1 ಕೊರಿಂಥ 1:6 - ದೇವ್ನಿ ಖ್ಹಾಚಿ ವಚನ್

⁶ ಕ್ರಿಸ್ತನು ಬಾರೇಮಾನಿ ಸಾಕ್ಷಿ ತುಮಾರಮ ಘಟ್ ಛಾ಼.

1 ಕೊರಿಂಥ 1:6 ပူးပေါင်းရင်းမြစ်များ

ಮಾರ್ಕ 16:20

ಹೈಕಡ್ ಇನು ಶಿಷ್ಯರ್‌ ಚ಼ಲ್ಯೂಜೈ಼ನ್ ಖ್ಹಾರಿ ಬಾಜು಼ ದೇವ್ನಿ ಅಛ್ಛಿ ಖಬರ್‌ನ ಬೋಲ್ಯು. ಅಜು಼ ಪ್ರಭುನೆ ಇವ್ಣ ಜೋ಼ಡೆಸ್ ರ‍್ಹೀನ್ ಖ್ಹಣೇದ್‍ನು ಅದ್ಭುತ್ ಕಾಮ್‌ಖ್ಹಾರು ಕರಿನ್, ಇವ್ಣೆ ಬೋಲಾತೆ ಖ್ಹಾರು ಖ್ಹಾಚಿಸ್‌ಕರಿ ವತಾಳಿದೇತೊ ರ‍್ಹೇತೊಥೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:17

ಪ್ರಭು ಯೇಸುಕ್ರಿಸ್ತಮ ವಿಶ್ವಾಸ್‌ರಾಖ್ಯಾತೆ ಆಪ್ಣುನ ದಿದೋತೆ ವರನಾಸ್ ದೇವ್ನೆ ಆ ಅದ್ಮಿವೋನಾಬಿ ದಿದೊ. ಅಮ್‍ರ‍್ಹವಾನಾಪರ್ ಮೆ ದೇವ್ನ ಕಾಮ್ನ ಭೀರಾಖಾನ ಮೇ ಕೋಣ್? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 11:21

ಪ್ರಭುನೊ ಹಾತ್ ಇವ್ಣಪರ್ ಥು,ಅಜು಼ ಅದ್ಮಿಖ್ಹಾರು ಕೈಏಕ್ ಜ಼ಣು ಪ್ರಭುಮ ಭರೋಖ್ಹೊ ಕರ‍್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 18:5

ಇಮ್ಮಸ್ ಮೆಕೆದೋನ್ಯಮ ಥಾತೆ ಸೀಲ ಅಜು಼ ತಿಮೊಥೆ ಇವ್ಣೆ ಪೌಲಕನ ಆಯ. ಇನಪಾರ್ ಅದ್ಮಿಖ್ಹಾರಾನ ಇವ್ಣಿವಾತೆನ ಬೋಲಿ ಖ್ಹಮ್‌ಜಾ಼ಡಮ ಪೌಲನೆ ಇನಿ ವಖ್ಹತ್‍ಖ್ಹಾರು ಕಾಡಿನಾಖ್ಯೊ. ಯೇಸುಸ್ ಮೆಸ್ಸಿಯಕರಿ ಬೋಲಾನು ಇನೆ ಯೆಹೂದ್ಯರ್‌ನ ದೇಖಾಡಿದಿದೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:21

ಯೆಹೂದ್ಯರ್‌ನ ಅಜು಼ ಗ್ರೀಕ್‍ವಾಳು ಪಾಪ್ನ ಮ್ಹೇಲಿನ್ ದೇವ್‌ಭಣಿ ಫರಿಜಾ಼ವ್ಣು ಅಜು಼ ಪ್ರಭು ಯೇಸುನ ನಾಮ್‌ಪರ್‌ ವಿಶ್ವಾಸ್ ರಾಕ್ಣುಕರಿ ಮೇ ಬೋಲಿರಾಖ್ಯೊಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:18

ಮೇ ಪ್ರಭುನ ದೇಖ್ಯೊ. ಇನೆ ಮನ, “ಒಗ್ಗಿ ಯೆರೂಸಲೇಮ್‍ಥು ನಿಕಳ್ ಮಾರಿ ಬಾರೇಮ ತೂ ಬೋಲಾನಿ ಸಾಕ್ಷಿನ ಆ ಖ್ಹಾರು ಅದ್ಮಿ ಮಾನಿಲೇಯಿ ಕೊಯ್ನಿ” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 23:11

