19 ಅಪ್ಣೆ ಆ ಜಿ಼ಂದ್ಗೀಮ ಖಲಿ ಕ್ರಿಸ್ತಮ ಭರೋಖ್ಹಾವಾಳ ಹುಯಿರ್ಹಾತೊ, ಜಗತ್ನ ಅದ್ಮಿಥೀಬಿ ಕಡತೇಲ್ ಹುಯಿರ್ಹಿಯೇಸ್.
ತದೆ ತುಮೂನ ಧರೀನ್ ದಂಡನೆ ದೀನ್ ಮಾರ ನಾಮ್ನಖ್ಹಾಜೆ ಹರೇಕ್ ದೇಖ್ಹ್ವಾಳು ತುಮೂನ ವಹೇರ್ ಕರ್ಶೆ.
“ತುಮಾರಿ ಬಾರೇಮ ಜ಼ತನ್ಥಿ ರ್ಹವೊ! ಜಾ಼ಖ್ಹತ್ ಖಾವಾಣ್ಪಿವಾಣ್ಣಿ ಅಹಂಕಾರ್ಥೀಬಿ ಕಯೇಪ್ಥೀಬಿ ಜಗತ್ನಿ ಸೋಚ಼್ಥೀಬಿ ತುಮಾರು ಮನ್ ವಜ಼ನ್ಹುಯಿಗಯು.
ಕಾಟಾನ ಝಿಕ್ರಾನು ಝ಼ಗೋಪರ್ ಪಡ್ಯಾತೆ ಪಂಡಾ ಕೆಹುಕತೊ, ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮ್ಜಾ಼ಸ್, ಕತೋಬಿ ಆ ಜಿವ್ಣಾನಿ ಪಶ್ತಾವ್ಣಿ, ಧನ್-ದೌಲತ್ನಿ ಭೋಗ್ಮ ಡುಬಿಜೈನ್, ಇವ್ಣು ಫಲ್ ಕೋದೇಯ್ನಿ.
ಇವ್ಣೆ ತುಮೂನ ಸಬಾಮಂದಿರ್ಥು ಭಾರ್ ಕಾಡಿನಾಕ್ಶೆ; ಯೋ ಕೊಂತೆ ತುಮೂನ ಮಾರಿನಾಖವಾಳೊ ಇನೆ ದೇವ್ನ ಬಲಿದಿದೊಕರಿ ಸೋಚಾನ ಹಗಾಮ್ ಆವ್ಶೆ.
ತುಮೆ ಮಾರಾಮ ರ್ಹೀನ್, ತುಮೂನ ಶಾಂತಿ ಮಳ್ಣು ಕರಿ ಆ ಖ್ಹಾರು ತುಮೂನ ಬೋಲಿರಾಖ್ಯೊಸ್. ಜಗತ್ಮ ತುಮೂನ ಖ್ಹತಾಪ್ಣಿ ಛಾ಼, ಕತೋಬಿ ಘಟ್ ರ್ಹವೊ,ಶನಕತೊ ಮೇ ಜಗತ್ನ ಜೂತಿರಾಖ್ಯೋಸ್” ಕರಿಬೋಲ್ಯೊ.
ಹಿಜ಼್ಜಾನ ಶಿಷ್ಯರ್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.
ಅಜು಼ ವಿಶ್ವಾಸ್ಥಿ ತುಮೆ ಕರ್ಯಾತೆ ಕಠಣ್ ಕಾಮ್ನಾಬಿ, ಪ್ಯಾರ್ಥಿ ತುಮೆ ಕರ್ಯಾತೆ ಮ್ಹಿನತ್ನಾಬಿ, ಅಪ್ಣೊ ಪ್ರಭು ಯೇಸು ಕ್ರಿಸ್ತಪರ್ನಿ ತುಮಾರಿ ಭರೋಖ್ಹಾನಖ್ಹಾಜೆ ಅಪ್ಣೊ ಬಾ ಹುಯಿರ್ಹೋತೆ ದೇವ್ನ ಖ್ಹಾಮ್ಣೆ ಹಮೆ ಹಮೇಶ ಯಾದ್ ಕರಿಯೇಸ್.
ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್ಮಾವ್ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್ಕಿ ಯೊ ಮನ ಮಾಲುಮ್ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್ವಾಳೊ ಹುಯಿರ್ಹೋಸ್.
ಏಕ್ ಜಂಗ್ನೊ ಶಿಪಾಯಿ ಇನ ಅದಿಕಾರಿನ ಪಸಂದ್ಕರಾವನ ಆಖ್ಹ್ ಕರಾಸ್. ಇನಖ್ಹಾಜೇಸ್ ಯೋ ಶಿಪಾಯಿ ಖ್ಹಾರು ಆ ಲೋಕಾನು ವ್ಯವಹಾರ್ಮ ಖ್ಹಪಡ್ನುನಾತೆ ಇಮ್ ಜ಼ತನ್ಥಿ ರ್ಹೇಸ್.
ಕ್ರಿಸ್ತ ಯೇಸುಮ ದೇವ್ನಿ ಮರ್ಜಿನಿಘೋಣಿ ಜಿ಼ಂದ್ಗಿ ಜಿವ್ಣುಕರಾನ ಆಖ್ಹ್ ಕರಾಸ್ತೆ ಹರೇಕ್ ಜ಼ಣು ಲತಾಡ ಪಡ್ಣುಸ್ ಪಡಾಸ್.
ಇನ ಮರ್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ್ಹಾಸ್. ಅಮ್ರ್ಹವಾಪರ್ ತುಮಾರಿ ವಿಶ್ವಾಸ್ಬಿ ಟಿವಾವ್ಣಿಬಿ ದೇವ್ಮಾಸ್ ಭೀಯುಸ್.
ಪರಲೋಕ್ಥು ಏಕ್ ಅವಾಜ಼್ ಮನ ಖ್ಹಮಜ್ಪಡ್ಯು. ಇನೆ ಹಂಕೇಥು ಪ್ರಭುನ ಭಕ್ತರ್ಹುಯಿನ್ ಮರಾವಳು ಧನ್ಯಕರಿ ಲೀಖ್ಕರಿ ಮನ ಬೋಲ್ಯು. ಇನ ಆತ್ಮನೆ, ಒಹೊ ಇವ್ಣೆ ಧನ್ಯರಸ್. ಇವ್ಣೆ ಇವ್ಣ ಮ್ಹಿನತ್ನ ಖತಮ್ಕರಿನ್ ಅರಾಮ್ ಕರ್ಶೆ ಅಜು಼ ಇವ್ಣು ಅಛ್ಛು಼ ಕಾಮ್ಖ್ಹಾರು ಇವ್ಣ ಜೋ಼ಡ್ಮ ಚಾ಼ಲ್ಷೆ ಕರಿ ಬೋಲ್ಯೊ.