9 ಅಪ್ಣೆ ಆಧು ಖ್ಹಮ್‌ಜಿನ್‌ ಆಧು ಪ್ರವಾದ್‌ನೆ ಕರೇಸ್.
“ಮಾರೊ ಬಾ ಮನ ಖ್ಹಾರುಸ್‌ ಮಾರ ಹಾತ್ಮ ದೀರಾಖ್ಯೊಸ್. ಬಾನ ಮ್ಹೆಂದಿನ್ ಕೋಣ್‌ಬಿ ಛಿಯ್ಯಾನ ಮಾಲುಮ್ ಕರಿರಾಖ್ಯುಕೊಯ್ನಿ, ಅಜು಼ ಛಿಯ್ಯಾನ ಮ್ಹೆಂದಿನ್ ಕೋಣ್‌ಬಿ ಬಾನ ಮಾಲುಮ್ ಕರಿರಾಖ್ಯುಕೊಯ್ನಿ ಅಜು಼ ಛಿಯ್ಯೊ ಬಾನ ಕಿನ ವತಾಳ್ಣುಕರಿ ಆಖ್ಹ್‌ಕರಾಸ್ಕಿ, ಇವ್ಣೆ ಬಾನ ಮಾಲುಮ್ ಕರಿಲಿಶೆ.
ಪವಿತ್ರ ದಪ್ತರ್‌ಮ ಲೀಖೈರುತೆ ತಿಮ್ ಪ್ರಭುನ ದಿಲ್ನ ಮಾಲುಮ್ ಕರಾವಾಳೊ ಕೋಣ್? ನತರ್ ದೇವ್ನ ಅಮ್ಮಸ್ ಕರ್ನುಕರಿ ಬೋಲಿವತಾಳವಾಳು ಕೋಣ್?
ಕತೋಬಿ ಪೂರಛಾ಼ತೆ ಆಯುತೊ ಪೂರಹುವಾಕೊಂತೆ ಯೋ ಮಟಿಜಾ಼ಶೆ.
ಹಮ್ಕೆ ಅಪ್ಣೆ ಐನಾಮ ದೆಖಾತೆ ತಿಮ್ಮಸ್ ಭುಂಬ್‌ಳ್ಯು ದೇಖೆಸ್. ತದೆ ಆಮಖ್ಹಾಮೆ ದೇಕ್‌ಶು. ಹಮ್ಕೆ ಮನ ಖಲಿ ಜ಼ರ ಮಾಲುಮ್ ಛಾ಼. ತದೆ ಮೆ ಪೂರ ಖ್ಹಮ್‍ಜಾ಼ಡ್‍ಶೇತೆ ತಿಮ್ ಪೂರ ಖ್ಹಮ್‍ಜಿಲೀಶ್.
ಇನಖ್ಹಾಜೆ ದೇವ್ನಿ ವಚನ್‍ಮ ಲೀಖಾವನಿತರ, ದೇವ್ನೆ ಇನ ಪ್ಯಾರ್ ಕರವಾಳನಖ್ಹಾಜೆ ಕರಿರಾಖ್ಯೊತೆ ಖ್ಹಾರಸ್ನ ಖಿವು ಡೋಳೊಬಿ ದೇಖ್ಯುಕೊಯ್ನಿ, ಖಿವು ಕಾನ್‌ಬಿ ಖ್ಹಮ್‍ಜ್ಯುಕೊಯ್ನಿ, ಯೊ ಏಕ್‍ಜ಼ಣಾನ ದಿಲ್ನಿ ಖ್ಹಯಾಲ್‌ಮಾಬಿ ಕೊಆಯುನಿ.
ಏಕ್‍ಜ಼ಣೊ ಇನುಯೋ ಶಾತ್ತೋಬಿ ಮಾಲುಮ್ ಕರಿರಾಖ್ಯೊಸ್‍ಕರಿ ಲಹಿರಾಖ್ಯೊತೊ ಯೋ ಕಿಮ್ಕಿ ಪರಕ್ಮ ಮಾಲುಮ್ ಕರ್ನುಕಿ ಯೊ ಪರಕ್ಮ ಬಿಜೂ಼ಬಿ ಮಾಲುಮ್ ಕೋ ಕರಿರಾಖ್ಯೋನಿ.
ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.
ಪ್ಯಾರ್‌ನ ದೋಸ್ತಿವೊ ಅಪ್ಣೆ ಹಮ್ಕೆ ದೇವ್ನ ಲಡ್ಕಾ. ಅಜು಼ ಆಗಾಡಿ ಅಪ್ಣೆ ಶಾತ್‌ ಲಿಶುಕರಿ ಕೆಥ್ರಾನವಾಳ ಹುಯಿರ‍್ಹಿಯೆಸ್ ಕರಿ ಬಿಜೂ಼ಬಿ ಖ್ಹಮ್‍ಜ್ಯಕೊಯ್ನಿ. ಕತೋಬಿ ಕ್ರಿಸ್ತಯೇಸು ಆವನಿ ವಖ್ಹ್‌ತೆ ಅಪ್ಣೇಬಿ ಇನಿನಿತರಾಸ್ ರಿಶು ಕರಿ ಮಾಲುಮ್ ಕರಿರಾಖ್ಯಸ್. ಶನಕತೊ ಯೋ ರ‍್ಹಿಶೇತೆ ರೂಪ್‍ಮಸ್ ದೇಕ್‌ಶು.
