1 ಕೊರಿಂಥ 3:18 - ದೇವ್ನಿ ಖ್ಹಾಚಿ ವಚನ್

¹⁸ ಖೆವೋಬಿ ಏಕ್‍ಜ಼ಣೊ ಇನಾಯೋಸ್ ಧೋಕ ನಕೊ ಕರಿಲ್ಯವಾದೆ ತುಮಾರಮ ಖಿವುತೋಬಿ ಲೋಕ್‌ನಿ ಬಾರೇಮ ಅಕ್ಲಿ ಹುಯಿರ್‍ಹೊಸ್ ಕರಿ ಲ್ಹಾಯತೊ ಯೋ ಅಕ್ಲಿಹುವಾನಖ್ಹಾಜೆ ಪೆದ್ದೊಹುವಾದೆ.

1 ಕೊರಿಂಥ 3:18 ပူးပေါင်းရင်းမြစ်များ

ಮತ್ತಾಯ 13:22

ಏಕ್‌ ಜ಼ಣೊ ವಚನ್ನ ಖ್ಹಮ್‌ಜುತೋಬಿ, ಆ ಜಗತ್ನಿ ಪಶ್ತಾವ್ಣಿ ಅಜು಼ ಧನ್‌-ದೌಲತ್‌ಪರ್‌ನಿ ಪ್ಯಾರ್ ಯೋ ವಚನ್ನ ದಾಬಿನಾಖಸ್‌, ಇನಖ್ಹಾಜೆ ಯೋ ಫಲ್ ಕೋದೇಯ್ನಿ. ಆಸ್ ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡು ಹುಯಿರ‍್ಹುಸ್‍.

ಮತ್ತಾಯ 18:4

ಕೋಣ್ ಅಡ್ಡಾಣಿ ಲಡ್ಕಾನಿಘೊಣಿ ಇನು ಯೋ ಝು಼ಕೈಲೇಸ್ಕಿ, ಯೋಸ್ ಸೊರ್ಗಾನು ರಾಜ್ಯಮ ಖ್ಹಾರೇಥಿ ಮೋಟೊ.

ಮಾರ್ಕ 10:15

ತುಮೂನ ಖ್ಹಾಚಮಾಬಿ ಬೋಲುಸ್ಕಿ ಕೋಣ್‌ತೋಬಿ ಅಡ್ಡಾಣಿ ಲಡ್ಕಾನಿ ಘೋಣಿ ದೇವ್ನಿ ರಾಜ್ಯನ ನಾ ಮಾನ್ಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ”.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:17

ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ಅಡ್ಡಾಣಿ ಲಡ್ಕಾನಿ ಘೋಣಿ ದೇವ್ನಿ ರಾಜ್ಯನ ನಾ ಮಾನ್ಯೂತೊ, ಇವ್ಣೆ ಇನಮಹಿ ಕೋಸ್‌ಜಾ಼ಶೇನಿ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:8

ಯೇಸುನೆ ಇವ್ಣುನ, “ಜ಼ತನ್‌ಥಿ ರ‍್ಹವೊ! ತುಮೂನ ಕೋಣ್‌ಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ, ಕೈಯೆಕ್ಕಿ ಜ಼ಣು ಐನ್, ಮಾರು ನಾಮ್‌ಲೀನ್, ‘ಮೇಸ್ ಕ್ರಿಸ್ತ, ಮೇಸ್ ಕ್ರಿಸ್ತ’ ಕರಿ ಅಜು಼ ಯೋ ವಖ್ಹತ್ ಐಗೈ ಕರಿ ಬೊಲ್‌ಶೆ. ಕತೋಬಿ ಇವ್ಣ ಪೀಠೆ ನಕೊಜಾ಼ಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:25

ಭೇನೆ ಭೈಯೇವೊ, ಏಕ್‌ ಗಪ್ಲತ್‌ನಿ ವಾತೆ ಖ್ಹಾಚು಼ಛಾ಼ ಇನ ತುಮೇಬಿ ಖ್ಹಮಜ಼್‌ಣುಕರಿ ಆಖ್ಹ್‌ಕರುಸ್. ಶನಕತೊ ತುಮೆ ಕೆತ್ರೆ ಅಕ್ಲಿ ಹುಯಿರಾಸ್‍ಕರಿ ಮಾಲುಮ್ ಹುವಾಸ್. ಯೋ ಶಾತ್‍ಕತೊ, ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‍ ದೇವ್‌ಕನ ಆವಾಲಗು ಖಲಿ ಇಸ್ರಾಯೇಲ್‌ವಾಳ ಅದ್ಮಿ ಇವ್ಣ ದಿಲ್ನ ಕಠಣ್ ಕರಿರಾಖಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:16

