1 ಕೊರಿಂಥ 1:30 - ದೇವ್ನಿ ಖ್ಹಾಚಿ ವಚನ್

³⁰ ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.

1 ಕೊರಿಂಥ 1:30 ပူးပေါင်းရင်းမြစ်များ

ಮತ್ತಾಯ 1:21

ಯೋ ಏಕ್‌ ಪರ್ಖ್ಹೊ ಲಡ್ಕಾನ ಜ಼ಣ್‌ಶೆ, ತೂ ಇನ ಯೇಸುಕರಿ ನಾಮ್ ಮ್ಹೇಲ್ನು. ಶನಕತೊ, ಯೋ ಇನ ಅದ್ಮಿಯೇವ್ನ ಪಾಪ್‌ಮಾಥು ಬಚಾ಼ವ್‍ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 11:49

ಅನಖ್ಹಾಜೆಸ್ ದೇವ್ನಿ ಗ್ಯಾನ್ ಬೋಲಸ್ಕಿ, “ಮೇ ಇವ್ಣಾಕನ ಪ್ರವಾದಿಯೇನಾಬಿ, ಅಪೊಸ್ತಲರ್‌ನಾಬಿ ಮೋಕ್ಲೀಶ್, ಇವ್ಣಾಮ ಥೋಡ ಜ಼ಣಾನ ಮಾರಿನಾಕ್‌ಶೆ ಅಜು಼ ಥೋಡ ಜ಼ಣಾನ ಖ್ಹತಾವ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:15

ಶನಕತೊ ತುಮಾರು ದುಶ್‌ಮನ್‌ ಖ್ಹಾರು, ತುಮಾರ ವಿರೋದ್ ಭೀರ‍ವಾನ ಅಜು಼ ವಾತೆ ಫರೈನ್ ಬೋಲಾನ ಕೋ ಹುವ್ವಾನಿತೆ ಇಮ್ನಿ ವಾತೆ, ಅಜು಼ ಗ್ಯಾನ್ನ ಮೇ ತುಮೂನ ದಿಶ್.

ಯೋಹಾನ 1:18

ದೇವ್ನ ಕೋಣ್‌ಬಿ ಕದೇಬಿ ಕೊ ದೇಖ್ಯುನಿ, ಕತೋಬಿ ಏಕ್‍ನೊ ಏಕ್‌ ಛಿಯ್ಯೊ, ಯೊ ದೇವ್ನಿಘೋಣಿ ಛಾ಼. ಅಜು಼ ಬಾನಿ ಜೋ಼ಡ್ಮಾಸ್ ಛಾ಼ ಇನೇಸ್‌ ಅಪ್ಣುನ ಯೊ ಕೋಣ್ ಕರಿ ವತಾಳಿರಾಖ್ಯೊಸ್.

ಯೋಹಾನ 14:6

ಯೇಸುನೆ ಇನ, “ಮೇಸ್ ಮಾರಗ್‌ಬಿ, ಖ್ಹಾಚಾಬಿ, ಜಾನ್‌ಬಿ ಹುಯಿರ‍್ಹೋಸ್. ಮಾರೇಥಿ ಕೊಂತೆ ಕೋಣ್‌ಬಿ ಬಾಕನ ಆವಾನ ಕೋ ಹುವಾನಿ.

ಯೋಹಾನ 17:26

ಮೇ ಅವ್ಣುನ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್, ಬಿಜೂ಼ಬಿ ಇನ ಮಾಲುಮ್‌ ಕರವ್‌ಸ್ ಕರೀಶ್, ತುನೆ ಮಾರಪರ್ ಖಿವಿ ಪ್ಯಾರ್ ವತಾಳ್ಯೊಕಿ ಮೇಬಿ ಇವ್ಣಾಮ ರ‍್ಹೇವ್ಣುಕರಿ ಪ್ರಾರ್ಥನೆ ಕರುಸ್” ಕರಿ ಬೋಲ್ಯೊ.

