1 ಕೊರಿಂಥ 1:11 - ದೇವ್ನಿ ಖ್ಹಾಚಿ ವಚನ್

¹¹ ಶನಕತೊ ಭೇನೆ ಭೈಯೇವೊ ಖ್ಲೋಯೆನ ಘರ್‌ಥು ಆಯುಹುಯು ಥೋಡ ಜ಼ಣಾನೆ ತುಮಾರ ಇಚ಼್‌ಮ ಲಡೈ ಚಾ಼ಲುಕರಸ್‍ಕರಿ ಮನ ಬೋಲ್ಯು.

1 ಕೊರಿಂಥ 1:11 ပူးပေါင်းရင်းမြစ်များ

1 ಕೊರಿಂಥ 1:10

ಬೇನೆ, ಭೈಯೇವೊ, ಅಪ್ಣೊ ಪ್ರಭು ಯೇಸುಕ್ರಿಸ್ತನ ನಾಮ್‍ಥಿ ಮೇ ತುಮೂನ ಬಿಂತಿ ಕರುಸ್ತೆ ಶಾತ್‍ಕತೊ, ಅಬ್ಬಾಜ಼ಬ್ಬಿ ನಾ ಬೋಲ್ನುತೆ, ಅಷಿಲ್ ಕಮ್‍ಶಿಲ್ ಕರಿ ಬೇಭಾಗ್‌ ನಾ ರ‍್ಹೇವ್ಣು. ಎಕ್ಕಸ್ ದಿಲ್‌ಥಿ ಎಕ್ಕಸ್ ಖ್ಹಯಾಲ್‌ಥೀಬಿ ಎಕ್ಟುರ‍್ಹೀನ್ ಜಿವ್ಣು ಕರೊ,

1 ಕೊರಿಂಥ 1:12

ಕತೊ ತುಮಾರಮ ಏಕ್‍ಜ಼ಣೊ, “ಮೇ ಪೌಲನ ಪೀಠೆ ಜ಼ವುಸ್‌” ಕರಿ ಬೋಲಸ್, ಬಿಜೇಕ್‍ಜ಼ಣೊ “ಮೇ ಅಪೊಲ್ಲೋಸನ ಪೀಠೆ ಜ಼ವುಸ್‌” ಕರಿ ಬೋಲಸ್. ಅಜು಼ ಬಿಜೇಕ್ ಜ಼ಣು, “ಮೇ ಕೇಫನ ಪೇತ್ರನ ಪೀಠೆ ಜವುಸ್‌ ಕರಿ ಬೋಲಸ್. ಅಜೇಕ್‌ಜ಼ಣೊ, “ಮೇ ಕ್ರಿಸ್ತನ ಪೀಠೆ ಜ಼ವುಸ್‌” ಕರಿ ಬೋಲಸ್.

1 ಕೊರಿಂಥ 11:18

ಕಿಮ್‌ಕತೊ ಪಹಿಲೆ, ತುಮೆ ಸಬೆಹುಯಿನ್ ಮಳಿನ್ ಆವಾನಿ ವಖ್ಹ್‌ತೆ ತುಮರಾಮ ಕಚ಼್ಚರ್‌ ಹುವಾನು ಖ್ಹಮ್‍ಜು಼ಸ್. ಅನ ಜ಼ರ ವಿಶ್ವಾಸ್‍ಬಿ ಕರುಸ್.

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

2 ಕೊರಿಂಥ 12:20

ಶನಕತೊ ಮೇ ಆವಾದಿನ್, ಏಕ್‌ ಘಡಿ ತುಮೆ ಮಾರಿ ಆಖ್ಹ್‌ನಿ ತರಸ್ ತುಮೆ ರ‍್ಹೇಸ್ಕಿ ಕೊಯ್ನಿಕಿ ಕರಿ ಮನ ಡರ್‌ ಛಾ಼. ಮೇ ತುಮಾರಿ ಆಖ್ಹ್‌ನಿ ಪರಕ್ ದೆಖಾವ್ಣುನಾತೆ ರ‍್ಹವೊ ತೋಬಿ, ಏಕ್‌ ಘಡಿ ತುಮಾರಾಮ, ಲಡೈ ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ಛಾ಼ಡ್ ಬೋಲಾನು ಮಶ್ಲ ಮಾರಾನು ಮೋಟೊಕರಿ ಬೋಲಿಲ್ಯಾವಾನು, ಲಡೈ ನಖಾವನು, ಆಖ್ಹಾರು ದೆಖಾವ್‍ಶೆಕಿ ಶುಕಿ ಕರಿ ಡರ್‌ ಮನ ಛಾ಼.