ಏಕ್‌ಥಿಏಕ್ ಎಕ್ಕಸ್ ದಿಲ್‌ವಾಳ ಹುಯಿರ‍್ಹೇವೊ. ತುಮೆ ದಿಲ್ಮ ಹಂಕಾರಿ ನಾ ರ‍್ಹೇವ್ಣುತೆ, ಅಖ್ಖಾನಿ ಜೋ಼ಡ್ಮ ಮಳಿನ್ ರ‍್ಹವೊ. ತುಮೇಸ್ ಅಕ್ಲಿಕರಿ ನಕೊಲ್ಹಾವೊ.

1 ಕೊರಿಂಥ 15:33

“ಖರಾಬ್ ವಾಟ್ಮ ಖೇಚೈಜಾ಼ಶುನಕೊ, ಖರಾಬ್‍ನೊ ಖ್ಹಂಗ್ ಅಛ್ಛಿಚಾ಼ಲ್‍ನ ಖರಾಬ್ ಕರ್ಶೆ”.

1 ಕೊರಿಂಥ 3:17

ಕೋಣ್‌ತೋಬಿ ದೇವ್ನ ಮಂದಿರ್‌ನ ನಾಶಕರ‍್ಯೂತೊ ದೇವ್ ಇನ ನಾಶ್‍ಕರಾವಾಳೊ ಹುಯಿರ‍್ಹೋಸ್. ಶನಕತೊ ದೇವ್ನು ಮಂದಿರ್‌ ಪರಿಶುದ್ ಹುಯಿರ‍್ಹೂಸ್. ಯೊ ಮಂದಿರ್‌ ತುಮೇಸ್ ಹುಯಿರ‍್ಹಾಸ್.

1 ಕೊರಿಂಥ 4:10

ಹಮೆ ಕ್ರಿಸ್ತನಖ್ಹಾಜೆ ಖ್ಹೈಲು ಹುಯಿರಾಸ್. ಕತೋಬಿ ಕ್ರಿಸ್ತಮ ತುಮೆ ಜಾ಼ಖ್ಹತ್ ಅಕ್ಲಿಕರಿ ಲಹಿರಾಖ್ಯಸ್. ಹಮೆ ಶಕತ್‌ಕೊಂತೆ ಹುಯಿರಾಸ್. ಕತೋಬಿ ತುಮಾರು ತುಮೇಸ್ ತಾಖತ್ತಿಕರಿ ಲಹಿರಾಖ್ಯಸ್! ಹಮೆ ಚಿಂಘೈಲಿದಹುಯ, ತುಮುನ ಮರ್ಯಾದಿವಾಳ ಹುಯಿರ‍್ಹಾಸ್.

1 ಕೊರಿಂಥ 6:9

ಅನೀತಿಥಿ ಚಾ಼ಲವಾಳು ದೇವ್ನಿ ರಾಜ್ಯನ ಖ್ಹಾಯಿಕೊಯ್ನಿ ಕರಿ ತುಮೂನ ಮಾಲುಮ್ ಕೊಯ್ನಿಕಿ ಶು? ಮಂಕ್ ನಕೊಹುವೊ: ವ್ಯಬಿಚಾರಿಖ್ಹಾರು, ಮೂರತ್ನ ಆರಾದನೆ ಕರವಾಳು, ಪಾಪೇಲು, ಪರ್ಖ್ಹಾನಿಜೋ಼ಡ್ಮ ಭೋಗ್ ಕರಾವಾಳು,

ಗಲಾತ್ಯ 6:3

ಶನಕತೊ ಮೆ ಶಾತ್ ನಾ ರ‍್ಹಿಯೋತೋಬಿ, ಇನು ಯೊ ಮೋಟೊಕರಿ ಲ್ಹಾಯೊತೊ ಯೊ ಧೋಕೊ ಖಾವಳೊ ಹುಯಿರ‍್ಹೊಸ್.

ಗಲಾತ್ಯ 6:7

ತುಮಾರು ತುಮೆ ಧೋಕ ನಕೊಖಾವೊ, ದೇವ್ನ ನಕ್ಲೆನಿತರ ಲ್ಹಾವನ ಕೊಹುವ್ವಾನಿ. ಅದ್ಮಿ ಯೋ ಶಾತ್ ಬಿತ್‌ಕರಸ್ಕಿ ಇನಾಸ್ ವ್ಹಾಡ್ಣು.

