1 ಕೊರಿಂಥ 1:5 - ದೇವ್ನಿ ಖ್ಹಾಚಿ ವಚನ್

⁵ ಶನಕತೊ ಯೇಸುಮ ಖ್ಹಾರೀಸ್‍ಥರಾನಿ ಅಖ್ಖಿ ಆಶೀರ್ವಾದ್‌ನ ಲೀರಾಖ್ಯಾತೆ ತುಮೆ ವಾತ್‍ಮಾಬಿ ಅಕ್ಕಲ್‌ಮಾಬಿ ಘಣ ಚಾ಼ತುರ್‌ವಾಳ ಹುಯಿರಾಸ್.

1 ಕೊರಿಂಥ 1:5 ပူးပေါင်းရင်းမြစ်များ

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:4

ಇವ್ಣೆಅಖ್ಖು ಪವಿತ್ರಾತ್ಮಥಿ ಭರೈನ್ ಅಲಕ್ ಅಲಕ್ ಬೋಲಿಮ ವಾತೆಬೋಲಲಗ್ಯು. ಪವಿತ್ರಾತ್ಮಸ್ ಇವ್ಣುನ ಆ ಶಕತ್ನ ದಿದೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:12

ಕತೋಬಿ ಇವ್ಣಿ ಗಲತ್‌ಥಿ ಜಗತ್ನ ಘಣು ಆಶೀರ್ವಾದ್‌ ಆಯಿನ್, ಇವ್ಣಿ ಹಾರ್‌ಥಿ ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ನ ಘಣು ಆಶೀರ್ವಾದ್‌ ಮಳಿರ‍್ಹಯು ಉಷೇತೊ ಯೋಖ್ಹಾರುಸ್ ಯೆಹೂದ್ಯರ್ ಅಯಿನ್ ಎಕ್ಟುಹುಯೂತೊ ಕೆತ್ರೆ ಮಹಾನ್‍ರ‍್ಹಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:14

ಮಾರ ಭೇನ್ ಭೈಯೇವೊ, ತುಮೆ ಅಛ್ಛಿ ಗುಣಥೀಬಿ ಹರೇಕ್ ಅಕ್ಕಲ್‍ಥೀಬಿ ಭರೈರ‍್ಹವಾಳ ಹುಯಿರ‍್ಹಿನ್, ಏಕ್‌ಥಿಏಕ್ ಬುದ್ಧಿ ಬೋಲಾನ ಶಕತ್‌ವಾಳ ಹುಯಿರ‍್ಹಾಸ್ ಕರೀಬಿ ತುಮಾರಿ ಬಾರೇಮ ಮನ ಭರೋಖ್ಹೊ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:4

ಪವಿತ್ರದಪ್ತರ್‌ಮ ಅಗಾಡಿಸ್ ಲೀಖೈರ‍್ಹೂತೆ ಅಪ್ಣುನ ಬೋಧನೆ ಕರಾನಖ್ಹಾಜೇಸ್ ಲೀಖೈರ‍್ಹೂಥು. ಅಪ್ಣೆ ಫಡೀನ್ ಘಟ್‌ದಿಲ್‌ಥೀಬಿ ಭಾಲಿಲೀನ್ ಭರೋಖ್ಹಾಥಿ ರ‍್ಹವಾಳ ಹುಯಿರ‍್ಹೇವ್ಣುಕರಿ ದಪ್ತರ್‌ಮ ಲೀಖಾಯು

1 ಕೊರಿಂಥ 12:10

ಏಕ್‍ಜ಼ಣಾನ ಅದ್ಭುತ್ ಕಾಮ್‌ಕರಾನಿ ಶಕತ್‍ನಾಬಿ ಅಜೇಕ್ ಜ಼ಣಾನ ಪ್ರವಾದನೆನಾಬಿ, ಏಕ್‍ಜ಼ಣಾನ ಆತ್ಮಾನ ಸೋಚ್‌ಸಮಜ್‌ಕರಾನಿ ವರಾಬಿ, ಬಿಜೇಕ್‍ಜ಼ಣಾನ ಹರೇಕ್ ತರೀಖಾನಿ ಬೋಲಿ ಬೋಲಾನಿ ವರಾಬಿ, ಏಕ್‌ಜ಼ಣಾನ ಬೋಲಿನಿ ಮತಲಬ್‌ನ ಛೋ಼ಡಿನ್ ಬೋಲಾನಿ ವರಾಬಿ ದೇವಾವ್‌ಶೆ.

1 ಕೊರಿಂಥ 12:8

ಕಿಮ್‌ಕತೊ,ಪವಿತ್ರಾತ್ಮ ಏಕ್‍ಜ಼ಣಾನ ಗ್ಯಾನ್‌ಥಿ ಭರೈರ‍್ಹಾವನಿ ಸಂದೇಶ್‌ಬಿ ಬಿಜೇಕ್ ಜ಼ಣಾನ ಅಕ್ಕಲ್‍ಥಿ ಭರೈರ‍್ಹಾವನಿ ಸಂದೇಶ್‌ಬಿ ದೇಸ್.

