1 ಕೊರಿಂಥ 14:16 - ದೇವ್ನಿ ಖ್ಹಾಚಿ ವಚನ್

¹⁶ ತೂ ಖಲಿ ಆತ್ಮಮ ಧನ್ಯವಾದ್ ಕರ‍್ಯೋತೊ ಮಾಲುಮ್ ಕೊಯಿನ್ತೆ ಬೇಠೊರ‍್ಹವಾಳೊ ತಾರಿ ದನ್ಯವಾದ್ನಿ ಸ್ತುತಿನ ಆಮೆನ್ ಕರಿ ಬೋಲ್‌ಶೆ ಕಿಮ್? ತೂ ವಾತ್ ಬೋಲಿಶ್‌ತೆ ಇನ ಮಾಲುಮ್ ಪಡ್‌ಶೆ ಕೊಯ್ನಿನಿ?

1 ಕೊರಿಂಥ 14:16 ပူးပေါင်းရင်းမြစ်များ

ಮತ್ತಾಯ 15:36

ಯೋ ಖ್ಹಾತ್ ರೋಟಾ ಅಜು಼ ಯೋ ಮಾಛ಼್‌ಲಾವ್ನ ಪಾಡಿನ್, ದೇವ್ನ ಧನ್ಯವಾದ್ ಕರೀನ್, ಇನ ತೋಡಿನ್, ಶಿಷ್ಯರ್‌ನ ಹಾತ್‌ಮ ದಿದೊ. ಶಿಷ್ಯರ್‌ನೆ ಅದ್ಮಿನಿ ಝೂ಼ಂಡ್‌ನ ವಾಟಪಾಡಿ ದಿದಾ.

ಮತ್ತಾಯ 28:20

ಅಜು಼ ಮೇ ತುಮೂನ ಹುಕುಮ್‌ ದೀರಾಖ್ಯೋತೆ ಖ್ಹಾರಸ್ನ ಇವ್ಣೆ ಪಾಡಿ ಚಾ಼ಲಾನಿಘೋಣಿ ಇವ್ಣುನ ಬೋಲಿವತಾಳೊ. ಅಜು಼ ಯಾದ್ಮ ರ‍್ಹವಾದೇಕಿ ಜಗತ್‌ನು ಖ್ಹರ್ತಿ ಹುವಾಲಗೂಬಿ, ಹಮೇಶ ಮೇ ತುಮಾರ ಜೋ಼ಡೆಸ್ ರ‍್ಹೀಶ್” ಕರಿ ಬೋಲ್ಯೊ.

ಮತ್ತಾಯ 6:13

ಹಮೂನ ಶೋದನೆಮ ನಕೊನಾಕ್‌, ಕತೋಬಿ ಶೈತಾನ್‌ಥಿ ಹಮೂನ ಛೋ಼ಡಾವ್.’

ಮಾರ್ಕ 16:20

ಹೈಕಡ್ ಇನು ಶಿಷ್ಯರ್‌ ಚ಼ಲ್ಯೂಜೈ಼ನ್ ಖ್ಹಾರಿ ಬಾಜು಼ ದೇವ್ನಿ ಅಛ್ಛಿ ಖಬರ್‌ನ ಬೋಲ್ಯು. ಅಜು಼ ಪ್ರಭುನೆ ಇವ್ಣ ಜೋ಼ಡೆಸ್ ರ‍್ಹೀನ್ ಖ್ಹಣೇದ್‍ನು ಅದ್ಭುತ್ ಕಾಮ್‌ಖ್ಹಾರು ಕರಿನ್, ಇವ್ಣೆ ಬೋಲಾತೆ ಖ್ಹಾರು ಖ್ಹಾಚಿಸ್‌ಕರಿ ವತಾಳಿದೇತೊ ರ‍್ಹೇತೊಥೊ.

ಯೋಹಾನ 21:25

ಅತ್ರೇಸ್ ಕಾಹೆತೆ, ಯೇಸುನೆ ಕರ‍್ಯುತೆ ಬಿಜೂ಼ಬಿ ಕೈಯೆಕ್ಕಿ ಛಾ಼. ಯೋ ಖ್ಹಾರಾನ ಏಕೇಕ್‌ ಕರಿ ಲೀಖ್ಯೂತೋ, ಲೀಖಾವ್ಣುತೆ ಪುಸ್ತಕ ಖ್ಹಾರು ಹಿಡಿ ಜಗತ್ತಸ್ ಬಶ್‌ ಕೋ ಉಶೇನಿ ಕರಿ ಮೇ ಸೋಚುಸ್.

