1 ಕೊರಿಂಥ 13:5 - ದೇವ್ನಿ ಖ್ಹಾಚಿ ವಚನ್

⁵ ಯೊ ಬಿಜೇಕ್‌ಜ಼ಣಾನಿ ಖ್ಹರಮ್‌ ಕಾಡಕೊಯ್ನಿ, ಇನ ಅಛ್ಛಾ಼ನಾಸ್ ಢೂಂಡಕೊಯ್ನಿ, ಒಗ್ಗೀಮ ಇರಾದೊಕರಾಕೊಯ್ನಿ, ಗಲತ್‌ನ ಗಣ್ತಿಮ ಘಾಲಕೊಯ್ನಿ.

1 ಕೊರಿಂಥ 13:5 ပူးပေါင်းရင်းမြစ်များ

ಮತ್ತಾಯ 5:22

ಕತೋಬಿ ಮೇ ತುಮೂನ ಶಾತ್‌ ಬೋಲಸ್‍ಕತೊ, ತುಮೆ ತುಮಾರ ಭೈಪರ್ ಖೀಜ಼್ ಖಾವಾಳೊ ಹರೇಕ್ ಜ಼ಣೋಬಿ ತುಮೆ ನ್ಯಾವ್‍ನಿ ತೀರ್ಪ್‌ಮ ಪಡ್‍ಶು, ಅಜು಼ ತುಮೆ ತುಮಾರ ಭೈನ, ‘ಏ ಬಿಣ್‍ಅಕ್ಲಿ’ ಕರಿ ಬೋಲ್ಯಾತೊ, ತುಮೂನ ನ್ಯಾವ್‍ನಿ ಸಭೆನಖ್ಹಾಮ್ಣೆ ಭೀರಾಕ್‌ಶೆ, ಅಜು಼, ‘ಏ ಫಾಲ್ತು’ ಕರಿ ಬೋಲವಾಳೊ, ನರಕ್‌ನಿ ಆಗ್‌ಮ ಪಡ್‌ಶೆ.

ಮತ್ತಾಯ 9:4

ಇವ್ಣೆ ಇಮ್‌ ಸೋಚುಕರಾತೆ ಯೇಸುನೆ ಮಾಲುಮ್‌ ಕರೀಲಿನ್‌, ಇವ್ಣುನ, “ಶನ ತುಮೆ ತುಮಾರ ಮನ್‌ಮ ಅಮ್ ಖರಾಬ್ ಸೋಚೋ಼ಸ್ತೆ?

ಮಾರ್ಕ 3:5

ತದೆ ಯೇಸು ಖೀಜ಼್‌ಥಿ ಚಾರ‍್ಹೆ ಬಾಜು಼ ದೇಖಿನ್‌, ಇವ್ಣೊ ದಿಲ್‌ ಬಂಡಾನಿ ಘೋಣಿ ಹುಯಿರ‍್ಹೋತೆ ಇನಾಖ್ಹಾಜೆ ಇನ ಘಣು ದುಖ್ ಹುಯು. ತದೆ ಯೋ ಹಾತ್ ಝೂ಼ಟೊ ಪಡ್ಯೊಹುಯೊ ಅದ್ಮಿನ, “ತಾರೊ ಹಾತ್ ಖ್ಹಾಮ್ಣೆ ಕರ್‌” ಕರಿ ಬೋಲ್ಯೊ. ಯೋ ಖ್ಹಾಮ್ಣೆ ಹಾತ್ ಕಾಡ್ತಾ, ಇನೊ ಹಾತ್ ಅಛ್ಛೊ಼ ಹುಯಿಗಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 7:39

ಯೇಸುನ ಖಾಣನ ಬುಲಾಯೊಥೋತೆ ಫರಿಸಾಯರ್‌ನೆ ಅನ ದೇಖಿನ್, “ಆ ಪ್ರವಾದಿಸ್ ರ‍್ಹಯೊಹೋತ್ತೊ, ಇನ ಛೀಮುಕರಾತೆ ಕೋಣ್ ಕರಿ ಮಾಲುಮ್‌ ಕರಿಲಿದೊಹೋತ್; ಆ ಕಿಮ್ನು ಪಾಪ್‌ಮ ಜಿವ್ಣು ಚ಼ಲಾವ್‍ಕರಾಸ್‌ ಕರಿ ಮಾಲುಮ್‌ ಕರಿಲಿದೊಹೋತ್!”

