1 ಕೊರಿಂಥ 13:3 - ದೇವ್ನಿ ಖ್ಹಾಚಿ ವಚನ್

³ ಮೇ ಮಾರಿ ಖ್ಹಾರಿಶೊತ್ತ್‌ನ ಧರಮ್ ದೀನಾಖ್ಯೊತೋಬಿ, ಮಾರ ಶರೀರ್‌ನ ಬಾಳಿನಾಖನ ದೀನಾಖ್ಯೊತೋಬಿ, ಪ್ಯಾರ್ ಮನ ನಾರ‍್ಹಯುತೊ ಮನ ಶನೊ ಫಾಯಿದೊಬಿ ಕೊಯ್ನಿ.

1 ಕೊರಿಂಥ 13:3 ပူးပေါင်းရင်းမြစ်များ

ಮತ್ತಾಯ 23:5

ಇವ್ಣೆ ಅದ್ಮಿನ ಖ್ಹಾರು ದೆಖಾವಾದೆ ಕರಿ ಇವ್ಣು ಕಾಮ್ನ ಕರಾಸ್. ವಚನ್ ಲೀಖೈರ‍್ಹೂತೆ ಪಟ್ಟಿಯೇನ ತಾಳ್ವಪರ್ ಅಜು಼ ಡಂಟ್‌ಪರ್ ಭಾಂದಿರಾಖಾಸ್ತೆ ದೇಖೊ. ಇವ್ಣೆ ಪೇರ‍್ಹಾಸ್ತೆ ಝ಼ಗ್ಗಾವ್‍ನ ಗೊಂಡಾನ ಲಾಂಬು ಕರಿಲೇಸ್!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:22

ಅನ ಖ್ಹಮ್‌ಜಿನ್‌, ಯೇಸುನೆ ಇನ, “ತೂ ಕರ್ನುತೆ ಬಿಜ್ಜೇಕ್‌ ಕಾಮ್ ಛಾ಼, ತಾರಕನ ಛಾ಼ತೆ ಖ್ಹಾರುಸ್‌ ಶೊತ್ನ ವೇಚಿನ್, ಆವಸ್ತೆ ಪೈಶಾನ ಗರೀಬ್‌ನ ದೆ. ತದೆ ಪರ್‌ಲೋಕ್‌ಮ ತುನ ಶೊತ್ ರ‍್ಹಿಶೆ; ಅಜು಼ ತೂ ಆಯಿನ್, ಮಾರ ಪೀಠೆ ಆವ್” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:28

ತದೆ ಪೇತ್ರನೆ ಯೇಸುನ, “ಹಂದೇಕ್‌! ಹಮೆ ಹಮಾರು ಘರ್‌ಖ್ಹಾರು ಮ್ಹೆಂದಿನ್, ತಾರ ಪೀಠೆ ಐರ‍್ಹಾಸ್‍ನಿ!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 19:8

ಕತೋಬಿ ಜಕ್ಕಾಯಾನೆ ಭೀರಿನ್‌, ಪ್ರಭುನ, “ಗುರು ಹಂದೇಕ್‌! ಮಾರಿ ಆಸ್ತಿಮ ಆಧು ಗೋರ್‌-ಗರೀಬ್ ದೆವುಸ್‌ ಅಜು಼ ಮೇ ಕಿನಾತೋಬಿ ಠಗೈರಾಖ್ಯೊ ಉಶೇತೊ, ಇನ ಏಕ್‌ನ ಚಾರ್ ದೆವುಸ್‌” ಕರಿ ಬೋಲ್ಯೊ.

ಯೋಹಾನ 12:43

ಶನಕತೊ ಇವ್ಣೆ ದೇವ್‍ಥಿ ಆವಸ್ತೆ ಖ್ಹರಾವ್ಣಿಥೀಬಿ, ಅದ್ಮಿಥಿ ಆವಸ್ತೆ ಮರ್ಯಾದಿಪರಸ್‌ ಇವ್ಣುನ ಘಣು ಪ್ಯಾರ್ ಥೂ.

ಯೋಹಾನ 13:37

ಪೇತ್ರನೆ ಯೇಸುನ, “ಪ್ರಭು, ಮೇ ಶನ ಹಮ್ಕೆ ತಾರ ಪೀಠೆ ಆವಾನ ಕೋ ಉಶೇನಿ? ಮೇ ತಾರಖ್ಹಾಜೆ ಜಾನ್‌ ದೆವಾನಾಬಿ ತಯಾರ್ ಛು಼!” ಕರಿ ಬೋಲ್ಯೊ.

