1 ಕೊರಿಂಥ 15:10 - ದೇವ್ನಿ ಖ್ಹಾಚಿ ವಚನ್

¹⁰ ಕತೋಬಿ ಮೇ ಕೆಥ್ರಾನವಾಳೊ ಹುಯಿರ‍್ಹೋಥೊಕಿ ಯೊ ದೇವ್‌ನೊ ವಾರ್‌ಖ್ಹೊಸ್ ಹುಯಿರುಸ್. ಮನಹುಯುತೆ ಇನೊ ವಾರ್‌ಖ್ಹೊ ಬಿಣ್‌ಫಾಯಿದೊ ಹುಯುಕೋಯ್ನಿ. ಮೇ ಇವ್ಣ ಅಖ್ಖೇಥೀಸ್ ಕೆತ್ರೇಕ್ಕಿ ಜಾ಼ಖ್ಹತ್ ವಾಖ್ಯೊಕರ‍್ಯೊ. ಕತೋಬಿ ಮ್ಹಿನತ್ ಕರ‍್ಯೊತೆ ಮೇಸ್ ಕಾಹೆ ದೇವ್ನಿ ವಾರ್‌ಖ್ಹೇಥಿಸ್ ಹುಯು.

1 ಕೊರಿಂಥ 15:10 ပူးပေါင်းရင်းမြစ်များ

ಮತ್ತಾಯ 10:20

ವಾತೆ ಬೋಲವಾಳ ತುಮೆ ಕಾಹೆ; ತುಮಾರೊ ಬಾನೊ ಪವಿತ್ರ ಆತ್ಮಾಸ್‌ ತುಮಾರ ಮ್ಹೋಡವಾಟೆ ವಾತೆ ಬೋಲ್‌ಶೆ.

ಮತ್ತಾಯ 25:16

ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಲಿದಾಹುಯಾನೆ ಇನ ಲೀಜೈ಼ನ್, ಧಂದೊ ಕರಾನ ನಾಖಿನ್, ಇನೇಥಿ ಬಿಜು಼ ಪಾಚ಼್ ಹಜಾ಼ರ್ ಖ್ಹೊನ್ನಾನು ಬಿಲ್ಲು ಕಮೈಕರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:1

ಇಮ್‍ಕತೊ, ದೇವ್ ಇನ ಅದ್ಮೆವ್‍ನ ಝಿಟ್ಕಾರ್‌ದಿದೊಕಿ ಶು? ಕರಿ ಮೇ ಬೋಲುಸ್. ಕದೇಬಿ ಕೊಯ್ನಿ, ಮೇ ಏಕ್‌ ಇಸ್ರಾಯೇಲ್‌ವಾಳೊ ಹುಯಿರ‍್ಹೋಸ್. ಅಬ್ರಹಾಮ್‌ನಿ ಖಾನ್‌ದಾನ್‌ವಾಳೊ, ಬೆನ್ಯಾಮೀನ್ನ ಖೂಮ್‍ವಾಳೋಬಿ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:3

ದೇವ್ನೆ ಮನ ಕೃಪಾಥಿ ದೀರಾಖ್ಯೋತೆ ಸೇವೆನಖ್ಹಾಜೆ ತುಮಾರಮ ಹರೇಕ್ ಜ಼ಣಾನ ಮೇ ಬೋಲಾನು ಶಾತ್‍ಕತೊ, ತುಮಾರಿ ಲ್ಹಾಯೇಕ್‌ನ ಮೀರಿನ್ ತುಮೆ ಸೋಚ್ನುನಾತೆ ದೇವ್ ಏಕೇಕ್‌ ಜ಼ಣಾನ ಕಿಮ್‌ಕಿಮ್‌ನು ವಿಶ್ವಾಸ್‌ನಿ ತಾಖತ್ನ ದೀರಾಖ್ಯೊಸ್ಕಿ ಇವ್ಣಿ ಬಾರೇಮ ಬರೋಬರ್‌ಥಿ ಮಾಲುಮ್‌ಕರಿರಾಖದೆ.

1 ಕೊರಿಂಥ 15:11

ಇನಖ್ಹಾಜೆ ಮೇ ರ‍್ಹಿಯೋತೊ ಶಾತ್, ಇವ್ಣೆ ರ‍್ಹಯೊತೊ ಶಾತ್ ಇನಾಸ್ ಹಮೆ ಬೋಲ್‍ಯೇಸ್ತೆ ಸುವಾರ್ತೆನ ಬೋಲಿರಾಖ್ಯಾಸ್. ತುಮೆ ವಿಶ್ವಾಸ್ ಕರಿರಾಖ್ಯಾಸ್.

1 ಕೊರಿಂಥ 15:2

ಮೇ ಬೋಲ್ಯೊತೆ ಆ ಸುವಾರ್ತೆನ ತುಮೆ ಘಟ್‍ಥಿ ಧರಿಲಿದಾತೊ ತುಮೂನ ರಕ್ಷಣೆ ಉಷೆ. ನತರ್‌ತೊ ತುಮಾರಿ ವಿಶ್ವಾಸ್ ಬೇಕಾರ್ ಹುಯಿಜಾ಼ಶೆ.

1 ಕೊರಿಂಥ 3:10

ದೇವ್ನೆ ಮನದಿದೋತೆ ವಾರ್‌ಖ್ಹಾನಿ ಪರಕ್ಮ ಘರ್ ಭಾಂದಾವಾಳ ಚಾ಼ತುರ‍್ನಿ ಘೋಣಿ ಯೋ ಘರ್‌ನ ಮೆ ಹದಿಪಾಯ ನಾಖ್ಯೊ. ಬಿಜು಼ಜ಼ಣು ಇನಾಪರ್ ಭಾಂದಸ್. ಕತೋಬಿ ಹರೇಕ್‍ಜ಼ಣು ಯೋ ಕಿಮ್ ಭಾಂದು ಕರೂಸ್‌ಕರಿ ಹೊಶಾರ್ಥಿರ‍್ಹೀನ್ ಭಾಂದ್‌ಣು.

