1 ಕೊರಿಂಥ 16:6 - ದೇವ್ನಿ ಖ್ಹಾಚಿ ವಚನ್

⁶ ಥೋಡಿ ವಖ್ಹತ್, ನತರ್ ಠಣ್ಣಾ ಹಗಾಮ್ ತುಮಾರಿಜೋ಼ಡ್ಮ ಕಾಡ್ಣುಕರಿ ಹರ್‌ಖ್ಹುಸ್. ಅಮ್ನಿಪರಕ್ಮ ಮೇ ಜಾ಼ವ್ಣುತೆ ಝ಼ಗೋನ ಜಾ಼ವಾನಖ್ಹಾಜೆ ತುಮೆಮನ ಮದತ್ ಕರೆಜಾ಼ಯ್.

1 ಕೊರಿಂಥ 16:6 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:3

ಸಬೆವಾಳು ಇವ್ಣುನ ಮೋಕ್ಲಿ ಹುಯಿಜಾ಼ವಾದಿನ್ ಇವ್ಣೆ ಫೊಯಿನಿಕೆ, ಸಮಾರ್ಯ ತಬರ್‌ಖಾನಿ ವಾಟೆ ಜಾ಼ವಾನಿ ವಖ್ಹತ್‌ಮ ಅಲಕ್‌ ಅದ್ಮಿಖ್ಹಾರು ದೇವ್‌ಭಣಿ ಫರ‍್ಯುತೆ ಬಾರೇಮ ಹಿಜ಼್ಜಾಥೂತೆ ಭೈಯೇ ಖ್ಹಾರಾನ ಏಕೇಕ್‌ ವಾತ್ನಬಿ ಛೋ಼ಡಿ ಬೋಲಿವತಾಳಿನ್ ಇವ್ಣಖ್ಹಾರಾನ ಘಣು ಖ್ಹುಶಿಕರಾಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:15

ಪೌಲನ ಮ್ಹೇಲಿದ್ಯವಾನ ಗಯುಥೂತೆ ಖ್ಹಾರು ಇನ ಜೋ಼ಡ್ಮ ಅಥೇನ್ಸಲಗು ಗಯು. ಸೀಲನಾಬಿ ತಿಮೊಥೆಯನಾಬಿ ಮಳಿಹುಯಿಗುತೊ ತದೇಸ್‌ ಒಗ್ಗಿಸ್ ಇನಕನ ಆವ್ಣುಕರಿ ಪೌಲನಿ ಹುಕುಮ್‍ಥಿ ಪಾಛ಼ ಆಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:38

ಇನೆ ಮಾರ ಮ್ಹೋಡಾನ ಬಿಜು಼ಪಾಛು಼ ದೇಕ್‌ಶು ಕೊಯ್ನಿಕರಿ ಬೋಲ್ಯೊತೆ ವಾತೆನ ಇವ್ಣೆ ಘಣು ದುಖ್‌ಪಡ್ಯು ಅಜು಼ ಇನ ಜ಼ಹಾಜ಼್‌ಲಗು ಜೈ಼ನ್ ಮ್ಹೇಲಿನ್ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:5

ಕತೋಬಿ ಹಮಾರಿ ಭೇಟಿ ಖ್ಹತಮ್ ಕರೀನ್, ಹಿಜ್ಜಾ಼ಥ ನಿಕ್ಳಾನಿ ವಖ್ಹತ್‌ಮ ಯೊ ವಿಶ್ವಾಸಿ ಖ್ಹಾರು ಖ್ಹಯೇರ‍್ನ ಭಾರ್‌ಲಗು ಐನ್ ಇವ್ಣ ಬಾವಣ್‍ ಲಡ್ಕಾವ್‌ನಿ ಜೋ಼ಡ್ಮ ಮ್ಹೇಲಾನ ಆಯು.ಅಜು಼ ಹಮೆಖ್ಹಾರು ದರ‍್ಯಾವ್‍ನಿ ಕನಾರೆ ಢುಕ್‍ಣ್ಯಮೇಟೆ ಹುಯಿನ್ ಪ್ರಾರ್ಥನೆ ಕರೀನ್,

