1 ಕೊರಿಂಥ 3:3 - ದೇವ್ನಿ ಖ್ಹಾಚಿ ವಚನ್

³ ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

1 ಕೊರಿಂಥ 3:3 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 13:13

ಫಾಯಿದೊಕೊಂತೆ ಮಿಝ಼್‌ವಾನ್, ಪೀನ್ ನಿಶಾಚ಼ಡೈಲ್ಯವಾನು ಅಪ್ಣ ಶರೀರ್ ಸಂಬದ್‌ಥಿ ಕರಾನು ಪಾಪ್, ಲಡೈಝ಼ಗ್‍ಡೊ, ಪೇಟ್ನೊ ಬಳಾಪೊ ಆ ಖ್ಹಾರೇಥಿ ದೂರ್‌ಹುಯಿನ್ ಉಜಾ಼ಳಮ ರ‍್ಹಾವಾಳನಿತರ ಚಾ಼ಲಿಲಿಯೆ.

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

1 ಕೊರಿಂಥ 1:11

ಶನಕತೊ ಭೇನೆ ಭೈಯೇವೊ ಖ್ಲೋಯೆನ ಘರ್‌ಥು ಆಯುಹುಯು ಥೋಡ ಜ಼ಣಾನೆ ತುಮಾರ ಇಚ಼್‌ಮ ಲಡೈ ಚಾ಼ಲುಕರಸ್‍ಕರಿ ಮನ ಬೋಲ್ಯು.

1 ಕೊರಿಂಥ 11:18

ಕಿಮ್‌ಕತೊ ಪಹಿಲೆ, ತುಮೆ ಸಬೆಹುಯಿನ್ ಮಳಿನ್ ಆವಾನಿ ವಖ್ಹ್‌ತೆ ತುಮರಾಮ ಕಚ಼್ಚರ್‌ ಹುವಾನು ಖ್ಹಮ್‍ಜು಼ಸ್. ಅನ ಜ಼ರ ವಿಶ್ವಾಸ್‍ಬಿ ಕರುಸ್.

1 ಕೊರಿಂಥ 3:4

ತುಮಾರಮ ಏಕ್ಜ಼ಣೊ “ಮೇ ಪೌಲಭಣಿನೊಕರಿ ಅಜು಼ ಬಿಜೇಕ್ಜ಼ಣೊ ಅಪೊಲ್ಲೋಸನ ಭಣಿನೊ ಕರಿ,ತುಮೆ ಮಹಿ ಆಡಫೇಡ್ ಬೋಲಿನ್ ಜಗತ್ನ ಅದ್ಮಿನಿತರಸ್ ಚಾ಼ಲಿಲ್ಯಾವಾಳ ಹುಯಿರ‍್ಹಾಸ್ ಕೊಯ್ನಿಕಿಶು?

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

ಗಲಾತ್ಯ 5:15

ಕತೋಬಿ ತುಮೆ ಏಕ್‌ ಥಿ ಏಕ್‌ ಜ಼ಂಗ್‌ಳಿ ಜಾನ್ವರ್‌ನಿ ಘೋಣಿ ಕಲ್ಡ್‌ತಾಹುಯಿನ್, ಫಾಡಿತೋಡಿ ಖಾವವಾಳ ಹುಯಿರ‍್ಹಾತೊ ಏಕ್‌ ಥಿ ಏಕ್‌ ಜ಼ಣು ನಾಶ್ ಹುಯಿಜಾ಼ಶು, ಹೊಷಾರ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

ಯಾಕೋಬ 3:16

ಶನಕತೊ ಪೇಟ್ನೊ ಬಳಾಪೊಬಿ ವಹೇರ್‌ಬಿ ರ‍್ಹೆಯಿತೆ ಬಾಜು಼ ಕಲಾವ್ಣಿಬಿ ಖ್ಹಾರೀಸ್‍ ಥರಾನು ಖರಾಬ್ ಕಾಮ್‍ಬಿ ರ‍್ಹೇಸ್.

1 ಪೇತ್ರ 4:2

ಇನಖ್ಹಾಜೆ ಛಾ಼ತೆ ಇನ ಜಿವ್ಣನ ಹಗಾಮ್ಮ ಬಿಜೂ಼ಬಿ ಅದ್ಮಿಯೇವ್‌ನಿ ತರಖ್ಹ್‌ನಿ ಪರಕ್ಮ ಜಿವ್ಣುನಾತೆ ದೇವ್ನಿ ಮರ್ಜಿನಿ ಪರಕ್ಮ ಜಿವ್ಣುಕರ‍್ನು.