1 ಕೊರಿಂಥ 16:19 - ದೇವ್ನಿ ಖ್ಹಾಚಿ ವಚನ್

¹⁹ ಏಷ್ಯಾನಿ ತಬರ್‌ಖಾನಿ ಸಬೆವಾಳು ತುಮೂನ ಖ್ಹಲಾಮ್ ಕರಿ ಬೋಲಿರಾಖ್ಯುಸ್. ಅಕ್ವಿಲ ಅಜು಼ ಪ್ರಿಸ್ಕಿಲ್ಲನು ಘರ್‌ನು ಸಬೇಥು ಪ್ರಭುನ ನಾಮ್‍ಥಿ ತುಮೂನ ಘಣು ಖ್ಹಲಾಮ್ ಕರಸ್.

1 ಕೊರಿಂಥ 16:19 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:6

ಏಷ್ಯಾ ಮುಲಕ್‌ಮ ಪೌಲ ಇವ್ಣೆಖ್ಹಾರು ಸುವಾರ್ತೆನ ಬೋಲಿನ್ ನಾ ವತಾಳ್ಣುಕರಿ ಪವಿತ್ರಾತ್ಮನೆ ಖ್ಹಮ್‍ಜಾ಼ಡಿರಾಖ್ಯೊಥೊ. ಇನಖ್ಹಾಜೆ ಇವ್ಣೆ ಫ್ರಿಜಿಯ, ಅಜು಼ ಗಲಾತ್ಯ ತಬರ್‌ಖಾನಿ ವಾಟೆ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:18

ಪೌಲ ಕೈಏಕ್ ದನ್‌ಲಗು ವಿಶ್ವಾಸಿ ಭಯೇನಿ ಜೋ಼ಡ್ಮಾಸ್ ಥೊ. ಅನಕೇಡೆಥು ಪ್ರಿಸ್ಕಿಲ್ಲ ಅಜು಼ ಅಕ್ವಿಲನ ಜೋ಼ಡೆ ಜ಼ಹಾಜ಼್ ಚ಼ಢೀನ್ ಸಿರಿಯಾನ ನಿಕ್‌ಳ್ಯೊ. ಇನ ದೀಕ್ಷೆಥೂತೆ ಇನಖ್ಹಾಜೆ ಕೆಂಖ್ರೆಯ ಖ್ಹಯೇರ್‌ಮ ಮುಡ್‌ಕ್ಯಾನ ಕೇಖ್ಹ್‌ ಕಡಾಯೊ.ಶನಕತೊ ಯೋ ಶಪತ್ ಕರಿರಾಖ್ಯೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:2

ಪೊಂತಾಮ ಪೈದಾಹುಯಿರೊಥೋತೆ ಆಕ್ವಿಲ ಕರಿ ಏಕ್‍ಜ಼ಣೊ ಯೆಹೂದ್ಯನ ಹಿಜ್ಜಾ಼ ದೇಖ್ಯೊ. ಚಕರ್‌ವರ್ತಿ ಕ್ಲೌದಿಯನೆ ರೋಮ್ ಖ್ಹಯೇರ‍್ನ ಮ್ಹೇಲಿಜಾ಼ವ್ಣುಕರಿ ಹುಕುಮ್‌ ದೀರಾಖ್ಯೋಥೋತೆ ಖ್ಹಾಜೆ ಅಕ್ವಿಲಬಿನ್ ಇನಿ ಬಾವಣ್‍ ಹುಯಿರ‍್ಹಿತೆ ಪ್ರಿಸ್ಕಿಲ್ಲ ಥೋಡದನ್ನ ಅಗ್ಗಳಸ್ ಇಟಲಿ ದೇಖ್ಹ್‌ ಥು ಹಿಜ್ಜಾ಼ ಐರ‍್ಹುಥು. ತದೆ ಪೌಲನೆ ಇವ್ಣುನ ದೇಖಾನ ಗಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:26

ಅಪೊಲ್ಲೋಸನೆ ಸಬಾಮಂದಿರ್‌ಮ ಭಾಲಿಥಿ ಬೋಧನೆ ಕರ‍್ಯೊತೆ ಖ್ಹಮ್‍ಜ್ಯಾತೆ ಪ್ರಿಸ್ಕಿಲ್ಲ ಅಜು಼ ಅಕ್ವಿಲನೆ ಇವ್ಣೆ ಇನ ಘರೆ ಬುಲೈಜೈನ್ ಅಜು಼ ದೇವ್ನ ಮಾರಗ್‌ನ ಇನ ಬಿಜೂ಼ಬಿ ಜಾ಼ಖ್ಹತ್ ಅಛ್ಛಿನಿತರ ಬೋಲಿವತಾಳ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 19:10