ಎಫೆಸ 5:6

ಫಾಯಿದೊಕೊಂತೆ ವಾತೆಥಿ ಕೋಣ್‌ಬಿ ತುಮುನ ನಕೊ ಠಗಾವದೆ, ಅಮ್ನು ಕಾಮ್ ಅಖ್ಖಾನಖ್ಹಾಜೆ ದೇವ್‌ನೊ ಇರಾದೊ ಇನಿ ವಾತೆನ ಮೀರಿನ್ ಚಾ಼ಲಸ್ತೆ ಇವ್ಣ ಉಪ್ಪರ್ ಆವಸ್.

2 ತಿಮೊ 3:13

ಕತೋಬಿ ಖರಾಬ್ ಅಜು಼ ಠಗಾರ‍್ಯು ಅದ್ಮಿ ಬಿಜಾ಼ವ್‌ನಾಬಿ ಠಗೈನ್ ಅಜು಼ ಇವ್ಣೇಬಿ ಗಲತ್‌ಪರ್ ಚಾ಼ಲ್ತುಹುಯಿನ್, ದನ್‌ಪರ್-ದನ್ ತೀರ್‌ಚಾಸ್ ಖರಾಬ್ ಹುಯಿಜಾ಼ಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:3

ಶನಕತೊ ಏಕ್‌ ಹಗಾಮ್‌ಥು ತದೆ ಅಪ್ಣೇಬಿ ಅಗಾಡಿ ಖ್ಹಯಾಲ್‌ಭರ‍್ಯಾ ಹುಯಿರ‍್ಹಾಥ, ಹುಕುಮ್‌ನ ತೋಡಾವಾಳ ಹುಯಿರ‍್ಹಾಥ ಅಜು಼ ಘುಂಜ್‌ಳಾವ್ಣಿಮ ಥಾ. ಖ್ಹಾರಿಸ್ ತರ‍್ಹಾನಿ ಲಾಲಚ್‌ಬಿ ಅಜು಼ ಭೋಗ್‌ನ ಗುಲಾಮ್ ಥಾ. ಅಪ್ಣ ಖರಾಬ್ ಖ್ಹಯಾಲ್ ಅಜು಼ ಗಲ್ತಿಕರಾಸ್ಮ ಅದ್ಮಿಖ್ಹಾರು ಅಪ್ಣುನ ದಾವೊ ಕರ್ತುಥು.ಅಪ್ಣೇಬಿ ಏಕ್‌ಥಿಏಕ್ ದಾವೊ ಕರ‍್ಯಾ.

ಯಾಕೋಬ 1:22

ತುಮೆ ವಚನ್ನಿ ಪರಕ್‍ ಚಾ಼ಲಿಲ್ಯಾವಾಳ ಹುಯಿ‍ರ‍್ಹೆವೊ. ಇನ ಖಲಿ ಖ್ಹಮ್‍ಜಾ಼ವಾಳ ಹುಯಿರ‍್ಹಿನ್ ತುಮಾರು ತುಮೇಸ್ ಧೋಕ ಕರಿಲೇವೊನಕೊ.

ಯಾಕೋಬ 1:26

ತುಮಾರಮ ಮೆ ಅಛ್ಛೊ಼ಭಕ್ತಕರಿ ಬೋಲಿಲ್ಯಾವಾಳೊ ಕೋಣ್‌ತೋಬಿ ಇನಿ ಜೀಬ್‌ನ ಲಗಾಮ್‌ ನಾ ಘಾಲಿನ್ ಇನ ದಿಲ್ನ ಧೋಕ ಕರವಾಳೊರ‍್ಹಿಯೋತೊ ಇನಿ ಭಕ್ತಿ ಬಿಣ್‌ಫಾಯಿದಾನು ಹುಯಿರ್‍ಹೊಸ್.

1 ಯೋಹಾನ 1:8

ಅಪ್ಣಾಮ ಪಾಪ್‍ಕೊಯ್ನಿಕರಿ ಅಪ್ಣೆ ಬೋಲ್ಯಾತೊ ಅಪ್ಣುನ ಅಪ್ಣೆಸ್ ಠಗೈಲ್ಯವಾಳ ಹುಯಿರಾಸ್‍ ಅಜು಼ ಖ್ಹಾಚಿ ಕರಿ ಬೋಲಾನು ಅಪ್ಣಾಮ ಕೊಯ್ನಿ.