ಯೋಹಾನ 17:8

ತುನೆ ಮನ ದಿದೋತೆ ವಾತೆನ ಮೇ ಇವ್ಣುನ ದೀರಾಖ್ಯೊಸ್; ಅವ್ಣೆ ಯೋ ವಾತೇನ ಮಾನಿಲಿದು ಅಜು಼ ಖ್ಹಾಚ಼ಮಾಬಿ ಮೇ ತಾರಕಂಥೊ ಐರ‍್ಹೋಸ್ ಕರಿ ಮಾಲುಮ್ ಕರ‍್ಯು ಅಜು಼ ತುನೆ ಮನ ಮೋಕ್‌ಲ್ಯೊ ಕರಿ ವಿಶ್ವಾಸ್‌ ಕರಸ್.

ಯೋಹಾನ 8:12

ಅನ ಬಾದ್‌ಮ ಯೇಸು ಪಾಛೊ಼ ಅದ್ಮಿಖ್ಹಾರನ ವಾತೆ ಬೋಲ್ತೊಹುಯಿನ್, “ಮೇಸ್ ಜಗತ್ನ ಉಜಾ಼ಳು ಹುಯಿರ‍್ಹೋಸ್, ಮಾರಪೀಠೆ ಆವಾಳು ಅಂಧಾರಮ ಚಾ಼ಲ್‌ಶೆಸ್‌ ಕೊಯ್ನಿ ಅಜು಼ ಯೊ ಜಾನ್ನು ಉಜಾ಼ಳು ಲೀರ‍್ಹಾವಳೊ ಹುಯಿರೊಸ್” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:18

ತೂ ಇವ್ಣ ಖ್ಹಾರಾನ ಖ್ಹಾಚ಼ನ ಖ್ಹಮ್‌ಜಾ಼ಡಿನ್ ಇವ್ಣುನ ಅಂಧಾರಮ ಥೂತೆ ಇವ್ಣಡೋಳನ ಉಜಾ಼ಳಾಮ ಆವಾನಿತರಾಬಿ ಶೈತಾನ್‍ನಿ ಅದಿಕಾರ್‌ಥಿ ದೇವ್‌ಭಣಿ ಫರಾನಿತರಾಬಿ ಕರ‍್ನು. ತದೆ ಇವ್ಣು ಪಾಪ್‌ಖ್ಹಾರು ಮಾಪ್‌ಉಷೆ. ಪರಿಶುದ್ಧರ್‌ನಿ ಜೋ಼ಡ್ಮ ಹುಕುಮ್‌ ಲೀಲಿಶೆ. ಇವ್ಣ ಡೋಳ ಉಖಡ್‌ನುಕರಿ ಇವ್ಣಕನ ಮೇ ತುನ ಮೋಕ್ಲುಸ್‌ ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:17

ಕಿಮ್‌ಕತೊ ದೇವ್ ಸುವಾರ್ತೆಥಿ ಅದ್ಮಿವೋನ ಇನಭಣಿ ಅಛ಼್ಛುಹುವಾನಿಘೊಣಿ ಕರಸ್. ಅಥ್ರಾನು ಸಂಬಂದ ಶುರುವಾತ್‍ಥು ಖ್ಹರ್ತಿಲಗೂಬಿ ವಿಶ್ವಾಸ್‌ನಪರ್‌ ಭೀರೆಸ್. “ಅಮ್‌ ನೀತಿವಾಳೊ ವಿಶ್ವಾಸ್‌ಥೀಸ್ ಜಿವ್‌ಶೆ” ಕರಿ ಪವಿತ್ರಪುಸ್ತಕ್ಮ ಲಿಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:36

ಶನಕತೊ ದೇವ್‍ಥಿ ತಮಾಮ್‍ನಾಸ್ ಉಬ್ಜಿರ‍್ಹುಸ್.ಖ್ಹಾರುಸ್ ಇನೇಥಿಸ್ ಇನಖ್ಹಾಜೇಸ್ ರ‍್ಹೇಸ್. ದೇವ್ನ ಜ಼ಗ್‌ಜ಼ಮಾನಮಾಬಿ ಮಹಿಮೆಹುವಾದೆ! ಆಮೆನ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:5

