1 ಕೊರಿಂಥ 3:10 - ದೇವ್ನಿ ಖ್ಹಾಚಿ ವಚನ್

¹⁰ ದೇವ್ನೆ ಮನದಿದೋತೆ ವಾರ್‌ಖ್ಹಾನಿ ಪರಕ್ಮ ಘರ್ ಭಾಂದಾವಾಳ ಚಾ಼ತುರ‍್ನಿ ಘೋಣಿ ಯೋ ಘರ್‌ನ ಮೆ ಹದಿಪಾಯ ನಾಖ್ಯೊ. ಬಿಜು಼ಜ಼ಣು ಇನಾಪರ್ ಭಾಂದಸ್. ಕತೋಬಿ ಹರೇಕ್‍ಜ಼ಣು ಯೋ ಕಿಮ್ ಭಾಂದು ಕರೂಸ್‌ಕರಿ ಹೊಶಾರ್ಥಿರ‍್ಹೀನ್ ಭಾಂದ್‌ಣು.

1 ಕೊರಿಂಥ 3:10 ပူးပေါင်းရင်းမြစ်များ

ಮತ್ತಾಯ 24:45

ಇಮ್‍ಕತೊ, ಯಜಮಾನ್ ಇನ ಘರ್‌ಮ ಕಾಮ್ ಕರಾವಾಳ ಆಳ್‌ನ ಖ್ಹಾರು ಬರೋಬರ್‌ನಿ ವಖ್ಹತ್‌ಮ ಖಾಣು ದ್ಯವಾನಖ್ಹಾಜೆ ಇವ್ಣಾಪರ್ ನೇಮ್‌ಶಾಯೋತೆ ನಿಯತ್‍ವಾಳೊಬಿ ಅಕ್ಲಿಆಳ್‌ ಕೋಣ್?

ಮತ್ತಾಯ 7:24

“ಇನಖ್ಹಾಜೇಸ್, ಆ ಮಾರಿ ವಾತೇನ ಖ್ಹಮ್‌ಜಿನ್‌, ಅನೀನಿಘೋಣಿ ಚಾ಼ಲವಾಳು ಹರೇಕ್ ಜ಼ಣು ಬಂಡಾಪರ್ ಘರ್ ಭಾಂದಿಲೇಸ್ತೆ ಅಕ್ಲಿ ಅದ್ಮಿನಿಘೋಣಿ ಹುಯಿರ‍್ಹೂಸ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:35

ಇನಖ್ಹಾಜೇಸ್, ತಾರು ಉಜಾ಼ಳು ಅಂಧಾರು ನಾ ಹೋಣುತೆ ಇಮ್‌ ದೇಖಿಲೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:8

ಯೇಸುನೆ ಇವ್ಣುನ, “ಜ಼ತನ್‌ಥಿ ರ‍್ಹವೊ! ತುಮೂನ ಕೋಣ್‌ಬಿ ಠಗಾವ್ಣುನಾತೆ ಇಮ್‌ ದೇಖಿಲೇವೊ. ಶನಕತೊ, ಕೈಯೆಕ್ಕಿ ಜ಼ಣು ಐನ್, ಮಾರು ನಾಮ್‌ಲೀನ್, ‘ಮೇಸ್ ಕ್ರಿಸ್ತ, ಮೇಸ್ ಕ್ರಿಸ್ತ’ ಕರಿ ಅಜು಼ ಯೋ ವಖ್ಹತ್ ಐಗೈ ಕರಿ ಬೊಲ್‌ಶೆ. ಕತೋಬಿ ಇವ್ಣ ಪೀಠೆ ನಕೊಜಾ಼ಶು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:27

ಇನಕೇಡೆಥು ಅಖಾಯನ ಜಾ಼ವ್ಣುಕರಿ ಇನ ಮನ್‍ಲಗಾಖ್ಹತರ್ ವಿಶ್ವಾಸಿ ಭಯೇಖ್ಹಾರು ಇನ ಮದತ್‍ಕರಿನ್ ಹಿಜ಼್ಜಾಥೂತೆ ವಿಶ್ವಾಸಿವ್‌ನ ಚಿಟ್ಟಿಲೀಖಿನ್ ಅಪೊಲ್ಲೋಸನ ಮಳೈಲೇವ್ಣು ಕರಿ ಬೋಲಿಲಿದು.ಯೊ ಹಿಜ್ಜಾ಼ ಜಾ಼ವಾನಿ ವಖ್ಹ್‌ತೆ ದೇವ್ನಿ ಕೃಪಾಥಿ ವಿಶ್ವಾಸ್ ಕರವಾಳನ ಏಕ್‌ ಮೋಟು ಮದತ್ ಹುಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:3