1 ಕೊರಿಂಥ 3:6

ಮೇ ಪಂಡುಗಾಡ್ಯೋ. ಅಪೊಲ್ಲೋಸನೆ ಪಾಣಿನಾಖ್ಯೋ. ಕತೋಬಿ ಇನ ಫೋಡಾಯೊತೆ ದೇವ್ನೇಸ್.

1 ಕೊರಿಂಥ 4:7

ತುನ ಬಿಜ಼ ಖ್ಹಾರಾಥೀಬಿ ಊಚೊ಼ಕರ‍್ಯೊಕೋಣ್? ದೇವ್‍ಥಿ ಲಿದೊಕೊಂತೆ ತಾರಾಮ ಏಕ್‍ತೋಬಿ ಛಾ಼ಕಿಶು? ಅಮ್ ಅಖ್ಖೂಸ್ ದೇವ್‍ಥಿ ಲ್ಯವಾಪರ್ ಲಿದೊಕೊಂತೆ ತಿಮ್ ಖ್ಹರಾವ್ಣಿ ಶನಕಾಡಿಲೇಸ್?

2 ಕೊರಿಂಥ 12:11

ಮೇ ಅಮ್‍ ಖ್ಹರಾವ್ಣಿ ಕಾಡಿಲ್ಯವಾಮ ದೀವಾನೊ ಹುಯಿರೋಸ್, ಇನ ತುಮೇಸ್ ಮನ ಜು಼ಲಮ್‌ ಕರ‍್ಯಾ. ತುಮಾರೇಥಿ ಮನ ಖ್ಹರಾವ್ಣಿ ಹೋಣುಪಡ್ಯುಥು. ಶನಕತೊ ಮೆ ಶಾತ್ಬಿ ರ‍್ಹಿಯೊನಾತೋಬಿ ಘಣೊ ಮಹಾನ್ ಹುಯಿರೋತೆ ಅಪೊಸ್ತಲರ್‌ಮಾಬಿ ಶನಾಮಬಿ ಮೇ ಕಮ್‍ಕೊಯ್ನಿ.

2 ಕೊರಿಂಥ 3:5

ಹಮಾರಿ ಶೊಂತ್ ಶಕತ್‌ಥೀಸ್‌ ಹಮೆ ಕೆಹುತೋಬಿ ಅಛ್ಛು಼ಕರ್‌ಶು ಕರಿ ಮೇ ಬೋಲುಕೊಯ್ನಿ. ಅಥ್ರಾನಿ ಶಕತ್‍ ಅಪ್ಣುನ ದೇವ್‍ಥೀಸ್‍ ಅಯಿರ‍್ಹೂಸ್.

2 ಕೊರಿಂಥ 6:1

ಹಮೆ ದೇವ್ನಿ ಜೋ಼ಡ್ಮ ಕಾಮ್ ಕರಾವಾಳ ಹುಯಿರ‍್ಹಾಸ್.ಇನಾಖ್ಹಾಜೆ ತುಮೂನ ಶಾತ್ ಬೋಲಿಲಿಯೇಸ್ ಕತೊ,ತುಮೆ ದೇವ್‍ಥಿ ಲೀರಾಖ್ಯಾತೆ ವಾರ್‌ಖ್ಹಾನ ಗುಮೈನಕೊಲಿಶು ಕರಿ ಗಿಂಗೈಲಿಯೇಸ್

ಗಲಾತ್ಯ 2:8

ಶನಕತೊ ಯೆಹೂದ್ಯರ್‌ಮ ಅಪೊಸ್ತಲಹುಯಿನ್ ಕಾಮ್ ಕರಾನ ಪೇತ್ರಾನ ದಿದೋತೆ ದೇವ್, ಯೆಹೂದ್ಯರ್‌ಕಾಹೆತೆ ಇವ್ಣಾಮ ಅನ ಚ಼ಲಾವನಖ್ಹಾಜೆ ಮನ ದಿರಾಖ್ಯೊಥೊ.

ಫಿಲಿಪ್ಪಿ 2:13

ಶನಕತೊ ದೇವಸ್ ಇನಿಮರ್ಜಿನ ಚ಼ಲಾವ್ಣುಕರಿ ತುಮಾರಮ ಉದ್ದೇಶ್‌ನಾಬಿ ಅಜು಼ ಕೋಶಿಶ್‌ನ ಬಣಾವವಾಳೊ ಹುಯಿರೋಸ್.

ಫಿಲಿಪ್ಪಿ 4:13

ಮನ ತಾಖತ್ ದ್ಯವಾಳೊ ಕ್ರಿಸ್ತಥಿ ಮೆ ಅಖ್ಖಾಸ್ನ ಕರಾನ ಶಕತ್‌ವಾಳೊ ಹುಯಿರೋಸ್.

1 ಥೆಸ 5:12

ಮಾರ ಭೈಯೆ ಭೇನೇವೊ ಕ್ರಿಸ್ತಮ ಮೆ ತುಮುನ ಬಿಂತಿ ಕರುಸ್, ಖಿವು ಅದ್ಮಿ ಪ್ರಭುನ ಕಾಮ್ಮ ತುಮಾರಖ್ಹಾಜೆ ಮ್ಹಿನತ್ ಕರವಾಳು ಹುಯಿನ್ ತುಮೂನ ಅಕ್ಕಲ್ ಬೋಲಸ್ಕಿ,

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.