ಯೋಸ್ ಪರಕ್ಮ ಕೈಯೇಕ್‍ಜ಼ಣ ಹುಯಿರಾತೆ ಅಪ್ಣೆ ಕ್ರಿಸ್ತಮ ಎಕ್ಕಸ್ ಶರೀರ್ ಹುಯಿರ‍್ಹಿಯೇಸ್. ಅಜು಼ ಅಪ್ಣೆ ಅಖ್ಖಾ ಎಕ್ಕಸ್ ಶರೀರ್‌ನ ಭಾಗ್‍ಹುಯಿರ‍್ಹೆಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:11

ಮಾರಿನಿತರಸ್ ಯಹೂದಿ ಭೈ ಹುಯಿರೋತೆ ಹೆರೋಡಿಯೋನಾನ ಖ್ಹಲಾಮ್. ಪ್ರಭುಮಛಾ಼ತೆ ನಾರ್ಕಿಸ್ಸನ ಕುಟಮ್‌ವಾಳನ ಖ್ಹಲಾಮ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:7

ಮಾರು ಮಾಯಮಾತ್ರಾಬಿ ಮಾರಿ ಜೋ಼ಡ್ಮ ಜೇಲ್‌ಮಥಾತೆ ಅಂದ್ರೋನಿಕನಾಬಿ ಅಜು಼ ಯೂನ್ಯನ ಮಾರಿ ಖ್ಹಲಾಮ್. ಇವ್ಣೆ ಅಪೊಸ್ತಲರ್‌ಮ ನಾಮ್ ಕಮೈರಾಖ್ಯತೋಬಿ ಮಾರೇಥಿ ಅಗಾಡಿಸ್ ಕ್ರಿಸ್ತನ ವಿಶ್ವಾಸಿ ಹುಯಿರ‍್ಹಾಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:25

ದೇವ್ ಯೇಸುನ ಅಪ್ಣ ಪಾಪ್ನಖ್ಹಾಜೆ ಮರಣ್ಣ ದೀನಾಖಿನ್ ಅಜು಼ ಅಪ್ಣುನ ನೀತಿವಾಳ ಕರಿ ತಿರ್ಮಾನ್‌ ಹುವಾನಖ್ಹಾಜೆಸ್‌ ಜಾನ್‌ಥಿ ಉಠಾಡೈಗಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:6

ದೇವ್ ಕಿನು ಅಛ್ಛು಼ ಕಾಮ್ನ ದೇಖಸ್ ಕೊಯ್ನಿತೆ ನೀತಿವಾಳೊ ಕರಿ ಗಣ್ತಿ ಕರಸ್ಕಿ ಯೋಸ್ ಧನ್ಯಕರಿ, ದಾವೀದಜಿನು ಅಮ್‍ ಬೋಲಸ್. ಕಿಮ್‌ಕತೊ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:19

ಕಿಮ್ ಏಕ್‌ ಅದ್ಮಿನಿ ಅವಿಧೇಯತೆಥಿ ಕೈಯೇಕ್‌ಜ಼ಣು ಪಾಪಿಕರಿ ಗಣ್ತಿ ಹುಯುಕಿ ತಿಮ್ಮಸ್, ಏಕ್‌ ಅದ್ಮಿನಿ ವಿಧೇಯಾಥಿ ಕೈಯೇಕ್‌ಜ಼ಣು ನೀತಿವಾಳುಕರಿ ಗಣ್ತಿಉಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:21

ಕಿಮ್ ಪಾಪ್ ಮರಣ್‍ಥಿ ರಾಜ಼್ ಚ಼ಲಾಯುಕಿ ಇಮ್ಮಸ್ ದೇವ್ನಿ ವಾರ್‌ಖ್ಹೊ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ನೀತಿಥಿ ರಾಜ಼್ ಚ಼ಲಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:1