ಯೋ ದನ್ನಿ ರಾತ್ಮ ಪ್ರಭು ಪೌಲಕನ ಭೀರಿನ್, “ಭಾಲಿಥಿ ರ‍್ಹೇ; ತೂ ಯೆರೂಸಲೇಮ್ಮ ಮಾರಿಬಾರೇಮ ಬೋಲ್ಯೊತೆ ಇಮ್ಮಸ್ ರೋಮ್‍ನ ಅದ್ಮಿನಾಬಿ ಸಾಕ್ಷಿ ಬೋಲ್ನುಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 28:23

ಇನಖ್ಹಾಜೆ ಪೌಲ ಅಜು಼ ಇವ್ಣೆ ಸಭೆ ಮಳಾನ ಏಕ್‍ದನ್ ಖ್ಹಣೇದ್‍ಕರ‍್ಯು, ಯೋ ರೋಜ಼್ಮ ಕೈಯೆಕ್ಕಿ ಜ಼ಣು ಪೌಲನ ಘರ್ಮ ಘಣಿ ಗಣ್ತೀಥಿ ಸಬೆಮಳ್ಯು. ಇನೆ ವ್ಹಾಣೇಥು ಖ್ಹಾಂಜ಼್‌‌ಲಗು ದೇವ್ನ ರಾಜ್ಯನಿ ಬಾರೇಮ ಇನಿ ವಾತೇನ ಇವ್ಣುನ ಸಾಕ್ಷಿನ ಬೋಲ್ತೊಹುಯಿನ್.ಅಜು಼ ಮೋಶೇನು ಧರ್ಮಶಾಸ್ತ್ರ ಪ್ರವಾದಿನು ದಪ್ತರ್‌ನ ಆಧಾರ್ ಲಿದೊ. ಯೇಸುನಿ ಬಾರೇನಿ ವಾತೆಮ ಇವ್ಣುನ ವಿಶ್ವಾಸ್ ರಾಖಾನಿಘೊಣಿ ಕೋಶಿಶ್ ಕರ‍್ಯೊ. ಅನಖ್ಹಾಜೆ ಇನೆ

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:19

ಅಜು಼ ಖ್ಹಣೇದ್ನ ಕಾಮ್‍ಥೀಬಿ, ಅದ್ಭುತ್‌ಕಾಮ್‌ನಿ ತಾಖತ್ತಿ ಅಜು಼ ದೇವ್ನುಆತ್ಮನ ಕಾಮ್‍ಥೀಬಿ ಕರಿರಾಖ್ಯೊಸ್. ಇನಖ್ಹಾಜೆ ಯೆರೂಸಲೇಮ್‍ಥೊ ಧರೀನ್ ಇಲ್ಲುರಿಕ ತಬರ್‌ಖಾಲಗು ಜಾ಼ವಾನಿ ವಖ್ಹ್‌ತೆ ಮೇ ಕ್ರಿಸ್ತನಿ ಸುವಾರ್ತೆನ ಅಖ್ಖಿ ಪೂರಫೈಲಾಯೊ.

2 ಕೊರಿಂಥ 12:12

ಮೇ ಖ್ಹಾರಸ್ನ ಖ್ಹಮಾಳಿಲ್ಯವಾಮಾಬಿ, ಖ್ಹಣೇದ್‍ನು ಕಾಮ್ನಾಬಿ ಅದ್ಬುತ್‌ಕಾಮ್‌ನಾಬಿ, ಮಹಾನ್ ಕಾಮ್ನ, ಚ಼ಲಾವಮಾಬಿ, ಅಪೊಸ್ತಲನ ರ‍್ಹೇವ್ಣುತೆಲಖಣ್‌ ತುಮಾರ ಇಚ಼್‌ಮ ವತಾಳ್ಯೊ.

ಗಲಾತ್ಯ 3:5

ಅಮ್‌ರ‍್ಹಯುತೊ ದೇವ್ನೆ ಇನ ಆತ್ಮಾನ ತುಮುನ ಜಾ಼ಖ್ಹಥ್ಥಿ ದೀನ್ ತುಮಾರಮ ಮಹಾನ್‌ಕಾಮ್ ಚ಼ಲಾವ್ತೊ ಆಯೋತೆ; ತುಮೆ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲಾಥಿಕಿ ನತರ್ ಸುವಾರ್ತೆನ ಖ್ಹಮ್‌ಜಿನ್‌ ವಿಶ್ವಾಸ್ ಕರಾಥಿ?