ಯೋಹಾನ 15:13

ಇನೊ ಜಾನ್ನಾಸ್ ದೋಸ್ತ್ ಖ್ಹಾರಾನಖ್ಹಾಜೆ ದೇಸ್ತೆ, ಲಾಡ್‌ಥಿ ಮಹಾನ್ ಪ್ಯಾರ್ ಬಿಜು಼ ಕೆಹುಸ್‌ ಕೊಯ್ನಿ.

ಯೋಹಾನ 6:63

ಜಾನ್‌ ದೇಸ್ತೆ ದೇವ್‌ನು ಆತ್ಮ ಹುಯಿರುಸ್ ಅದ್ಮಿನು ಹಿಮ್ಮಥ್ಥಿ ಫಾಯಿದೊ ಕೊಯ್ನಿ; ಮೇ ತುಮೂನ ಖಿವು ವಾತ್ನ ಬೋಲ್ಯೋಕಿ ಯೊ ದೇವ್‌ನೊ ಆತ್ಮ ಹುಯಿರ‍್ಹೂಸ್. ಅಜು಼ ಯೋ ಜಾನ್ನ ದೇಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:13

ಇನಖ್ಹಾಜೆ ಪೌಲನೆ, “ತುಮೆ ಆಂಝು಼ನಾಖಿನ್ ತುಮೆ ಶನ ಮಾರು ದಿಲ್‌ತೋಡಾವೊಸ್? ಮೆ ಯೇಸುನ ನಾಮ್ನಖ್ಹಾಜೆ ಯೆರೂಸಲೇಮ್ಮ ಭಂದಿಹುವಾನು ಕಾಹೆತೆ ಪ್ರಭುನಖ್ಹಾಜೆ ಮರನಾಬಿ ತಯಾರ್ ಛೂ಼” ಕರಿ ಬೋಲ್ಯೊ.

ಗಲಾತ್ಯ 5:26

ಹಂಕಾರಿ, ಏಕ್‌ನಏಕ್ ನಾ ಛೇಡಾವ್ಣುನಾತೆ, ಏಕ್‌ ಜ಼ಣಾನ ಉಪ್ಪರ್ ಬಿಜೇಕ್ ಜ಼ಣು ಬಳಾಪೊ ನಾಕರ‍್ನುತೆ ತಿಮ್ ರ‍್ಹಿಯೆ.

ಫಿಲಿಪ್ಪಿ 2:3

ಇನುಯೋ ಭಡಾನಖ್ಹಾಜೆ ರ‍್ಹವೊ, ಶಿಕ್ಕೊ ಲ್ಯವಾನಖ್ಹಾಜೆ ಶಾತ್ಬಿ ನಾಕರ‍್ನುತೆ, ಹರೇಕ್ ಜ಼ಣುಬಿ ಹೇಟು ಹುವಾಳಹುಯಿನ್ ಬಿಜೇಕ್ ಜ಼ಣಾನ ಇನೇಥಿಬಿ ಊಚೊ಼ಕರಿ ದೇಖಾದೆ.

1 ತಿಮೊ 4:8

ಶರೀರ್‌ನಿ ವ್ಯಾಯಮ್‍ಥಿ ತುನ ಥೋಡು ಫಾಯಿದೊ ಛಾ಼, ಕತೋಬಿ ಭಕ್ತಿನು ಜಿವ್ಣು ಹರೇಕ್ ಪರಕ್‍ಮಾಬಿ ತುನ ಫಾಯಿದೊ ಹುಯಿರುಸ್. ಶನಕತೊ, ಅನಾಮ ಹಮ್ಕೇನು ಹಗಾಮ್ ಅಜು಼ ಖ್ಹಾಮ್ಣೆ ಆವಾನ ಜಿ಼ಂದ್‌ಗೀನಖ್ಹಾಜೆ ದೆವೈರ‍್ಹೂತೆ ವಾಗ್ದಾನ್ ಅನಾಮ ಮಳೀರ‍್ಹುಸ್.

ಇಬ್ರಿ 13:9

ಹರೇಕ್ ಥರಾನು ಅಲಕ್ ಅಲಕ್ ಜ಼ಣಾನಿ ವಾತ್ಮ ಖ್ಹಪ್‌ಡಿನಾಜಾ಼ವ್ಣುತೆ ಬರಬರ‍್ನಿ ವಾಟ್ಮಚಾ಼ಲೊ. ಶನಕತೊ ದೇವ್ನಿ ವಾರ್‌ಖ್ಹೇಥಿ ದಿಲ್ನ ಘಟ್ ಕರಿಲ್ಯಾವನು ಅಛ್ಛು಼. ಖಾಣಾನಿ ಜಿನಖ್ಹ್‌ನಿ ಬಾರೇನು ನಿಯಮ್‌ಖ್ಹಾರು ಪಾಡಿ ಚಾ಼ಲವಾಳಥಿ ಶನು ಫಾಯಿದೊಬಿ ಕೊಹುವಾನಿ.