ಯೋಹಾನ 7:15

ತದೆ ಯೆಹೂದ್ಯರ‍್ನು ಅದಿಕಾರಿಖ್ಹಾರು, “ಪಢ್ಯೊ-ಲೀಖ್ಯೊಕೊಂತೆ ಅನ, ಅತ್ರುಖ್ಹಾರು ಮಾಲುಮ್‌ಛಾ಼ತೆ ಕಿಮ್?” ಕರಿ ಬೋಲಿನ್ ಆಶ್ಚರ್ಯ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 4:13

ಪೇತ್ರ ಬಿಜು಼ ಯೋಹಾನ, ಭಾಲ್‌ಥಿ ವಾತೆ ಬೋಲಾನು ಯೋ ಅದ್ಮಿಖ್ಹಾರು ದೇಖಿನ್ ಇವ್ಣೆ ಶನೀಬಿ ಪಢಂತ್ ಕೊ ಶಿಕಿರಾಖ್ಯಾನಿ ತೋಬಿ ಡರ‍್ಯಕೊಂತೆ ಆ ಕಿಮ್ ಬೋಲಸ್ ಕರಿ ಘಣು ಆಶ್ಚರ್ಯ ಕರ‍್ಯು. ಪೇತ್ರಬಿ ಯೋಹಾನ ಯೇಸುನಿ ಜೋ಼ಡ್ಮಥೋತೆ ಕರಿ ಖ್ಹಣೇದ್ ಧರ‍್ಯು.

1 ಕೊರಿಂಥ 11:24

ಧನ್ಯವಾದ್ ಕರೀನ್, ತೋಡಿನ್ “ಆ ತುಮಾರಖ್ಹಾಜೆ ಹುಯಿರ‍್ಹುತೆ ಮಾರು ಶರೀರ್, ಮನ ಯಾದ್‌ಕರಾನಖ್ಹಾಜೆ ಅನ ಕರೊ” ಕರಿ ಬೋಲ್ಯೊ.

1 ಕೊರಿಂಥ 14:14

ಶನಕತೊ ಮೇ ಅಲಕ್ ಬೋಲಿಮ ಪ್ರಾರ್ಥನೆ ಕರ‍್ಯೋತೊ ಮಾರು ಆತ್ಮ ಪ್ರಾರ್ಥನೆ ಕರ್ಶೆ, ಕತೋಬಿ ಮಾರು ದಿಲ್‌ ಶನು ಫಲ್ ಕೋದಿಶೇನಿ.

1 ಕೊರಿಂಥ 14:2

ಅಲ್ಹಾವ್‌ಬೋಲಿ ಬೋಲವಾಳೊ, ಅದ್ಮಿನಿ ಜೋ಼ಡ್ಮ ಕಾಹೆ ದೇವ್ನಿಜೋ಼ಡ್ಮ ವಾತೆಬೋಲಸ್. ಶನಕತೊ ಯೋ ಪವಿತ್ರಾತ್ಮಥಿ ಗಪ್ಲತ್‌ನಿ ವಾತೆಖ್ಹಾರಿ ಬೋಲವಾಳೊ ಹುಯಿರ‍್ಹೇಸ್ ಇನಖ್ಹಾಜೆ ಕೋಣ್‌ಬಿ ಮಾಲುಮ್ ಕರಾನ ಕೋಹೊಯ್ನಿ.

1 ಕೊರಿಂಥ 16:24

ಕ್ರಿಸ್ತ ಯೇಸುಮ ಮಾರಿ ಪ್ಯಾರ್ ತುಮಾರ ಖ್ಹಾರಾಸ್‌ನಿಜೋ಼ಡ್ಮ ರ‍್ಹವಾದೆ. ಆಮೆನ್.

2 ಕೊರಿಂಥ 1:20

ಶನಕತೊ ದೇವ್ನೆ ಕರ‍್ಯೊತೆ ವಾಗ್ದಾನ್ ಅಖ್ಖು “ಓಹೊ” ಕರಿ ಜ಼ವಾಬ್ ಹುಯಿರ‍್ಹುಸ್. ಇನಖ್ಹಾಜೇಸ್ ಕ್ರಿಸ್ತಥಿ ದೇವ್ನ ಮಹಿಮೆನಖ್ಹಾಜೆ ಅಪ್ಣೆ “ಆಮೆನ್” ಕರಿ ಬೋಲಿಯೇಸ್.

ಪ್ರಕಾಶಿತ್ 22:20

ಆ ಬಾರೇಮ ಸಾಕ್ಷಿ ಬೋಲವಾಳೊ, “ಒಹೊ, ಮೇ ಖ್ಹಾಚಮಾಸ್ ವಗ್ಗಿಸ್ ಆವುಸ್” ಕರಿ ಬೋಲಾಸ್. ಆಮೆನ್. ಪ್ರಭು ಹುಯಿರ‍್ಹೋತೆ ಯೇಸು, ಆವ್.

ಪ್ರಕಾಶಿತ್ 5:14

ಯೋ ಚಾರ್ ಜೀವಿ “ಆಮೆನ್” ಕರಿ ಬೋಲ್ಯು. ಶಾಣುಖ್ಹಾರು, ಆಡ್‍ಪಡಿನ್ ಆರಾದನೆ ಕರ‍್ಯು.

ಪ್ರಕಾಶಿತ್ 7:12

ಆಮೆನ್, ಧನ್ಯವಾದ್, ಮಹಿಮೆಬಿ, ಅಕ್ಕಲ್‌ಬಿ, ಗೌರವ್, ಮರ್ಯಾದಿ, ಶಕತ್ ಅಜು಼ ತಾಖತ್‌ಬಿ ಅಪ್ಣ ದೇವ್ನ ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ, ಆಮೆನ್‌ಕರಿ ಬೋಲ್ಯು.