2 ಥೆಸ 1:10

ಇನೆ ಯೋ ದನ್ಮ ಇನ ಪರಿಶುದ್ ಅದ್ಮಿವ್‌ಥಿ ಮಹಿಮೆಬಿ ಅಜು಼ ವಿಶ್ವಾಸ್‌ಮ ರ‍್ಹೇಯ್ತೆ ಇವ್ಣೇಥಿ ಮರ‍್ಯಾದಿಲೀನ್ ಆವಾಸ್ಕಿ ಯೊ ಅದ್ಮಿನಿ ಬೀಚ್ಮ ತುಮೇಬಿ ರ‍್ಹಿಶು. ಶನಕತೊ ಹಮೆ ತುಮುನ ಬೋಲ್ಯಾತೆ ಸಾಕ್ಷಿನ ತುಮೆ ನಂಬಿರಾಖ್ಯಾಸ್.

1 ತಿಮೊ 2:6

ಇನೆ ಹರೇಕ್ ಜ಼ಗ್‌ಜಾ಼ತ್ನ ಅದ್ಮಿನ ಬಚಾ಼ಡಾನಖ್ಹಾಜೆ ಛೋ಼ಡಾವನಟೇಕೆ ಇನ ಯೋಸ್ ಒಪ್‌ಶೈದಿದೊ. ಯೋ ಹರೇಕ್ ಅದ್ಮಿನ ಬಚಾ಼ಡನ ಹರ್ಖ್ಹಾಸ್. ಆಸ್ ಬರೋಬರ್‌ನಿ ವಖ್ಹತ್‌ಮ ಬೋಲ್ನುತೆ ಸಬೂತ್ ಹುಯಿರುಸ್.

2 ತಿಮೊ 1:8

ಅನಖ್ಹಾಜೆ ಅಪ್ಣೊ ಪ್ರಭುನಿ ಬಾರೇಮ ಸಾಕ್ಷಿ ಬೋಲಾನ, ಕ್ರಿಸ್ತನಖ್ಹಾಜೆ ಜೇಲ್‌ಮ ಛೂ಼ತೆ ಮಾರಿಬಾರೇಮ ಖ್ಹರ್‌ಮೈಶ್ ನಕೊ.ತುನ ಹೋಣುತೆ ಶಕತ್ನ ದೇವಸ್ ದಿಶೆ. ಇನ ಬದಲ್ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ ಮಾರ ಜೋ಼ಡೆ ಲತಾಡ ಪಡ್.

ಪ್ರಕಾಶಿತ್ 1:2

ಯೋಹಾನನೆ ದೇವ್ನಿ ವಚನ್ನಿ ಬಾರೆಮಾಬಿ, ಯೇಸು ಕ್ರಿಸ್ತನೆ ಬೋಲ್ಯೊತೆ ಸಾಕ್ಷಿನಿ ಬಾರೆಮಾಬಿ,ಇನೆ ದೇಖ್ಯೋತೆ ಖ್ಹಾರು ಖ್ಹಮ್‌ಜಾಡವಾಳೊಹುಯಿನ್‌ ಸಾಕ್ಷಿ ಬೋಲ್ಯೊ.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 19:10

ತದೆ ಮೇ ಇನ ಆರಾದನೆ ಕರ್ನುಕರಿ ಇನ ಪಗ್‍ಪರ್ ಅಡ್‌ಪಡ್ಯೊ. ಕತೋಬಿ ದೇವ್ನ ದೂತಾನೆ, ಮನ ಅಮ್ ಆರಾದನೆ ನಕೊಕರ್. ಯೇಸುನ ಖ್ಹಾಚ಼ನ ಲೀರಾಖ್ಯಾಸ್ತೆ ತಾರಿನಿತರಾಬಿ ತಾರ ಭೈಯೇನಿತರಬಿ ಮೇಬಿ ಏಕ್‌ ಚಾ಼ಕ್ರಿವಾಳೊ. ಇನಖ್ಹಾಜೆ ದೇವ್ನ ಆರಾದನೆಕರ್, ಯೇಸುನಿ ಸಾಕ್ಷಿಸ್‌ ಪ್ರವಾದನೆನು ಆತ್ಮಕರಿ ಬೋಲ್ಯೊ.

ಪ್ರಕಾಶಿತ್ 6:9

ಇನೆ ಪಾಚ಼್‌ನ ಮುದ್ರಾನ ಫೋಡಾನಿವಖ್ಹ್‌ತೆ; ದೇವ್ನ ವಚನ್ನಖ್ಹಾಜೇಥಿಬಿ, ಇವ್ಣುನ ರ‍್ಹವಾನು ಬರೋಬರ್‌ನಿ ಸಾಕ್ಷಿನ ಖ್ಹಾಜೇಥಿಬಿ, ಮರಾವಳನು ಆತ್ಮಖ್ಹಾರು, ಬಲಿಪೀಠ್‌ನ ಹೇಟ್ ರ‍್ಹವಾನು ದೇಖ್ಯೊ.