20 ಭೇನೆ ಭೈಯೇವೊ ಲಡ್ಕವ್ನಿತರ ಸೋಚಾನು ಮ್ಹೇಲಿದೆವೊ. ಖರಾಬ್ನಿ ಬಾರೇಮ ಅಡ್ಡಾಣಿನಿತರ ರ್ಹಿಯತೋಬಿ, ತುಮಾರಿ ಖ್ಹೂಜ಼್ಮ ಸಮಜ್ಧಾರ್ ಹುಯಿರ್ಹೇವೊ.
ಯೋ ವಖ್ಹತ್ಮ ಯೇಸುನೆ ಶಾತ್ ಬೋಲ್ಯೊಕತೊ, “ಬಾ, ಸೊರ್ಗ ಅಜು಼ ಧರ್ತಿನೊ ಯಜಮಾನ್! ತುನೆ ಗ್ಯಾನಿ ಅಜು಼ ಅಕ್ಲಿಥಿ ಅದ್ಮಿಥಿ ಆ ವಾತೆನ ಲಪಾಡಿನ್ ಶಾತ್ಬಿ ಮಾಲುಮ್ಕೊಂತೆ ಇವ್ಣುನ ವತಾಳಿರಾಖ್ಯೋತೆ ಇನಖ್ಹಾಜೆ ಮೇ ತುನ ಧನ್ಯವಾದ್ ಕರುಸ್.
“ಮೇ ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ತುಮೆ ಪಾಛು಼ ಫರೀನ್, ಆ ಅಡ್ಡಾಣಿ ಲಡ್ಕಾನಿ ಘೋಣಿ ನಾ ಹುಯಾತೊ, ತುಮೆ ಸೊರ್ಗಾನು ರಾಜ್ಯಮ ಜಾ಼ಶುಸ್ ಕೊಯ್ನಿ.
ತದೆ ಯೇಸುನೆ, “ಅಡ್ಡಾಣಿ ಲಡ್ಕಾವ್ನ ಮ್ಹೇಲೊ, ಮಾರಕನ ಆವಾನ ಇವ್ಣುನ ಭೀರಾಖೊ ನಕೊ, ಶನಕತೊ ಸೊರ್ಗಾನು ರಾಜ್ಯ ಇಮ್ವಾಳನೂಸ್” ಕರಿ ಬೋಲಿನ್,
ತದೆ ಯೇಸುನೆ, “ಅದ್ಮಿನ ಉಬ್ಜಾ಼ಯೋತೆ ಇನೆ ಶುರುವಾತ್ಥೂಸ್ ಇವ್ಣುನ ಪರ್ಖ್ಹೊ ತಯೇಡಕರಿ, ಬಣಾಯೊ ಕರಿ ವಚನ್ಮ ಛಾ಼ತೆ ಇನ ತುಮೆ ಪಢಿರಾಖ್ಯಕೊಯ್ನಿಕಿ ಶು?
ತುಮೂನ ಖ್ಹಾಚಮಾಬಿ ಬೋಲುಸ್ಕಿ ಕೋಣ್ತೋಬಿ ಅಡ್ಡಾಣಿ ಲಡ್ಕಾನಿ ಘೋಣಿ ದೇವ್ನಿ ರಾಜ್ಯನ ನಾ ಮಾನ್ಯೂತೊ, ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ”.
ತುಮೂನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್ ಅಡ್ಡಾಣಿ ಲಡ್ಕಾನಿ ಘೋಣಿ ದೇವ್ನಿ ರಾಜ್ಯನ ನಾ ಮಾನ್ಯೂತೊ, ಇವ್ಣೆ ಇನಮಹಿ ಕೋಸ್ಜಾ಼ಶೇನಿ” ಕರಿ ಬೋಲ್ಯೊ.
ಭೈಯೇ ಭೇನೆವೊ, ಪರೈಆದ್ಮಿಯೇವ್ಮ ಜುತ್ಯೋತೆತಿಮ್ ತುಮಾರಮಬಿ ಜೂತಿಶ್ಕರಿ, ಮೇ ಕೈಯೆಕ್ಹಲ್ಲ ತುಮುನ ಮಳಾನಖ್ಹಾಜೆ ದಿಲ್ಕರ್ಯೊತೋಬಿ, ಹಮ್ಕೆಲಗು ಶಾತ್ಕಿ ಏಕ್ ಆಡು ಹೂಕರ್ತುಥು ಕರಿ ತುಮೇಬಿ ಮಾಲುಮ್ಕರಿರಾಕೊ ಕರಿ ಮಾರಿ ಆಖ್ಹ್.
ತುಮಾರಿ ವಿಧೇಯತೆ, ಖ್ಹಾರಾಸ್ ಅದ್ಮಿವ್ನ ಮಾಲುಮ್ ಹುವಾನಿತರ ಹುಯು. ಇನಖ್ಹಾಜೆ ಮೇ ತುಮಾರಿ ಬಾರೇಮ ಖುಷಿಕರುಸ್. ಕತೋಬಿ ತುಮೆ ಅಛ್ಛಾ಼ನಿ ಬಾರೇಮ ಗ್ಯಾನಿ ಖ್ಹಾರಹುಯಿನ್ ಖಾರಾಬ್ನಿ ಬಾರೇಮ ಶನು ಕಳಂಕ್ಕೊಂತೆ ರ್ಹೇಣು ಕರಿ ಆಖ್ಹ್ಕರುಸ್.