ದೇವ್ನೆ ಮನ ಕೃಪಾಥಿ ದೀರಾಖ್ಯೋತೆ ಸೇವೆನಖ್ಹಾಜೆ ತುಮಾರಮ ಹರೇಕ್ ಜ಼ಣಾನ ಮೇ ಬೋಲಾನು ಶಾತ್‍ಕತೊ, ತುಮಾರಿ ಲ್ಹಾಯೇಕ್‌ನ ಮೀರಿನ್ ತುಮೆ ಸೋಚ್ನುನಾತೆ ದೇವ್ ಏಕೇಕ್‌ ಜ಼ಣಾನ ಕಿಮ್‌ಕಿಮ್‌ನು ವಿಶ್ವಾಸ್‌ನಿ ತಾಖತ್ನ ದೀರಾಖ್ಯೊಸ್ಕಿ ಇವ್ಣಿ ಬಾರೇಮ ಬರೋಬರ್‌ಥಿ ಮಾಲುಮ್‌ಕರಿರಾಖದೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:15

ಕತೋಬಿ ಮೇ ತುಮೂನ ಥೋಡಿ ವಾತೆಖ್ಹಾರಿ ಯಾದ್ ಕರಾವನಖ್ಹಾಜೆ ಘಣಿ ವಿಶ್ವಾಸ್‍ಥಿ ಅಮ್ ಲೀಖಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:20

ಮಾರಿ ಆಖ್ಹ್ ಶಾತ್‌ಕತೊ, ಕಿಜ್ಜಾ಼ ಕ್ರಿಸ್ತನು ನಾಮ್ನ ಖ್ಹಮ್‍ಜಾ಼ಡಿ ಕೊರಾಖ್ಯುನಿತೆ ಯೊ ಝ಼ಗೋಪರ್ ಸುವಾರ್ತೆನ ಬೋಲಾನು ಮಾರಿ ದಿಲ್ನಿ ಆಖ್ಹ್. ಇನಖ್ಹಾಜೆ ಬಿಜೇಕ್‍ಜ಼ಣು ನಾಖಿರಾಖ್ಯುತೆ ಹದಿಪಾಯನ ಉಪ್ಪರ್ ಮೇ ನಾಭಾಂದ್‍ಣು.

1 ಕೊರಿಂಥ 3:11

ಶನಕತೊ ದೇವ್ ಯೇಸುಕ್ರಿಸ್ತನ ತದೇಸ್‌ ಏಕ್‌ನಿಏಕ್‌ ಹದಿಪಾಯ ಕರಿ ಬಣೈರಾಖ್ಯೊಸ್. ಅಜು಼ ಬಿಜು಼ ಖಿವು ಹದಿಪಾಯನ ನಾಖನ ಕೋಉಷೇನಿ.

1 ಕೊರಿಂಥ 9:2

ಅಲ್ಹಾವ್ ಅದ್ಮಿನ ಮೇ ಅಪೊಸ್ತಲ ನಾ ಹುಯಿರ‍್ಹುತೋಬಿ ತುಮೂನ ತೋಬಿ ಅಪೊಸ್ತಲ ಹುಯಿರ‍್ಹೋಸ್. ಮೇ ಪ್ರಭುನೊ ಅಪೊಸ್ತಲಕರಿ ಬೋಲೈಲ್ಯವಾನ ತುಮುನ ಮಾರು ಮುದ್ರೊ ನಾಖಿರಾಖ್ಯೋಸ್.

