1 ಕೊರಿಂಥ 15:44 - ದೇವ್ನಿ ಖ್ಹಾಚಿ ವಚನ್

⁴⁴ ಗಡಾಯುಹುಯು ಮಾಮೂಲಿ ಶರೀರ್‌ಹುಯಿನ್ ಗಡಾವಸ್, ಆತ್ಮೀಕ ಶರೀರ್‌ಹುಯಿನ್ ಉಠಿನ್ ಆವಸ್. ಅಫ್ಫರ್‌ಥು ಉಬ್‌ಜ್ಯುಹುಯು ಶರೀರ್ ಛಾ಼ಕತೊ ಆತ್ಮೀಕ ಶರೀರ್‌ಬಿ ಛಾ಼.

1 ಕೊರಿಂಥ 15:44 ပူးပေါင်းရင်းမြစ်များ

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 24:31

ತದೆ ಇವ್ಣ ಡೋಳ ಉಖ್ಡಾಯ ಅಜು಼ ಇವ್ಣೆ ಯೇಸುನಿ ಖ್ಹಣೇದ್ ಧರ‍್ಯು, ಕತೋಬಿ ಯೇಸು ಇವ್ಣ ಡೋಳಾನ ಖ್ಹಾಮ್ಣೇಥೊ ಮ್ಹಾಯ ಹುಯಿಗಯೊ.

ಯೋಹಾನ 20:19

ಯೋಸ್‌ ದನ್ನೆಕತೊ, ವಾರಾನ ಪಹಿಲ ದನ್ನೆ ಖ್ಹಾಂಜೆ, ಶಿಷ್ಯರ್‌ ಯೆಹೂದ್ಯರ್ ಅದಿಕಾರಿನ ಡರ್‌ಥಿ ಇವ್ಣೆ ಥಾತೆ ಘರ್‌ನು ಬಾಕಲ್‌ ಮೂಚಿನ್, ಮಹಿ ಥಾ. ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.

ಯೋಹಾನ 20:26

ಆಟ್ ದನ್ ಬಾದ್‌ಮ, ಇನ ಶಿಷ್ಯರ್‌ ಪಾಛು಼ ಮಹಿ ಥಾತೆ ತದೆ, ತೋಮಾಬಿ ಇವ್ಣಿ ಜೋ಼ಡೆ ಥೊ. ಬಾಕಲ್‌ ಮೂಚೈ಼ರ‍್ಹೂಥು, ತದೆ ಯೇಸು ಐನ್, ಇವ್ಣ ಇಚ಼್‌ಮ ಭೀರಿನ್‌, “ತುಮೂನ ಸಮಾಧಾನ್ ಹುವಾದೆ” ಕರಿ ಬೋಲ್ಯೊ.

1 ಕೊರಿಂಥ 15:50

ಭೇನೆ ಭೈಯೇವೊ, ಮೇ ಶಾತ್ ಬೋಲಸ್‍ಕತೊ, ಲ್ಹೋಯಿ ಬೋಟಿ ದೇವ್ನ ರಾಜ್ಯಮ ಭಾಗ್‌ ಲಿಶೆಕೊಯ್ನಿ. ನೂಛೈಜಾ಼ಯ್‌ ಕೊಯ್ನಿತೆ, ಇನಾಮ ಭಾಗ್‍ಲ್ಯಾವಾನ ಉಶೆಕೊಯ್ನಿ.

1 ಕೊರಿಂಥ 2:14

ಜಗತ್‌ನು ಹುಯಿರ‍್ಹಾವಳೊ ದೇವ್ನಿ ಆತ್ಮಾನಿ ವಾತೇನ ಸ್ವೀಕಾರ್ ಕೋಕರಾನಿ; ಯೊ ಅಖ್ಖು ಇನ, ಘೈಲಿ ವಾತೆನಿಘೋಣಿ ದೇಖಾವಸ್. ಯೋ ಅದ್ಮಿ ಪವಿತ್ರಾತ್ಮನಿ ವಾತೇನ ಸೋಚಾನ ಕೊ ಹುವಾನಿ; ಶನಕತೊ ಯೊ ವಾತೇವ್ನ ಆತ್ಮೀಕ್‌ ಪರಕ್ಮಾಸ್ ವಿಚಾರ್ ಕರ‍್ನು.