ಅಮ್ಮಸ್ ಬೇ ವರಖ್ಹ್ ನಿಕ್ಳಿಗಯ. ಏಷ್ಯಾಮ ಜಿವ್ಣು ಕರುಕರ್ತುಥೂತೆ ಖ್ಹಾರು ಯೆಹೂದ್ಯರ್‌ಬಿ ಗ್ರೀಕ್‌ವಾಳುಬಿ, ಪ್ರಭುನಿ ಉಪದೇಶ್‍ನ ಖ್ಹಮ್‌ಜ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:9

ಅಪ್ಣಾಮ ಪಾರ್ದಿವಾಳು, ಮೇದ್ಯವಾಳು, ಎಲಾಮ್ಯವಾಳು, ಮೆಸಪಟೋಮಿಯವಾಳು, ಯೂದಾಯಬಿ ಅಜು಼ ಕಪ್ಪದೋಕ್ಯವಾಳೂಬಿ ಛಾ಼. ಪೊಂತ ಅಜು಼ ಏಷ್ಯಾವಾಳುಬಿ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:15

ಫಿಲೊಲೋಗ, ಯೂಲ್ಯ, ನೇರ್ಯ ಅಜು಼ ಇನಿ ಭೇನ್, ಒಲುಂಪ ಅಜು಼ ಇವ್ಣಿ ಜೋ಼ಡ್ಮ ರ‍್ಹವಾಳ ಖ್ಹಾರಾಸ್ ವಿಶ್ವಾಸಿಯೇವ್ನ ಖ್ಹಲಾಮ್.

ಕೊಲೊಸ್ಸೆ 4:15

ಲವೊದಿಕೀಯಮ ಛಾ಼ತೆ ಭೈಯೇ ಭೇನೆನಾಬಿ ಅಜು಼ ನುಂಫಕರಿ ಬೋಲೈಲ್ಯವಾಳಿ ಅಜು಼ ಇನಘರ್‌ಮ ಮಳೀನ್‍ ಅವಾತೆ ಸಬೇನಾಬಿ ಬೋಲ್ಯೊ ಕರಿ ಬೊಲ್ದೆ.

2 ತಿಮೊ 4:19

ಪ್ರಿಸ್ಕಿಲ್ಲ ಅಜು಼ ಅಕ್ವಿಲನ, ಅಜು಼ ಒನೇಸಿಪೊರನ ಘರ್‌ವಾಳಾನ ತೋಬ ಕರಿ ಬೋಲ್‍ಜೊ.

ಫಿಲೆಮೋನ 1:2

ಭೇನ್ ಹುಯಿರ‍್ಹೀತೆ ಅಪ್ಫಿಯನಾಬಿ ಅಪ್ಣೊ ಜೋ಼ಡ್‌ನೊ ಶಿಪಾಯಿ ಹುಯಿರ‍್ಹೋತೆ ಅರ್ಖಿಪ್ಪನಾಬಿ ತುಮಾರ ಘರ್‌ಮ ಭರಾವಸ್ತೆ ಸಬೆವಾಳನಾಬಿ ಲೀಖೂಸ್ತೆ ಶಾತ್‍ಕತೊ;

1 ಪೇತ್ರ 1:1

ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೇತ್ರನೆ ಪೊಂತ, ಗಲಾತ್ಯ, ಕಪ್ಪದೋಕ್ಯ ಏಷ್ಯಾ ಬಿಥೂನ್ಯ ಕರಿ ತಬರ್‌ಖಾಮ ಛಿಡ್‍ಕೈಗಾತೆ ಪರೈದೇಖ್ಹ್‌ಮ ಜಿವ್‌ಕರಾತೆ ದೇವ್ನ ಅದ್ಮಿವ್‍ನ ಕತೊ,

ಪ್ರಕಾಶಿತ್ 1:11

ಯೋ ಅವಾಜ಼್‌ನೆ, ತೂ ದೇಖಾನು ಏಕ್‌ ಪುಸ್ತಕ್‌ಮ ಲೀಖಿನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲಿಡೇಲ್ಫಯ, ಲವೊದಿಕೀಯ, ಕರಿ ಖ್ಹಾತ್ ಸಬೆವ್‍ನ ಮೋಕಲ್ನುಕರಿ ಬೋಲ್ಯು.