ಗಲಾತ್ಯ 5:15

ಕತೋಬಿ ತುಮೆ ಏಕ್‌ ಥಿ ಏಕ್‌ ಜ಼ಂಗ್‌ಳಿ ಜಾನ್ವರ್‌ನಿ ಘೋಣಿ ಕಲ್ಡ್‌ತಾಹುಯಿನ್, ಫಾಡಿತೋಡಿ ಖಾವವಾಳ ಹುಯಿರ‍್ಹಾತೊ ಏಕ್‌ ಥಿ ಏಕ್‌ ಜ಼ಣು ನಾಶ್ ಹುಯಿಜಾ಼ಶು, ಹೊಷಾರ್.

ಗಲಾತ್ಯ 5:20

ಮೂರತ್ನಿಪೂಜ಼, ಜಾ಼ದು ಜ಼ರ್ಮರ್, ಏಕ್‌ಥಿಏಕ್ ದಾವೊ,ಲಡೈ, ಪೇಟ್ನೊ ಬಳಾಪೊ, ಇರಾದೊ, ಅಲ್ಹಾವ್‍ನಿತರ ದೇಖಾನು, ಟೋಳ್ನ ಫೋಡಿನಾಖನು,

ಗಲಾತ್ಯ 5:26

ಹಂಕಾರಿ, ಏಕ್‌ನಏಕ್ ನಾ ಛೇಡಾವ್ಣುನಾತೆ, ಏಕ್‌ ಜ಼ಣಾನ ಉಪ್ಪರ್ ಬಿಜೇಕ್ ಜ಼ಣು ಬಳಾಪೊ ನಾಕರ‍್ನುತೆ ತಿಮ್ ರ‍್ಹಿಯೆ.

ಫಿಲಿಪ್ಪಿ 2:14

ಭಣಕ್ಣುನಾತೇಬಿ, ಆಡಫೇಡ್ ನಾ ಬೋಲ್ನುತೆ ಖ್ಹಾರು ಕರೊ.

1 ತಿಮೊ 6:4

ಯೋ ಹಂಕಾರ್‌ಥಿ ಭರೈರ‍್ಹಾವಾಳೊ ಹುಯಿರೋಸ್. ಅಜು಼ ಇನ ಶಾತ್ಬಿ ಮಾಲುಮ್‌ ಕೊ ರ‍್ಹೇಯ್ನಿ. ಇನುಕೊಂತೆ ಆಖ್ಹ್‌ನಿ ಕಾರಣ್‍ಥಿ, ಅಬ್ಬಾಜ಼ಬ್ಬಿ ಕರಾಸ್ ಅಜು಼ ಇನಿ ಖರಾಬ್ ವಾತೆಥಿ ಲಡೈಕರಸ್ ಅನೇಥಿ ಬಳಾಪೊ ಅಲಕ್ ಅಲಕ್‌ಹುಯಿನ್ ಲಡೈ-ಝ಼ಗ್‍ಡೊ, ಚಾ಼ವ್‌ಣ್ಯ ಅಜು಼ ಖರಾಬ್ ಗಾಳೆ ಶುರುಕರಿಲೇಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:9

ಖಾನ್‌ದಾನ್ನಿ ಬಾರೇಮ ವಿವಾದ್ ಕರಾನು ಶಾತ್ ಛಾ಼. ಮೋಶೇನ ನಿಯಮ್‌ನಿ ಬಾರೇಮ ಲಡೈ, ಅಬ್ಬಾಜ಼ಬ್ಬಿನಿ ವಾತೆ ಅಜು಼ ಮೂರ್ಖ್‌ ಬುದ್ದೀನಿ ಬಾರೇಮ ದೂರ್ ರ‍್ಹೇ. ಶನಕತೊ ಅನೇಥಿ‍ ಶನು ಫಾಯಿದೊಕೊಯ್ನಿ ಯೋ ಜ್ಹೂ಼ಟು ಹುಯಿರ‍್ಹುಸ್.