1 ಕೊರಿಂಥ 10:24

ಹರೇಕ್‍ಜ಼ಣು ಇವ್ಣ ಅಛ್ಛಾ಼ನ ಖಲಿ ನಾ ಸೋಚ್ಣುತೆ ಬಿಜಾ಼ನ ಅಛ್ಛಾ಼ನಾಬಿ ಸೋಚಾದೆ.

1 ಕೊರಿಂಥ 10:33

ಮೇತೊ ಮಾರಿ ಶೊಂತ್‍ ನಫ್ಫಾನಖ್ಹಾಜೆ ಢೂಂಡುಕೊಂತೆ ಖ್ಹಾರುಸ್ಜ಼ಣು ರಕ್ಷಣೆ ಲೇವ್ಣುಕರಿ ಇವ್ಣಿ ನಫ್ಫಾನಖ್ಹಾಜೆ ಅಖ್ಖಜ಼ಣಾಮ ಅಖ್ಖೀಸ್ ವಾತೇಮ ಖ್ಹರೈಲೆವುಸ್.

1 ಕೊರಿಂಥ 11:18

ಕಿಮ್‌ಕತೊ ಪಹಿಲೆ, ತುಮೆ ಸಬೆಹುಯಿನ್ ಮಳಿನ್ ಆವಾನಿ ವಖ್ಹ್‌ತೆ ತುಮರಾಮ ಕಚ಼್ಚರ್‌ ಹುವಾನು ಖ್ಹಮ್‍ಜು಼ಸ್. ಅನ ಜ಼ರ ವಿಶ್ವಾಸ್‍ಬಿ ಕರುಸ್.

1 ಕೊರಿಂಥ 12:25

ಶರೀರ್‌ಮ ಅಲಕ್ ಕರಿ ಕಚ಼್‌ಕೊಂತೆ ಅಖ್ಖು ಏಕ್‌ಥಿ ಏಕ್‌ ಮಳಿನ್ ಜಾ಼ವಾನಿತರ ಕರಿರಾಖ್ಯೊಸ್.

1 ಕೊರಿಂಥ 7:36

ಏಕ್‌ ವೇಳ್ಮ ಏಕ್‍ಜ಼ಣೊ ಖ್ಹಗೈಹುಯಿರ‍್ಹವಾಳಿ ಕವಾರಿನಿ ಜೋ಼ಡ್ಮ ಖ್ಹಮಾಳನ ಕೊಹೊವಾಂತೆ ಮಳಾನ ಯೊ ಜಾ಼ಖ್ಹತ್ ಹರ್ಖ್ಹವಾಳೊ ಉಷೇತೊ ಅಜು಼ ವ್ಯಹಾಹುಣುಕರಿ ಹರಖ್ಹ್‌ಯುತೊ ಯೋ ವ್ಯಹಾ ಕರಿಲ್ಯವಾದೆ. ಅಮ್‍ಕರಾಥಿ ಯೊ ಪಾಪ್ ಕಾಹೆ.

2 ಕೊರಿಂಥ 5:19

ಕಿಮ್‌ಕತೊ ದೇವ್ ಕ್ರಿಸ್ತಮ ಹಿಡಿ ಜಗತ್‍ನಾಸ್ ಇನಿಜೋ಼ಡ್ಮ ಒಪ್ಪಂದ ಕರಿಲೆತೋಥೊ. ದೇವ್ ಕ್ರಿಸ್ತಮ ಅದ್ಮಿನ ಅಪರಾದ್‌ನ ಗಣ್ತಿಕರಾಕೊಯ್ನಿ. ಆ ಒಪ್ಪಂದಾನಿ ಸಂದೇಶ್ನ ಅದ್ಮಿನ ಖ್ಹಮ್‍ಜಾ಼ಡಾನು ಜಿಮ್ಮೆದಾರಿನ ದೇವ್ ಹಮೂನ ದೀರಾಖ್ಯೊಸ್.

