1 ಕೊರಿಂಥ 2:13 - ದೇವ್ನಿ ಖ್ಹಾಚಿ ವಚನ್

¹³ ಅನಖ್ಹಾರು ಬೋಲಾನಿವಖ್ಹ್‌ತೆ ಅದ್ಮಿನಿ ಅಕ್ಕಲ್‍ಥಿ ಶಿಕಿಹುಯಿ ವಾತೆಖ್ಹಾರು ಕೋಬೊಲ್ಯೊಂತೆ ಪವಿತ್ರಾತ್ಮನೆಸ್ ಶಿಕಾಡಿದಿದೋತೆ ವಾತೆನಾಸ್ ಬೋಲಿಲ್ಯವಾಳ ಹುಯಿರಾಸ್. ಅಮ್ ಆತ್ಮೀಕಥಿ ರ‍್ಹೇಸ್ತೆ ಖ್ಹಾಚ಼ನ ಆತ್ಮಾಮ ರ‍್ಹವಾಳನ ರಹಾಥಿ ಬೋಲಿವತಾಳಸ್.

1 ಕೊರಿಂಥ 2:13 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:12

ಶನಕತೊ ಯೋ ವಖ್ಹತ್‌ಮ, ತುಮೆ ಶಾತ್‌ ಬೋಲ್ನುಕರಿ ಪವಿತ್ರಾತ್ಮಾಸ್‌ ತುಮೂನ ಬೋಲಿದಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:4

ಇವ್ಣೆಅಖ್ಖು ಪವಿತ್ರಾತ್ಮಥಿ ಭರೈನ್ ಅಲಕ್ ಅಲಕ್ ಬೋಲಿಮ ವಾತೆಬೋಲಲಗ್ಯು. ಪವಿತ್ರಾತ್ಮಸ್ ಇವ್ಣುನ ಆ ಶಕತ್ನ ದಿದೊ,

1 ಕೊರಿಂಥ 1:17

ಕ್ರಿಸ್ತನೆ ಮನ ಮೋಕ್‍ಲ್ಯೊತೆ ಬ್ಯಾಪ್ತಿಸ್ಮ ದ್ಯವಾನ ಕಾಹೆ. ಸುವಾರ್ತೆನ ಖ್ಹಮ್‍ಜಾ಼ಡನಖ್ಹಾಜೆ ಎತ್ರೇಸ್. ಕತೋಬಿ ಖಾಲಿ ಅದ್ಮಿನಿ ಅಕ್ಕಲ್‍ಥಿ ಬೋಲಿ ಖ್ಹಮ್‌ಜಾ಼ಡನ ಮನ ಮೋಕ್‌ಲ್ಯೊ ಕೊಯ್ನಿ. ಮೇ ಕಾಯ್‌ತೋಬಿ ಲೋಕ್‌ನಿ ಗ್ಯಾನ್‌ಥಿ ಸುವಾರ್ತೆ ಬೋಲ್ಯೊಹೊತ್ತೊ ಕ್ರಿಸ್ತನಿ ಶಿಲ್‌ಬೇನಿ ಶಕತ್ ಫಾಯಿದೊಕೊಂತೆ ಹುಯುಹೊತ್ತ್.

1 ಕೊರಿಂಥ 14:2

ಅಲ್ಹಾವ್‌ಬೋಲಿ ಬೋಲವಾಳೊ, ಅದ್ಮಿನಿ ಜೋ಼ಡ್ಮ ಕಾಹೆ ದೇವ್ನಿಜೋ಼ಡ್ಮ ವಾತೆಬೋಲಸ್. ಶನಕತೊ ಯೋ ಪವಿತ್ರಾತ್ಮಥಿ ಗಪ್ಲತ್‌ನಿ ವಾತೆಖ್ಹಾರಿ ಬೋಲವಾಳೊ ಹುಯಿರ‍್ಹೇಸ್ ಇನಖ್ಹಾಜೆ ಕೋಣ್‌ಬಿ ಮಾಲುಮ್ ಕರಾನ ಕೋಹೊಯ್ನಿ.

1 ಕೊರಿಂಥ 2:1

ಪ್ಯಾರ್‌ನ ಭೈಯೇ ಭೇನೆವೊ, ಮೇ ದೇವ್ನ ಖ್ಹಾಚ಼ನ ಖ್ಹಮ್‍ಜಾ಼ಡ್‌ತೊಹುಯಿನ್ ತುಮಾರಕನ ಆಯೊ. ಕತೋಬಿ ಮೇ ಚಾ಼ತುರ್ ವಾತೇಥಿ ರ‍್ಹವೊ ಅಕ್ಕಲ್‍ಥಿ ರ‍್ಹವೊ ಕೊ ಆಯೋನಿ.

