕ್ರಿಸ್ತ ಯೇಸುನು ಚಾ಼ವ್‌ಭಾವ್ ತುಮಾರಮ ಆವಲಗು ತುಮಾರ ಖ್ಹಾಜೆ ಮೆ ಎಥ್ರಾನಿಸ್ ಅಜ಼ ಪಡುಕರುಸ್.

2 ತಿಮೊ 4:3

ಅದ್ಮಿಖ್ಹಾರು ಖ್ಹಾಚಿ ವಚನ್ನ ಮಾನಕೊಂತೆ ದನ್ ಆವ್‌ಶೆ. ಯೊ ದನೂಮ, ಇವ್ಣೊ ಕಾನ್‌ ಆಖ್ಹ್ ಕರಾತೆ ಇಮ್‌ ಅಜು಼ ಇವ್ಣ ಖ್ಹಾಜಾ಼ತೆ ಇಮ್‌ ವಚನ್ ಬೋಲವಾಳಾನ ಎಕ್ಟು ಕರಿಲಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:4

ವಿಶ್ವಾಸ್‌ಮ ಮಾರ ಖ್ಹಾಚ ಛಿಯ್ಯಾನಿಮತ್ ಛಾ಼ತೆ ತೀತನ ಮೇ ಆ ಲೀಖುಕರುಸ್ತೆ. ಅಪ್ಣೊ ಬಾ ಹುಯಿರ‍್ಹೋತೆ ದೇವ್‍ಥಿ ಅಜು಼ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ಕ್ರಿಸ್ತ ಯೇಸುಥಿ ತುನ ವಾರ್‌ಖ್ಹೊ ಅಜು಼ ಶಾಂತಿ ಮಳಾದೆ.

ಫಿಲೆಮೋನ 1:19

ಪೌಲಕರಿ ಮೇ ಶೊಂತ್ ಹಾತೇಥಿ ಲೀಖಿರಾಖ್ಯೊಸ್, ಮೇಸ್ ಇನ ಫೇಡಿಶ್, ತಾರಿ ಶೊಂತ್ನಿ ಬಾರೇಮ ಮನಛಾ಼ತೆ ಕರ್ನಿನಿ ಬಾರೇಮ ಮೇ ಶಾತ್ಬಿ ಬೋಲುಕೊಯ್ನಿ.

ಯಾಕೋಬ 1:18

ದೇವ್ ಇನಿ ಅಛ್ಛಿ ಖ್ಹೂಜ಼್‌ನಿ ಪರಕ್ಮ ಖ್ಹಾಚಿವಚನ್‍ಥಿ ಅಪ್ಣುನ ಜಾನ್‍ದೀರಾಖ್ಯೊತೆ ಇನಖ್ಹಾಜೆ ಅಪ್ಣೆ ಇನಿ ಖ್ಹಾರಿಸ್ ಉಬ್‌ಜಾ಼ವ್ಣಿಮ ಫಹಿಲಫಲ್‍ ಹುಯಿರ‍್ಹಾಸ್.

1 ಪೇತ್ರ 1:23

ಶನಕತೊ ತುಮೆ ನವೇಥಿ ಪೈದಾ ಹುಯಿರ‍್ಹಾಸ್ತೆ ನಾಶ್ ಹುಯಿಜಾ಼ವಾನ ವಚನ್‍ಥಿಕಾಹೆ, ಕತೋಬಿ ನಾಶಹುವಾಕೊಂತೆ ವಚನ್‌ಥೀಸ್. ಯೋ ಕೆದೇಬಿ ಜಿವ್ತಜಾನ್‍ರ‍್ಹವಾಳ ದೇವ್ನಿ ವಚನ್‌ಥೀಸ್ ಉಬ್‌ಜ್ಯುತೆ.