1 ಕೊರಿಂಥ 16:1 - ದೇವ್ನಿ ಖ್ಹಾಚಿ ವಚನ್

¹ ದೇವ್ನ ಅದ್ಮಿನಖ್ಹಾಜೆ ಪೈಶ ಜ಼ಮ ಕರಾನಿ ಬಾರೇಮ ಮೇ ಗಲಾತ್ಯನಿ ಅಖ್ಖಿ ಸಬೆನ ಬೋಲ್ಯೊತೆ ಇಮ್ಮಸ್ ತುಮೇಬಿ ಕರೊ.

1 ಕೊರಿಂಥ 16:1 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:28

ಆ ಪ್ರವಾದಿಖ್ಹಾರಾಮ “ಅಗಬ” ಕರಿ ಏಕ್‍ಜ಼ಣೊ ಥೊ. ಅಗಬನೆ ಅಂತಿಯೋಕ್ಯಮ ಪವಿತ್ರಾತ್ಮನಿ ಖ್ಹಯಾಲ್‌ಥಿ, “ಹಿಡಿ ಜಗತ್‍ನಾಸ್ ಕಾಳ್ದುಕಾಳ್ ಆವ್‌ಶೆ” ಕರಿ ಬೋಲ್ಯೊ. ಯೋ ಕಾಳ್ದುಕಾಳ್‍ನ ಹಗಾಮ್ ಕ್ಲೌದಿಯ ರಾಜ಼ನು ಹಗಾಮ್ಮ ಆಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:30

ಇವ್ಣೆ ಪೈಶಾನ ಜ಼ಮಕರೀನ್ ಇನ ಬಾರ್ನಬ ಅಜು಼ ಸೌಲನ ಹಾಥ್ಥಿ ಯುದಾಯಮ ಥೂತೆ ಸಭೆನ ಗಲ್‌ಢಾವ್ನ ಲಯಿನ್ ದಿದಾ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:6

ಏಷ್ಯಾ ಮುಲಕ್‌ಮ ಪೌಲ ಇವ್ಣೆಖ್ಹಾರು ಸುವಾರ್ತೆನ ಬೋಲಿನ್ ನಾ ವತಾಳ್ಣುಕರಿ ಪವಿತ್ರಾತ್ಮನೆ ಖ್ಹಮ್‍ಜಾ಼ಡಿರಾಖ್ಯೊಥೊ. ಇನಖ್ಹಾಜೆ ಇವ್ಣೆ ಫ್ರಿಜಿಯ, ಅಜು಼ ಗಲಾತ್ಯ ತಬರ್‌ಖಾನಿ ವಾಟೆ ಗಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:23

ಪೌಲನೆ ಅಂತಿಯೋಕ್ಯಮ ಥೋಡದನ್ ರ‍್ಹೀನ್ ಫಾಚೊ಼ ಹಿಜ್ಜಾ಼ಥು ನಿಕ್ಳಿನ್ ಗಲಾತ್ಯಬಿ ಫ್ರಿಜಿಯ ತಬರ್‌ಖಾಮ ಫರ್ತೊಹುಯಿನ್ ಹಿಜ಼್ಜಾನ ವಿಶ್ವಾಸಿಖ್ಹಾರನ ಘಟ್‍ಥಿ ಭೀರಾಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:17

“ಥೋಡ ವರಖ್ಹ್‌ನ ವಾರ್ ಮೆ, ಮಾರ ಶೊಂತ್‌ ದೇಖ್ಹ್‌ವಾಳಾನ ಪೈಶಾ, ಕಾಣ್ಕೆ ಅಜು಼ ಮುಡಪ್‍ ದ್ಯಾವಾನ ಆಯೋಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:13

ತದೆ ಅನನೀಯನೆ ಪ್ರಭು,ಯೆರೂಸಲೇಮ್‌ನು ತಾರ ದೇವ್ನಅದ್ಮಿ ಖ್ಹಾರಾನ ಕೆತ್ರೇಕ್ಕಿ ಖ್ಹತಾಪ್ಣಿನ ದಿದೂತೆ ಅನಿ ಬಾರೇಮ ಕೈಯೇಕ್‍ಜ಼ಣಾಥಿ ಖ್ಹಮ್‍ಜಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:41

ಇನೆ ಹಾತ್‍ದೀನ್‍ ಉಠಾಡಿ ಭೀರಾಖ್ಯೊ. ತದೆ ವಿಶ್ವಾಸಿಖ್ಹಾರು ಅಜು಼ ಮುಂಡಚ್ಚಿ ತಯೇಡಾವ್‍ನ ಯೊ ಕೋಣಾಮ ಬುಲೈ ಜಿವ್ತುಹುಯಿತೆ ಇನ ಇವ್ಣುನ ವತಾಳ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:13

ಜ಼ರೂರತ್ ರ‍್ಹವಾಳ ದೇವ್ನ ಅದ್ಮಿನಿ ಜೋ಼ಡ್ಮ ತುಮಾರಕನ ಛಾ಼ತೆ ಇನಾಮ ಮದತ್ ಕರೊ, ಮ್ಹೇಮಾನ್ನ ಘರ್‌ಮ ಬುಲೈನ್ ಉಪಚಾರ್ ಕರೊ,

1 ಕೊರಿಂಥ 11:34

ಕೋಣ್‍ತೋಬಿ ಭುಕ್ಯೊರ‍್ಹಿಯೋತೊ ಯೊ ಘರ್‌ಮಾಸ್ ಖಾವಾದೆ. ಅನೇಥಿ ತುಮೆ ದೇವ್ನಿ ತೀರ್ಪ್‌ಮ ಮಳಿನ್ ಆವ್ಣು ನಾ. ಬಿಜು಼ ಉಬ್ರಿಹುಯಿ ವಾತೆಖ್ಹಾರಿ ಮೇ ಐನ್‌ ಖ್ಹಮ್‍ಜಾ಼ಡಿಶ್.

