1 ಕೊರಿಂಥ 12:1 - ದೇವ್ನಿ ಖ್ಹಾಚಿ ವಚನ್

¹ ಭೇನೆ ಭೈಯೇವೊ, ಹಮ್ಕೆ ಪವಿತ್ರಾತ್ಮಥಿ ಮಳಾತೆ ವರಾನಿಬಾರೇಮ ತುಮೆ ಬಿಣ್‍ಖ್ಹೈಲಿ ನಾ ಹುಯಿರ‍್ಹೇಣು. ಕರಿ ಆಖ್ಹ್ ಕರುಸ್.

1 ಕೊರಿಂಥ 12:1 ပူးပေါင်းရင်းမြစ်များ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:13

ಭೈಯೇ ಭೇನೆವೊ, ಪರೈಆದ್ಮಿಯೇವ್‍ಮ ಜುತ್ಯೋತೆತಿಮ್‍ ತುಮಾರಮಬಿ ಜೂತಿಶ್‌ಕರಿ, ಮೇ ಕೈಯೆಕ್‍ಹಲ್ಲ ತುಮುನ ಮಳಾನಖ್ಹಾಜೆ ದಿಲ್‍ಕರ‍್ಯೊತೋಬಿ, ಹಮ್ಕೆಲಗು ಶಾತ್ಕಿ ಏಕ್‍ ಆಡು ಹೂಕರ್ತುಥು ಕರಿ ತುಮೇಬಿ ಮಾಲುಮ್‌ಕರಿರಾಕೊ ಕರಿ ಮಾರಿ ಆಖ್ಹ್‌.

1 ಕೊರಿಂಥ 10:1

ಭೇನೆ ಭೈಯೇವೊ ಮೇ ತುಮುನ ಬೋಲಾನ ಶಾತ್ ಅಖ್ಹ್‌ ಕರುಸ್‌ಕತೊ, ಅಪ್ಣೊ ಗುರುಗುರಬ್‍ಲ್ಯ ಖ್ಹಾರುಬಿ ವಾದ್ಳಾನ ಆಖ್ಹ್‌ರಾಮ ಥಾ, ಇವ್ಣೆಖ್ಹಾರುಬಿ ಜ಼ತನ್‌ಥಿ ದರ‍್ಯಾವ್‍ನ ಉಲಾಂಗಿಗಯು.

1 ಕೊರಿಂಥ 14:37

ಕೋಣ್‌ತೋಬಿ ಇನುಯೋ ಪ್ರವಾದಿ ಕರಿರ‍್ಹೆವೊ, ದೇವ್ನಿ ಆತ್ಮಥಿ ಭರೈರ‍್ಹವಾಳೊ ಕರಿರ‍್ಹೆವೊ ಖ್ಹಮ್‍ಜಿಲ್ಯವಾಳೊ ರ‍್ಹಿಯೋತೊ ಮೇ ತುಮೂನ ಲೀಖಿರಾಖ್ಯೊತೆ ವಾತೆಖ್ಹಾರಿ ಪ್ರಭುನಿ ಹುಕುಮ್‍ಕರಿ ಅಛ್ಛಿನಿತರ ಮಾಲುಮ್ ಕರಿಲ್ಯವಾದೆ.

2 ಕೊರಿಂಥ 1:8

ಭೇನೆ ಭೈಯೇವೊ, ಹಮೆ ಏಷ್ಯಾ ತಬರ್‌ಖಾಮ ಖ್ಹಮಾಳ್ಯಾತೆ ಖ್ಹತಾಪ್ಣಿನಿ ಬಾರೇಮ ತುಮೂನ ಮಾಲುಮ್‌ಪಡಾದೆ ಕರಿ ಹಮಾರಿ ಖ್ಹಯಾಲ್ ಹುಯಿರಿಸ್, ಹಿಜ್ಜಾ಼ ಹಮೂನ ಕೈಏಕ್ ಮೋಟಿ ಖ್ಹೂಜ಼್‍ಥಿ. ಯೋ ಖ್ಹೂಜ಼್‌ಖ್ಹಾರಿ ಹಮಾರಿ ಶೊಂತ್ ಶಕಥ್ಥಿಬಿ ಘಣುಥು. ಜಾನ್‍ಖ್ಹಮೇದ್ ಬಚಾ಼ನಿ ವಿಶ್ವಾಸ್‌ ಹಮೆ ಮ್ಹೆಲಿದಿದ.

ಎಫೆಸ 4:11

ಯೊ ಹೈರೋತೆ ಇನಾಮ್ನ ದ್ಯವಾಳೊಬಿ ಹುಯಿರ‍್ಹೊಸ್ ಕತೊ ಯೊ ಥೋಡಜ಼ಣಾನ ಅಪೊಸ್ತಲರ್ ಕರಿಬಿ, ಥೋಡಾನ ಪ್ರವಾದಿಕರಿಬಿ, ಥೋಡಜ಼ಣಾನ ಸುವಾರ್ತೆ ಬೋಲವಾಳುಕರಿಬಿ, ಥೋಡಜ಼ಣಾನ ಸಬಾಪಾಲಕರ್ ಕರಿಬಿ, ಶಿಕಾಡವಾಳೊ ಕರಿಬಿ ನೆಮಿಸಾಯೊ.

1 ಥೆಸ 4:13

ಹಮಾರ ಭೈಯೇ ಭೇನೇವೊ, ಮರಿಗಯೂತೆ ಅದ್ಮಿನಿ ಬಾರೇಮಾನಿ ಖ್ಹಾಚಿನ ತುಮೆ ಮಾಲುಮ್ ಕರಿರಾಕ್ಣುಕರಿ ಹಮಾರಿ ಆಖ್ಹ್. ಅನೇಥಿ ಕೋಣ್‌ಬಿ ಭರೋಖ್ಹಾಮಕೊಂತೆ ಅಲಕ್‌ನಿಘೋಣಿ ತುಮೆ ದುಖ್‌ಮ ನಾರ‍್ಹೇವ್ಣು.

2 ಪೇತ್ರ 3:8

ಪ್ಯಾರ್‌ನ ದೋಸ್ತಿವೊ ಪ್ರಭುನ ಗಣ್ತಿಮ ಏಕ್‌ ದನ್ ಹಜಾ಼ರ್‌ ವರಖ್ಹ್‌ನಿ ಘೋಣಿಬಿ ಅಜು಼ ಹಜಾ಼ರ್‌ ವರಖ್ಹ್‌ ಏಕ್‌ ದನ್ನಿ ಘೋಣಿಬಿ ಖಾಲಿ ಛಾ಼ ಕರಿ ಬೋಲಾನು ಭೈಕೊನಕೊ.