2 ಕೊರಿಂಥ 10:15

ಹಮೆ ಮಿತ್‌ಮೀರಿನ್ ಬಿಜೇಕ್‍ಜ಼ಣಾನ ಮಿನ್ಹತ್‍ನ ಫಲ್ನ ಲೀಲಿನ್‌ ಆ ಹಮಾರು ಕರಿ ಬೋಲಿಲ್ಯಾವಾಳ ಕಾಹೆ. ಕತೋಬಿ ಹಮಾರಿ ವಿಶ್ವಾಸ್ ಜಾ಼ಖ್ಹತ್ ಹುವಾತೆ ತಿಮ್ ತುಮಾರೇಥಿ ಹಮಾರು ಕಾಮ್ ಬಿಜೂ಼ಬಿ ಭಡ್ತುಜಾ಼ಶೆ.

ಎಫೆಸ 2:20

ಅಪೊಸ್ತಲಬಿ ಅಜು಼ ಪ್ರವಾದಿಖ್ಹಾರುಬಿ ಕರಿ ಬೋಲಾನು ಹದಿಪಾಯಪರ್ ತುಮೆ ಘರ್‌ನಿಘೋಣಿ ಭಂದೈರ‍್ಹಾಸ್. ಕ್ರಿಸ್ತ ಯೇಸುಸ್ ಮುಖ್ಯ ಹುಯಿರ‍್ಹೊಸ್ತೆ ಕೋಣಾನೊಬಂಡೊ ಹುಯಿರ‍್ಹೊಸ್.

ಕೊಲೊಸ್ಸೆ 1:29

ಮಾರಾಮ ಕಾಮ್‍ ಕರಾನಿ ದೇವ್ನಿ ಶಕಥ್ಥಿ ಅನಖ್ಹಾಜೆಸ್ ಮ್ಹಿನತ್ ಕರೀನ್ ಲಡೂಸ್.

ಕೊಲೊಸ್ಸೆ 4:17

ಅರ್ಖಿಪ್ಪನ, “ತೂ ಪ್ರಭುಥಿ ಲೀಲಿದೋತೆ ಸೇವೆನ ಚ಼ಲಾವನ ಹುಷಾರ್‌ಥಿ ರ‍್ಹೀನ್ ಪೂರಹೊಣು” ಕರಿ ಬೋಲೊ.

1 ಥೆಸ 3:2

ಹಮೆ ಹಮಾರ ವಿಶ್ವಾಸ್‌ಮ ಅಜು಼ ದೇವ್ನಖ್ಹಾಜೆ ಕ್ರಿಸ್ತನಿ ಸುವಾರ್ತೆನ ಬೋಧನೆಮ ಮಾರ ಜೋ಼ಡ್ಮ ರ‍್ಹವಾಳೊ ತಿಮೊಥೆನ, ತುಮೂನ ಹುಮ್ಮಖ್ಹ್ ದ್ಯವಾನ ಅಜು಼ ವಿಶ್ವಾಸ್ಮ ಹುಮ್ಮಖ್ಹ್‌ ಕರಾನಖ್ಹಾಜೆ ತುಮಾರಕನ ಮೋಕ್‍ಲ್ಯಾಥ.

1 ತಿಮೊ 4:16

ತಾರಿ ಜಿವ್ಣು ಅಜು಼ ಬೋಧನೆಪರ್ ವಿಶೇಷ್‌ಥಿ ಖ್ಹಯಾಲ್ ರಾಕ್. ಆ ಅಖ್ಖಾನ ಕರ್ತೊಸ್ ರ‍್ಹೇ, ಶನಕತೊ ತೂ ಕರ್ತೊ ರ‍್ಹಿಯೋತೊ ಅನೇಥಿ ತೂ ತುನಾಸ್ ಅಜು಼ ಕೋಣ್ ಆ ವಾತ್ನ ಖ್ಹಮ್‌ಜಾ಼ಸ್ಕಿ ಇವ್ಣುನಾಬಿ ಬಚಾ಼ಡಿಶ್.

2 ತಿಮೊ 2:15

ದೇವ್ನ ಡೋಳಾಮ ಲ್ಹಾಯಕ್‌ನು ಅದ್ಮಿಹುಯಿನ್ ದೆಖೈಲ್ಯವಾನಟೇಕೆ ತಾರಿ ಅಖ್ಖಿ ಶಕಥ್ಥಿ ಕೋಶಿಶ್ ಕರ್‌, ಅನೇಥಿ ವಾತೇಮಾಬಿ ರ‍್ಹವೊ ಇವ್ಣ ಕಾಮ್ ಖ್ಹಾರಾನಾಬಿ ರ‍್ಹವೊ ಖ್ಹರಮ್‌ ಕಾಡಾನಿಘೋಣಿ ನಾರ‍್ಹೇವ್ಣು ಅಜು಼ ದೇವ್ನಿ ಖ್ಹಾಚಿ ವಚನ್ ಬರಾಬರ್‌ಥಿ ಬೋಲಿದ್ಯವಾಳೊ ಹುಯಿರ‍್ಹೆ.

