1 ಕೊರಿಂಥ 11:3 - ದೇವ್ನಿ ಖ್ಹಾಚಿ ವಚನ್

³ ಹರೇಕ್ ಪರ್ಖ್ಹಾನ ಕ್ರಿಸ್ತ ಮುಡ್‌ಕ್ಯು, ತಯೇಡಾನ ಪರ್ಖ್ಹೊ ಮುಡ್‌ಕ್ಯು ಅಜು಼ ಕ್ರಿಸ್ತನ ದೇವ್ ಮುಡ್‌ಕ್ಯು ಹುಯಿರ‍್ಹೂಸ್ ಕರಿ ಬೋಲಾನು ಯೊ ಮಾಲುಮ್ ರ‍್ಹೇವ್ಣು.

1 ಕೊರಿಂಥ 11:3 ပူးပေါင်းရင်းမြစ်များ

ಮತ್ತಾಯ 28:18

ಯೇಸು ಇವ್ಣ ಖನ್ನೆ ಆಯಿನ್, “ಸೊರ್ಗಾಮಾಬಿ, ಧರ್ತಿಪರ್‌ಬಿ ಖ್ಹಾರೀಸ್‍ ಅದಿಕಾರ್ ಮನ ದೆವೈರ‍್ಹೀಸ್.

ಯೋಹಾನ 14:28

ಮೇ ವಳ್ಯೊಜ಼ವುಸ್‌, ಕತೋಬಿ ಪಾಛೊ಼ಫರಿ ತುಮಾರಕನ ಐಶ್‌, ಕರಿ ಮೇ ಬೋಲ್ಯೋತೆ ವಾತೇನ ತುಮೆ ಖ್ಹಮ್‌ಜಿರಾಖ್ಯಾಸ್‌, ತುಮೆ ಮನ ಪ್ಯಾರ್ ಕರಾವಾಳು ಹುಯಿರ‍್ಹಾಹೊತ್ತೊ, ಮೇ ಬಾಕನ ವಳ್ಯೊಜ಼ವುಸ್ತೆ ಬಾರೇಮ ಖ್ಹುಶಿ ಕರ‍್ಯಾಹೋತ್‌; ಶನಕತೊ ಬಾ ಮಾರೇಥಿಬಿ ಮಹಾನ್ ಹುಯಿರ‍್ಹೋಸ್.

1 ಕೊರಿಂಥ 3:23

ಅಜು಼ ತುಮೆ ಕ್ರಿಸ್ತವಾಳ ಹುಯಿರ‍್ಹಾಸ್ ಕ್ರಿಸ್ತ ದೇವ್‌ನೊ ಹುಯಿರ‍್ಹೋಸ್.

ಎಫೆಸ 4:15

ಕತೋಬಿ ಪ್ಯಾರ್‌ಮ ಖ್ಹಾಚು಼ಬೋಲ್ತಹುಯಿನ್ ಹರೇಕ್ ವಾತೆವ್‌ಮಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಕ್ರಿಸ್ತಮ ಭಡವಾಳ ಹುಯಿರ‍್ಹಿಯೆ.

ಕೊಲೊಸ್ಸೆ 1:18

ಸಬೆಕರಿ ಶರೀರ್‌ನ ಯೋ ಮುಡ್‌ಕ್ಯು ಹುಯಿರ‍್ಹೋಸ್. ಯೋಸ್ ಪಹಿಲೊ ಹುಯಿರ‍್ಹಿನ್ ಖ್ಹಾರಮಸ್ ಪಹಿಲೆ ರ‍್ಹವಾಳೊ ಹುಯಿನ್ ಯೋ ಮರ‍್ಯಾಹುಯಾಮಾಥು ಆಯೋತೆ ಫೈಲೋಟೊಬಿ ಹುಯಿರ‍್ಹೊಸ್.

ಕೊಲೊಸ್ಸೆ 2:10

ಯೋಸ್ ಅಖ್ಖಾಸ್ ರಾಜ಼್‌ನಾಬಿ, ಅದಿಕಾರ್‌ನಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಖ್ಹಾಜೆ. ತುಮೆ ಇನಾಮ ರ‍್ಹೀನಸ್ ಅಖ್ಖಾಸ್ನ ಲೀಲ್ಯಾವವಾಳ ಹುಯಿರ‍್ಹಾಸ್.

ಕೊಲೊಸ್ಸೆ 2:19

ಶನಕತೊ ಅಥ್ರಾನವಾಳು ಕ್ರಿಸ್ತಕರಿ ಬೋಲಾನು ಮುಡ್‌ಕ್ಯಾನ ಜೋ಼ಡ್ಮ ಸಂಬಂದ್ ಕಾಡಿಲ್ಯಾವಾಳು ಹುಯಿರ‍್ಹೇಸ್. ಯೋ ಮುಡ್‍ಕೇಥಿಸ್ ಶರೀರ್ ಖ್ಹಾರೂಸ್ ಕೀಲ್, ನ್ಹಾರ್‌ನ ಹೋಣುತೆ ಶಕತ್ನದೀನ್ ಅಜು಼ ಎಕ್ಟುಹುಯಿನ್ ಶರೀರ್ ಬಣ್ಯು. ಯೋ ದೇವ್ ದೇಸ್ತೆ ಬರ್ಗಥ್ಥಿ ಭಡ್ತುಹುಯಿನ್ ಆವಸ್.

ಕೊಲೊಸ್ಸೆ 3:18

ತಯೆಡಾವೊ, ಪ್ರಭುನ ಲ್ಹಾಯೇಕ್‌ನಿ ಪರಕ್ಮ ತುಮಾರ ಬಾವ್ರಿಯೇನಿ ದಾಬುಕ್ಮ ರ‍್ಹವೊ.

1 ಪೇತ್ರ 3:1

ಇಮ್ನಿಸ್ ಪರಕ್ಮ ಬಾವ್ಣೆವೊ, ತುಮಾರ ಬಾವ್ರಿನಿ ದಾಬುಕ್ಮ ರ‍್ಹವೊ. ಇವ್ಣಾಮ ಥೋಡುಜ಼ಣು ದೇವ್ನಿ ವಚನ್ನ ಅವಿಧೇಯ ಹುಯಿರೂತೋಬಿ, ತುಮಾರ ಅಛ಼್ಛ ಕಾಮ್ನ ದೇಖಾಥೀಸ್ ಇವ್ಣೆ ವಿಶ್ವಾಸ್‌ಮ ಆವಾನಿತರ ಉಶೆ. ಇನಾಖ್ಹಾಜೆ ತುಮೆ ಏಕ್‌ ವಾತ್‍ಬಿ ಬೋಲ್ನುನಾತೆ ರ‍್ಹವಾನು ಜ಼ರೂರತ್ ಛಾ಼.