ಇನಖ್ಹಾಜೆ ಹಮ್ಕೆ ಯೇಸುಕ್ರಿಸ್ತಮ ಗಳ್‍ಜೋ಼ಡ್ ರ‍್ಹವವಾಳಾನ ಖಿವಿ ಅಪರಾದ್ನಿ ತೀರ್ಮಾನ್‍ಬಿ ಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:23

ಖಲಿ ಉಬ್‌ಜಾ಼ವ್ಣಿಸ್ ಕಾಹೆತೆ ಪಹಿಲು ಫಲ್‌ಹುಯಿರಾತೆ ಅಜು಼ ಪವಿತ್ರಾತ್ಮನಿ ವರಾನ ಲೀರಾಖ್ಯಾತೆ ಅಪ್ಣೇಬಿ ದೇವ್ನಲಡ್ಕಾನು ಇನಾಮ್‌ನಾಬಿ ಕತೊ ಶರೀರ್‌ನ ಆವ್ಣುತೆ ಛುಟ್ಕಾರ್‌ನ ಆವಾನು ದೇಕ್ತಹುಯಿನ್ ಅಪ್ಣಾಮಸ್‌ ಕುರ್ಲವ್‌ಕರೆಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:9

ಕತೋಬಿ ದೇವ್ನು ಆತ್ಮ ತುಮಾರಮ ರ‍್ಹವಾನು ಖ್ಹಾಚಸ್ ಉಶೇತೊ ತುಮೆ ಶರೀರ್‌ನ ಖ್ಹಯಾಲ್ನ ಮಹಿ ರ‍್ಹವಾಳಕಾಹೆ, ದೇವ್ನ ಆತ್ಮಾನ ಮಹಿರ‍್ಹೇಸ್. ಕ್ರಿಸ್ತನು ಆತ್ಮ ಕೋರ‍್ಹೆಯಿನಿತೆ ಯೊ ಕ್ರಿಸ್ತಮ ಮಳ್ಯೊಹುಯೊ ಕಾಹೆ.

1 ಕೊರಿಂಥ 1:2

ಕ್ರಿಸ್ತ ಯೇಸುಮ ಪವಿತ್ರ ಕರಿ ಬಣೈರಾಖ್ಯೊತೆ ಕೊರಿಂಥನಿ ದೇವ್ನಿ ಸಬೆವಾಳನ ಆ ಚಿಟ್ಟಿ ಲೀಖುಕರುಸ್. ತುಮೆ ದೇವ್ನು ಪವಿತ್ರ ಅದ್ಮಿಹುವಾನಖ್ಹಾಜೆ ಸ್ವೀಕಾರ್ ಹುಯಿರುತೆ ಇವ್ಣುನ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್ಮ ವಿಶ್ವಾಸ್ ಕರಸ್ತೆ ಖ್ಹಾರಸ್ ಅದ್ಮಿನಿಜೋ಼ಡ್ಮ ತುಮೆ ಚೂ಼ಣೈರ‍್ಹಾಸ್. ಯೇಸುಕ್ರಿಸ್ತ ಇವ್ಣುನಾಬಿ ಅಪ್ಣುನಾಬಿ ಪ್ರಭು ಹುಯಿರ‍್ಹೊಸ್.

1 ಕೊರಿಂಥ 1:24

ಕತೋಬಿ ದೇವ್‍ಥಿ ಬುಲೈಲಿದಹುಯ ಅದ್ಮಿ ಯೆಹೂದ್ಯರ್ ಹುಯಿರ‍್ಹತೋಬಿ ಯೆಹೂದ್ಯರ್‌ಕಾಹೇತೆ ಹುಯಿರ‍್ಹುತೋಬಿ ಇವ್ಣುನ ಕ್ರಿಸ್ತಾಸ್ ದೇವ್ನಿ ಶಕತ್‍ ಹುಯಿರ‍್ಹೋಸ್. ಅಜು಼ ದೇವ್ನಿ ಅಕ್ಕಲ್ ಹುಯಿರೊಸ್.