ಯಾಕೋಬ 3:1

ಮಾರ ಭೈಯೇ ಭೇನೆವೊ. ಖ್ಹಾರುಸ್ಜ಼ಣು ಶಿಕಾಡನ ಉತ್ವಾಳಿ ನಕೊಕರೊ, ಶಿಕಾಡವಾಳ ಹುಯಿರ‍್ಹಾತೆ ಅಪ್ಣೆ ಅಲಕ್‍ ಜ಼ಣೆಥೀಬಿ ಘಣಿ ನ್ಯಾಯತೀರ್ಪ್‌ನ ಶುಶತ್ಉಶು.

1 ಪೇತ್ರ 4:11

ಏಕ್ಜ಼ಣೊ ಬೋಧನೆಕರಾವಳೊ ರ‍್ಹಯೊತೊ ದೇವ್ನಿ ವಚನ್ನ ಪಾಡಿಬೋಲವಾಳೊ ಹುಯಿನ್ ಬೋಧನೆ ಕರಾದೆ. ಏಕ್‍ಜ಼ಣೊ ಸೇವೆ ಕರಾವಾಳೊ ರ‍್ಹಯೋತೊ ದೇವ್ ದೇಸ್ತೆ ಶಕತ್ನಿಪರಕ್ಮ ಕರಾದೆ. ಆ ಅಖ್ಖೇಥಿಬಿ ಕ್ರಿಸ್ತಯೇಸುಥಿ ದೇವ್ನ ಧನ್ಯವಾದ್ ಹುವಾಸ್. ಕ್ರಿಸ್ತ ಯೇಸುನ ರಾಜ಼್‌ಭಾರ್‌ಬಿ ಮಹಿಮೆಬಿ, ಶಕತ್‌ಬಿ ಜ಼ಗ್‌ಜ಼ಮಾನಮಾಬಿ ಇನಾಸ್ ರ‍್ಹವಾದೆ ಆಮೆನ್.

2 ಪೇತ್ರ 3:15

ಅಪ್ಣೊ ಪ್ರಭುನಿ ದೀರ್ಘಶಾಂತಿ ಅಪ್ಣ ಬಚಾ಼ಡನ ಖ್ಹಾಜೆಸ್‌ಕರಿ ಮಾಲುಮ್‌ಕರಿಲೆವೊ. ಅಪ್ಣೊ ಪ್ಯಾರ್‌ನೊ ಭೈ ಹುಯಿರ‍್ಹೋತೆ ಪೌಲಜಿನು ದೇವ್ನೆ ದಿದೊತೆ ಗ್ಯಾನ್ನಿ ಪರಕ್ಮ ತುಮೂನ ಲೀಖಿರಾಖ್ಯೊಸ್.

ಪ್ರಕಾಶಿತ್ 21:14

ಯೋ ಖ್ಹಯೇರ‍್ನು ಭೀತ್‌ನ ಭಾರ ಹದಿಪಾಯನುಬಂಡೊ ಥು. ಇನಪರ್ ಮೇಂಢಾನು ಚೆಲ್ಕಾನು ಭಾರಜ಼ಣ ಅಪೊಸ್ತಲರ‍್ನು ನಾಮ್ ಥು.

ಪ್ರಕಾಶಿತ್ 21:19

ಖ್ಹಯೇರ‍್ನ ಭೀತ್‌ನು ಹದಿಪಾಯನ ಕೈಯೇಕ್ ಥರಾನು ಮುತ್ನೊ ಕಾಕ್ರೊಖ್ಹಾರೊಥೊ, ಫೈಲೊ ಕೋಣಾನೊ ಬಂಡೊ ವಜ್ರಾಥಿ, ಬೇನೊಬಂಡೊ ವೈಡೂರ‍್ಯ, ತೀನ್ನೊ ಪಚ್ಚೆ. ಚಾರ‍್ನು ಪದ್ಮರಾಗ್,