1 ಕೊರಿಂಥ 2:14

ಜಗತ್‌ನು ಹುಯಿರ‍್ಹಾವಳೊ ದೇವ್ನಿ ಆತ್ಮಾನಿ ವಾತೇನ ಸ್ವೀಕಾರ್ ಕೋಕರಾನಿ; ಯೊ ಅಖ್ಖು ಇನ, ಘೈಲಿ ವಾತೆನಿಘೋಣಿ ದೇಖಾವಸ್. ಯೋ ಅದ್ಮಿ ಪವಿತ್ರಾತ್ಮನಿ ವಾತೇನ ಸೋಚಾನ ಕೊ ಹುವಾನಿ; ಶನಕತೊ ಯೊ ವಾತೇವ್ನ ಆತ್ಮೀಕ್‌ ಪರಕ್ಮಾಸ್ ವಿಚಾರ್ ಕರ‍್ನು.

1 ಕೊರಿಂಥ 2:4

ಮಾರು ಉಪದೇಶ್ ಅಜು಼ ವಾತೆಮ ಅದ್ಮಿನಿಖ್ಹಯಾಲ್‍ನ ರ‍್ಹವಾನುಬಿ ಅಜು಼ ಅಛ್ಛಿ ವಾತೇಥಿ ಮಳಿರ‍್ಹುಥು ಕೊಯ್ನಿ. ಕತೋಬಿ ದೇವ್ನುಆತ್ಮ ದಿಲ್‌ಫರಾವನಿ ಸಾಕ್ಷಿಹುಯಿರ‍್ಹುಸ್ತೆ ಶಕಥ್ಥಿ ಮಳಿಹುಯು ಹುಯಿರ‍್ಹುಥು.

1 ಕೊರಿಂಥ 9:11

ಹಮೆ ತುಮಾರಮ ಆತ್ಮೀಕ್ ಹುಯಿರ‍್ಹುತೆ ಪಂಡಾನ ನಾಖ್ಯಾತೊ ಇನ ಬದಲ್ ತುಮಾರೇಥಿ ಜಗತ್ನ ಉಬ್‍ಜಾ಼ವ್ಣಿನ ಜಿನಖ್ಹ್‌ನ ವ್ಹಾಡನು ಮೋಟಿ ವಾತ್‍ಕಿಶು?

ಎಫೆಸ 5:19

ಗೀದ್‍ಥೀಬಿ, ಸ್ತುತಿ ವಚನ್‌ಥಿಬಿ, ಆತ್ಮೀಕ್ ಲ್ಹೂರ್‌ನು ಗೀದ್‍ಥಿಬಿ ಏಕ್‌ಥಿಏಕ್ ವಾತೆ ಬೋಲ್ತಹುಯಿನ್ ತುಮಾರ ದಿಲ್ಮ ಪ್ರಭುನ ಸ್ತುತಿನು ಗೀದ್‌ ಬೋಲೊ.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

1 ಪೇತ್ರ 1:12

ಪರ್‌ಲೋಕ್‌ಥು ಮೋಕ್‍ಲೈರ‍್ಹುತೆ ಪರಿಶುದ್ದಆತ್ಮಥಿ ತುಮುನ ಸುವಾರ್ತೆನ ಬೋಲವಾಳು ಹಮ್ಕೆ ತುಮುನ ಖ್ಹಮ್‍ಜಾ಼ಡನಿತರ ಅಜು಼ ದೂತರ್ ಡೋಳಲಗಾಡಿನ್ ದೇಕ್ಣು ಕರಿ ಅಖ್ಹ್‌ಕರ‍್ಯುತೆತಿಮ್‍ ಅಖ್ಖಕಾಮ್ಮ ಇವ್ಣಖ್ಹಾಜೆ ಕಾಹೆ ಅಪ್ಣ ಖ್ಹಾಜೆಸ್ ಸೇವೆ ಕರಿರಾಖ್ಯುಸ್‌ಕರಿ ಇವ್ಣುನ ದೆಖಾಯು.

2 ಪೇತ್ರ 1:16

ಅಪ್ಣೊ ಪ್ರಭು ಯೇಸು ಕ್ರಿಸ್ತನಿ ಶಕತ್ನಿ ಬಾರೇಮ ಅಜು಼ ಯೋ ಆವ್‌ಶೇತೆ ಬಾರೇಮ ತುಮೂನ ಬೋಲಿವತಾಳಿ ರಾಖ್ಯಸ್‌. ಯೋ ಅದ್ಮಿಥಿ ಬೋಲೈಹುಯಿ ಖೇಣಿಯೇನಿ ಆಧಾರ್‌ಪರ್ ಬೋಲಿವತಾಳ್ಯಾತೆ ಕಾಹೆ ಯೋ ಕೆತ್ರ ಮಹಾನ್ ಕರಿ ಹಮೆ ಖ್ಹುದ್ ಹಮಾರ ಡೋಳೆಖ್ಹು ದೇಖಿರಾಖ್ಯಸ್.