ಮೇ ಅಡ್ಡಾಣಿ ರ್ಹವಾನಿ ವಖ್ಹ್ತೆ, ಅಡ್ಡಾಣಿನಿ ವಾತೆಖ್ಹಾರಿ ಬೋಲ್ಯೊ. ಅಡ್ಡಾಣಿನಿತರ ಖ್ಹಯಾಲ್ಕರ್ಯೊ. ಅಡ್ಡಾಣಿನಿತರಸ್ ಸೋಚ್ಯೊ. ಶಾಣೊ ಹುವಾದಿನ್ ಅಡ್ಡಾಣಿನುಖ್ಹಾರು ಮ್ಹೇಲಿದಿದೊ.
ಕತೋಬಿ ಅಖ್ಖಿ ಸಬೆಮ ಮಾಲುಮ್ ಪಢಕೊಯಿನ್ತೆ ಅಲಕ್ ಬೋಲಿಮ ದಖ್ಹ್ ಹಜಾ಼ರ್ ವಾತೆ ಬೋಲಥೀಬಿ ಬಿಜೇಕ್ ಜ಼ಣಾನ ವಾಟ್ ಒತಾಳನು ಪಾಚ಼್ವಾತೆ ಬೋಲಾನು ಅಛ್ಛು಼.
ರ್ಹಯುತೋಬಿ ಆತ್ಮೀಕಥಿ ಭಡಿರ್ಹವಾಳನ ಅಪ್ಣೆ ಗ್ಯಾನ್ನಿ ಬೋಧನೆ ಕರೇಸ್. ಪಣ್ಕಿಯೊ ಜಗತ್ನಕಾಹೆ; ನತರ್ ಆ ಹಗಾಮ್ಮ ಅದಿಕಾರಿಯೇವ್ನಿ ಅದಿಕಾರ್ನ ಸಂಬಂದ್ನು ಕಾಹೆ.ಯೊ ಅದಿಕಾರಿಖ್ಹಾರು ಇವ್ಣಿ ಅದಿಕಾರ್ನ ಗುಮೈಲೆ಼ವ್ಕರಸ್.
ಇನಖ್ಹಾಜೆ ದೇವ್ನ ಅದ್ಮಿನ ಅಕ್ಲಿಕರೀನ್ ದೇವ್ನ ಛಿಯ್ಯಾನ ಕಾಮ್ ಕರಾನಖ್ಹಾಜೆ ತಯಾರ್ ಕರ್ನುಕರಿಬಿ ಅಜು಼ ಯೇಸುಕ್ರಿಸ್ತನು ಶರೀರ್ ಹುಯಿರ್ಹುಸ್ತೆ ಸಬೆ ಭಡಾದೆಕರಿ ಇನೆ ಅವ್ಣುನ ನೇಮ್ಶಾಯೊ.
ಅಜು಼ ತುಮಾರಿ ಪ್ಯಾರ್ ಅಜೂ಼ಬಿ ಜಾ಼ಖ್ಹತ್ ಭಡಿನ್ ಪೂರ ಅಕ್ಕಲ್ಥೀಬಿ ಖ್ಹಯಾಲ್ಥಿ ಮಳಿರ್ಹವಾಳ ಹುಯಿರ್ಹೇವ್ಣುಕರಿ ಮೆ ತುಮಾರಖ್ಹಾಜೆ ಪ್ರಾರ್ಥನೆ ಕರುಸ್.
ಅಪ್ಣಾಮ ಪುರ್ಗುಲ್ ಹುಯಿರ್ಹವಾಳ ಖ್ಹಾರಸ್ ಜ಼ಣ ಆ ಬಾರೇಮ ಪೂರ ಹುಯಿರ್ಹೇವ್ಣು. ಅಜು಼ ಖಿವುತೋಬಿ ಏಕ್ ವಾತೆವ್ಮ ತುಮೆ ಅಲಕ್ ಸೋಚ್ವಾಳ ಹುಯಿರ್ಹಾತೊ ಇನ ದೇವ್ ತುಮುನ ವತಾಳಿ ದಿಶೆ.
ನವೇಥಿ ಪೈದಾಹುವಾತೆ ಲಡ್ಕನಿತರ ಛಾ಼ತೆತುಮೆ ಮೋಟ ಹುವಾನಿತರ ವಚನ್ಕರಿ ಆತ್ಮೀಕ್ದೂದ್ನ ತರ್ಖ್ಹೊ. ಯೊ ಪಿದಾತೊ ರಕ್ಷಣೆ ಲಿಶು.
ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್ಖ್ಹಾಮಾಬಿ ಗ್ಯಾನ್ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.