32 ಕತೋಬಿ ಪ್ರಭು ಅಪ್ಣುನ ನ್ಯಾವ್ನಿ ಝ಼ಗೋಮ ಭೀರಾಖನಿ ವಖ್ಹ್ತೆ, ಅಪ್ಣೆ ಜಗತ್ವಾಳಾನಿ ಜೋ಼ಡ್ಮ ಖ್ಹತಾಪ್ಣಿಮ ಖ್ಹಪಡ್ನು ನಾ ಕರಿ ಯೋ ಅಪ್ಣುನ ನಿಶತ್ ದೇಸ್.
ಧರ್ಮಶಾಸ್ತ್ರ ಶಾತಸ್ ಬೋಲ್ಯುತೋಬಿ ಧರ್ಮಶಾಸ್ತ್ರನ ಮಹಿರ್ಹಾವಾಳನಸ್ ಸಂಬಂದ್ಪಡಸ್ಕರಿ ಅಪ್ಣುನ ಮಾಲುಮ್ಛಾ಼. ಅಮ್ ಖ್ಹಾರಾಸ್ನು ಮ್ಹೋಡು ಖ್ಹೊಪೊ ಹುಯಿಜಾ಼ಶೆ. ಅಜು಼ ಜಗತ್ಖ್ಹಾರು ದೇವ್ನ ನ್ಯಾವ್ನತೀರ್ಪ್ನ ದನ್ಮ ಗಣ್ತಿದೆವ್ಣು ಪಡ್ಶೆ.
ದೇವ್ನಿ ಇನಾಮ್ ಅಜು಼ ಏಕ್ ಅದ್ಮಿನ ಪಾಪ್ಮ ಪರಕ್ ಛಾ಼. ಏಕ್ಜ಼ಣಾನ ಪಾಪ್ನ ನ್ಯಾವ್ನು ತೀರ್ಪ್ಹುಯಿನ್ ನಿಶತ್ ಮಳ್ಯು. ಕತೋಬಿ ಕೈಯೇಕ್ ಜ಼ಣಾನ ಪಾಪ್ನಪೀಠೆ ಗಲ್ತಿವಾಳೊ ಕಾಹೆಕರಿ ಬೋಲಾನು ಊಚು಼ ಇನಾಮ್ ಆಯು.
ಅಮ್ರ್ಹವಾಪರ್ ಅಕ್ಲಿ ಕಿಜ಼್ಜಛಾ಼? ಪಢಂತಿ ಕಿಜ಼್ಜ ಛಾ಼? ಆ ಹಗಾಮ್ನೊ ನವಿ ಗ್ಯಾನ್ನ ಢುಂಡಾವಾಳೊ ಕಿಜ಼್ಜ ಛಾ಼, ದೇವ್ ಜಗತ್ನಿ ಗ್ಯಾನ್ನ ಘೈಲು ಕರಿನಾಖ್ಯೊ!
ಹೈರೂತೆ ದೇವ್ನಿ ಗ್ಯಾನ್ನಿ ಖ್ಹೂಜ಼್ ಹುಯಿರ್ಹುಥು. ಜಗತ್ ಇನಿ ಶೊಂತ್ ಗ್ಯಾನ್ಥಿ ದೇವ್ನ ಖ್ಹಮ್ಜಿರಾಖ್ಯುಥು ಕೊಯ್ನಿ. ಇನಖ್ಹಾಜೆ ಘೈಲಾನಿತರ ದೆಖಾವತೆ ಬೋಧನ್ಥಿ ವಿಶ್ವಾಸ್ ಕರವಾಳನಿ ರಕ್ಷಣೆ ಕರಾನು ದೇವ್ನ ಅಛ್ಛು಼ಕರಿ ದೆಖಾಯು.
ಅನೇಥಿ ತುಮಾರಮ ಘಣು ಅದ್ಮಿ ಕಮ್ಜೋ಼ರಿಬಿ, ರೋಗ್ವಾಳುಬಿ ಹುಯಿರ್ಹಿಶೆ. ಅಜು಼ ಕೈಏಕ್ ಜ಼ಣು ಮರಿರ್ಹೂಸ್.
ಅಪ್ಣುನ ಅಪ್ಣೆಸ್ ಪರ್ಖಿಲಿದಾತೊ ನ್ಯಾವ್ನಿ ಝ಼ಗೋಮ ಭೀರಿಶುಕೊಯ್ನಿ.
ಅಮ್ ಛಾ಼ತೆಖ್ಹಾಜೆ ಮಾರ ಭೇನೆ ಭೈಯೇವೊ, ತುಮೆ ಭೋಜನ್ನಖ್ಹಾಜೆ ಮಳಿನ್ ಆವಾನಿ ವಖ್ಹ್ತೆ ಏಕ್ಥಿ ಏಕ್ಜ಼ಣಾನ ಖ್ಹಾಜೆ ಜ಼ಪಿರ್ಹವೊ.
ಹುಮೆನಾಯಬಿ ಅಲೆಕ್ಸಾಂಡರ್ನೆ ಅಮ್ಮಸ್ ಕರ್ಯಾಥ. ಅವ್ಣೆ ದೇವ್ನ ವಿರೋದ್ ನಾ ಬೋಲ್ನುತೆ ಬರೋಬರ್ನಿ ಅಕ್ಕಲ್ ಶಿಕಾದೆಕರಿ ಮೇ ಇವ್ಣುನ ಶೈತಾನ್ನ ಹಾತ್ಮ ಒಪ್ಶೈದಿದೊ.
ಹಿಡಿ ಜಗತ್ತಸ್ ಕೇಡ್ ಕರವಾಳನ ಕಬ್ಜಾ಼ಮ ರ್ಹಯುತೋಬಿ ಅಪ್ಣೆ ದೇವ್ನ ಮಳಿರ್ಹವಾಳ ಕರಿ ಅಪ್ಣುನ ಮಾಲುಮ್ ಛಾ಼.
ಮೇ ಕಿನಕಿನ ಪ್ಯಾರ್ ಕರೂಸ್ಕಿ ಇವ್ಣುನ ಗುರ್ಕವುಸ್ ಅಜು಼ ನಿಶತ್ ದೆವುಸ್. ಇನಖ್ಹಾಜೆ ತೂ ಹೊಷಾರ್ಥಿ ರ್ಹೇ. ಮನ್ ಫರೈನ್ ದೇವ್ಭಣಿ ಫರಿಜಾ಼.