1 ಕೊರಿಂಥ 12:18

ಇನಖ್ಹಾಜೆ ಶರೀರ್‌ನ ಅಖ್ಖಭಾಗ್‍ನ ದೇವ್ ಯೋ ಇನು ಮರ್ಜಿನಿ ಪರಕ್ಮ ಹರೇಕ್‍ಜಿನು ಬರೋಬರ್‌ಥಿ ಬಣೈರಾಖ್ಯೊಸ್.

1 ಕೊರಿಂಥ 12:27

ಹಮ್ಕೆ ತುಮೆ ಕ್ರಿಸ್ತನು ಶರೀರ್ ಹುಯಿರಾಸ್. ತುಮಾರಮ ಹರೇಕ್ ಜ಼ಣುಬಿ ಯೋ ಶರೀರ್‌ನು ಭಾಗ್‍ಅಖ್ಖು ಹುಯಿರಾಸ್.

1 ಕೊರಿಂಥ 12:8

ಕಿಮ್‌ಕತೊ,ಪವಿತ್ರಾತ್ಮ ಏಕ್‍ಜ಼ಣಾನ ಗ್ಯಾನ್‌ಥಿ ಭರೈರ‍್ಹಾವನಿ ಸಂದೇಶ್‌ಬಿ ಬಿಜೇಕ್ ಜ಼ಣಾನ ಅಕ್ಕಲ್‍ಥಿ ಭರೈರ‍್ಹಾವನಿ ಸಂದೇಶ್‌ಬಿ ದೇಸ್.

1 ಕೊರಿಂಥ 4:15

ತುಮೂನ ಕ್ರಿಸ್ತಮ ಬೋಧನೆ ಕರಾವಾಳು ದಖ್ಹ್‌ ಹಜಾ಼ರ್‌ ಜ಼ಣು ರ‍್ಹಯುತೋಬಿ ಬಾಕರಿ ಬೋಲೈಲ್ಯಾವಾಳೊ ಎಕ್ಕಸ್ ಜ಼ಣೊ. ಕ್ರಿಸ್ತ ಯೇಸುಮ ಸುವಾರ್ತೆಥಿ ತುಮುನ ಲೀಲಿದೋತೆ ಬಾ ಮೇಸ್ ಹುಯಿರ‍್ಹೋಸ್.

1 ಕೊರಿಂಥ 6:11

ತುಮಾರಮ ಕೈಯೇಕ್‌ಜ಼ಣು ಇಮ್ಮಸ್ ಹುಯಿರ‍್ಹುಥು. ಕತೋಬಿ ತುಮೆ ಪ್ರಭು ಹುಯಿರೋತೆ ಯೇಸುಕ್ರಿಸ್ತನ ನಾಮ್‌ಥಿಬಿ ಅಜು಼ ಅಪ್ಣ ದೇವ್ನ ಆತ್ಮಥೀಬಿ ಧೊವೈನ್ ಶುದ್ಧಹುಯಿರ‍್ಹುಸ್. ದೇವ್‍ಥಿ ನೀತಿವಾಳಕರಿ ಚೂ಼ಣೈರ‍್ಹಾಸ್.

2 ಕೊರಿಂಥ 12:2

ಕ್ರಿಸ್ತಮ ಛಾ಼ತೆ ಏಕ್‍ಜ಼ಣೊ ಮನ ಮಾಲುಮ್ ಚೌ಼ಧ ವರಖ್ಹ್‌ನ ಪೀಠೆ ಯೊ ತೀನ್ನೊ ಆಕಾಶ್‌ಪರ್ ಪಡೈಗಯೊ. ಯೋ ಶರೀರ್ ಖ್ಹಮ್‍ದೆ ಗಯೋಕಿ, ಶರೀರ್ ಕೊಯ್ನಿತೇಸ್ ಗಯೋಕಿ ಮನ ಮಾಲುಮ್‌ಕೊಯ್ನಿ ದೇವ್ನಾಸ್‍ಮಾಲುಮ್‌.

