1 ಕೊರಿಂಥ 14:13 - ದೇವ್ನಿ ಖ್ಹಾಚಿ ವಚನ್

¹³ ಇನಖ್ಹಾಜೆ ಅಲಕ್ ಬೋಲಿ ಬೋಲವಾಳೊ ಇನಿ ಮತಲಬ್‍ನ ಬೋಲಾನ ದೇವ್‌ಕನ ಪ್ರಾರ್ಥನೆ ಕರಾದೆ.

1 ಕೊರಿಂಥ 14:13 ပူးပေါင်းရင်းမြစ်များ

ಮಾರ್ಕ 11:24

ಇನಾಖ್ಹಾಜೆಸ್ ಮೇ ತುಮೂನ ಬೋಲುಸ್ಕಿ: ತುಮೆ ಪ್ರಾರ್ಥನೆ ಕರಿನ್‌ ಶಾತ್ ಮಾಂಗೋಸ್‌ಕಿ ಯೋ ತುಮೂನ ಮಳೀರ‍್ಹುಸ್ ಕರಿ ನಂಬೊ, ತದೆ ತುಮೆ ಶಶ್ಶಾತ್ ಮಾಂಗಿಲಿದಾಕಿ ಯೋ ತುಮುನ ಮಳ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:14

ಇವ್ಣೆ ಅಖ್ಖುಜ಼ಣು ಏಕ್‍ಮನ್‍ಥಿ ಎಕ್ಟುಹುಯಿನ್ ದೇವ್ನಿ ಪ್ರಾರ್ಥನೆಮ ಥು. ಹಿಜ್ಜಾ಼ ಥೋಡಿಜ಼ಣಿ ತಯೇಡಾಬಿ, ಯೇಸುನಿ ಆಯಾ ಮರಿಯಾಬಿ ಇನ ಭೈಯೇಬಿ ಅಪೊಸ್ತಲರ‍್ನಿ ಜೋ಼ಡ್ಮ ಥೂ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:15

ಅವ್ಣೆ ಹಿಜ್ಜಾ಼ ಆಯಿನ್ ಯೋ ಅದ್ಮಿಖ್ಹಾರಾನ ಪವಿತ್ರಾತ್ಮವರನ ಮಳ್‌ಣುಕರಿ ಇವ್ಣಖ್ಹಾಜೆ ಪ್ರಾರ್ಥನೆ ಕರ‍್ಯು.

1 ಕೊರಿಂಥ 12:10

ಏಕ್‍ಜ಼ಣಾನ ಅದ್ಭುತ್ ಕಾಮ್‌ಕರಾನಿ ಶಕತ್‍ನಾಬಿ ಅಜೇಕ್ ಜ಼ಣಾನ ಪ್ರವಾದನೆನಾಬಿ, ಏಕ್‍ಜ಼ಣಾನ ಆತ್ಮಾನ ಸೋಚ್‌ಸಮಜ್‌ಕರಾನಿ ವರಾಬಿ, ಬಿಜೇಕ್‍ಜ಼ಣಾನ ಹರೇಕ್ ತರೀಖಾನಿ ಬೋಲಿ ಬೋಲಾನಿ ವರಾಬಿ, ಏಕ್‌ಜ಼ಣಾನ ಬೋಲಿನಿ ಮತಲಬ್‌ನ ಛೋ಼ಡಿನ್ ಬೋಲಾನಿ ವರಾಬಿ ದೇವಾವ್‌ಶೆ.

1 ಕೊರಿಂಥ 12:30

ರೋಗ್ನ ಅಛ಼್ಛುಕರಾನಿ ವರ ಅಖ್ಖಾನಾಬಿ ಛಾ಼ಕಿಶು? ಥರಥರಾನಿ ಬೋಲಿ ಬೋಲವಾಳುಕಿ ಶು? ನತರ್ ವಾತೆನಿ ಮತಲಬ್‍ನ ಛೋ಼ಡಿ ಬೋಲವಾಳುಕಿ ಶು?

1 ಕೊರಿಂಥ 14:12

ಇಮ್ಮಸ್ ತುಮೇಬಿ ಪವಿತ್ರಾತ್ಮನಿ ವರಾನ ಘಣುಆಖ್ಹ್‌ ಕರೋಸ್ತೆ ಇನಖ್ಹಾಜೆ ಸಬೇನಿ ಭಕ್ತಿ ಭಡ್ತುಜಾ಼ವಾನಿತರ ಮದತ್ ಹುವಾನಿ ವರಾನ ಲೀಲ್ಯಾವನಖ್ಹಾಜೆ ಘಣು ಆಖ್ಹ್ ಕರೊ.

1 ಕೊರಿಂಥ 14:14

ಶನಕತೊ ಮೇ ಅಲಕ್ ಬೋಲಿಮ ಪ್ರಾರ್ಥನೆ ಕರ‍್ಯೋತೊ ಮಾರು ಆತ್ಮ ಪ್ರಾರ್ಥನೆ ಕರ್ಶೆ, ಕತೋಬಿ ಮಾರು ದಿಲ್‌ ಶನು ಫಲ್ ಕೋದಿಶೇನಿ.

1 ಕೊರಿಂಥ 14:26

ಇನಖ್ಹಾಜೇಥಿ ಭೈಯೇ ಭೇನೆವೊ ಅಪ್ಣೆ ಶಾತ್‌ ಬೋಲೆಜಾ಼ಯ್‍? ತುಮೆ ಸಬೆಮಳಾದೀನ್, ಹರೇಕ್‌ಜ಼ಣಾನ ಕೀರ್ತನೆ ರ‍್ಹವೊ, ಉಪದೇಶ್ ಕರಾನುರ‍್ಹೇವೊ ದೇವ್‍ಥಿ ನವು ಖ್ಹಾಚ಼ನ ಖ್ಹಮ್‍ಜಾ಼ಡಾನ ರ‍್ಹವೊ, ಅಲಕ್ ಬೋಲಿಮ ಬೋಲಾನು ರ‍್ಹವೊ, ಇನಿ ಮತಲಬ್‍ನ ಬೋಲಾನು ರ‍್ಹವೊ, ಆ ಖ್ಹಾರೂಸ್ ಸಬೆನ ಭಾಂದಾನು ರ‍್ಹವೊ ಆತ್ಮಮ ಭಡಾವಾನಖ್ಹಾಜೆ ಹುವಾದೆ.