1 ಕೊರಿಂಥ 16:15

ಸ್ತೆಫನನ ಘರ್‌ವಾಳು ಅಖಾಯಮ ವಿಶ್ವಾಸ್ಮ ಪಹಿಲು, ದೇವ್ನ ಅದ್ಮಿಯೇವ್‍ನ ಚಾ಼ಕ್ರಿ ಕರಾನಖ್ಹಾಜೆ ಇವ್ಣುನಸ್ ದೀಲಿದುಹುಯು ಕರಿ ಬೋಲಾನು ತುಮೂನ ಮಾಲುಮ್ ಛಾ಼. ಭೈಯೆ ಭೇನೆವೊ ಮೇ ತುಮುನ ಬಿಂತಿಕರೂಸ್,

1 ಕೊರಿಂಥ 4:17

ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ.

ಗಲಾತ್ಯ 1:2

ಅಜು಼ ಮಾರ ಜೋ಼ಡ್ಮ ಛಾ಼ತೆ ಅಖ್ಖಾಸ್ ವಿಶ್ವಾಸಿಯೇಬಿ ಗಲಾತ್ಯಮ ರ‍್ಹವಾನಿ ಸಬೇವ್‌ನ ಲಿಖಾನು ಶಾತ್‌ಕತೊ:

ಗಲಾತ್ಯ 2:10

ಕತೋಬಿ ತುಮೆ ಹಮಾರಮ ಛಾ಼ತೆ ದಿಕ್‌ದೆಶಾರ್‌ ಕೊಂತೆ ಇವ್ಣುನ ಖ್ಹಯಾಲ್ಮ ರಾಕ್ಣು ಕರಿ ಎಕ್ಕಸ್ ವಾತೆ ಮನ ಬೋಲ್ಯು. ಇಮ್‌ ಕರಾಮ ಮೇಬಿ ದಿಲ್‌ಲಗಾಡವಾಳೊ ಹುಯಿರ‍್ಹೊಥೊ.

ಫಿಲೆಮೋನ 1:5

ಶನಕತೊ ದೇವ್ನ ಅದ್ಮಿವೋನಖ್ಹಾಜೆ ಛಾ಼ತೆ ತಾರಿ ಪ್ಯಾರ್ ಅಜು಼ ಪ್ರಭು ಯೇಸುಮ ಛಾ಼ತೆ ವಿಶ್ವಾಸ್‌ನಿ ಬಾರೇಮ ಖ್ಹಮ್‍ಜಿರಾಖ್ಯೊಸ್.

ಫಿಲೆಮೋನ 1:7

ಪ್ಯಾರ‍್ನೊ ಭೈ, ತಾರೇಥಿ ದೇವ್ನ ಅದ್ಮೆವ್‍ನ ದಿಲ್ನ ಖ್ಹುಶಿಬಿ ಹುಮ್ಮಖ್ಹ್‌ ಹುಯೂತೆಖ್ಹಾಜೆ ಇವ್ಣಿ ಬಾರೇಮ ಛಾ಼ತೆ ಪ್ಯಾರ್‌ಥಿ ಮನ ಘಣು ಖ್ಹುಶಿಬಿ ಸಮಾಧಾನ್‍ಬಿ ಹುಯು.

ಇಬ್ರಿ 6:10

ತುಮೆ ದೇವ್ನ ಅದ್ಮಿವೋನ ಮದತ್ ಕರಿರಾಖ್ಯಸ್, ಉಜೂಬಿ ಕರುಕರಸ್ ಆ ಕಾಮ್ನ ಅಜು಼ ತುಮೆ ಇನ ನಾಮ್ನ ವತಾಳ್ಯತೆ ಪ್ಯಾರ‍್ನ ಯೊ ಭೈಕಕೊಯ್ನಿ ಶನಕತೊ ದೇವ್‌ ಅನೀತಿವಾಳೊ ಕಾಹೆ.

1 ಯೋಹಾನ 3:17

ಅಜು಼ ಆ ಲೋಕ್‌ನು ಧನ್‌ದೌಲತ್‌ ರ‍್ಹವಾಳೊ ಕೋಣ್‌ತೋಬಿ ವದೆಖ್ಹ್‌ಮರ‍್ಹಾವಳ ಇನ ಭೈನ ದೇಖಿನ್‍ ಗೋರ್‌ನ ಕರ‍್ಯತೊ ದೇವ್ನಿ ಪ್ಯಾರ್ ಇನಾಮ ರ‍್ಹಾವನ ಉಶೇಕಿ ಶು?