2 ಕೊರಿಂಥ 4:6

“ಉಜಾ಼ಳು ಅಂಧಾರನ ಮಹಿಥು ಉಜಾ಼ಖ್ಹ್‌ ಮ್ಹೇಲಾದೆ” ಕರಿ ದೇವ್ನೆ ಏಕ್‌ ವಖ್ಹತ್ ಬೋಲಿರಾಖ್ಯೊಸ್. ಯೋ ದೇವಸ್ ಹಮಾರಿ ದಿಲ್ನ ಇನ ಉಜಾ಼ಳೇಥಿ ಉಜಾ಼ಖ್ಹ್‌ ಕರಿರಾಖ್ಯೋಸ್. ಕ್ರಿಸ್ತನ ಮ್ಹೋಡಪರ್ ಛಾ಼ತೆ ದೇವ್ನಿ ಮಹಿಮೆನ ಹಮೂನ ಖ್ಹಮ್‍ಜಾ಼ಡಾಥಿ ಇನೆ ಹಮೂನ ಉಜಾ಼ಳು ದೀರಾಖ್ಯೊಸ್.

ಗಲಾತ್ಯ 1:4

ಯೊ ಅಪ್ಣುನ ಹಮ್ಕೇನ ಖರಾಬ್ ಹಗಾಮ್‌ಥು ಛೋ಼ಡಾವ್ಣುಕರಿ ಅಪ್ಣೊ ಬಾ ಅಜು಼ ದೇವ್ನಿ ಖ್ಹೂಜ಼್‌ನಿ ಘೋಣಿ ಅಪ್ಣ ಪಾಪ್ನಖ್ಹಾಜೆ ಇನುಯೋಸ್ ಮರಣ್ಣ ದಿನಾಖ್ಯೊ.

ಗಲಾತ್ಯ 3:13

ಯೇಸು ಕ್ರಿಸ್ತ ಅಪ್ಣುನ ಶಾಪ್‌ಥು ಛೋ಼ಡಾವನ ಇನುಯೋಸ್ ಶಾಪ್‌ವಾಳೊ ಹುಯಿಗೊ. ಶನಕತೊ ಮೋಶೇನು ಧರ್ಮಶಾಸ್ತ್ರಮ ಬೋಲಸ್ತೆ ಪರಕ್ಮ “ಖಂಬಾಪರ್‌ ಠಂಗಾಯುಹುಯು ಹರೇಕ್‍ಜ಼ಣು ಶಾಪ್‌ವಾಳು ಹುಯಿರ‍್ಹುಸ್” ಕರಿ ಲೀಖೈರ‍್ಹುಸ್.

ಎಫೆಸ 1:10

ಆ ಖ್ಹೂಜ಼್‌ನ ಬರೊಬರ‍್ನಿ ವಖ್ಹತ್‌ಮ ಪೂರಕರಸ್‍. ಖ್ಹಾರಿ ಉಬ್‍ಜಾ಼ವ್ಣಿ ಧರ್ತಿಬಿ ಪರಲೋಕ್‌ಮ ಕ್ರಿಸ್ತನ ಮುಡ್‌ಕ್ಯು ಕರಿ ಬಣೈನ್ ಎಕ್ಟು ಕರ್ಶೆ.

ಎಫೆಸ 1:14

ದೇವ್ನೆ ಇನ ಶೊಂತ್ ಅದ್ಮಿನ ಛುಟ್ಕಾರ್ ಉಷೆಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣುನ ಖ್ಹಂಜ಼್‌ಕಾರ್‌ ಹುಯಿರ‍್ಹೊಸ್, ಅನಖ್ಹಾಜೆ ದೇವ್ನ ಮಹಿಮೆ ಕರಿಯೆ.