ಗಲಾತ್ಯ 5:13

ಭೈಯೇ ಭೇನೆವೊ, ತುಮೆ ಛುಟ್ಕಾರ್‌ಥಿ ರ‍್ಹೇವ್ಣುಸ್‌ಕರಿ ದೇವ್ನೆ ತುಮುನ ಬುಲಾಯೊ. ಕತೋಬಿ ತುಮುನ ಛಾ಼ತೆ ಛುಟ್ಕಾರ್‌ನ ಶರೀರ್‌ನ ಇಛ್ಛಾನಿ ಪರಕ್ಮ ಉಪಯೋಗ್‌ ನಾಕರ‍್ನುತೆ, ಪ್ಯಾರ್‌ಥಿ ಏಕ್‌ಥಿ ಏಕ್‌ ಸೇವೆಕರೊ.

ಫಿಲಿಪ್ಪಿ 2:21

ಅಖ್ಖುಜ಼ಣು ಇವ್ಣ ಕಾಮ್‌ಪರ್ ಮಗನ್‌ ರ‍್ಹೇಸ್ ಪಣ್ಕಿ ಯೇಸು ಕ್ರಿಸ್ತನ ಕಾಮ್‌ಪರ್ ಮನ್‌ಲಗಾಡಕೊಯ್ನಿ.

ಫಿಲಿಪ್ಪಿ 4:8

ಕಡೇಶಿಮ ಮಾರ ಭೇನೆ ಭೈಯೇವೊ, ಖಿವು ಖ್ಹಾಚು಼ಕಿ, ನ್ಯಾವ್‌ನೂಕಿ, ಗಣ್ತಿನುಕಿ, ಪಾಕ್‌ನೂಕಿ, ಲಾಡ್ನೂಬಿ, ಖ್ಹಾಜ಼್‌ನುಬಿ ಹುಯಿರ‍್ಹುಸ್ಕಿ, ಖಿವು ಅಛ್ಛಿ ಚಾ಼ಲ್‌ಚ಼ಲಣ್‌ಬಿ, ಕೀರತ್ನ ಲ್ಹಾಯೇಕ್ಕಿ, ಯೊ ಅಖ್ಖಾನಿ ಬಾರೇಮ ಸೋಚಾವಳ ಹುಯಿ‍ರ‍್ಹೆವೊ.

2 ಥೆಸ 3:7

ಹಮೆ ಜಿವ್ಯಾತೆ ಇಮ್ಮಸ್ ತುಮೇಬಿ ಜಿವ್ಣುಕರಿ ತುಮೂನ ಅಛ್ಛಿನಿತರ ಮಾಲುಮ್ ಛಾ಼. ಹಮೆ ತುಮಾರಕನ ಥಾತೆ ತದೆ ಶೋಂಬೇರಿ ಕೋಥಾನಿ.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

2 ತಿಮೊ 4:16

ಮೇ ಪಹಿಲಿ ಜ಼ವಾಬ್ ದಿದೋತೆ ತದೆ ಕೋಣ್‌ಬಿ ಮಾರಿಜೋ಼ಡೆ ಕೋಥೂನಿ, ಅಖ್ಖುಜ಼ಣು ಮನ ಹಾತ್ ಮ್ಹೆಂದಿದು. ಹೈರುತೆ ಇವ್ಣುನ ದೋಷ್‍ಹುಯಿನ್ ಗಣ್ತಿಮ ನಕೊ ರ‍್ಹವಾದೆ.

ಯಾಕೋಬ 1:19

ಮಾರ ಪ್ಯಾರ್‌ನ ಭೈಯೇ ಭೇನೆವೊ ತುಮೆ ಅನ ಅಛ್ಛಿನಿತರ ಮಾಲುಮ್ ಕರ‍್ಲೆವೊ, ಹರೇಕ್‍ಜ಼ಣುಬಿ ಖ್ಹಮ್‍ಜಾ಼ಮ ಚಾ಼ತುರ್‌ರ‍್ಹೀನ್, ವಾತ್‍ಬೋಲಾಮ ಅಜು಼ ಇರಾದೊ ಕರಾಮ ಖ್ಹಮಾಳಿರ‍್ಹೆವೊ.