1 ಕೊರಿಂಥ 13:2

ಮನ ಪ್ರವಾದನೆ ವರ ರ‍್ಹಯುತೋಬಿ, ಮೇ ಖ್ಹಾರುಸ್ ಗಪ್ಲಥ್ಥಿ ರ‍್ಹೆಯಿತೇಬಿ ಅಖ್ಖಿಥರಾನು ಪಢಂತ್‍ನ ಮಾಲುಮ್ ಕರಿರಾಖ್ಯೊತೋಬಿ, ಪಹಾಡ್ನ ಖ್ಹರ್ಕಾವಯೆತ್ರೆ ವಿಶ್ವಾಸ್ ರ‍್ಹೀತೊಬಿ ಮನ ಪ್ಯಾರ್ ನಾರ‍್ಹಯುತೊ, ಶಾತ್ಬಿ ನಾ ರ‍್ಹವಾಳೊ ಹುಯಿರೋಸ್.

1 ಕೊರಿಂಥ 13:8

ಪ್ಯಾರ್ ಕದೇಬಿ ಮಟಿಜಾ಼ಯಿಕೊಯ್ನಿ, ಪ್ರವಾದನೆ ಖ್ಹಾರುತೋಬಿ ಅಖ್ಖು ಮಟಿಜಾ಼ಶೆ, ಅಲ್ಹಾವ್ ಬೋಲಿ ಅಖ್ಖು ಭೀರಿಜಾಶೆ, ಪಢಂತ್‍ತೊ ಮಟಿಜಾ಼ಶೆ.

1 ಕೊರಿಂಥ 14:26

ಇನಖ್ಹಾಜೇಥಿ ಭೈಯೇ ಭೇನೆವೊ ಅಪ್ಣೆ ಶಾತ್‌ ಬೋಲೆಜಾ಼ಯ್‍? ತುಮೆ ಸಬೆಮಳಾದೀನ್, ಹರೇಕ್‌ಜ಼ಣಾನ ಕೀರ್ತನೆ ರ‍್ಹವೊ, ಉಪದೇಶ್ ಕರಾನುರ‍್ಹೇವೊ ದೇವ್‍ಥಿ ನವು ಖ್ಹಾಚ಼ನ ಖ್ಹಮ್‍ಜಾ಼ಡಾನ ರ‍್ಹವೊ, ಅಲಕ್ ಬೋಲಿಮ ಬೋಲಾನು ರ‍್ಹವೊ, ಇನಿ ಮತಲಬ್‍ನ ಬೋಲಾನು ರ‍್ಹವೊ, ಆ ಖ್ಹಾರೂಸ್ ಸಬೆನ ಭಾಂದಾನು ರ‍್ಹವೊ ಆತ್ಮಮ ಭಡಾವಾನಖ್ಹಾಜೆ ಹುವಾದೆ.

1 ಕೊರಿಂಥ 8:11

ಅಮ್ ಆ ತಾರಿ ಅಕ್ಕಲ್‍ಥಿ ಯೋ ಕಮ್‍ಜೋ಼ರ್ ಭೇನೆ ಭೈಯೆ ನಾಶ್‍ಹುಯಿಜಾ಼ಸ್. ಇನಖ್ಹಾಜೇಬಿ ಕ್ರಿಸ್ತ ಇನ ಜಾನ್ನ ದಿದೋತೆ ಫಾಯಿದೊಕೊಂತೆ ಹುಯಿಜಾ಼ಶೆ.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

2 ಕೊರಿಂಥ 6:10

ದುಖ್‌ಲ್ಯವಾಳ ರ‍್ಹಿಯಾತೋಬಿ ಸೇವೆಮ ಕದೇಬಿ ಹಾಶಿಖ್ಹುಶಾಲಿಥಿ ರ‍್ಹವಾಳ ಹುಯಿರ‍್ಹಾಸ್, ಗರೀಬ್‍ರ‍್ಹಿಯತೋಬಿ ಕೈಏಕ್ ಜ಼ಣನ ವಿಶ್ವಾಸ್‌ಮ ಧನ್‍ದೌಲತ್‌ವಾಳ ಕರೀನ್ ಬಣೈರಾಖ್ಯಾಸ್; ಶಾತ್‍ಬಿಕೊಂತೆ ರ‍್ಹಿಯತೋಬಿ ಅಖ್ಖಾನ ಲೀರಾಖವಾಳ ಹುಯಿರ‍್ಹಾಸ್.

2 ಕೊರಿಂಥ 8:7

ತುಮೆ ಹರೇಕ್‌ಮಾಬಿ ಕತೊ, ವಿಶ್ವಾಸ್ಮ ವಾತ್ ಬೋಲಾಮ, ಗ್ಯಾನ್‌ಮ, ಮದತ್‍ಕರ‍್ನು ಕರಿ ದಿಲ್‍ಲಗಾಡಮ, ಬಿಜು಼ ಹಮಾರಿ ಹುಮ್ಮಖ್ಹ್‌ಥಿ ತುಮಾರಮ ಆಯಿತೆ ಪ್ಯಾರ್‌ಮ ಶೌಕಾರ್ ಹುಯಿರ‍್ಹಾಸ್, ಇನಖ್ಹಾಜೆ ಆ ಕೃಪೆಮಾಬಿ ತುಮೆ ಶೌಕಾರ್ ಹುಯಿರ‍್ಹೇವ್ಣು ಕರಿ ಹಮೆ ಆಖ್ಹ್ ಕರಿಯೇಸ್.