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 2:10

ಅಪ್ಣೇತೊ ದೇವ್ನೆ ಕರ‍್ಯೊತೆ ಬಣಾವಟ್‌ಅಖ್ಖು. ಕ್ರಿಸ್ತ ಯೇಸುಮ ಅಛ಼್ಛು ಕಾಮ್ನಖ್ಹಾರು ಕರ್ತಹುಯಿನ್ ಜಿವ್ಣುಕರಿ ಇನೆ ಪಹಿಲೆ ಖ್ಹೂಜ಼್‌ಕರ‍್ಯೊತೆ ಇಮ್ಮಸ್ ದೇವ್ನೆ ಅಪ್ಣುನ ಉಬ್‌ಜೈ಼ರಾಖ್ಯೋಸ್.

ಎಫೆಸ 4:30

ದೇವ್ನ ಪವಿತ್ರಾತ್ಮನ ದುಖ್ ನಕೊ ಕರೊ. ಇನಾಮಸ್ ಛುಟ್ಕಾರ್‌ನ ದನ್ನಖ್ಹಾಜೆ ಮುದ್ರೊ ಲೀರಾಖ್ಯಾಸ್ನಿ.

ಎಫೆಸ 5:26

ದೇವ್ನೆ ಇನ ಶುದ್ದ ಕರಾನಖ್ಹಾಜೆ ಇನುಯೋಸ್ ಸಮರ್ಪಣ್‌ ಕರೈಲಿದೊ.

ಫಿಲಿಪ್ಪಿ 3:9

ಅನಾಮ ಮಾರಿ ಖ್ಹೂಜ಼್ ಶಾತ್‌ಕತೊ, ಮೆ ಕ್ರಿಸ್ತಾನ ಕಮೈಕರೀನ್, ಧರ್ಮಶಾಸ್ತ್ರನು ಫಲ್ ಹುಯಿರ‍್ಹುತೆ ಶೊಂತ್ ನೀತಿಕಾಹೆ, ಕ್ರಿಸ್ತಮ ವಿಶ್ವಾಸ್‌ಕರಾಥಿ ಮಳಾತೆ ಕತೊ ಕ್ರಿಸ್ತಪರ್‌ನಿ ವಿಶ್ವಾಸ್‌ನಿ ಆಧಾರ್‌ಥಿ ದೇವ್ ದೇಸ್ತೆ ನೀತಿನಾಸ್ ಲೀನ್ ಕ್ರಿಸ್ತಮ ರ‍್ಹೇವ್ಣುಕರಿ ಬೋಲಾನುಸ್.

ಕೊಲೊಸ್ಸೆ 1:14

ಆ ಛಿಯ್ಯಾಥಿ ಅಪ್ಣ ಪಾಪ್ನ ಮಾಪಿ ಮಳ್ಯು. ಛುಟ್ಕಾರ್‌ಹುಯು.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:14

ಯೊ ಅಪ್ಣಖ್ಹಾಜೆ ಇನುಯೋ ದೆವೈಗಯೊ. ಇನಖ್ಹಾಜೆ ಯೊ ಅಪ್ಣುನ ಅಖ್ಖೀಥರಾನು ಖರಾಬ್ ಚಾ಼ಲ್‌ಥಿ ಛೋ಼ಡಾವನ ಟೇಕೆ, ಅಜು಼ ಅಪ್ಣುನ ಶುದ್ದ ಅದ್ಮಿ ಕರಾನಖ್ಹಾಜೆ ಯೊ ಶೊಂತ್‌ವಾಳೊ ಹುಯಿರ‍್ಹೋಸ್ ಅಜು಼ ಅಛ್ಛಾ಼ನ ಕರಾನ ದಿಲ್‌ಲಾಗವಾಳೊ ಹುಯಿರ‍್ಹೋಸ್.