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:12

ಯೋ ಬಂದರ್ನೊ ತಬರ್‌ಖೊ ಠಣ್ಣಹಗಾಮ್ ಕಾಡಾನ ಯೋ ಜ಼ಹಾಜ಼್ನ ಅಛ್ಛಿಝ಼ಗೊ ಕೋಥೂನಿ. ಇನಖ್ಹಾಜೆ ಹಿಜ್ಜಾ಼ಥು ನಿಕ್ಳಿನ್, ಜಾ಼ವಾನು ಹುಯುತೊ ಕಿಮ್‍ಬಿ ಫೆನಿಕ್ಸ್‌ ಗಾಮ್ನ ಜೈ಼ನ್ ಹಿಜ್ಜಾ಼ಸ್ ಯೋ ಠಣ್ಣಾ ಹಗಾಮ್‌ ಕಾಡ್ಣುಕರಿ ಘಣು ಅದ್ಮಿ ಖ್ಹೂಜ಼್‌ ಕರ‍್ಯು. ಫೆನಿಕ್ಸ್‌, ಕ್ರೇಟ್ ಟಾಪಾನು ಏಕ್‌ ಬಂದರ್ನೊ ತಬರ್‌ಖೊ, ಯೋ ಈಶಾನ್ಯ ದಿಕ್ನಾಬಿ, ಆಗ್ನೇಯ ದಿಕ್ನಾಬಿ, ಆಮಖ್ಹಾಮೆ ಥು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:11

ತೀನ್ ಮಹಿನಾನ ವಾರ್‌ ಅಲೆಕ್ಸಾಂಡ್ರಿಯಾಥು ಅಯಿನ್ ಯೋ ಟಾಪಾಮ ಠಣ್ಣಾದನ್‍ ಕಾಡಿಮ್ಹೇಲಿಜಾ಼ವನ ಖ್ಹಾಜೆ ಏಕ್‌ ಜ಼ಹಾಜ಼್‌ನ ಚ಼ಢೀನ್ ಗಯ. ಯೋ ಜ಼ಹಾಜ಼್‍ನ ಖ್ಹಾಮ್ಣೆ ಗ್ರೀಕ್ ಅವಳಿಜವಳಿ ದೇವ್ತಿನು ಖ್ಹಣೇದ್ ಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:24

ಮೇ ಸ್ಪೇನ್ ಜಾ಼ವಾನಿ ವಖ್ಹ್‌ತೆ ತುಮೂನ ಮಳಾನಖ್ಹಾಜೆ ಟಿವೈರ‍್ಹೋಸ್. ದರ್ರಾಖ್ಹ ದನ್ ತುಮಾರಿ ಲಾಡ್‍ಮೋಹಬತ್ನಿ ಖುಷಿಮ ಮೇ ರ‍್ಹೀನ್, ಇನಕೇಡೆಥು ಯೋ ದೇಖ್ಹ್‌ನ ಜಾ಼ವಾನ ಮನ ತುಮಾರಿ ಮದತ್ ಮಳ್‌ಶೆಕರಿ ವಿಶ್ವಾಸ್‍ಕರುಸ್.

1 ಕೊರಿಂಥ 16:11

ಕೋಣ್‌ಬಿ ಇನ ಕಡತೇಲ್‍ ನಾಕರ‍್ನು. ಕತೋಬಿ ಯೋ ಮಾರಕನ ಆವಾನಿತರ ಇನ ಸಮಾಧಾನ್‌ಥಿ ಮೋಕಲ್‌ನು ಯೋ ಭೇನೆ ಭೈಯೇವ್ನಿ ಜೋ಼ಡ್ಮ ಆವಾನು ಮೇ ಮ್ಹೋರೆ ದೇಖುಕರುಸ್.

2 ಕೊರಿಂಥ 1:16

ಮೇ ಮೆಕೆದೋನಿಯನ ಜಾ಼ವಾನಿ ವಖ್ಹತ್‍ಬಿ ಬಿಜು಼ ಹಿಜ್ಜಾ಼ಥೊ ಪಾಛೊ಼ ಫರಿ ಆವಾನಿ ವಖ್ಹತ್‍ಮಾಬಿ ತುಮಾರಕನ ಆವ್ಣುಕರಿ ಥೊ. ಬಿಜು಼ ಯೂದಾಯ ತಬರ್‌ಖಾಮ ಜಾ಼ವಾನ ತುಮಾರೇಥಿ ಮದತ್ ಮಾಂಗ್‍ಣು ಕರಿ ಥೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:12

ಠಣ್ಣಾ ದನ್ಮ ಮೇ ನಿಕೋಪೊಲಿಮ ಠಣ್ಣಾ ಹಗಾಮ್ನ ಕಾಡ್ನುಕರಿ ಖ್ಹೂಜ಼್‌ಕರಿ ರಾಖ್ಯೋತೆ ಇನಖ್ಹಾಜೆ, ಅರ್ತೆಮನ್ನ ರ‍್ಹವೊ ತುಖಿಕನ ರ‍್ಹವೊ ತಾರಕನ ಮೋಕಲ್‌ತಾಸ್‌ ತೂ ಮಾರಕನ ಆವಾನ ದೇಕ್‌ಜೊ.