2 ಕೊರಿಂಥ 9:11

ಅಮ್‍ ತುಮೆ ಅಖ್ಖಕಾಮ್ಮಬಿ ಶೌಕಾರಿ ರ‍್ಹೀನ್ ದಿಲ್‍ಛೋ಼ಡಿ ದ್ಯಾವಾನ ಶಕತ್‌ವಾಳ ಹುಯಿರ‍್ಹಿಶು. ತುಮಾರಿ ದಾನಅಖ್ಖು ಹಮಾರ ಹಾತೇಥಿ ಬಿಜೇಕ್‍ಜ಼ಣಾನ ಮಳ್ಯುತೊ ಯೊ ದೇವ್ನ ಧನ್ಯವಾದ್ನಿ ಸ್ತುತಿಹುವಸ್.

ಎಫೆಸ 1:17

ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ದೇವ್‌ಬಿ ಮಹಿಮೆನೊ ಬಾಬಿ ಇನಿ ಇನಿ ಬಾರೇಮ ಪೂರ ಅಕ್ಕಲ್‍ನ ತುಮುನ ದೀನ್ ದರ್ಶನಾನು ಆತ್ಮನ ದ್ಯವಾದೆಕರಿ ಪ್ರಾರ್ಥನೆ ಕರುಸ್.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

ಎಫೆಸ 6:19

ಮಾರಖ್ಹಾಜೆಬಿ ಪ್ರಾರ್ಥನೆ ಕರೊ ಮೆ ವಾತೆ ಬೋಲಾನ ಮ್ಹೋಡು ಛೋ಼ಡಾನಿ ವಖ್ಹ್‌ತೆ ಅಗ್‍ಲ್ಯ ಹಗಾಮ್ಮ ಲಪಿಥಿತೆ ಸುವಾರ್ತೆನಿ ಖ್ಹಾಚಿನ ಡರ್‌ಕೊಂತೆ ಬೋಲಾನಖ್ಹಾಜೆ ಹೋಣುತೆ ವಾತೆನ ದೇವ್ ಮನ ದ್ಯವಾದೆ.

ಫಿಲಿಪ್ಪಿ 1:9

ಅಜು಼ ತುಮಾರಿ ಪ್ಯಾರ್ ಅಜೂ಼ಬಿ ಜಾ಼ಖ್ಹತ್ ಭಡಿನ್ ಪೂರ ಅಕ್ಕಲ್‍ಥೀಬಿ ಖ್ಹಯಾಲ್‌ಥಿ ಮಳಿರ‍್ಹವಾಳ ಹುಯಿರ‍್ಹೇವ್ಣುಕರಿ ಮೆ ತುಮಾರಖ್ಹಾಜೆ ಪ್ರಾರ್ಥನೆ ಕರುಸ್.

ಕೊಲೊಸ್ಸೆ 2:3

ಕ್ರಿಸ್ತಸ್ ಕೀಲಿ ಹುಯಿರ‍್ಹೊಸ್ ಗ್ಯಾನ್, ಅಕ್ಕಲ್ ಅಜು಼ ಖ್ಹಾರು ಧನ್‌ದೌಲತ್‌ ಇನಾಮಸ್ ಲಪ್ಯುಸ್.

ಕೊಲೊಸ್ಸೆ 3:10

ಅಜು಼ ನವಿ ಚಾ಼ವ್‌ಭಾವ್ನ ಉಬ್‌ಜಾ಼ಯೋತೆ ಇನಿ ರೂಪ್‌ಮ ಗ್ಯಾನ್ನಿತರಸ್ ಯೊ ನವು ಹೋತು ಆವಸ್.

ಯಾಕೋಬ 3:13

ತುಮಾರಮ ಗ್ಯಾನೀಬಿ ಅಕ್ಲೀಬಿ ಕೋಣ್? ಅಥ್ರಾನವಾಳು ಅಛ್ಛಿ ಚಾ಼ಲ್‌ಥಿ ಸಮಾಧನ್ನಾ ಕಾಮ್‍ಥಿ ಜಿವಿನ್ ವತಾಳದೆ.

2 ಪೇತ್ರ 3:18

ಅಪ್ಣೊ ಪ್ರಭುಬಿ ರಕ್ಷಕಬಿ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ಬಾರೇಮಾನು ವಾರ್‌ಖ್ಹಾಮಾಬಿ ಗ್ಯಾನ್‌ಮಾಬಿ ತುಮೆ ಭಡ್ತಾಜಾ಼ವೊ, ಇನ ಹಮ್ಕೇಬಿ ಜ಼ಗ್‌ಜ಼ಮಾನಲಗೂಬಿ ಮಹಿಮೆ ಹುವಾದೆ! ಆಮೆನ್.