ಇಬ್ರಿ 9:12

ಖ್ಹಾರಸ್‌ನಖ್ಹಾಜೆ ಮಹಾ ಪರಿಶುದ್ ಝ಼ಗೋಮ ಪ್ರವೇಶ್‌ ಕರ‍್ಯೊಕೊಯ್ನಿ. ಕೆಲ್ಡೊ ಬೋಕ್‌ಡಾನ ಲ್ಹೊಯಿಥಿ ಕಾಹೆ ಅಪ್ಣುನ ಕ್ರಿಸ್ತನೆ ಎಕ್ಕಸ್ ಬಾರ್ ಇನ ಶೊಂತ್ ಲ್ಹೋಯಿಥಿ ಹಮೇಶಾನಿ ರಕ್ಷಣೆಮ ಗಯೊ.

ಯಾಕೋಬ 1:5

ಕತೋಬಿ ತುಮಾರಮ ಕಿನಾತೋಬಿ ಗ್ಯಾನ್‍ಕಮ್ ರ‍್ಹಯೂತೊ ಯೋ ದೇವ್ನ ಗಿಂಗೈಲ್ಯವಾದೆ, ದೇವ್ ಚಿಂಘಾವ್‍ಶೆಕೊಂತೆ ಖ್ಹಾರಸ್ನ ದಿಲ್‌ ಛೋ಼ಡಿನ್ ದಿಶೆ.

1 ಪೇತ್ರ 1:2

ಪವಿತ್ರಾತ್ಮಥಿ ಅಭಿಷೇಕ್ ಕರೈಲಿದಹುಯಿನ್ ವಿಧೇಯ ಹುವಾನಖ್ಹಾಜೆ, ಯೇಸು ಕ್ರಿಸ್ತನ ಲ್ಹೋಯಿಥಿ ಛಿಡ್‍ಕೈನ್, ಬಾ ಹುಯಿರ‍್ಹೋತೆ ದೇವ್ನಿ ಭವಿಶ್ಯನಿ ಗ್ಯಾನ್‌ಥಿ ಚೂ಼ಣೈಗಯಹುಯಾನ ಲೀಖಾನು ಶಾತ್‍ಕತೊ ತುಮುನ ವಾರ್‌ಖ್ಹೊಬಿ ಶಾಂತಿಬಿ ಘಣು ಮಳಾದೆ.

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

1 ಯೋಹಾನ 5:6

ಪ್ರಭು ಯೇಸುಸ್ ಪಾಣಿಥಿ ಅಜು಼ ಲ್ಹೋಯಿಥಿ ಆಯಿರ‍್ಹೋಸ್. ಖಾಲಿ ಪಾಣಿಥೀಸ್‍ ಕಾಹೆ, ಕತೋಬಿ ಪಾಣಿಥೀಬಿ ಲ್ಹೋಯಿಥಿಸ್‍ ಆಯಿರ‍್ಹೊಸ್ತೆ. ಅನ ಪವಿತ್ರಾತ್ಮಸ್ ಸಾಕ್ಷಿ. ಶನಕತೊ ಪವಿತ್ರಾತ್ಮಸ್ ಖ್ಹಾಚೊ಼ ಹುಯಿರೋಸ್.

ಪ್ರಕಾಶಿತ್ 14:4

ಇಮ್ಮಸ್ ತಯೇಡಾನಿ ಶವಾಶಿಥಿ ಮೈಲು ಹುಯುಕೊಂತೆ ಕವಾರಿನಿತರ ಥೂತೆ ಅವ್ಣೇಸ್. ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹಾವಳೊ ಕಿಜ್ಜಾ಼ ಗಯೊತೋಬಿ ಇವ್ಣೆ ಅನ ಪೀಠೆ ಜಾ಼ಸ್. ಅವ್ಣೆ ಅದ್ಮಿವ್‌ಮಾಥು ಶೊಂತ್ ಅದ್ಮಿಹುಯಿನ್ ಮೋಲ್ ಲೆವೈಜೈ಼ನ್ ದೇವ್‍ನಾಬಿ ಮೇಂಢೊ ಹುಯಿರ‍್ಹಾವಳನಬಿ ಪಹಿಲ ಫಲ್ನಿತರಹುಯ.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.